اسلام آباد : پاکستان سمیت دنیا بھر میں آج آزادی صحافت کا دن منایا جارہا ہے، اس دن کو ارشد شریف کے نام سے منسوب کیا گیا ہے۔
تفصیلات کے مطابق پاکستان سمیت دنیا بھر میں آج آزادی صحافت کا دن منایاجارہا ہے، صحافت کا عالمی دن ارشد شریف کے نام سے منارہے ہیں۔
آزادی صحافت کے عالمی دن پر نیشنل پریس کلب اسلام آباد میں قومی سیمینار ہوگا ، قومی سیمینارپی ایف یوجے،پارلیمنٹیرینزکمیشن انسانی حقوق کےاشتراک سے ہوگا۔
موضوع’’ڈیجیٹل ٹیکنالوجی،سوشل میڈیاکےآزادی اظہاراورانسانی حقوق پراثرات‘‘ہوگا ، قومی سیمینار آج نیشنل پریس کلب اسلام آبادمیں سہ پہر3بجے ہوگا، قومی سیمینار کا مقصدانسانی حقوق کیلئے آزادی اظہار کے مستقبل کا تعین کرنا ہے۔
پی ایف یوجے اور پارلیمنٹیرینزکمیشن اعلامیے میں کہا کہ آزادی صحافت کاعالمی دن ارشد شریف کے اعزازمیں منایا جارہا ہے ، آزادی صحافت دن ارشدشریف کی یاد دلاتا ہے ، سیمینارمیں جاں بحق167صحافیوں کےلیےانصاف کامطالبہ کیاجائے گا۔
اعلامیے میں کہا گیا کہ بہادرصحافی ارشدشریف نےحقائق پرمبنی رپورٹنگ کافریضہ اداکرتےجان دی، آزادی صحافت کادن پاکستان میں صحافیوں پرتشددکےمسئلےکواجاگرکرتاہے، صحافیوں کیخلاف جرائم میں ملوث عناصرکوکٹہرےمیں لایاجائے اور صحافیوں کوبلاخوف وخطراپنےفرائض کی سرانجام دہی کی آزادی دی جائے۔
آزادی صحافت کادن آزاداورجمہوری معاشرےمیں صحافیوں کاکرداریاددلاتاہے ، سیمینارمیں ڈیجیٹل ٹیکنالوجی،سوشل میڈیاکی خامیوں اورپوٹینشل پربات ہوگی
آزادی صحافت کا دن ویانا ڈکلیئریشن اور ہیومن رائٹس کے تحت منایا جاتا ہے، انسانی حقوق کاعالمی دن یونیورسل ڈکلیئریشن برائےانسانی حقوق کا بھی حصہ ہے۔
پی ایف یو جے کی کال پرپنجاب یونین آف جرنلسٹس آج شام4بجےریلی نکالے گی ، ریلی پریس کلب سےشروع ہوکرپنجاب اسمبلی پر اختتام پذیر ہوگی۔
