ARYNews.tv | Urdu – Har Lamha Bakhabar

Tag: آئی فون 14

  • آئی فون 14 پرو میں خامیاں: ایپل نے اپ ڈیٹ جاری کردی

    آئی فون 14 پرو میں خامیاں: ایپل نے اپ ڈیٹ جاری کردی

    معروف ٹیکنالوجی کمپنی ایپل نے حال ہی میں جاری کیے گئے آئی فون 14 پرو میں سامنے آنے والی خامیاں دور کرنے کے لیے اپ ڈیٹ جاری کردی۔

    بین الاقوامی ویب سائٹ کے مطابق آئی فون صارفین کے لیے اچھی خبر یہ ہے کہ کمپنی نے آئی فون 14 پرو میں خامیوں کو دور کرنے کے لیے اپ ڈیٹ ریلیز کردی ہے۔

    آئی فون نے موبائل میں کیمرہ سسٹم کی خرابی دور کرنے کے لیے آئی او ایس 16.0.2 کی اپ ڈیٹ ریلیز کردی ہے۔

    خیال رہے کہ ایپل نے گزشتہ ہفتے نیا آئی فون متعارف کروایا تھا، جس کے بعد کئی صارفین نے نئے آئی فون کا کیمرہ سسٹم خراب ہونے کی شکایت کی تھی۔

    آئی فون کی جانب سے اپ ڈیٹ کی ریلیز کے بعد تھرڈ پارٹی ایپ (فیس بک، انسٹا گرام یا اسنیپ چیٹ) استعمال کرنے کے دوران آئی فون کے موبائل کیمرہ میں صارفین کو پریشانی کا سامنا نہیں کرنا پڑے گا۔

    واضح رہے کہ آئی فون صارفین کی جانب سے شکایت موصول ہوئی تھیں کہ موبائل کیمرہ استعمال کرنے کے دوران مکینیکل آوازیں آتی ہیں یا اسکرین رک جاتی ہے۔

    ایپل کمپنی کا کہنا تھا کہ آئی فون 14 پرو اور آئی فون 14 پرو میکس میں تھرڈ پارٹی ایپ کا کیمرہ استعمال کرنے کے دوران دھندلی تصاویر آتی تھیں لیکن آئی فون میں اپ ڈیٹ ریلیز ہونے کے بعد یہ مسائل حل ہوجائیں گے۔

    کمپنی نے صارفین کو درپیش مسائل کی وجہ نہیں بتائی لیکن ممکن ہے کہ آپٹیکل امیج اسٹیبلائزیشن سسٹم آئی فون 14 میں ٹھیک طرح سے کام نہیں کر رہا۔

    آئی فون میں ایک اور مسئلہ صارفین کو درپیش ہے جس میں ایپ میں موجود مواد کو کاپی پیسٹ کرنے کے دوران اجازت (پرمیشن) کے اشارے کا مستقل ظاہر ہونا ہے۔

    ایپل کے سینئر منیجر رون ہوانگ نے اس سے قبل اعتراف کیا تھا کہ آئی فون میں ایسے مسائل غیر متوقع اور حیران کن ہیں لیکن کمپنی اس مسئلے کو جلد حل کر لے گی۔

    آئی او ایس 16.0.2 اپ ڈیٹ ریلیز ہونے کے بعد دیگر تمام خامیاں، جن میں سیٹ اپ کے دوران ڈیوائس کا ڈسپلے سیاہ ہوجانا یا آئی فون ایکس، آئی فون ایکس آر اور آئی فون 11 میں ٹچ اسکرین میں پیش آنے والی مشکلات سمیت تمام مسائل حل ہو جائیں گے۔

  • آئی فون 14 میں سب سے بڑی اپ ڈیٹ؟

    آئی فون 14 میں سب سے بڑی اپ ڈیٹ؟

    کیا آپ جانتے ہیں کہ آئی فون 14 میں سب سے بڑی اپ ڈیٹ کیا کی گئی ہے؟

    بڑی امریکی ٹیکنالوجی کمپنی ایپل کی جانب سے گزشتہ دنوں متعارف ہونے والے آئی فون 14 میں سب سے بڑی اپ ڈیٹ ڈسپلے سے متعلق ہے۔

    آپ جانتے ہوں گے کہ آئی فون استعمال نہ بھی ہو رہا ہو، تب بھی اس کی اسکرین آرام نہیں کرتی اور الارمز اور دیگر مختلف ویجٹس کو ڈسپلے کرتی رہتی ہے، ایپل کے نئے فلیگ شپ فونز میں بڑی تبدیلی اسی حوالے سے ہے۔

    کمپنی کا کہنا ہے کہ اس نئے فیچر سے فون کے استعمال کا وقت بڑھ جائے گا، اور اب صارفین لاک اسکرین میں ہی نوٹیفکیشن، وقت، ریمائنڈرز اور دیگر چیزیں دیکھ سکیں گے۔

    آئی فون 14 میں اب صارفین کو فون اَن لاک کرنے کی ضرورت بھی نہیں ہوگی۔

    ایپل کمپنی کے مطابق لاک اسکرین سے صارفین کے اسکرین ٹائم پر کوئی اثرات مرتب نہیں ہوں گے، البتہ اس سے انگیجمنٹ بڑھ سکتی ہے۔

    سیلولر ٹیکنالوجی پر نگاہ رکھنے والے ماہرین کا کہنا ہے کہ ایپل ہمیشہ نئے فیچرز کو سب سے پہلے متعارف کرانے والی کمپنی نہیں، مگر وہ جب بھی کچھ پیش کرتی ہے اس کا انداز سب سے مختلف ہوتا ہے۔

  • آئی فون 14 میں کیا اہم تبدیلیاں کی جا رہی ہیں؟

    آئی فون 14 میں کیا اہم تبدیلیاں کی جا رہی ہیں؟

    ایپل کمپنی کی جانب سے آئی فون 14 میں کئی اہم تبدیلیوں کے ساتھ ساتھ ایک نیا سیکیورٹی فیچر بھی دیا جا رہا ہے۔

    امریکی کمپیوٹر و موبائل ٹیکنالوجی کمپنی ایپل آئندہ ہفتے تک نئے آئی فون سمیت کمپیوٹر اور نیا ٹیبلیٹ متعارف کرائے گی۔

    رپورٹس کے مطابق کمپنی نے 2017 کے بعد پہلی بار فون کے ڈیزائن ہی تبدیل کر دیے ہیں اور اس بار نہ صرف ڈسپلے بلکہ فون کے کور سمیت بیک سائیڈ کا ڈیزائن بھی تبدیل کر دیا گیا ہے۔

    کمپنی نے آئی فون میں بیک سائیڈ کے کیمروں کی جگہ کو مزید بہتر بنا دیا ہے اور دور سے ایسے محسوس ہوتا ہے کہ ایک ہی کیمرا ہے، علاوہ ازیں فون کے کیمرے میں کئی سیکیورٹی فیچرز دیے جانے کا امکان ہے۔

    ’نائن ٹو فائیو میک‘ کے مطابق ایپل آئی فون میں سیکیورٹی کی بڑی تبدیلیاں کر کے سافٹ ویئرز اور آپریٹنگ سسٹم کو بھی اپ گریڈ کیا گیا ہے۔ آئی فون 14 میں ایک نیا فیچر شامل ہوگا، کوئی بھی ایپ جب موبائل کا کیمرا یا مائکرو فون استعمال کرے گا تو فون صارف کو آگاہ کر دے گا۔

    فون میں موجود کسی بھی ایپ کی جانب سے فون کا کیمرا استعمال کیے جانے پر فون کے اسکرین پر گرین لائٹ نظر آنے لگے گی، اور مائکرو فون استعمال کیے جانے پر اورنج لائٹ نظر آئے گی، دونوں کے بہ یک وقت استعمال پر فون بیک وقت دونوں لائٹیں اسکرین پر دکھائے گا۔ اس سے قبل فون کسی بھی ایپ کی جانب سے ایسا کرنے پر ایک ہی لائٹ دکھاتا تھا۔

    اس سے قبل یہ خبریں بھی سامنے آئی تھیں کہ کمپنی آئی فون 14 میں سیلفی کیمرے کو بھی اپ گریڈ کر کے زیادہ میگا پکسل کا کیمرا دے گی، یاد رہے کہ آئی فون 13 میں کمپنی نے 12 میگا پکسل کا سیلفی کیمرا دیا تھا۔

    امکان ہے کہ کمپنی آئی فون کے چار ماڈیول پیش کرے گی اور آئی فون 14 کے منی یعنی چھوٹے اور قدرے سستے موبائل متعارف نہیں کرائے جائیں گے۔

    آئی فون 14 کی قیمت 1200 ڈالر سے شروع ہوگی اور 1800 ڈالر تک پہنچے گی، یعنی پاکستانی 2 لاکھ 60 ہزار سے 3 لاکھ 85 ہزار روپے تک۔

  • آئی فون 14 کب ریلیز ہوگا؟

    آئی فون 14 کب ریلیز ہوگا؟

    موبائل فونز کے شائقین کے لیے خوش خبری ہے کہ 2022 میں آئی فون 14 کی ریلیز کا امکان روشن ہو گیا ہے۔

    بلومبرگ رپورٹ کے مطابق آئی فون 13 کے لانچ ہونے کے چند ماہ بعد ہی آئی فون 14 بھی سامنے آنے کا امکان ہے، بتایا جا رہا ہے کہ آئی فون 14 ایک مکمل ری ڈیزائن سیریز ہوگی۔

    فائیو جی انٹرنیٹ ٹیکنالوجی سے آراستہ آئی فون 14 میں نوچ کی جگہ پنچ ہیڈ فرنٹ کیمرہ ہوگا۔

    خیال رہے کہ آئی فون کے جدید موبائل فون میں ‘نوچ سیلفی’ کیمرے کے ساتھ ساتھ چہرے کی شناخت کا بھی کام کرتی ہے، تاہم نئے موبائل میں نوچ کی جگہ کیمرہ ہوگا، اور چہرے کی شناخت کی جگہ اس کی شناخت کے لیے فنگر پرنٹ سینسر لگایا جائے گا۔

    بلومبرگ کے مارک گورمین نے پیش گوئی کی ہے کہ آئی فون 13 کے بعد ایپل کو آئی فون 14 کے لیے اپنے ڈیزائن پر نظر ثانی پر توجہ دینے کا موقع ملے گا، اورصارفین کو نئے انٹری لیول اور پرو ماڈلز اور مکمل نئے ڈیزائن کی توقع کرنی چاہیے۔

    یاد رہے کہ اس مہینے کے شروع میں، ایپل کے ٹپسٹر جون پروسر نے پیش گوئی کی تھی کہ آئی فون 14 میں بھی جگہ بچانے کے لیے آئی فون کے نشان کو ختم کر کے پنچ ہول سیلفی کیمرے کے لیے جگہ بنائی جائے گی۔

    لیکن ابھی تک یہ واضح نہیں ہے کہ ایپل کمپنی آئی فون میں فلڈ الیومینیٹر، ایمبیئنٹ لائٹ سینسر، کٹ کیمرہ، اور دوسرے سینسرز کے ساتھ کیا تبدیلیاں کرے گی، یہ ممکن ہے کہ کمپنی ڈسپلے کے نیچے ٹچ آئی ڈی کا آپشن دے کر فیس آئی ڈی کو ختم کر دے۔