Tag: آمدن سے زائد اثاثوں

  • نیب  نے آغا سراج درانی کے خلاف آمدن سے زائد اثاثوں کا ریفرنس دائرکردیا

    نیب نے آغا سراج درانی کے خلاف آمدن سے زائد اثاثوں کا ریفرنس دائرکردیا

    ٌکراچی : نیب حکام نے اسپیکرسندھ اسمبلی آغا سراج درانی کے خلاف آمدن سے زائد اثاثوں کاریفرنس دائرکردیا، دائر ریفرنس میں آغاسراج سمیت بیس ملزمان کونامزدکیاگیا ہے، ملزمان پر ایک ارب ساٹھ کروڑ روپے کی کرپشن کا الزام ہیں۔

    تفصیلات کے مطابق قومی احتساب بیورو (نیب ) نے تین مہینے دس دن تفتیش کے بعد آغا سراج درانی کے خلاف آمدن سے زائد اثاثوں کاریفرنس دائرکردیا، کراچی کی احتساب عدالت میں دائر ریفرنس میں آغاسراج سمیت بیس ملزمان کونامزدکیاگیاہے۔

    نیب نے الزام عائد کیا ہے کہ ملزمان نےایک ارب ساٹھ کروڑروپےکی کرپشن کی ہے، ریفرنس ابھی باقاعدہ سماعت کے لئےمنظورنہیں کیا گیا اور عدالت میں ابھی ریفرنس کی 10نقول فراہم کیں۔

    اسپیکرسندھ اسمبلی آغاسراج درانی نے پیشی پر غیررسمی گفتگو میں کہا 3 ماہ سےانتظارتھااب جاکرریفرنس فائل ہواہے، حکومت ہےکدھر؟آپ کس حکومت کی بات کررہےہیں؟ اس حکومت کوجیالوں کاعلم نہیں ہے۔

    آغاسراج درانی کا کہنا تھا یہ حکومت50 لوگوں کوسنبھال نہیں سکتی، جیالوں نےمارشل لااورآمروں کاسامنا کیاہے، کسی وجہ کےبغیرلاٹھی چارج کرناغلط بات ہے۔

    یاد رہے گذشتہ روز سندھ ہائی کورٹ میں آمدن سے زائد اثاثہ جات کیس کے خلاف اسپیکر سندھ اسمبلی آغا سراج درانی بھائی مسیح الدین اور دیگر ملزمان کی درخواست ضمانت پر سماعت ہوئی تھی۔

    نیب حکام نے عدالت کو بتایا کہ آغا سراج کی 35 گاڑیوں اور کروڑوں روپے جائیدادوں کا سراغ لگا لیا گیا ہے، انھوں نے اختیارات کا نباجائز استعمال ، کرپشن اور غیر قانونی بھرتیاں کی ہیں جبکہ دیگر کے خلاف بھی تحقیقات مکمل کرلی گئی ہے۔

    تفتیشی افسر نے عدالت کو آگاہ کیا کہ چئیرمین کی منظوری سے آغا سراج درانی کے خلاف کل احتساب عدالت میں ریفرنس دائر کردیا جائے گا، جس کے بعد عدالت نے آئندہ سماعت پر ریفرنس کی رپورٹ پیش کرنے کا حکم دے دیا۔

    واضح رہے نیب نےاسپیکر سندھ اسمبلی آغا سراج درانی کوبیس فروری کواسلام آبادکےہوٹل سےحراست میں لیاتھا جبکہ ان کی درخواست ضمانت سندھ ہائی کورٹ میں زیرسماعت ہے۔

  • شہبازشریف کی اہلیہ اوربیٹیاں نیب کوجواب دینے سے گریزاں

    شہبازشریف کی اہلیہ اوربیٹیاں نیب کوجواب دینے سے گریزاں

    لاہور : آمدن سے زائد اثاثہ جات اور منی لانڈرنگ کیس میں شہباز شریف کی فیملی نے ابھی تک نیب سوالات کے جوابات جمع نہیں کروائے، نیب کو سوالنامہ ارسال کئے دس سےزیادہ دن گزر گئے۔

    تفصیلات کے مطابق نیب کی جانب سے چیئرمین نیب کی ہدایت پر شہبازشریف کی اہلیہ اوربیٹیوں کو سوالنامہ بھجوایا گیا تھا، نیب کو سوالنامہ ارسال کئے دس سےزیادہ دن گزرگئے لیکن انہوں نے ابھی تک نیب کو سوالوں کے جوابات نہیں بھجوائے۔

    شہباز شریف کی بیگم نصرت شہباز، بیٹیوں جویریہ اور رابعہ سے 2008 سے 2017 تک کے آمدن کے ذرائع، بیرون ملک سے آنے والی رقوم، مختلف کمپنیوں میں شیئرز، موصول ہونے والے تحفے تحائف اور دیگر تفصیلات مانگی گئی ہیں جبکہ ماڈل ٹاؤن اورڈونگاگلی کی رہائشگاہ کی خریداری کےذرائع معلوم کئے گئے ہیں۔

    یاد رہے 13 اپریل کو نیب نے اثاثہ جات کیس میں شہباز شریف خاندان کے خلاف تحقیقات کا دائرہ کار مزید وسیع کرتے ہوئے شہباز شریف کے پورے خاندان کو بیان کیلئے طلب کیا تھا۔

    مزید پڑھیں : نیب نے شہباز شریف کی اہلیہ اور بیٹیوں کو سوالنامہ بھجوادیا

    نیب نے منی لانڈرنگ کیس میں نصرت شہباز کو 17 اپریل کو ذاتی حیثیت میں طلب کیا جبکہ اثاثہ جات کیس میں 18 اپریل کو رابعہ شریف اور 19 اپریل کو جویریہ شریف کو بھی طلب کیا گیاتھا۔

    بعد ازاں چیرمین نیب جسٹس ر جاوید اقبال نے شہبازشریف کی اہلیہ اوربیٹیوں طلبی کے نوٹسز منسوخ کرنے کا حکم دیا تھا اور سوالنامہ بھجوانے کی ہدایت کی تھی۔

    واضح رہے کہ نیب نے گزشتہ ماہ شہباز شریف کی دو بیگمات کے اثاثوں کی تفصیلات بھی حاصل کرلی تھیں، نصرت شہباز 69 لاکھ 56 ہزار پانچ سو شیئرز کی مالک اور تہمینہ درانی کے پاس گوادر میں چار کنال کے پلاٹ اور ایک ایکڑ بیش قیمت زمین کا انکشاف ہوا تھا۔

  • لاہور ہائی کورٹ : نیب نے حمزہ شہباز کے آمدن سے زائد اثاثوں کی تفصیلات جمع کرادیں

    لاہور ہائی کورٹ : نیب نے حمزہ شہباز کے آمدن سے زائد اثاثوں کی تفصیلات جمع کرادیں

    لاہور : نیب نے حمزہ شہباز سے متعلق جوابات عدالت میں جمع کرادیئے، رمضان شوگر مل، صاف پانی اور منی لانڈرنگ کیسز سے متعلق جوابات اور آمدن سے زائد اثاثوں کی تفصیلات شامل ہیں۔

    تفصیلات کے مطابق قومی احتساب بیورو لاہور نے لاہور ہائیکورٹ میں حمزہ شہباز سے متعلق تمام جوابات جمع کرادیئے، اس کے علاوہ حمزہ شہباز کے آمدن سے زائد اثاثوں کی تفصیلات بھی جمع کرادی گئیں، اے آر وائی نیوز نےحمزہ شہباز سے متعلق جوابات کی کاپی حاصل کرلی۔

    نیب پراسیکیوٹر کے مطابق حمزہ شہباز نے بغیر کسی عہدے کے صاف پانی کمپنی اجلاس کی صدارت کی حمزہ کی موجودگی سے ٹھیکوں پر اثر انداز ہونے کےشواہد ملے، حمزہ شہباز نے اختیارات سے تجاوز کرتے ہوئے رمضان شوگر ملز کو فائدہ پہنچانے کے لئے نالہ تعمیر کرایا گیا۔

    جواب میں کہا گیا ہے کہ حمزہ شہباز کےاکاؤنٹ میں2005سے2008تک 18کروڑ روپےآئے، حمزہ شہباز کےاکاؤنٹ میں رقم بیرون ملک سےمنتقل ہوئی، حمزہ شہباز 18کروڑ روپے کا جواب نہیں دے سکے۔

    نیب پراسیکیوٹر کے مطابق نیب نے یورپین ایشین ٹریڈنگ کارپوریشن کی تفصیلات بھی جمع کرائیں، یورپین ایشین ٹریڈنگ میں سلمان شہباز، ربیعہ عمران شیئرز ہولڈرز ہیں، میاں ٹریڈنگ پرائیویٹ میں حمزہ شہباز ودیگرکے شیئر کی تفصیلات جمع کرائیں، میاں ٹریڈنگ میں حمزہ،سلمان شہباز،نصرت شہباز، طارق دستگیر، عابد رسول شیئرز ہولڈرز ہیں۔

    اس کے علاوہ شریف فرید ملز میں حمزہ شہباز سمیت دیگر کے اثاثوں کی مکمل رپورٹ بھی جمع کرائی گئی ہے، شریف فرید ملز میں حمزہ شہباز، سلمان شہباز، طارق دستگیر، عابد رسول بھی شیئر ہولڈرز ہیں۔

    نیب پراسیکیوٹر کے مطابق رمضان انرجی لمیٹڈ میں بھی حمزہ شہباز کےحصص کی تفصیلات پر جواب جمع کرایا ہے، رمضان انرجی لمیٹڈ میں حمزہ شہباز، سلمان شہباز، نصرت شہباز، طارق دستگیر بھی شیئرہولڈر ہیں، علاوہ ازیں نوبل انرجی لمیٹڈ اور شریف فرید ملزبھی رمضان انرجی لمیٹڈ میں شیئرزہولڈرز ہیں۔

    نیب رپورٹ کے مطابق شہباز شریف اور ان کے بچوں کے اثاثوں کی1999میں مالیت50ملین تھی، حمزہ شہبازنے2001 میں22ملین کے اثاثے ظاہر کئے،2001میں ظاہر کئے گئے اثاثے2017 میں411ملین ہوگئے، حمزہ شہباز کے388ملین روپےکے اثاثے جائز ثابت نہیں کرسکے، حمزہ شہباز نے18کروڑبیرون ملک سےآمدن ظاہرکی جوجعلی ثابت ہوئی۔

    نیب پراسیکیوٹر کا مزید کہنا ہے کہ شہباز شریف فیملی کو وراثت میں صرف رمضان شوگر مل ملی، حمزہ شہباز نے سلمان شہباز اور والدہ نصرت شہباز کے ساتھ مل کر11فیکٹریاں لگائیں، شہباز فیملی کے اثاثے 2008میں683ملین ہوگئے جو ذرائع سے کہیں زیادہ ہیں۔

    شہباز فیملی کے2017میں اثاثے3.3 ارب ہوگئے جن کے ذرائع معلوم نہیں، حمزہ شہباز کے اثاثےاور فیکٹریاں ان کےذرائع آمدن سے زیادہ ہیں، حمزہ شہباز نے ان ذرائع کو چھپانے کے لیے منی لانڈرنگ کی۔