Tag: آرمی چیف

جنرل راحیل شریف امریکہ کے دورے کے بعد برازیل پہنچ گئے

ساؤ پالاؤ : پاک فوج کے سربراہ جنرل راحیل شریف امریکہ کے دورے کے بعد برازیل پہنچ گئے ہیں، جہاں انہوں نے ساؤ پالاؤ میں برازیلین فوج کے ہیڈ کوارٹرز کا دورہ کیا۔

پاک فوج کے سربراہ جنرل راحیل شریف کو برازیلین آرمی ہیڈ کوارٹرز پہنچنے پر گارڈ آف آنر پیش کیا گیا اور 19توپوں کی سلامی دی گئی۔

ڈی جی آئی ایس پی ار لیفٹنٹ جنرل عاصم سلیم باجوہ کے ٹویٹ پیغامات کے مطابق پاک فوج کے سربراہ جنرل راحیل شریف کی اپنے برازیلین ہم منصب سے تفصیلی ملاقات ہوئی ۔

جس کے دوران باہمی اور پیشہ وارانہ دلچسپی کے امور بالخصوص فوجی تعاون بڑھانے پر بات چیت کی گئی، آرمی چیف جنرل راحیل شریف نے برازیلین مسلح افواج کے چیف آف جوائنٹ اسٹاف جنرل جوز کارلوس دی نارڈی سے بھی ملاقات کی اور علاقائی سلامتی اور تیزی سے رونما ہوتی ہوئی تبدیلیوں کے بارے میں تبادلہ خیال کیا۔

ملاقات فوجی تربیت اور وفود کے تبادلوں پر بھی بات چیت کی گئی ، جبکہ برازیلین عسکری قیادت کی جانب سے دہشت گردی کے خلاف پاک فوج کی قربانیوں اور کامیابیوں کو سراہا گیا ۔

نومبر 24, 2015
جنرل راحیل شریف کی امریکی قومی سلامتی کی مشیرسوزن رائس سے ملاقات

واشنگٹن : آرمی چیف کادورہ امریکا کامیابی سے جاری ہے۔جنرل راحیل شریف نے امریکی قومی سلامتی کی مشیرسوزن رائس سے ملاقات کی جس میں دہشت گردوں کی فنڈنگ روکنے سمیت اہم معاملات پر گفتگو کی گئی۔ س

پہ سالار نے دورہ امریکا کے آخری مرحلے میں اعلی امریکی حکام سے اہم ملاقاتیں کیں جن میں تفصیلی تبادلہ خیال کیا گیا۔

جنرل راحیل شریف نے امریکی قومی سلامتی کی مشیرسوزن رائس سے ملاقات میں دہشت گردوں کی مالی معاونت روکنے پربات چیت کی۔

اس نشست میں دہشت گردی کا مکمل قلع قمع کرنے اور علاقائی سلامتی کے امور پر بھی تبادل خیال کیا گیا۔ آرمی چیف جنرل راحیل نیشنل سیکورٹی ایجنسی کے اعلیٰ حکام سے بھی ملے۔

اس موقع پر سیکورٹی تعاون اور دیگر مشترکہ دلچسپی کے امورپرتفصیلی گفت و شنید ہوئی۔

جنرل راحیل شریف سے ملاقات کرنے والوں میں ڈپٹی سیکیورٹی ایڈوائزر ایورل ہینس اورہوم لینڈ سیکیورٹی پر تعینات صدر اوباما کی اسسٹنٹ لیزا موناکو بھی شامل ہیں ۔

نومبر 21, 2015
آرمی چیف جنرل راحیل شریف کی امریکی سینیٹرز سے ملاقات

واشنگٹن: آرمی چیف جنرل راحیل شریف نے امریکی سینیٹ کے چیئرمین سمیت سینیٹ کی انٹیلی جنس کمیٹی کے اراکین سے ملاقات کی۔ امریکی سینیٹرز نے دہشت گردی کے خاتمے کے لیے پاک فوج کی کامیابیوں کا اعتراف اور پاک فوج کے عزم کی تعریف کی۔

آرمی چیف جنرل راحیل شریف نے کیپٹل ہل کا دورہ کیا، جہاں انہوں نے امریکی سینٹ کمیٹی برائے انٹیلی جنس اور سینیٹ آرمڈ سروسز کمیٹی کے چیئرمین اور سینیئر ارکان سے ملاقاتیں کیں۔

امریکی سینیٹرز سے ملاقات میں آرمی چیف جنرل راحیل شریف نے زور دیا کہ دہشتگردی ایک عالمی خطرہ ہے جس سے نبرد آزاما ہونے کے لیے مربوط عالمی حکمت عملی اپنانے کی ضرورت ہے۔

سینیٹر جان مکین نے پاک افغان بارڈرکے دونوں جانب دہشتگردوں کے نیٹ ورک کے خاتمے کے لیے آرمی چیف کے اقدامات کی تعریف کی۔ سینیٹ کمیٹی نے پاک فوج کی کارکردگی اور قربانیوں کو تسلیم کیا۔

نومبر 19, 2015
جنرل راحیل شریف کی امریکی وزیر دفاع ایشٹن کارٹر سے ملاقات

راولپنڈی: آرمی چیف جنرل راحیل شریف نے امریکی وزیر دفاع ایشٹن کارٹر سے ملاقات کی، جس میں دوطرفہ تعلقات اور خطے میں سیکیورٹی پر بات چیت ہوئی۔

آرمی چیف جنرل راحیل شریف کا دورہ امریکا کے موقع پر امریکی وزیر دفاع ایشٹن کارٹر سے ملاقات کی، آئی ایس پی آر کے مطابق ملاقات میں پاک امریکا دفاعی تعلقات اور خطے میں سیکورٹی کی صورتحال پر تبادلہ خیال کیا گیا اور دہشت گردی کے خاتمے کے لئے عزم کا اعادہ کیا گیا۔

اس موقع پر آرمی چیف جنرل راحیل شریف کا کہنا تھا کہ پاکستان کو دہشت گردی سمیت متعدد چیلنجز کا سامناہے، قوم کی مدد سے دہشتگردی،شدت پسندی جڑسے اکھاڑ پھینکنے کیلئےپرعزم ہیں۔

امریکی وزیر دفاع ایشٹن کارٹر کاکہنا تھاکہ پاکستان امریکہ کااہم اتحادی ہے، دہشت گردی اور انتہا پسندی کے خاتمے کے لئے پاکستان کی کوششوں کو قابل قدر ہیں اور امریکہ دہشتگردی کیخلاف پاکستان کےہراقدام کی حمایت کرے گا۔

نومبر 17, 2015
جنرل راحیل شریف امریکی حکام سے ملاقات کیلئےواشنگٹن پہنچ گئے

واشنگٹن : آرمی چیف جنرل راحیل شریف پانچ روزہ دورہ امریکاپر واشنگٹن پہنچ گئے۔ ڈیلس ائیر پورٹ پر پاکستانی سفارت خانےاورپینٹاگون حکام نےاستقبال کیا۔

تفصیلات کے مطابق آرمی چیف جنرل راحیل شریف پانچ روزہ دورہ امریکاپر واشنگٹن پہنچ گئے۔ ڈیلس ائیر پورٹ پر پاکستانی سفارت خانےاورپینٹاگون حکام نےاستقبال کیا۔

جنرل راحیل شریف دورے کے دوران امریکاکی عسکری اور سیاسی قیادت سے ملاقاتیں کریں گے اور خطے کی صورتحال سمیت بھارت کی جانب سے ایل او سی اور ورکنگ باونڈری کی خلاف ورزیوں پر بات کریں گے۔

آرمی چیف امریکی حکام کو آپریشن ضرب عضب کی کامیابیوں سے بھی آگاہ کریں گے۔

آئی ایس پی آر کے مطابق آرمی چیف جنرل راحیل شریف دورہ امریکہ کے بعد تین روزہ دورے پر برازیل بھی جائیں گے۔

آرمی چیف آئیوری کوسٹ میں امن مشن میں شامل پاک فوج کے جوانوں سے ملاقات بھی کریں گے اوران کے ساتھ بھی ایک روز بھی گزاریں گے ۔

نومبر 16, 2015
آرمی چیف دوروزہ سرکاری دورے پرسعودی عرب پہنچ گئے

ریاض: آرمی چیف جنرل راحیل شریف دو روزہ سرکاری دورے پر سعودی عرب پہنچ گئے ہیں۔

آئی ایس پی آر کے مطابق سعودی نائب وزیر دفاع اور بری فوج کے نائب کمانڈر نےآرمی چیف جنرل راحیل شریف کا پرتپاک استقبال کیا۔

رائل سعودی فورسز کے چیف آف سٹاف جنرل ریحان بن صالح نے جنرل راحیل شریف سے ملاقات ہوئی جس میں خطے میں امن وامان، سیکیورٹی صورتحال اور دفاعی شعبے میں تعاون کے امور پر تبادلہ خیال کیا ۔

نومبر 3, 2015
سعودی عرب کوخطرات لاحق ہوئے توسخت ردعمل دیں گے، آرمی چیف

جہلم: پاک فوج کے سربراہ آرمی چیف جنرل راحیل شریف نے کہا ہے کہ اگر سعودی عرب کی جغرافیائی اور نظریاتی سالمیت کو خطرات لاحق ہوئے تو پاکستان سعودی عرب کے ساتھ کھڑا ہو گا اور سخت رد عمل کا اظہار کرے گا۔

جہلم کے قریب پبی میں پاکستان اور سعودی عرب کی اسپیشنل فورسز کی مشترکہ جنگی مشقوں کی اختتامی تقریب سے خطاب کرتے ہوئے آرمی چیف نے کہا کہ الشہاب کے عنوان سے جاری یہ جنگی مشقیں انسداد دہشتگردی کے پہلو کو مدنظر رکھتے ہوئے کی گئیں ہیں ،جس میں دونوں ممالک کے جوانوں نے انسداد دہشتگردی سے متعلق اسپیشک آپریشن بشمول ایئرڈراپنگ اور ہیلی لفٹنگ کے آپریشنز شامل تھے۔

آرمی چیف نے کہا کہ دونوں ملکوں کے درمیان گہرے تاریخی اور مضبوط تعلقات ہیں اور ان مشقوں کے نتیجے میں دونوں ممالک کو دہشتگردی کے خاتمے سے نمٹنےکی صلاحیتوں میں مزید اضافہ ہو گا۔

اختتامی تقریب میں سعودی اسپیشل فورسز کے کمانڈر جنرل مفلح بن سلیم العتیبی کی سربراہی میں چھ رکنی وفد نےخصوصی شرکت کی۔

اکتوبر 30, 2015
پاک فوج کے سربراہ جنرل راحیل شریف کا بحالی معذوراں ادارہ کا دورہ

راولپنڈی : پاک فوج کے سربراہ جنرل راحیل شریف نے کہا ہے کہ مادر وطن کیلئے اپنی جان اور اعضاء سے بڑی کوئی قربانی نہیں ہو سکتی ۔

پاک فوج کے ادارہ بحالی معذوراں کے دورے کے موقع پر انہوں نے کہا کہ پوری قوم کو جنگی ہیروز پر فخر ہے۔

دہشت گردی کے خلاف جنگ میں جوانوں نے جرات اور بہادری اور قربانیوں کی نئی نئی داستانیں رقم کی ہیں ، پوری قوم کو پاک فوج پر فخر ہے۔

انہوں نے اس عزم کا اعادہ کیا کہ معذور ہونے والے جوانوں کی زندگی میں بہتری کیلئے تمام وسائل بروئے کار لائے جائیں گے ۔

پاک فوج کے سربراہ کو ادارے میں بحالی معذوراں پروگرام کے مختلف پہلوؤں پر بریفنگ بھی دی گئی ، بعدازاں انہوں نے جدید سہولیات سے آراستہ نئے خصوصی جم کا بھی افتتاح کیا ۔

اس موقع پر ایڈجوٹینٹ جنرل لیفٹنٹ جنرل ضمیر الحسن شاہ اور سرجن جنرل لیفٹنٹ جنرل سید محمد عمران مجید بھی ہمراہ تھے ۔

اکتوبر 26, 2015
آرمی چیف جنرل راحیل شریف کا پشاور میں ایف سی ہیڈ کوارٹرز کا دورہ

راولپنڈی: آرمی چیف جنرل راحیل شریف کہتے ہیں قوم کاپاک فوج پراعتماد غیرمتزلزل ہے، انہوں نے دہشت گردی کیخلاف جوانوں کی قربانیوں کو سراہا۔

ڈی جی آئی ایس پی آر لیفٹیننٹ جنرل عاصم سلیم باجوہ کے ٹویٹ کےمطابق آرمی چیف جنرل راحیل شریف نے دہشتگردوں کے خلاف ایف سی کے جوانوں کیجد وجہد اور قربانیوں کو سراہا۔

Paid rich tributes to valor,sacrifices& achievements of FC.FC fighting hand in glove with Army in Ops, writing new chapters of bravery-2

— AsimBajwa (@AsimBajwaISPR) October 20, 2015

Indomitable courage of Army &FC sldrs has been bedrock of Op Z-e-A.Pak nation has unshakable trust in its AFs, acknowledges sacrifices-3 — AsimBajwa (@AsimBajwaISPR) October 20, 2015

ایف سی ہیڈ کوارٹر دورے کے دوران آرمی چیف نے کہا کہ پاک فوج کے جوان جرات اور بہادری کی نئی دستانیں رقم کررہے ہیں پاکستانی قوم کا مسلح افواج پر غیر متنزل اعتماد ہے۔

آرمی چیف نے ایف سی کو حال ہی میں فراہم کیے گئے جدید ہتھیاروں اور جدید خطوط پر تربیت کی فراہمی کے عمل کو سراہا۔

COAS reviewed new manpower&eqpt inductions to build FC’s capacity,directed to ensure merit in sel,best trg to remain effective institution-4

— AsimBajwa (@AsimBajwaISPR) October 20, 2015

Paid glowing tribute to police,security agencies who courageously braved onslaught of terror,rendered sacrifices in fight vs terrorism-5 — AsimBajwa (@AsimBajwaISPR) October 20, 2015

Commended integrated response by all 2 bring noticeable improvement in security.Directed 2 remain vigilant 2 defeat future terror attempts-6

— AsimBajwa (@AsimBajwaISPR) October 20, 2015

Stressed need to work for close coord,better border mngmt on both sides of Pak-Afgn border as pre requisite for long term peace in region-7 — AsimBajwa (@AsimBajwaISPR) October 20, 2015

آرمی چیف جنرل راحیل شریف نے پولیس سیکیورٹی ایجنسیز اور دیگر وقانون نافذ کرنے والے اداروں کی دہشتگردی کے خلاف قربانیوں کو بھی خراج تحسین پیش کیا اور زور دیا کہ سیکیورٹی کی صورتحال بہتر بنانے کے لیے سب کو بامعنی اور مشترکہ حکمت عملی اپنانی ہو گی اور مستقبل میں دہشتگردی سے نمٹنے کے لیے ہو شیار رہنا ہو گا۔

#COAS visited FC KPK at Balahisar Fort Psr today pic.twitter.com/65pg0UOt2c

— AsimBajwa (@AsimBajwaISPR) October 20, 2015

انہوں نے پاک افگان بارڈر کے دونوں جانب بارڈر منیجمنٹ کی ضرورت پر زور دیتے ہوئے کہا کہ خطے میں دیرپا امن کے لیے موثر منیجمنٹ ضروری ہے۔

اکتوبر 20, 2015
دفاع وطن کیلئے بری فوج کی قربانیاں بے مثال ہیں، آرمی چیف

لاہور: جنرل راحیل شریف نے لاہور گیریژن کا دورہ کیا اور گیارہ انفنٹری ڈویژن کی گولڈن جوبلی تقریبات میں شرکت کی۔

اس موقع پر شرکا سے خطاب کرتے ہوئے جنرل راحیل شریف کا کہنا تھا کہ پاک فوج کی تاریخ پاک فوج کے جوانوں کے عزم اور حوصلے کی داستانوں سے بھری پڑی ہے ۔ پاک فوج کے جوانوں نے مادر وطن کے دفاع کے لیے بے مثال قربانیاں دی ہیں۔

انہوں نے پاک بھارت جنگوں سمیت دہشت گردی کے خلاف جنگ میں بیٹل ایکس ڈویژن کی غیرمعمولی کارکردگی کو سراہتے ہوئے کہا کہ دشمن کے ساتھ جنگ کے دوران انفنٹری ڈویژن نے ہمشہ بڑھ چڑھ کر حصہ لیا اور جرات کی داستانیں رقم کیں۔

انہوں نے کہا کھیم کرن اور حسینی والا سیکٹر میں فتوحات اس ڈویژن کے ہر جوان اور افسر کی دلیری کا منہ بولتا ثبوت ہے۔

ستمبر 22, 2015