کراچی : سندھ اسمبلی میں جیل سے آئے خط پر اسپیکر سندھ اسمبلی آغا سراج درانی اور رؤف صدیقی کے درمیان  دلچسپ مکالمہ ہوا، رؤف صدیقی نے اسپیکر سے کہا کہ آپ جیل میں بہت مشہور ہیں آپ کو جیل کے دورے کی دعوت دیتا ہوں۔

سندھ اسمبلی میں آج اسپیکر سندھ اسمبلی کی زیر صدارت ہونے والے اجلاس میں اسپیکر اور رؤف صدیقی کے درمیان دلچسپ مکالمہ دیکھنے میں آیا۔ ایم کیو ایم پاکستان کے اسیر رہنما رؤف صدیقی نے جیل میں قیدیوں کے مسائل کے حوالے سے خط اسپیکر سندھ اسمبلی کو جمع کرادیا۔

خط موصول ہونے پر اسپیکر سندھ اسمبلی آغا سراج درانی کا کہنا تھا کہ رؤف صاحب آپ کا جیل سے متعلق لکھا گیا خط مل گیا ہے، مجھے اندازہ ہے جیل میں کیا ہوتا ہے ، میں خود بھی جیل میں رہ کر آیا ہوں۔

اس جملے کے جواب میں رؤف صدیقی نے کہا کہ اسپیکر صاحب آپ اپنے حلقے میں بلکہ پاکستان میں بہت مشہور معروف ہیں۔

آغا سراج درانی کہا کہ میں جیل میں مشہور نہیں ہوں، رؤف صدیقی نے کہا آپ جیل میں بھی مشہور ہیں۔

رؤف صدیقی نے مزید مزاحیہ گفتگو کرتے ہوئے کہا کہ جیل میں قیدی آپ کا خطاب سن کے تالیاں بجاتے ہیں، آپ کبھی ہمارے گھر آئیں آپ کو جیل میں آنے کی دعوت دیتا ہوں، دورہ کرنے آئیں اللہ نہ کرے آپ قید ی ہو کر آئیں۔

Sindh Assembly session, addressing Rauf Siddiqui by arynews

سابق صدر پرویز مشرف کی بیماری کے حوالے سے پیپلز پارٹی کے رہنماوں کا کہنا ہے کہ پرویز مشرف اس سے پہلے بھی ملک سے باہر جانے کی کوشش کرتے رہے ہیں۔

سابق صدر پرویز مشرف کی طبیعت نے سیاسی ماحول میں ہلچل مچا دی ہے، پرویز مشرف کی طبیعت کے حوالے سے پیپلز پارٹی کے رہنما آغا سراج درانی کا کہنا ہے کہ صدر مشرف اس سے پہلے بھی ملک سے باہر جانے کی کوششیں کرتے رہے ہیں۔

رکن پنجاب اسمبلی راجہ ریاض احمد کا کہنا ہے کہ سابق صدر پرویز مشرف چھ جنوری کو دبئی روانہ ہو جائیں گے اور ان کی روانگی کے ذمہ دار نواز شریف اور چوہدری نثار ہوں گے۔ 

راجہ ریاض کا مزید کہنا تھا کہ پرویز مشرف کو دل کی تکلیف نہیں ہے وہ ڈرامہ کر رہے ہیں ۔