ARYNews.tv | Urdu – Har Lamha Bakhabar

Tag: آرمی چیف

  • آرمی چیف جنرل راحیل شریف کیلئے اردن کا اعلیٰ فوجی ایوارڈ

    آرمی چیف جنرل راحیل شریف کیلئے اردن کا اعلیٰ فوجی ایوارڈ

    عمان: آرمی چیف جنرل راحیل شریف کو اردن کے اعلیٰ فوجی ایوارڈ میڈل آف میرٹ سے نوازا گیا،اردن کی قیادت نے دہشتگردی کے خلاف پاک افواج کی کامیابیوں کی تعریف کی ہے۔

    آرمی چیف جنرل راحیل شریف دو روزہ دورے پر اردن پہنچ گئے جہاں اردن کی اعلی فوجی قیادت نے ان کا شاندار استقبال کیا اور انہیں گارڈ آف آنر پیش کیا گیا۔

    آرمی چیف نے اردن کے شہزادہ حسن بن طلال اور سینیئر فوجی افسران سے ملاقات کی، ایک خصوصی تقریب میں آرمی چیف کو اردن کے اعلی ایوارڈ سے نوازا گیا اور دہشت گردی کے خلاف پاک افواج کی کامیابیوں کی تعریف کی گئی۔

    اس سے پہلے آرمی چیف جنرل راحیل شریف کو سعودی عرب، امریکہ، برازیل اور ترکی کے اعلیٰ فوجی اعزازات بھی عطا کیئے جا چکے ہیں۔

  • پنجاب اسمبلی میں آرمی چیف کو خراج تحسین پیش کرنے کیلئے قرارداد جمع

    پنجاب اسمبلی میں آرمی چیف کو خراج تحسین پیش کرنے کیلئے قرارداد جمع

    لاہور : کرپشن کیخلاف کامیاب اقدامات اور چھوٹو گینگ کیخلاف کامیاب آپریشن پر آرمی چیف جنرل راحیل شریف، ہاک فوج، رینجرز اورپولیس کو خراج تحسین پیش کرنے کیلئے پنجاب اسمبلی میں قراردادیں جمع کرا دی گئیں۔

    تفصیلات کے مطابق آرمی چیف جنرل راحیل شریف کو خراج تحسین پیش کرنے کیلئے قرارداد قاف لیگ کی رکن خدیجہ عمر کی جانب سے جمع کروائی گئی۔

    قرارداد میں کہا گیا ہے کہ آرمی چیف جنرل راحیل شریف نے احتساب کا جو عمل اپنے ادارے سے شروع کیا ہے،وہ قابل تحسین ہے، اسے بلا تخصیص تمام اداروں میں لاگو کیا جانا چاہیئے۔

    قرارداد میں کہا گیا کہ پاکستانی عوام بدعنوانی کے خاتمے کیلئے جنرل راحیل شریف کے کندھے کے ساتھ کندھا ملا کر دعاگو ہے کہ ملک سے بدعنوانی کا خاتمہ ہو تاکہ پاکستان حقیقی معنوں میں اقوام عالم میں ایک طاقت بن کر ابھرے۔

    چھوٹوگینگ کے خلاف کامیاب آپریشن پر فوج، رینجرز اور پولیس کو خراج تحسین پیش کرنے کے لئے قرارداد اپوزیشن لیڈر میاں محمودالرشید نے جمع کرائی۔

    قرارداد میں مطالبہ کیا گیا کہ چھوٹو گینگ سے تفتیش کے بعد اصل حقاٰئق سے قوم کو آگاہ کیا جائے، یہ بھی بتایا جائے کہ گینگ کی سرپرستی کون کرتا رہا۔

    چھوٹوگینگ کے سہولت کاروں کو بھی سامنے لایا جائے اور تمام ذمہ داروں کو انصاف کے کٹہرے میں لا کر قرار واقعی سزا دی جائے۔

     

  • امن و استحکام کےلئے کرپشن کا خاتمہ ضروری ہے، جنرل راحیل شریف

    امن و استحکام کےلئے کرپشن کا خاتمہ ضروری ہے، جنرل راحیل شریف

    کوہاٹ : آرمی چیف جنرل راحیل شریف نے کہا ہے کہ امن و استحکام کےلئے کرپشن کا خاتمہ ضروری ہے۔

    تفصیلات کے مطابق آرمی چیف جنرل راحیل شریف نے پاکستان کے استحکام اور سالمیت کیلئے بلاامیتازاحتساب ناگزیرقراردےدیا.

    آئی ایس پی آر کے مطابق آرمی چیف نے سگنل رجمنٹ سنٹر کوہاٹ کا دورہ کیا،جہاں انہوں نے ایک تقریب کے دوران میجر سہیل احمد زیدی کو کرنل کمانڈرنٹ کور آف سگنل کے بیجز لگائے، تقریب میں پاک فوج کے افسروں ،جوانوں اور شہداء کے لواحقین کی بڑی تعداد نے شرکت کی۔

    اس موقع پر تقریب سے خطاب کرتے ہوئے آرمی چیف نے دوٹوک الفاظ میں کہا کہ مسلح افواج کرپشن کے خاتمے کےلئے ہربامقصد کوشش کی حمایت کریں گی۔

    کرپشن کے خاتمے تک ملک میں امن و استحکام نہیں آسکتا،آرمی چیف نے کہا کہ دہشت گردی اورانتہا پسندی کے خلاف جنگ پوری قوم کے تعاون سے لڑرہے ہیں۔

    آرمی چیف نے کہا کہ ملکی خود مختاری اور یکجہتی کےلئے بلاامتیاز احتساب ضروری ہے۔ ان کا کہناتھا کہ کریشن کاخاتمہ ہی آئندہ نسلوں کے بہترمستقبل کاضامن ہے۔

     

  • عالمی برادری پاکستان کی قربانیاں اورکامیابیاں تسلیم کرے، آرمی چیف

    عالمی برادری پاکستان کی قربانیاں اورکامیابیاں تسلیم کرے، آرمی چیف

    گوادر: پاک فوج کے سربراہ جنرل راحیل شریف نے کہا ہے ’را‘ پاکستان اور پاک چین راہداری منصوبے کو غیر مستحکم کرنے میں ملوث ہے،کسی کو رکاوٹ یاگڑبڑکی اجازت نہیں دیں گے۔

    آئی ایس پی آر کے مطابق گوادر میں سیمنیار سے خطاب میں جنرل راحیل شریف نے عالمی برادری سے پاکستان میں دہشتگردوں کےبیرونی سہولت کاروں کوروکنے میں اپنا کردار ادا کرنے کا مطالبہ کیا۔

    پاک فوج کے سربراہ جنرل راحیل شریف نے صاف صاف کہدیا، اقتصادی راہداری منصوبے کی سیکیورٹی قومی فریضہ ہے۔ منصوبے کی تکمیل میں کوئی کسر نہیں چھوڑیں گے اور "کسی کو” رکاوٹ یاگڑبڑکی اجازت نہیں دیں گے، ’را‘ پاکستان اور راہداری منصوبے کو غیر مستحکم کرنے میں ملوث ہے۔

    جنرل راحیل شریف کا کہنا تھا کہ ضرب عضب صرف آپریشن نہیں ایک نظریہ ہے عالمی برادری پاکستان کی قربانیاں اورکامیابیاں تسلیم کرے۔

    آرمی چیف جنرل راحیل شریف نے کہا پاک چین اقتصادی راہداری پورے خطے کیلئے امن اور خوشحالی کی راہداری ہے،یہ پاکستان اور چین کے درمیان گہرے تعلقات کی عکاس ہے، اس سے بلوچستان اور گوادر کی تقدیر بدل جائے گی۔

    جنرل راحیل نے کہا کہ چین سے گوادر کارگو اسی سال آنا شروع ہو جائے گا۔ انہوں نے گوادر میں کیڈٹ کالج کے قیام کا بھی اعلان کیا۔

  • آرمی چیف کی زیر صدارت اجلاس ، افغانستان سےبھتہ خوری کی کالز کو روکنے کا فیصلہ

    آرمی چیف کی زیر صدارت اجلاس ، افغانستان سےبھتہ خوری کی کالز کو روکنے کا فیصلہ

    پشاور: آرمی چیف جنرل راحیل شریف نے کہا ہے کہ کے پی کے اور فاٹا کے عوام دہشت گردوں کےخلاف غیرمتزلزل عزم کےساتھ کھڑے ہیں ،صوبے کے عوام نے دہشت گردوں کو تنہا کردیا ہے۔

    آئی ایس پی آر کے مطابق کور ہیڈ کواٹرز پشاور میں خیبر پختونخوا ایپکس کمیٹی کا اجلاس ہوا، اجلاس میں آرمی چیف جنرل راحیل شریف ،ڈی جی آئی ایس آئی میجر جنرل رضوان اختر،کور کمانڈرپشاور،گورنر کے پی کے اور وزیر اعلیٰ پرویز خٹک اور سینئر صوبائی اور فاٹا سیکرٹریٹ کے افسران نے شرکت کی۔

    اجلاس میں وادی شوال میں جاری آپریشن ،کے پی کے میں انٹیلی جنس بنیادوں پرکارروائیوں اور عارضی بے گھرافراد کی واپسی اور طورخم بارڈرمینجمنٹ کاجائزہ لیاگیا۔آرمی چیف جنرل راحیل شریف نے متعلقہ اداروں اوراسٹیک ہولڈرزکے مابین ہم آہنگی کوسراہا۔آرمی چیف نےعلاقے کی تعمیر نو اور پورے سماجی اقتصادی بنیادی ڈھانچے کو بحال کرنے کےلیے قبائلی بھائیوں کے ساتھ اپنے عہد کا اعادہ کیا۔

    آئی ایس پی آر ترجمان کے مطابق آرمی چیف جنرل راحیل شریف کا کہنا تھا کہ کے پی کے اور فاٹا کے عوام نے دہشت گردوں کو پیچھے دھکیل کر تنہا کر دیا ہے اور دہشت گردی کے خاتمے کے لیے ان کا عزم غیر متزلزل ہے ۔قبائلی علاقوں میں انفرا سٹرکچر دوبارہ تعمیر کیا جائے گا ۔آرمی چیف نے تمام اسٹیک ہولڈرز، تنظیموں کے درمیان ہم آہنگی کی تعریف کی اور کام کی رفتار کو تیز اور اس کی بہترین معیار کو یقینی بنانے کی ہدایت کی۔

    ایپیکس کمیٹی اجلاس میں طورخم میں تمام کراسنگ پوائنٹس پر سرحدی انتظام کو بہتر بنانے،سرحد پار کرنے کے طریقہ کارکے میکنزم کونافذ کرنے،افغانستان سےبھتہ خوری کی کالز کو روکنے کا فیصلہ کیا گیا۔ایپکس کمیٹی اجلاس میں اس بات کا فیصلہ کیا گیا اس مسئلے میں تعاون کے حل کے لیے ایک اعلی سطحی وفد جلد ہی افغان حکام کے ساتھ بات کے لئے کابل کا دورہ کرے گا۔

    ایپیکس کمیٹی اجلاس میں گورنر اور وزیر اعلی خیبر پختونخوا نے پاکستان آرمی کی بھرپور حمایت اور تعریف کی اور صوبے میں دہشت گردی اور انتہا پسندی سے چھٹکارا دلانے کے لئے فاٹا اور صوبائی حکومتوں کے عزم کا اعادہ کیا۔

  • آرمی چیف سے افغانستان میں امریکی فوج کے کمانڈر کی ملاقات

    آرمی چیف سے افغانستان میں امریکی فوج کے کمانڈر کی ملاقات

    راولپنڈی: آرمی چیف جنرل راحیل شریف سے افغانستان میں امریکی فوج کےسربراہ کی ملاقات۔ افغان مفاہمتی عمل اور علاقائی سیکیورٹی کےامورپربات چیت ہوئی۔

    آئی ایس پی آر کے مطابق سپہ سالار سے افغانستان میں امریکی فوج کے سربراہ جان نکلسن نے ملاقات کی، باہمی دلچسپی اورعلاقائی سیکیورٹی کے امورپربات چیت کی گئی۔

    ترجمان پاک فوج کا کہنا ہےکہ ملاقات میں افغان بارڈراورافغانستان میں مفاہمتی عمل پر بھی تبادلہ خیال کیا گیا،امریکی کمانڈر نےآپریشن ضرب عضب کی کامیابیوں کو سراہا اور پاک فوج کے کردار کی تعریف کی۔

    General John Nicholson, Commander Resolute Support Mission and United States Forces Afghanistan called on Chief of Army Staff (COAS) General Raheel Sharif today at General Headquarters, on his maiden visit.During the meeting, matters of mutual interest and regional security with particular emphasis on coordination along Pak - Afghan border and reconciliation process in Afghanistan were discussed.The newly appointed Commander Resolute Support Mission and United States Forces – Afghanistan also appreciated successes of operation Zarb-e-Azb and efforts of Pakistan for regional security. Posted by General Asim Bajwa on Monday, March 21, 2016

  • آرمی چیف نے 13 دہشت گردوں کی سزائے موت کی توثیق کردی

    آرمی چیف نے 13 دہشت گردوں کی سزائے موت کی توثیق کردی

    راولپنڈی : آرمی چیف جنرل راحیل شریف نے 13دہشت گردوں کی سزائے موت کی توثیق کردی ہے۔

    آئی ایس پی آر ترجمان کے مطابق 13دہشت گردوں کیخلاف مختلف فوجی عدالتوں میں مقدمات چلائے گئے تھے ۔الزامات ثابت ہونے پر ان دہشت گردوں کو سزائے موت سنائی گئی۔

    آرمی چیف جنرل راحیل شریف نے 13دہشت گردوں کو سزائے موت دینے کی باضابطہ توثیق کر دی ہے.

    ترجمان کے مطابق سزائے مو ت سنائے جانے والے دہشت گردوں میں عرفان اللہ،مشتاق احمد،محمدنواز،تاج گل،اصغرخان، بخت امیر،عزیزخان، فضل غفار، اصغرخان ولداحمدجان،اکرام اللہ ولد حبیب اللہ اور حیدر ولد دائم خان شامل ہیں اور ان کا تعلق کالعدم تنظیم تحریک طالبان سے ہے ۔

    آئی ایس پی آرکا کہناتھا کہ دہشت گردوں میں سیدو شریف ایئرپورٹ،نانگا پربت بیس کیمپ میں غیر ملکیوں سیاحوں کو قتل کرنے،اسکولز،مسلح افواج ،شہریوں کونشانہ بنانیوالے دہشت گرد شامل ہیں۔

     

  • وزیراعظم، آرمی چیف کی نارتھ تھنڈرکی اختتامی تقریب میں شرکت

    وزیراعظم، آرمی چیف کی نارتھ تھنڈرکی اختتامی تقریب میں شرکت

    حفر الباطن : وزیراعظم نوا زشریف اورآرمی چیف جنرل راحیل شریف نے سعودی عرب میں ہونے والی فوجی مشقوں نارتھ تھنڈرکی اختتامی تقریب میں شرکت کی۔

    سعودی فرمانبروا شاہ سلمان بھی ساتھ موجود تھے۔ تفصیلات کے مطابق سعودی شہرحفرالباطن میں فوجی مشقوں نارتھ تھنڈرکی اختتامی تقریب میں وزیراعظم نواز شریف،آرمی چیف جنرل راحیل شریف سمیت اکیس ملکوں کے رہنماؤں نےشرکت کی۔

    مشقوں میں بری، فضائی اور بحری افواج کے دستوں نے حصہ لیا۔ ان مشقوں میں پاکستان سمیت اکیس ملکوں کے فوجی حصہ لے رہے ہیں جس کا مقصد دہشت گردی کے چیلنجوں سے نمٹنے کیلئے صلاحیت بڑھانا ہے۔

    مشقوں میں دہشت گردی سے نمٹنے پر توجہ مرکوز کی گئی۔ شاہ سلمان کی دعوت پر وزیراعظم نواز شریف اورجنرل راحیل شریف گذشتہ روزسعودی عرب پہنچے تھے۔

    وزیراعظم نوازشریف اورجنرل راحیل شریف نے ریاض میں سعودی فرمانرواکی طرف سے دیئے گئےعشائیے میں بھی شرکت کی۔

     

  • جنر ل راحیل شریف نو مارچ کو سعودی عرب کا دورہ کریں گے

    جنر ل راحیل شریف نو مارچ کو سعودی عرب کا دورہ کریں گے

    راولپنڈی : آرمی چیف جنر ل راحیل شریف نو مارچ کو دو روزہ دورے پر سعودی عرب جائیں گے جہاں وہ فیلڈ میں جاری فوجی مشقیں دیکھیں گے۔

    آئی ایس پی آر کے جاری کردہ بیان میں کہا گیا ہے کہ سعودی عرب کی جانب سے آرمی چیف جنرل راحیل شریف کو سعودی عرب میں جاری فوجی مشقوں میں شرکت کی خصوصی دعوت دی گئی ہے۔

    سعودی عرب میں جاری فوجی مشقوں میں پاک فوج سمیت اکیس سے زائد ممالک کے فوجی دستے حصہ لے رہے ہیں۔

    اس سے قبل دفتر خارجہ نے بتایا تھا کہ وزیر اعظم نواز شریف بھی سعودی عرب کے تین روزہ دورے پر جائیں گے جہاں وہ سعودی فرمانروا کے ساتھ ملاقات کے علاوہ فوجی مشقوں کا مشاہدہ کریں گے۔

     

  • تاجک فورسز کی استعداد کار میں اضافے کیلئے تیارہیں، جنرل راحیل شریف

    تاجک فورسز کی استعداد کار میں اضافے کیلئے تیارہیں، جنرل راحیل شریف

    راولپنڈی : آرمی چیف جنرل راحیل شریف نے کہا ہے کہ ہم تاجکستان فورس کی استعداد کار بڑھانے کے لئے تیار ہیں،انہوں نے یہ بات تاجکستان کے سرکاری دورے کے دوران کہی۔

    آئی ایس پی آر ترجمان کے مطابق آرمی چیف جنرل راحیل شریف کو تاکستان پہنچنے پر گارڈ آف آنر پیش کیا گیا۔ دورے کے دوران آرمی چیف نے تاجک صدر سے ملاقا ت کی۔

    آئی ایس پی آر ترجمان کی جانب سے جاری بیان میں بتایا گیا کہ آرمی چیف جنرل راحیل شریف نےتاجک صدر کے علاوہ تاجک وزیر دفاع اور اور چیف آف جنرل اسٹاف سے بھی ملاقات کی۔

    ملاقات میں انسداد دہشت گردی،افغان مفاہمتی عمل سمیت دیگر موضوعات پر بات چیت ہوئی۔ اس موقع پر آرمی چیف نے کہا کہ ہم تاجکستان فورسز کی استعداد کار میں اضافے کے لئے تیا رہیں.

    تاجک صدر نے انسداد دہشت گردی آپریشن کے خلاف آپریشن ضرب عضب کو مثالی قرار دیا اور دہشت گردی کے خلاف پاک فوج کی کامیابیوں کی تعریف کرتے ہوئے سراہا۔

    آئی ایس پی آر ترجمان کے مطابق تاجکستان دورے میں آرمی چیف نے تاجکستان کے ملٹری انسٹی ٹیوٹ اور ٹریننگ سینٹر کا بھی دورہ کیا۔