ARYNews.tv | Urdu – Har Lamha Bakhabar

Tag: آرمی چیف

  • آرمی چیف نے دہشت گردی کے 9 مجرمان کی سزائے موت کی توثیق کردی

    آرمی چیف نے دہشت گردی کے 9 مجرمان کی سزائے موت کی توثیق کردی

    راولپنڈٰی: آرمی چیف راحیل شریف نے دہشت گردی کے سنگین جرائم میں ملوث 9 دہشت گردوں کی سزائے موت کی توثیق کردی ہے۔

    آئی ایس پی آر کے مطابق سزائے موت پانے والے تمام تر مجرمان سنگین جرائم میں مصروف تھے۔

    آئی ایس پی آر کی جانب سے جاری کردہ اعلامیے کے مطابق آرمی چیف جنرل راحیل شریف نے 9 مجرمان کی سزائے موت کے احکامات پر دستخط کئے جبکہ ایک مجرم کو عمرقید کی سزا سنائی گئی۔

    اعلامیے میں کہا گیا ہے کہ سزا پانے والے مجرمان مستونگ میں فرقہ وارانہ قتل و غارت، نوشہرہ کی مسجد میں خودکش حملے سمیت میجرثناء اللہ اورجنرل توصیف پرہونے والے حملوں سمیت شہریوں اور سیکیورٹی اداروں کے خلاف متعدد کاروائیوں میں ملوث تھے۔

    سزائے موت کی سزا پانے والے مجرمان میں سید زمان خان، عبیداللہ، محمود، قاری زبیرمحمد، رب نواز، محمد سہیل،محمد عمران، اسلم خان اور جمیل الرحمن شامل ہیں جبکہ جمشید رضا کو عمر قید کی سزا سنائی گئی ہے۔

    مجرمان کو اکیسویں آئینی ترمیم کے تحت قیام پذیرہونے والے ملٹری کورٹ کے تحت سزائیں دی گئیں ہیں۔

  • دہشت گردوں کو دوبارہ سوات نہیں آنے دیں گے، جنرل راحیل شریف

    دہشت گردوں کو دوبارہ سوات نہیں آنے دیں گے، جنرل راحیل شریف

    سوات : آرمی چیف جنرل راحیل شریف نے کہا ہے کہ سوات میں سیاحتی سرگرمیاں دوبارہ بحال ہوں گی اور دہشت گردوں کو دوبارہ ان علاقوں میں نہیں آنے دیں گے۔

    تفصیلات کے مطابق پاک فوج کے سربراہ جنرل راحیل شریف نے سوات کا دورہ کیا جہاں انہوں نے کالام فیسٹیول کی اختتامی تقریب میں شرکت کی ، اس موقع پر خطاب کرتے ہوئے انہوں نے سوات میں امن اور استحکام کیلئے مقامی لوگوں کے سکیورٹی فورسز کے ساتھ تعاون کو سراہا۔

     انہوں نےکہا کہ سوات کے عوام نے علاقے میں امن و استحکام اور سیاحتی سرگرمیوں کی بحالی کیلئے بھرپور تعاون کیا، جنرل راحیل شریف نے کہا کہ مالاکنڈ ڈویژن پر چند سال پہلے دہشت گردی اور انتہا پسند ی کے سیاہ بادل چھائے ہوئے تھے ۔

     جس کے دوران کالام فیسٹیول جیسی تقریبات منعقد نہیں کی جاسکتی تھیں ، تاہم سکیورٹی فورسز اور مقامی لوگوں کی قربانیوں اور تعاون سے یہ سیاہ بادل چھٹ چکے ہیں اور اب دہشت گردوں کیلئے دوبارہ ان علاقوں میں آنا ممکن نہیں۔

    ۔توقع ہے کہ سوات میں سیاحتی سرگرمیاں دوبارہ بحال ہوں گی ، اور دہشت گردوں کو دوبارہ ان علاقوں میں نہیں آنے دیں گے

  • جنرل راحیل شریف کی وزیر اعظم نواز شریف سے ملاقات

    جنرل راحیل شریف کی وزیر اعظم نواز شریف سے ملاقات

    اسلام آباد : وزیراعظم محمد نوازشریف سےآرمی چیف جنرل راحیل شریف نے پی ایم ہاؤس میں ملاقات کی۔

    تفصیلات کے مطابق وزیراعظم سے ملاقات کے موقع پرآرمی چیف نے وزیراعظم کوسلامتی کی داخلی اورخارجی صورتحال ،پاک چین اقتصادی راہداری،قومی ایکشن پلان اور آپریشن ضرب عضب کے باعث ہونیوالی پیش رفت پربریفنگ دی۔

    پاک فوج کے شعبہ تعلقات عامہ آئی ایس پی آر کے جاری کردہ اعلامیہ کے مطابق وزیراعظم ہاﺅس میں ہونیوالی اس ملاقات میں وزیر اعظم اور آرمی چیف نے پاک چین اقتصادی راہداری منصوبے کو پایہ تکمیل پر پہنچانے اور کامیاب بنانے کے عزم کا اظہار کیا ہے۔

    ملاقات میں آپریشن ضرب عضب سے سامنے آنیوالے نتائج پر بھی تبادلہ خیال کیاگیا۔ اس موقع پرآرمی چیف نے وزیراعظم کوپاک بھارت ورکنگ بائونڈری پرتازہ ترین صورتحال کے حوالے سے بھی کیا۔

    آرمی چیف جنرل راحیل شریف نے وزیرا عظم نواز شریف کو مکمل تعاون کی یقین دہانی کرائی ہے۔ ملاقات میں پاک چین اقتصادی راہداری پر فوجی دستے تعینات کرنے پر تبادلہ خیال کیاگیا۔

  • آرمی چیف نے شہر میں ملٹری کورٹس بڑھانے کی منظوری دیدی

    آرمی چیف نے شہر میں ملٹری کورٹس بڑھانے کی منظوری دیدی

    کراچی : آرمی چیف جنرل راحیل شریف نے کراچی میں دہشتگردوں اورکرپٹ مافیاز کے درمیان گٹھ جوڑ توڑنے کی ہدایت کردی، جنرل راحیل شریف نے کراچی آپریشن جاری رکھنے اور شہر میں فوجی عدالتیں بڑھانے کی بھی منظوری دے دی ہیں۔

    تفصیلات کے مطابق آرمی چیف جنرل راحیل شریف کی زیرِ صدارت کور ہیڈکوارٹرز کراچی میں اہم اجلاس ہوا،آرمی چیف نے کراچی کو دہشت گردی سے پاک اور پرامن بنانے کے لیے دہشت گردوں ، جرائم پیشہ مافیا ، بدعنوانوں اور تشدد کرنے والوں کے درمیان شیطانی گٹھ جوڑ توڑنے کی بھی ہدایت کی ہے، آرمی چیف نے اہم دہشتگردوں کے مقدمات کے لیے شہر میں فوجی عدالتوں کی تعداد بڑھانے کی منظوری دی، کراچی پولیس کی استعداد کار بڑھانے کے لیے ساڑھے چھ کروڑ روپے مالیت کا سازوسامان بھی پولیس حکام کے حوالے کیا گیا۔

    آئی ایس پی آر کے مطابق آرمی چیف نے آپریشن کراچی بلاتفریق جاری رکھنے کی بھی ہدایت کی ہے، یہ احکامات انہوں نے کور ہیڈ کوارٹرز کراچی میں امن و امان کی صورتحال سے متعلق اجلاس میں دیئے ہیں۔

    آئی ایس پی آر کا کہنا ہے کہ چیف آف آرمی اسٹاف جنرل راحیل شریف کوکراچی کی صورتحال پربریفنگ دی گئی، آرمی چیف نے کراچی میں امن و امان سے متعلق اقدامات پرانٹیلی جنس ایجنسیز کی کارکردگی کوسراہا۔ آرمی چیف نے کہا کہ کراچی میں امن و امان کی صورت حال میں نمایاں بہتری آئی ہے، جرائم پیشہ افراد اور دہشت گردوں کے خلاف بلاتفریق آپریشن جاری رکھا جائے۔

    جنرل راحیل شریف نے شہر میں قیام امن کے لیے رینجرز ، پولیس،انٹیلی جنس اداروں اور خصوصاً عوام کے کردار کی تعریف کی۔

    کور ہیڈ کوارٹرز کے اہم اجلاس میں کور کمانڈر کراچی ، ڈی جی آئی ایس پی آر،ڈی جی رینجرز سندھ ، آئی جی پولیس ،کمشنر اور خفیہ اداروں کے نمائندے شریک تھے، اس سے قبل آرمی چیف نے ملیر کینٹ میں یادگار شہداء پر حاضری دی اور لیفٹیننٹ جنرل ضمیر کو ائیر ڈیفنس کمانڈنٹ کے بیج لگائے، آرمی چیف نے فوجی افسران اور جوانوں سے خطاب بھی کیا۔

  • آرمی چیف جنرل راحیل شریف کراچی پہنچ گئے، آئی ایس پی آر

    آرمی چیف جنرل راحیل شریف کراچی پہنچ گئے، آئی ایس پی آر

    کراچی: آرمی چیف جنرل راحیل شریف کراچی پہنچ گئے، انھیں کراچی آپریشن کی تفصیلات سے آگاہ کیا جائے گا۔

     آئی ایس پی آر کے مطابق آرمی چیف جنرل راحیل شریف کوکراچی کی سیکیورٹی صورتحال پربریفنگ دی جائیگی اور کراچی قیام امن کیلئے دہشتگردوں کے خلاف جاری آپریشن سے متعلق آگاہ کیاجائے گا۔

    آئی ایس پی آر کے مطابق آرمی چیف جنرل راحیل شریف کل کور ہیڈ کوارٹرز کا دورہ کریں گے اور کل فوجی افسروں اور جوانوں سے خطاب کریں گے۔

    آئی ایس پی آر کا کہنا ہےکہ کراچی میں قیام کے دوران آرمی چیف آج کورہیڈ کوارٹر کراچی کادورہ کریں گے اورگریژن افسران اورجوانوں سے خطاب کریں گے۔

  • جنرل راحیل شریف سے جرمنی کی نمائندہ خصوصی کی ملاقات

    جنرل راحیل شریف سے جرمنی کی نمائندہ خصوصی کی ملاقات

    راولپنڈی : جرمنی کی نمائندہ خصوصی برائے پاکستان و افغانستان سبین سپرویژر نے آرمی چیف جنرل راحیل شریف سے ملاقات کی ہے۔

    جی ایچ کیو میں ہونے والی ملاقات میں آپریشن ضرب عضب پر بات چیت کی گئی۔ پاک فوج کے شعبہ تعلقات عامہ (آئی ایس پی آر) کے مطابق جرمنی کی نمائندہ سبین سپرویژر نے آپریشن ضرب عضب میں پاکستان کی پیش قد می اور کامیابیوں کو سراہا۔

    جرمن نمائندہ نے کہا کہ پاکستان دہشت گردی کے خلاف جو کوششیں کررہا ہے وہ لائق تحسین ہیں، ان کاکہنا تھا کہ خطے میں امن پاکستان اور افغانستان دونوں کے مفاد میں ہے۔

    آرمی چیف جنرل راحیل شریف نے جرمنی کی نمائندہ کو دہشت گردی کے خاتمے اور جنگ سے تباہ حال علاقوں کی بحالی میں فوج کی کوششوں کے حوالے سے بتایا۔

    ان کا کہنا تھا کہ پاکستان سے دہشت گردی کو جڑ سے اکھاڑ پھینک دیا جائے گا۔

  • امدادی آپریشن صورتحال معمول پر آنے تک جاری ر ہے گا، آرمی چیف

    امدادی آپریشن صورتحال معمول پر آنے تک جاری ر ہے گا، آرمی چیف

    راولپنڈی : آرمی چیف راحیل شریف نے کہا ہے کہ سیلاب سے متاثرہ علاقوں میں پاک فوج کا امدادی آپریشن صورتحال معمول پر آنے تک جاری رہے گا۔

    آرمی چیف جنرل راحیل شریف نے چترال کے سیلاب زدہ علاقوں کا دورہ کیا ، اس موقع پر انہیں ملٹری کمانڈرز ،ایف ڈبلیو او، فرنٹئیر کور کی خدمات اور ان کو چترال میں جاری کارروائیوں سے آگاہ کیا گیا۔

    آرمی چیف نے متاثرین کے ساتھ کچھ وقت گزارااور ان کو بروقت اور بھر پور امداد کی یقین دہانی کرائی ۔

    آرمی چیف نے امدادی کارروائیوں کی تعریف کرتے ہوئے ایف ڈبلیو او کو ہدایت کی کہ وہ چترال کے زمینی راستوں کو ملک کے دیگر حصوں کے ساتھ بحال رکھیں۔

  • این ا یل سی بد عنوانی کیس : میجر جنرل (ر)خالد ظہیر اختر برطرف

    این ا یل سی بد عنوانی کیس : میجر جنرل (ر)خالد ظہیر اختر برطرف

    راولپنڈی : آرمی چیف جنرل راحیل شریف کی ہدایت پر این ا یل سی مالی بد عنوانی کیس کی دوبارہ تحقیقات مکمل ہونے کے نتیجے میں میجر جنرل (ر) خالد ظہیر اختر کو برطرف کر دیا گیا ۔

    آئی ا یس پی آر کے مطابق میجرجنرل (ر)خالدظہیرکے اعزازات،رینکس اور تمغے واپس لےلئےگئے، ان کی پنشن ختم کر کے تمام سروسز سہولیات واپس لے لی گئیں ۔

    لیفٹننٹ جنرل (ر) خالد ظہیر اختر نے جو مالی فوائد حاصل کئے تھے وہ بھی واپس لے لئے گئے تحقیقات کے نتیجہ میں لیفٹیننٹ جنرل(ر)افضل مظفرکی سخت سرزنش کی گئی۔

    لیفٹننٹ جنرل(ر)افضل مظفرپرقوائدوضوابط نظر انداز کرنےپراظہارناپسندیدگی کیا گیا تحقیقات کےد وران لیفٹیننٹ جنرل (ر) خالدمنیرخان کیخلاف مالی بےضابطگی ثابت نہ ہوسکی اور انہیں این ایل سی بدعنوانی کیس سے بری کر دیا گیا ۔

    تحقیقات میں ایک سول افسر سعید الرحمٰن بھی سرمایہ کاری کیلئے غلط فیصلوں کی مرتکب پائے گئے ہیں۔

    آئی ایس پی آر کے مطابق پاک فوج انصاف اورمنصفانہ احتساب کا عمل جاری رکھےگی، این ایل سی کیس میں اعلیٰ فوجی افسران کی مالی بد عنوانیاں پبلک اکائونٹس کمیٹی کی تحقیقات میں سامنے آئی تھیں۔

      این ایل سی میں گھپلوں کی نشاندہی دو ہزار نو میں پبلک اکاؤنٹس کمیٹی میں آڈٹ کے دوران ہوئی تھی جس پر پاک فوج نے دو ہزار دس میں انکوائری شروع کی۔ آرمی چیف جنرل راحیل شریف نے ہنگامی بنیادوں پر کیس کو نمٹانے کی ہدایت کی تھی۔

  • پاک فوج میں ہر خطرے کا مقابلہ کرنےکی صلاحیت موجودہے، آرمی چیف

    پاک فوج میں ہر خطرے کا مقابلہ کرنےکی صلاحیت موجودہے، آرمی چیف

    راولپنڈی : آرمی چیف جنرل راحیل شریف نے کہا ہے کہ افغان حکومت اورطالبان کے درمیان مذاکرات ہی پائیدارامن کاواحد راستہ ہیں۔

    ان خیالات کا اظہار انہوں نے جی ایچ کیو راولپنڈی میں کورکمانڈرزکانفرنس کی صدارت کر تے ہوئے کانفرنس سے خطاب کرتے ہوئے کیا۔

    پاک فوج کے شعبہ تعلقات عامہ (آئی ایس پی آر )کے مطابق آرمی چیف کا کہنا تھا کہ افواج پاکستان میں ہر خطرےکامقابلہ کرنےکی بھرپورصلاحیت موجودہے۔

    انہوں نے کہا کہ افغان حکومت اورطالبان کے درمیان مذاکرات ہی پائیدارامن کاواحد راستہ ہیں۔ مذاکرات کو خراب کرنے والے افغانستان سمیت خطے کے امن اور ترقی کے مخالف ہیں۔

    کانفرنس میں ایل اوسی کی صورتحال پرتبادلہ خیال کیا گیا، آپریشن ضرب عضب اور خفیہ معلومات کی بنیاد پر جاری آپریشنز کا بھی جائزہ لیا گیا۔

    کانفرنس میں سیکیورٹی کی صورتحال پر بھی غورکیاگیا۔ سیکیورٹی کی بہترصورتحال پرآرمی چیف نے اطمینان کا اظہار کیا۔

  • جنرل راحیل شریف کا لیہ کےسیلاب سے متاثرہ علاقےکادورہ

    جنرل راحیل شریف کا لیہ کےسیلاب سے متاثرہ علاقےکادورہ

    راولپنڈی : پاک فوج کے سربراہ جنرل راحیل شریف نے جنوبی پنجاب کے سیلاب سے متاثرہ علاقے لیہ کا دورہ کیا اور متاثرہ علاقے میں پاک فوج کی مدد سے جاری ریلیف اور ریسکیو آپریشن کا جائزہ لیا۔

    آرمی چیف جنرل راحیل شریف کو اس موقع پر کور کمانڈر ملتان لیفٹیننٹ جنرل اشفاق ندیم اور اعلیٰ حکام نے سیلاب کی تباہ کاریوں پر بریفنگ دی۔

    پاک فوج کے سربراہ جنرل راحیل شریف نے سیلاب کی تباہ کاریوں سے ہونے والے جانی اور مالی نقصان پر گہرے افسوس اور رنج کا اظہار کیااور ہدایت کی کہ متاترین سیلاب کی بحالی کیلئے تمام وسائل بروئے کار لائے جائیں۔

    انہوں نے لیہ میں آباد شمالی وزیرستان کے متاثرین سے بھی ملاقات کی اور ان کی جلد اپنے آبائی علاقوں میں واپسی کی یقین دہانی بھی کرائی۔