Tag: آفریدی

کراچی: بھارت کی جانب سے مقبوضہ کشمیر کی آزاد حیثیت ختم کرنے کے بعد پاکستانی کرکٹ ٹیم کے آل راؤنڈر اور سابق کپتان شاہد آفریدی نے مسئلہ کشمیر کو اقوامِ متحدہ کی قرارداد کے مطابق حل کرنے کا مطالبہ کیا تو بھارتی کرکٹر گوتم گمبھیر کو مرچیں لگ گئیں۔

تفصیلات کے مطابق مقبوضہ کشمیر کی آزاد حیثیت ختم ہونے اور کشمیریوں پر نیا قانون مسلط کرنے کی شاہد آفریدی نے ٹویٹر پر شدید الفاظ میں مذمت کرتے ہوئے مطالبہ کیا کہ کشمیر کے مسئلے کو اقوام متحدہ کی قرارداد کے مطابق حل کیا جائے۔

شاہد آفریدی نے سماجی رابطےکی ویب سائٹ ٹوئٹر پر کشمیریوں کے حق میں آواز بلند کرتے لکھا کہ  کشمیریوں کو ہماری طرح آزادی کا حق ملنا چاہیے، اقوام متحدہ آخر کیوں بنائی گئی تھی؟ وہ ابھی تک کیوں سو رہی ہے؟ امریکی صدر کواس معاملے میں ثالث کا کردارادا کرنا چاہیے۔

Kashmiris must be given their due rights as per #UN resolution. The rights of Freedom like all of us. Why was @UN created & why is it sleeping? The unprovoked aggression & crimes being committed in Kashmir against #Humanity must be noted. The @POTUS must play his role to mediate

— Shahid Afridi (@SAfridiOfficial) August 5, 2019

سابق آل راؤنڈر کے ٹویٹ پر بھارتی بلے باز گوتم گمبھیر کو اس قدر مرچیں لگیں کہ وہ تمیز اور تہذیب بھول گئے اور آفریدی کے ساتھ تضحیک آمیز رویہ اپنایا۔

گوتم گمبھیر نے ہرزہ سرائی کرتے ہوئے ٹویٹ کی جس میں انہوں نے شاہد آفریدی کو بیٹا کہہ کر مخاطب کیا اور کہا کہ ’’پریشان نہ ہوں، ہم جلد ہی اس مسئلے کا حل نکال لیں گے‘‘۔

@SAfridiOfficial is spot on guys. There is “unprovoked aggression”, there r “crimes against humanity”. He shud be lauded 👏for bringing this up. Only thing is he forgot to mention that all this is happening in “Pakistan Occupied Kashmir”. Don’t worry, will sort it out son!!! pic.twitter.com/FrRpRZvHQt

— Gautam Gambhir (@GautamGambhir) August 5, 2019

یاد رہے کہ تین روز قبل بھارت نے صدارتی حکم نامے کے ذریعے مقبوضہ کشمیر کی آزاد حثیثت کو ختم کرنے کا اعلان کیا تھا جس کی پاکستان سمیت دنیا بھر کے ممالک نے شدید الفاظ میں مذمت کی۔

فاٹا: قبائلی علاقے سے تعلق رکھنے والی 17 سالہ نوجوان خاتون کھلاڑی جمائما آفریدی کرکٹ کے میدان میں شاہد آفریدی بننے کی خواہش مند ہیں۔

تفصیلات کے مطابق فاٹا کے علاقے لنڈی کوتل سے تعلق رکھنے والی 17 سالہ طالبہ نے پشاور میں منعقد ہونے والی پہلی ویمنز ٹی ٹوئٹی سپر لیگ میں اپنی علاقائی ٹیم کی نمائندگی کی۔

پی ایس ایل کی طرز پر منعقد ہونے والی ٹی ٹوئنٹی لیگ میں ملک بھر سے 8 ٹیموں نے حصہ لیا تھا جن میں فاٹا اور کشمیر کی ٹیمیں بھی شامل تھیں۔

برطانوی خبررساں ادارے کی رپورٹ کے مطابق فاٹا کی ٹیم میں ویسے تو کئی خواتین کھلاڑی شامل ہیں مگر جمائما وہ واحد کرکٹر ہیں جن کی پیدائش بھی اس علاقے میں ہوئی۔

انٹرنیٹ میڈیٹ میں پڑھنے والی جمائما کی خواہش ہے کہ وہ کرکٹ کی دنیا میں شاہد آفریدی کی طرح کارکردگی دکھائیں اور اپنے ملک کا نام روشن کریں۔

بی بی سی سے بات کرتے ہوئے جمائما کا کہنا تھا کہ ’مجھے بچپن سے ہی کھیل کود کا شوق تھا لیکن شاہد آفریدی کو دیکھ کر ہی کرکٹ کھیلنا شروع کی‘۔

اُن کا کہنا تھا کہ قومی کرکٹ ٹیم کے سابق کپتان میری پسندیدہ اسٹار ہیں اور میں اُن کی کی طرح جارحانہ کرکٹر بننا چاہتی ہوں‘۔

جمائما کا کہنا تھا کہ ’میں نے جب کرکٹ کی دنیا میں قدم رکھا تو بہت ساری مشکلات کا سامنا کرنا پڑا کیونکہ میرا یہ اقدام قبائلی رسومات کے خلاف تھا، میرے والد شانہ بشانہ ساتھ کھڑے رہے اور انہوں نے آگے بڑھنے کا حوصلہ پیدا کیا‘۔

اُن کا کہنا تھا کہ ’میں نے کرکٹ کی باقاعدہ تربیت حاصل نہیں کی بلکہ والد کے ساتھ ہی گھر میں کھیلتی رہی حالانہ میرے ابو کوئی کوئی پیشہ ور کرکٹر نہیں مگر وہ میرے کوچ ضرور ہیں‘۔

اُن کا مزید کہنا تھا کہ ’میں نے ٹی ٹوئنٹی لیگ میں شرکت کر کے دیگر خواتین کے لیے راہ ہموار کرنے کی کوشش کی کیونکہ بہت ساری ایسی باصلاحیت لڑکیاں موجود ہیں جو بین الاقوامی سطح پر ملک کی نمائندگی کرسکتی ہیں‘۔

اپنی خواہش کا اظہار کرتے ہوئے جمائما آفرہدی کا کہنا تھا کہ ’میں قومی ٹیم میں شامل ہوکر پاکستان کا نام روشن کرنے کی خواہش مند ہوں‘۔ واضح رہے کہ جمائما اور شاہد کا تعلق بھی ’آفریدی‘ برادری سے ہے۔

لاہور: وقاریونس نے کل قوم سے معافی مانگی اورآج سارا ملبہ آفریدی اورمعین خان پرڈال دیا،وقار یونس نے رپورٹ میں کہا تھا کہ معین خان من پسند کھلاڑیوں کو باہرلیجاتےتھے۔

ہاتھ جوڑ کرقوم سے معافی مانگنے والےقومی ٹیم کے ہیڈ کوچ نے سابق چیف سلیکٹرکے خلاف بلیم گیم شروع کردیا، وقاریونس نے پی سی بی کی تحقیقاتی کمیٹی کو رپورٹ پیش کی جس میں سابق چیف سلیکٹر معین خان کو بھی ٹیم کی تباہی کا ذمہ دار ٹھرایا، وقارنےالزام لگایا کہ معین خان من مانیاں کرتے تھے۔

وقار یونس کی رپورٹ کے مطابق معین خان کھلاڑیوں کو بغیر اجازت باہر لے جاتے تھے ،تحفے تحائف دلاتے تھے یہ سب وہ انہیں نیچا دکھانے کے لیے کرتے تھے۔

وقار یونس نے کہا کہ ماضی میں عمر اکمل کو شامل کرانے پر معین خان اور محمد اکرم نے ان کی مخالفت کی تھی، وقار یونس بورڈ پر بھی برس پڑے، انہوں نے کہا کہ دوہزار پندرہ ورلڈ کپ کے بعد دی گئی رپورٹ پر عمل درآمد نہیں ہوا۔ جس کے سبب ایشیا کپ اور ورلڈ ٹی ٹوئنٹی میں حوصلہ افزا نتائج حاصل نہیں ہوسکے۔

ذرائع کے مطابق وقار یونس نے رپورٹ میں کپتان شاہد آفریدی پر الزامات لگائے ہیں، کپتان شاہد آفریدی ورلڈ کپ میں سنجیدہ نہیں تھے، وہ ٹیم میٹنگز اور پریکٹس میں بھی شریک نہیں ہوتے تھے۔

قومی ٹیم کے ہیڈ کوچ وقار یونس کی پی سی بی کو جمع کرائی گئی رپورٹ لیک ہوگئی، رپورٹ کے مندرجات سامنے آنے پر وقار برہم ہوگئے۔

واضح رہے کہ دوہزار پندرہ ورلڈ کپ میں معین خان چیف سلیکٹر اور وقار یونس ہیڈ کوچ تھے اس وقت ٹیم کوارٹرفائنل سے آگےنہ بڑھ سکی تھی، اسی دورے میں معین خان کا کسینوجانے کااسکینڈل بھی سامنےآیا تھا۔

وقار یونس کے الزامات پر معین خان نےسوشل میڈیا پرصرف اتنا کہا کہ ’ کہہ رہا ہے شور دریا سے سمندر کا سکوت، جس کا جتنا ظرف ہے اتنا ہی وہ خاموش ہے‘۔

سر ی لنکا کے خلاف ون ڈے سیریز کے اختتام کے بعد قومی ٹیم کے کھلاڑیوں کی رینکنگ میں نمایاں بہتری آئی ہے محمد حفیظ آل راونڈرز کی رینکنگ میں پہلی پوزیشن پربراجمان ہیں۔ 

آئی سی سی کی جاری کردہ رینکنگ کے مطابق محمد حفیظ نے بیٹسمین رینکنگ میں ٹاپ ٹوئنٹی میں جگہ بنالی ہے، سری لنکاکے خلاف یادگار بیٹنگ کرنے کے بعد سولہویں نمبر پر آگئے ہیں۔ 

قومی ٹیم کے کپتان مصباح الحق بدستور نویں نمبر پر موجود ہیں۔ بیٹسمین رینکنگ میں پہلا نمبر  جنوبی افریقہ کے اے بی ڈیویلیر کا ہے۔

 دوسرے نمبر پر بھارت کے ویرات کوہلی ہیں بولرز رینکنگ میں اسپن کے بادشاہ سعید اجمل کا پہلا نمبر ہے سری لنکا کے خلاف نو شکار کرنے بعد نوجوان فاسٹ بولر جنید خان کیرئیر بیسٹ گیارویں پوزیشن پر آگئے ہیں۔

 آل راونڈرز رینکنگ میں محمد حفیظ نے سب کو پیچھے چھوڑ تے ہوئے پہلی پوزیشن پر آگئے ہے اور بوم بوم آفریدی کا نمبر ساتواں ہے۔