Tag: آزادی مارچ

اسلام آباد: پاکستان تحریک انصاف کے چیئرمین عمران خان نے آج شام چھ بجے ریڈ زون کی طرف بڑھنے کا اعلان کردیا، انکا کہنا ہےکہ پُرامن احتجاج کا راستہ روکا گیا تو پھر نہ کہنا عمران خان کی وجہ سے فوج آگئی۔

آزادی مارچ کے شرکاء سےاہم خطاب میں تحریک انصاف کے چیئرمین عمران خان کا کہنا تھا کہ وہ اپنے کارکنوں کے ساتھ ریڈ زون کی طرف نکلیں گے، عمران خان نے کارکنوں سے وعدہ لیا کہ وہ صرف پرامن احتجاج کرینگے۔

عمران خان کا کہنا تھا کہ وزیراعظم ہاؤس اور قومی اسمبلی کے سامنے پرامن احتجاج کریں گے، وزیراعظم نوازشریف اگر اسلام آباد سے رائے ونڈ چلے گئے، تب بھی تو سول نافرمانی کی تحریک حکومت چلنے نہیں دیگی۔

عمران خان نے خطاب میں خدشہ ظاہرکیا کہ اُنہیں گرفتار یا نظر بند کیا جا سکتاہے، تاہم اُنھوں نے وارننگ دی کہ پُرامن احتجاج کا راستہ روکا گیا تو پھرفوج ہی آئے گی، پھر نہ کہنا عمران خان کی وجہ سے فوج آگئی۔

عمران خان نے قومی ، پنجاب اور سندھ اسمبلی سے ارکان کے مستعفی ہونے کا اعلان بھی کیا ، ان کاکہنا تھا کہ خیبر پختون خوا میں حکومت چھوڑنے کے حوالے سے اتحادی جماعت سے مشاورت کی جائے گی۔

گوجرانوالا :عمران خان نے کہا ہے کہ بڑی خوش خبری ملنے والی ہے ، پولیس فیصلہ کر لے کہ وہ عوام کی ملازم ہے یا بادشاہوں کی ہے۔

گوجرانوالا پہنچنے پراستقبالیہ ہجوم سے خطاب میں عمران خان کا کہنا تھا کہ بڑی خوشخبری ملنے والی ہے، نیا پاکستان بننے جارہا ہے، پاکستانیوں کیلئےاچھا وقت آنیوالاہے، عمران خان نے کہا کہ آزادی کوئی پلیٹ میں رکھ کر پیش نہیں کرتا ، چھینی پڑتی ہے۔

عمران خان کا کہنا تھا کہ میں نے اٹھارہ سال جدوجہد کی ہے اور عوام کا ہجوم دیکھ کر خوشی ہورہی ہے ، آزادی مارچ میں دس لاکھ لوگ اسلام آباد  پہنچیں گے، انھوں نے کہا کہ جو حکومت دھاندلی کرکے آتی ہے اسے عوام کی پرواہ نہیں ہوتی، آزادی تب ملے گی جب ملک میں حقیقی جمہوریت آئے گی، عمران خان نے کہا کہ ہمارے پاس اتنی طاقت ہے کہ ان کی حکومت الٹ سکتے ہیں۔،

عمران خان کا کہا کہ بادشاہت کا آخر آگیا ہے ،نیا پاکستان بنے گا ، نواز شریف کو سمجھ جانا چاہیئے کہ عوام ان کی حکومت کو نہیں مانتے۔ان کا کہنا تھا کہ جب تک گیارہ  مئی کے انتخابات میں دھاندلی کرنے والوں کو سزائیں نہیں دی جائیں گی اس وقت تک ملک میں صاف و شفاف انتخابات نہیں ہوسکتے۔

عمران خان نے کہا کہ حکومت نے الیکشن کمیشن کے ساتھ مل کر میچ فکسنگ کی، انھوں نے کہا کہ ہمارا مارچ پر امن ہے لیکن حکومت کی جانب سے ہیلی کاپٹر کے زریعے کیلییں پھینکی گئی، جس سے ہمارے کارکنان کی کئی موٹر سائیکل اور گاڑیاں پنکچر ہوئیں، کچھ بھی ہوا تو انتظٓامیہ ذمہ دار ہوگی۔

عمران خان نے کہا کہ جو لوگ اسلام آباد پہنچ چکے ہیں اور انتظار کریں وہ جلد ان سے آکر ملیں گے، پنجاب پولیس گرفتارکارکنان کو فوری رہا کرے،عمران خان نے اس موقع پر سب کو آزادی کی مبارکباد دیتے ہوئے کہا کہ لوگ پرانے نظام سے آزادی کی تیاری کریں۔