راولپنڈی: بھارتی میڈیا کی جانب سے پاکستان کے خلاف مسلسل جھوٹا پروپیگنڈا جاری ہے، پاک فوج نے ہندوستان ٹائمز کی پاکستانی آرمی چیف سے متعلق خبر جھوٹی قرار دے دی۔
تفصیلات کے مطابق ڈی جی آی ایس پی آر میجر جنرل آصف غفور نے ہندوستان ٹائمز کی جھوٹی خبر پر ردعمل دیتے ہوئے کہا کہ آرمی چیف جنرل قمر جاوید باجوہ نے بھارتی ہم منصب بپن راوت سے رابطے کی کبھی کوشش نہیں کی۔
ڈی جی آئی ایس پی آر میجر جنرل آصف غفور نے کہا کہ دونوں آرمی چیف نے کانگو میں یو این امن مشن میں اکٹھے نوکری بھی نہیں کی ہے۔
Hindustan Times reports that COAS had approached Indian COAS for talks & that both had served together in Congo. Story is factually incorrect. COAS has neither approached Indian COAS nor has served with him in Congo. Decision for talks is prerogative of both the govts.@htTweets
— Maj Gen Asif Ghafoor (@OfficialDGISPR) January 24, 2019
میجر جنرل آصف غفور کے مطابق پاکستان اور بھارت کے درمیان بات چیت کا اختیار صرف حکومتوں کو حاصل ہے۔
واضح رہے کہ ہندوستان ٹائمز نے پاکستان آرمی چیف جنرل قمر جاوید باجوہ کی بھارتی ہم منصب سے بات چیت کے لیے رابطوں کی خبر دی تھی۔