ARYNews.tv | Urdu – Har Lamha Bakhabar

Tag: آسکر ایوارڈز

  • آسکر نامزدگی کے بعد فلم ’لاپتہ لیڈیز‘ کو نیا نام مل گیا

    آسکر نامزدگی کے بعد فلم ’لاپتہ لیڈیز‘ کو نیا نام مل گیا

    بالی ووڈ کی مایہ ناز فلم ڈائریکٹر اور اداکار عامر خان کی سابقہ اہلیہ کرن راؤ نے اپنی فلم ’لاپتہ لیڈیز‘ کو آسکر میں نامزدگی کا اعزاز ملنے کے بعد فلم کا ٹائٹل تبدیل کردیا۔

    بھارتی میڈیا کے مطابق کرن راؤ کی فلم کو ’لاپتہ لیڈیز‘ کو بھارت کی  آفیشل سرکاری انٹری کے طور پر آسکر 2025 کیلئے منتخب کیا گیا تھا۔

     

    View this post on Instagram

     

    A post shared by Lost Ladies (@lostladiesfilm)

    آسکر ایوارڈز میں نامزدگی کے بعد ایوارڈ کی اہم شرائط میں سے ایک کو پورا کرتے ہوئے فلم ’لاپتہ لیڈیز‘ کے میکرز کی جانب سے فوٹو اینڈ ویڈیو شیئرنگ ایپ انسٹاگرام پر مداحوں کو فلم کے نئے نام اور  پوسٹر سے آگاہ کیا گیا۔

     فلم ’لاپتہ لیڈیز‘ کے میکرز عامر خان پروڈکشن کی جانب سے فلم کے نام کو ہندی سے انگریزی میں کنورٹ کرتے ہوئے آسکر 2025 کیلئے فلم کا نام لاپتہ سے‘لوسٹ لیڈیز‘ میں تبدیل کیا گیا ہے۔

    عامر خان پروڈکشن کی جانب سے انسٹاگرام پر شیئر کی گئی پوسٹ کو کیپشن دیتے ہوئے فلم لاپتہ لیڈیز کے میکرز کا کہنا تھا کہ ’انتظار کی گھڑیاں ختم ہوئیں، لوسٹ لیڈیز  کے نام سے فلم لاپتہ لیڈیز  کا نیا پوسٹر آسکر میں کمپیٹ کرنے کیلئے تیار ہے‘۔

    واضح رہے کہ فلم ’لاپتہ لیڈیز ‘ بپلاب گوسوامی کی ایک ایوارڈ یافتہ کہانی پر بنائی گئی ہے جس میں پرتیبھا رانتا، سپارش شریواستو، اور نیتانشی گوئل نے اداکاری کے جوہر دکھائے۔

    فلم میں ایک ایسے شخص کی کہانی بیان کی گئی ہے جس کی دلہن ٹرین سفر کے دوران گم ہوجاتی ہے، اور اس کا دلہا گھونگھٹ کی وجہ سے پہچان نہ پانے پر دوسری دلہن کو ساتھ گھر لے آتا ہے۔

  • آسکر ایوارڈز 2022: تھپڑ کھانے والے کرس راک کی والدہ نے کیا کہا؟

    آسکر ایوارڈز 2022: تھپڑ کھانے والے کرس راک کی والدہ نے کیا کہا؟

    آسکر ایوارڈز 2022 کی تقریب کے دوران اسٹیج پر امریکی اداکار ول اسمتھ کا مکا کھانے والے کرس راک کی والدہ کا کہنا ہے کہ انہیں ول اسمتھ کے معافی نہ مانگنے پر افسوس ہے۔

    بین الاقوامی میڈیا کے مطابق کرس راک کی والدہ روز راک نے ول اسمتھ کے اپنے بیٹے کو تھپڑ مارنے پر ردعمل دیتے ہوئے کہا ہے کہ مجھے بہت برا لگتا ہے کہ ول اسمتھ نے اپنی غیر اخلاقی حرکت پر معافی نہیں مانگی۔

    روز راک نے کہا کہ جب ول نے کرس کو تھپڑ مارا تو اس نے ہم سب کو تھپڑ مارا اور اس نے واقعی مجھے تھپڑ مارا، جب آپ نے میرے بچے کو نقصان پہنچایا تو آپ نے مجھے تکلیف دی۔

    انہوں نے یہ بھی کہا کہ ان کا بیٹا کرس راک اچھا کام کر رہا ہے اور اس واقعے پر کارروائی کر رہا ہے۔

    خیال رہے کہ آسکر ایوارڈز کی تقریب کے دوران اداکار کرس راک ایوارڈ دینے اسٹیج پر آئے تھے اور اس دوران بات کرتے ہوئے انہوں نے ول اسمتھ کی بیوی جاڈا پنکٹ اسمتھ کے سر کے بال جھڑ جانے پر مذاق اڑایا تھا۔

    کرس کے مذاق پر اسمتھ اسٹیج پر آئے اورکرس راک کے منہ پر زور دار مکا مارا تھا۔

    بعد ازاں انہوں نے اس عمل کی معافی بھی مانگی تھی جبکہ کرس راک کو بھی تنقید کا نشانہ بنایا گیا کہ وہ کسی کی بیماری کو مذاق کا نشانہ بنا رہے تھے۔

    رپورٹس کے مطابق واقعے کے بعد پولیس بھی وہاں پہنچ گئی تھی لیکن کرس راک نے انہیں کسی قسم کی کارروائی کرنے یا ول اسمتھ کو گرفتار کرنے سے روک دیا تھا۔

  • آسکرز 2022: اہلیہ کے لیے نامناسب مذاق پر ول اسمتھ نے میزبان کو مکا جڑ دیا

    آسکرز 2022: اہلیہ کے لیے نامناسب مذاق پر ول اسمتھ نے میزبان کو مکا جڑ دیا

    آسکر ایوارڈز 2022 کی براہ راست تقریب کے دوران امریکی اداکار ول اسمتھ نے اہلیہ کے خلاف نامناسب مذاق پر میزبان کرس راک کو مکا جڑ دیا۔

    94 ویں اکیڈمی ایوارڈز کی تقریب گزشتہ شب ہر بار کی طرح اس بار بھی لاس اینجلس کے ڈولبی تھیٹر میں منعقد ہوئی جہاں ایک ناخوشگوار واقعہ پیش آیا۔

    تقریب کی میزبانی کامیڈین کرس راک کر رہے تھے، ایک موقع پر انہوں نے بہترین اداکار نامزد ہونے والے ول اسمتھ کی اہلیہ جاڈا پنکیٹ اسمتھ کے لیے نہایت حساس مذاق کر ڈالا۔

    انہوں نے جاڈا کے بالوں کو نشانہ بناتے ہوئے ایک فلم جی آئی جین کا حوالہ دیا اور کہا کہ وہ اس کے سیکوئل میں جلد انہیں دیکھنے کے خواہشمند ہیں۔

    ول اسمتھ کی اہلیہ جاڈا پنکیٹ اسمتھ جو خود بھی اداکارہ ہیں، گنج پن کی بیماری ایلوپیشیا کا شکار ہیں جس کی تشخیص کا انہوں نے سنہ 2018 میں عوام کے سامنے انکشاف کیا تھا۔

    کرس کے اس بھونڈے مذاق پر لمحے بھر کو ڈولبی تھیٹرز میں خاموشی چھا گئی، جاڈا اور ول اسمتھ بھی اس پر خفا دکھائی دیے، اگلے ہی لمحے ول اسمتھ اپنی جگہ سے اٹھے، اسٹیج پر گئے اور میزبان کو زوردار مکا دے مارا۔

    مکا کھانے کے بعد کرس کھسیانے انداز میں وضاحت پیش کرتے دکھائی دیے تاہم ول اسمتھ نے چلا کر انہیں اپنی اہلیہ کے بارے میں بات کرنے سے باز رہنے کو کہا اور نازیبا زبان بھی استعمال کی۔

    ول اسمتھ کے جملے کے دوران امریکا بھر میں آسکرز کی نشریات کو مختصر وقفے کے لیے سنسر بھی کیا گیا۔

    واقعے کی ویڈیو دنیا بھر کے سوشل میڈیا پر تیزی سے وائرل ہوگئی۔ لوگوں کا کہنا ہے کہ وہ اچھنبے میں ہیں کہ آیا یہ واقعہ سچ مچ ہوا تھا یا پہلے سے اسکرپٹڈ تھا۔

  • آسکرز ایوارڈز میں نئی کیٹیگری کا اضافہ کرنے پر غور

    آسکرز ایوارڈز میں نئی کیٹیگری کا اضافہ کرنے پر غور

    لاس ایجنلس: آسکرز ایوارڈز میں نئی کیٹیگری کا اضافہ کرنے پر غور شروع کردیا گیا ہے، عوام میں مشہور فلموں کو پاپولر فلمز کی کیٹیگری میں شامل کیا جائے گا۔

    تفصیلات کے مطابق آسکرز انتظامیہ نے نئے سال کی نئی کیٹیگریز کا اضافہ کیا ہے، پاپولر کیٹیگری میں مشن امپاسبل فال آؤٹ، ڈیڈ پول ٹو اور ایونجرز انفنٹی وار کے نامزد ہونے کا امکان ہے، اس کے علاوہ ایوارڈز کی تقریب کو تین گھنٹے تک محدود رکھنے کا فیصلہ کیا گیا ہے۔

    پاپولر فلم ایوارڈ کی کیٹیگری کا نک نیم پوپ کارن آسکرز رکھے جانے کا امکان ہے، پاپولر کیٹیگری میں جو فلمیں نامزد ہونے کا امکان ہے ان میں بلیک پینتھر، ایونجرز انفنیٹی وارم ڈیڈ پول ٹو، مشن امپاسبل فال آؤٹ شامل ہیں۔

    آسکرز کے بورڈ آف گورنرز، اسٹاف ممبرز پچھلے کچھ ماہ سے آسکر ایوارڈز میں تبدیلیاں لانے کے لے لیے سر جوڑے بیٹھے ہیں۔

    آسکرز ایوارڈز میں جو تین بڑی تبدیلیاں کی گئی ہیں ان میں ایک پاپولر فلم کیٹیگری، دوسری ایوارڈز کا ٹائم تین گھنٹے تک محدود کرنے کا فیصلہ کیا گیا ہے اور تیسری پہلے آسکر ایوارڈز 23 فروری کو ہونا تھے جس کی تاریخ تبدیل کرکے 9 فروری 2020 کردی گئی ہے۔

    واضح رہے کہ شرمین عبید چنائے کی آسکرز ایوارڈ یافتہ فلم اے گرل ان دا ریور، نے ایمی ایوارڈ جیتا تھا، فلم کو بیسٹ شارٹ ڈاکیومینٹری کا ایوارڈ دیا گیا تھا۔

    شرمین عبید چنائی کی دستاویزی فلم کی کہانی غیرت کے نام پر قتل کے موضوع سے متعلق تھی، جس میں صبا نامی اٹھارہ سالہ لڑکی کو اس کے رشتے دار غیرت کے نام پر قتل کرنے کی کوشش کرتے ہیں اور بعد میں مردہ سمجھ کر دریا میں پھینک دیا تھا مگر وہ معجزانہ طور پر بچ گئی تھی۔

  • پاکستانی فلموں کو ایک بارپھر آسکرایوارڈ کی دوڑ میں شامل ہونے کا سنہری موقع

    پاکستانی فلموں کو ایک بارپھر آسکرایوارڈ کی دوڑ میں شامل ہونے کا سنہری موقع

    پاکستانی فلموں کوایک بارپھر آسکرایوارڈ کی دوڑ میں شامل ہونے کا سنہری موقع مل گیا ہے،آسکرایوارڈمیں شامل ہونے کے لئے پاکستان اکیڈمی کی سلیکشن کمیٹی نے پچیس اگست کی ڈیڈلائن دے دی۔

    دنیا ئے فلم کا سب سے بڑا میلہ آسکرایوارڈ شوبز سے تعلق رکھنے والے ہر شخص کی دلی خواہش کہ اسے ہی آسکرایوارڈ مل جائے، شرمین عبید کے بعد آسکرکی دوڑ میں ایک بارپھر تیزی آگئی کیونکہ پاکستان اکیڈمی کی سلیکشن کمیٹی کی جانب سے گرین سگنل مل گیا ہے، اٹھاسی ویں اکیڈمی ایوارڈزکے لئے پاکستانی اکیڈمی کی سلیکشن کمیٹی نے فارن لینگویج فلم ایوارڈز کی کیٹیگری کے لئے فلم میکرز کو اپنی فلمیں اکیڈمی کے پاس جمع کرانے کی آخری تاریخ کا اعلان کردیا ہے۔

    فلم سازپچیس اگست تک اکیڈمی کے پاس اپنی فلمیں جمع کراسکیں گے، جس کے بعد کمیٹی ان فلموں کا جائزہ لے گی، اور بعد میں ان میں سے بہترین فلموں کو آسکرز کے لئے بھیجا جائے گا، منتخب شدہ فلم کا اعلان پندرہ ستمبر کوکیاجائے گا، سال دوہزارتیرہ میں سلیکشن کمیٹی کی جانب سے فلم زندہ بھاگ کو نامزدگی کے لئے بھیجا گیا تھا۔

  • ہالی ووڈ: آسکرایوارڈ2014 کا ٹریلر ریلیز

    ہالی ووڈ: آسکرایوارڈ2014 کا ٹریلر ریلیز

    ہالی ووڈ کی فلمی دنیا میں ہلچل مچ گئی ہے، آسکر ایوارڈز دوہزار چودہ کا ٹریلر ریلیز ہوگیا۔

    فلمی دنیا کے سب سے معززایوارڈ آسکر ایوارڈ کا فلمی ستاروں کو شدت سے انتظارہوتا ہے،ابھی آسکرایوارڈ میں دوماہ باقی ہیں مگر آسکرایوارڈز2014 کا شاندار ٹریلر فلمی دنیا میں کھلبلی مچا گیا۔

    ٹریلر میں امریکی اداکارہ و ٹی وی میزبان ایلن ڈی جینیرس ڈھائی سو ڈانسرز کے ساتھ گانے"دی والکر" پر جلوے بکھیر رہی ہیں، ایلن آسکر 2014 کی تقریب میں میزبانی کے فرائض بھی انجام دیں گی، اس ٹریلر کو تین جنوری سے امریکا کے سینما گھروں میں چلایا جائے گا۔