Tag: آزادی مارچ ARY News

لاہور: پاکستان تحریک انصاف کے چیئر مین عمران خان کہتے ہیں کل لاہور بند ہوگا، رانا ثناء اللہ جیسے گلوبٹ چھوڑے گئے تو مقابلہ کریں گے،حکومت سے مذاکرات کیلئے ایم او یو بنادیا ہے۔

تحریک انصاف کے مشاورتی اجلاس کے بعد پریس کانفرنس کرتے ہوئے عمران خان کا کہنا تھا کہ انتخابات میں عوام مینڈیٹ چوری کرنے والوں کو انصاف کے کٹہرے میں لانا چاہتے ہیں۔ آئین کہتا ہے کہ شفاف الیکشن سے حکومت بنتی ہے۔ دھاندلی سے آنے والی حکومت کے اقدامات بھی غیر آئینی ہوتے ہیں۔ ہم سمجھتے ہیں کہ الیکشن میں تاریخی فراڈ ہوا۔

 عمران خان کا کہنا تھا کہ ہم لاہور والوں سے ایک دن کی قربانی مانگ رہے ہیں، یہ احتجاج اس ملک کے مستقبل کیلئے ہے، کسی ایک جماعت کیلئے نہیں، لاہور کے تاجروں سے اپیل کرتا ہوں کہ وہ ایک دن کی قربانی دیں لیکن ہم کاروبار بند کرنے کیلئے کسی پر دبائو نہیں ڈالیں گے۔

عمران خان نے کہا کہ وہ کسی صورت الیکشن آڈٹ کے بغیر پیچھے نہیں ہٹیں گے، اگر حکومت نے چار حلقے کھول دیئے ہوتے تو سب کچھ پتا چل جانا تھا، ان کا کہنا تھا ہم نے مذاکرات کے لئے ایم او یو تیار کر لیا ہے، اگر حکومت نے منگل تک جوڈیشل کمیشن تشکیل دے دیا تو پاکستان بند نہیں کریں گے ۔

میانوالی: پاکستان تحریک انصاف کے چیئر مین عمران خان نے کہا ہےکہ سیاست میرے لیے جہاد ہے، انسان ظلم اورناانصافی کیخلاف کھڑا ہوتا ہے تو معاشرے کا فائدہ ہوتا ہے۔

نمل کالج میانوالی میں تقریب تقسیم اسناد سے خطاب میں عمران خان نے کہا کہ لوگوں کو تعلیم دینا سب سے بڑا کام ہے، ہم نے اپنے لوگوں پرظلم کیا،ملک میں تین تعلیمی نظام بنائے گئے۔خواب ہے میانوالی میں آکسفورڈ سے بڑی یونی ورسٹی بنے۔

 عمران خان کا کہناتھا کہ کوئی چیز ناممکن نہیں، جب تک آپ خود ہارنہیں مانتے کوئی آپکو ہرانہیں سکتا،کون سوچتا تھا کہ میں ایک سو بائیس دن کنٹینرپرکھڑا ہوں گا، عمران خان نے کہا کہ ہے،قوم ظلم کے خلاف آواز اٹھائے، لوگ ناانصافی کو برداشت نہ کریں،میں پوری قوم کو جگانا چاہتا ہوں۔

اسلام آباد: تحریک انصاف کے چیئرمیں عمران خان کہتے ہیں اگر وزیراعظم بننا ہوتا تو واشنگٹن کا طواف کرتا،حکومت سے بات چیت کیلئے تیار ہیں، لیکن بات چیت مخصوص وقت کے اندر ہونی چاہیئے۔

اسلام آباد ہائی کورٹ بار سے خطاب کے دوران عمران خان نے ملک کے انتخابی نظام کو تنقید کا نشانہ بناتے ہوئے کہا کہ دو ہزار تیرہ کے الیکشن میں مینڈیٹ کا قتل ہوا، عمران خان کا کہنا تھا کہ حکومت سے بات کرنے کیلئے تیار ہیں لیکن بات چیت مخصوص وقت کے اندر مکمل ہونی چاہئے،عمران خان کا کہنا تھاجہاں جمہوریت ہوگی وہاں خوشحالی ہوگی وزیراعظم بننا ہوتا تو امریکاکادورہ کرتا۔

عمران خان نےکہاکہ الیکشن سے پہلے رول آف لاء کا ہونا ضروری ہے، ورنہ جرائم پیشہ طبقہ اوپر آجاتا ہے، انہوں نے کہاکہ تمام جماعتوں نے تسلیم کیا کہ انتخابات میں دھاندلی ہوئی، ہم نے توصرف چار حلقوں میں تحقیقات کامطالبہ کیا ہے، انہوں نےکہاکہ نواز شریف کے استعفے کے مطالبے سے پیچھے ہٹ گئے۔  فیصل آباد میں ہمارے کارکن کو ہی مار کر ہمارے اوپر مقدمات درج کر لئے گئے۔

اسلام آباد: تحریک انصاف کے چئیر مین عمران خان کا کہنا ہے کہ جس دن حکومت جوڈیشل کمیشن کا قیام عمل میں لائے گی دھرنا اور احتجاج ختم کردینگے۔

 دھرنے کے شرکاء سے خطاب میں عمران خان کا کہنا تھا کہ حکومت کی جانب سے غیرمشروط مذاکرات کا خیرمقدم کرتے ہیں، اگرحکومت مذاکرات چاہتی ہے تو تیار ہیں، لیکن مذاکرت وہیں سے شروع ہونگے جہاں پر رکے تھے۔

عمران خان کا کہنا تھا کہ کراچی میں احتجاج پُرامن ہوگا، اگر کراچی والے سمجھتے ہیں کہ نظام ٹھیک ہے تو کاروبارکھلارکھیں، کسی کو زبردستی دکان اور کاروبار بند کرنے کا نہیں کہیں گے۔

 عمران خان کہنا تھا کہ اگر حکومت مذاکرات کیلئے سنجیدہ ہے تو کراچی کے جلسے سے پہلے جوڈیشل کمیشن بنادے تو شہر شہر احتجاج اور دھرنے ختم کردینگے۔

عمران خان کہنا تھا کہ نئے الیکشن کمیشن پر ان کو مکمل اعتماد ہے، انہوں نے اعلان کیا کہ میں شہروں کو بند نہیں کرنا چاہتا۔ جوڈیشل کمشن بیٹھنے پر شہروں میں اپنا احتجاج ختم کر دینگے،جوڈیشل کمشن 24 گھنٹوں میں تشکیل دیا جا سکتا ہے۔ حکومت سنجیدہ ہے تو کراچی جلسے سے پہلے جوڈیشل کمشن بٹھا دے۔ جس دن جوڈیشل کمشن بیٹھ گیا اس دن ہمارا احتجاج ختم ہوجائے گا۔

اسلام آباد: چیئرمین تحریک انصاف عمران خان نے کہا ہے کہ ملک کی بندر بانٹ کرنے والوں نے کرپشن کے سارے ریکارڈ توڑ ڈالے،اب احتساب نہ کیا گیا تو اگلے الیکشن میں دھاندلی کا مقابلہ ہو گا۔

اسلام آباد میں جنوبی پنجاب سے تین سیاسی شخصیات کی تحریک انصاف میں شمولیت کے موقع پر پریس کانفرنس کرتے ہوئے سربراہ تحریک انصاف عمران خان نے کہا پہیہ جام کا مقصد لوگوں کو تکلیف میں ڈالنا ہرگز نہیں،عوام کے بنیادی حقوق کی جنگ لڑ رہا ہوں ،کسی کو زبردستی مجبور نہیں کریں گے جسے مناسب لگے وہ پہیہ جام میں ساتھ دے ۔کنٹینر پر مضبوط اپوزیشن نہ کرتے تو پیٹرول اور ڈیزل کی قیمتیں کبھی کم نہ ہوتی حکومت سے مطالبہ کرتے ہیں کہ بجلی کی قیمتوں میں بھی چالیس فیصد تک کمی لائے۔

اس موقع پر عمران خان نے مذاکرات کے حوالے سے کہا کہ حکومت کے ساتھ جے آئی ٹی کے قیام سمیت جو معاملات طے پا چکے تھے ان سے آگے بڑھیں گے،حکومت سنجیدہ ہے تو ٹرم آف ریفرنسز طے کرے،مذاکرات میں شاہ محمود قریشی کو مکمل با اختیار بنایا ہے یہ تاثر غلط ہے کہ عمران خان مذاکرات میں اپنی مرضی چاہتے ہیں۔

استعفوں کی واپسی سے متعلق ایک سوال کے جواب میں عمران خان نے بتایاکہ قومی اسمبلی کی نشستوں سے استعفی دے چکے ہیں، تحقیقات میں دھاندلی ثابت نہ ہوئی تب بھی اسمبلیوں میں واپس نہیں جائیں گے،چیف الیکشن کمیشنر کی تعیناتی پر تبصرہ کرتے ہوئے عمران خان نے کہا کہ سردار رضا کی تعیناتی پر کوئی اعتراض نہیں مگر الیکشن کمیشن کی خود مختاری کے لئے ضروری ہے کہ چاروں صوبائی ممبران بھی استعفی دیں۔

اسلام آباد: تحریک انصاف کے سربراہ عمران خان کہتے ہیں اے آر وائی نیوز کے رپورٹرز ریلوے کی اسمگلنگ کوسامنے لائے،انھیں ایوارڈ کے بجائے سزا دی گئی۔

پی ٹی آئی کے سربراہ عمران خا ن نے آج  آزادی دھرنے سے خطاب کر تے ہو ئے اس عزم کا پھر اعا دہ کیاہے کہ وہ انصاف کے حصول اور الیکشن میں دھا ندلی ثا بت ہو نے تک جدو جہد جا ری رکھیں گے۔

عمران خان کا کہنا تھا کہ جنہوں نے بھی عوامی مینڈیٹ چوری کیا ان کو نہیں چھوڑوں گا، پلان سی مکمل ہونےکےبعد پلان ڈی اٹھارہ دسمبرکوبتاؤں گا،انصاف ملنےتک آزادی دھرنا جاری رہے گا،عمران خان نے کہاکہ میاں صاحب آپ کےلیےحکومت چلانا مشکل ہوجائے گا۔

انہوں نے کہاکہ پیرکوفیصل آباد جارہا ہوں،عوام تبدیلی چاہتے ہیں تومیرے ساتھ سڑکوں پرنکلیں اورفیصل آباد بند کریں،جو سمجھتے ہیں کہ ملک میں سب اچھا ہے وہ باہر نہ نکلیں۔عمران خان کاکہناتھا کہ جوڈیشل کمیشن کی تحقیقات کے نتیجے کوتسلیم کروں گا، دھاندلی ثابت ہونے پرنوازشریف کواستعفیٰ دیناہوگا، عمران خان نے ایک بارپھرواضح کیاکہ وہ پلان سی سے کسی صورت پیچھے نہیں ہٹیں گے ، اٹھارہ دسمبرکوملک گیراحتجاج کے بعد پلان ڈی کااعلان کیاجائے گا۔

اسلام آباد: عمران خان نے کہا ہے کہ پی ٹی آئی کااحتجاج پرامن ہوگا،طاقت کااستعمال ہوا تونقصان حکومت کاہوگا۔

ڈی چوک میں جاری دھرنے سے خطاب میں تحریک انصاف کے چیئرمین عمران خان نے کہا کہ آج فیصل آباد کے نوجوانوں سے احتجاج کی حکمت عملی پر بات چیت ہوئی، سارے لوگ بہت پر جوش ہیں اور اس قوم کا ووٹ چوری ہونے کے خلاف ریکارڈ احتجاج کیا جائے گا مگر ہم کسی کو بھی اپنے احتجاج میں شامل کرنے کیلئے مجبور نہیں کریں گے، جس کا خیال ہے کہ الیکشن میں دھاندلی نہیں ہوئی وہ ہمارے احتجاج کے باوجود اپنا کاروبار جاری رکھ سکتے ہیں۔

انہوں نے کہا کہ  ہمارے اوپر پتھراؤ کيا گيا مگر ہم پُرامن رہے، ہم سرکاری عمارتوں ميں گھس سکتے تھے مگر ایسا نہیں کیا، مياں صاحب! پُرامن احتجاج کو پُرامن رہنے دينا، حکمران دھاندلی پر غیرجانبدار انکوائری نہیں ہونے دیں گے۔

ان کا کہنا تھا کہ تیل کی مصنوعات میں حکومت کی جانب سے جو کمی ہوئی ہے وہ ہمارے دھرنے کے سبب ہے، تیل کی قیمتوں میں عالمی منڈی کی قیمت کے مطابق ابھی اور کمی کی جانی چاہئے اور اس کے علاوہ بجلی کی قیمتوں میں بھی کم از کم 15 فیصد کمی کی جانی چاہئے۔

عمران خان نے کہا کہ حکومت نے حق نہیں دیا اس لئے پیر سے احتجاج کا تیسرا مرحلہ شروع کر رہے ہیں۔ شٹر ڈاؤن نہیں کرائیں گے۔ تاجر برادری پریشان نہ ہو۔ فیصل آباد کے لوگ اگر سمجھتے ہیں کہ حالات اچھے ہیں تو بے شک وہ گھروں سے نہ نکلیں۔ چیئرمین تحریک انصاف نے کہا کہ ملک میں مہنگائی مسلسل بڑھ رہی ہے۔

اسلام آباد: پاکستان تحریک انصاف کے سربراہ عمران خان نے اسلام آباد دھرنے سے خطاب میں کہا ہے حکومت اور تحریک انصاف کے درمیان مذاکرات میں سب نکات طے پاگئے تھے ،مگر حکومت طاہر القادری کے جاتے ہی اپنے نکات سے مکر گئی۔

اسلام آباد میں آزادی دھرنے کے شرکاء سے خطاب کرتے ہوئے عمران خان کا کہنا تھا کہ جوڈیشل کمیشن کے بیٹھنے تک میرا پروگرام ختم نہیں ہوگا، آزادی حاصل کرنے کیلئے قربانی دینا پڑتی ہے، ہمارا پلان ‘‘سی’’ نہیں رکے گا، اگر تھکا دینے کے چکر میں ہیں، تو فائدہ نہیں ہوگا، ہمیں انصاف لئے بغیر نہیں جانا، اپنے حقوق کیلئے آواز بلند کرنے کا وقت ہے، سنا ہے پاکستان میں کرپشن کی شرح کم ہوگئی، کنٹینر سے حقیقی اپوزیشن ہورہی ہے۔

عمران خان نے کہا کہ دھرنا اور احتجاج کسی صورت ختم نہیں ہوگا ، حکومت طاہرالقادری کے دھرنا ختم کرنے کے بعد بات چیت سے پیچھے ہٹ گئی تھی ہم ایسا نہیں کریں گے ، ان کا کہنا تھا کہ اعجاز چودھری جب نون لیگ میں تھے تو سب اچھا تھا ، اب دو سو پولیس اہلکاروں نے ان کے گھر پر چھاپہ مارا ہے ، عمران خان نے کہاکہ بدقسمتی سے ملک میں کمزور کو انصاف نہیں ملتا ، کمزور طبقے کے پاس ووٹ کے استعمال کے سواکچھ نہیں ، حکمران حق مانگنے والے پر پولیس کو چھوڑ دیتے ہیں۔

عمران خان نے لاہورمیں نابینا افراد پر پولیس کے تشددکی مذمت کرتے ہوئے کہا کہ شریفوں کی جانب سے نابینا افراد پر تشدد کا افسوس ہوا، نابینا افراد نوکریوں میں اپنا حصہ مانگ رہے تھے، موجودہ حکمرانوں نے نابینائوں کو بھی تشدد سے نہیں بخشا۔