ARYNews.tv | Urdu – Har Lamha Bakhabar

Tag: آپریشن ردالفساد

  • آپریشن ردالفساد کو 3 سال مکمل، شہیدوں کو خراج عقیدت پیش

    آپریشن ردالفساد کو 3 سال مکمل، شہیدوں کو خراج عقیدت پیش

    راولپنڈی : آپریشن ردالفساد کو تین سال مکمل ہوگئے ، اس موقع پر  شہیدوں کوخراج عقیدت پیش کیا گیا ، آرمی چیف کا کہنا ہے کہ دہشت گردی کیخلاف جنگ کے نتائج خطے میں امن واستحکام کی صورت میں ظاہرہوں گے۔

    پاک فوج کے شعبہ تعلقات عامہ (آئی ایس پی آر) کے مطابق ڈی جی آئی ایس پی آر نے سماجی رابطے کی ویب سائٹ ٹوئٹر پر اپنے پیغام میں کہا آپریشن ردالفسادکے3سال مکمل ہوگئے ، آپریشن ردالفساد دہشت گردی ختم کرنےاورسرحدوں کےدفاع کےلیے 22 فروری2017 کوملک بھرمیں شروع کیاگیا، دہشت گردی سے سیاحت تک سیکیورٹی فورسزکو قوم کی مکمل حمایت حاصل رہی اور کامیابیوں کی قیمت بھاری جانی ومالی نقصان سے ادا کی۔

    ڈی جی آئی ایس پی آر کا کہنا تھا کہ ہم اپنے شہیدوں کوخراج عقیدت پیش کرتےہیں ، ہمارے شہید ہمارا فخر ہیں ، انتہاپسندی کےخلاف جنگ میں قوم کو سلام پیش کرتے ہیں، جنگ میں قوم نے بھرپورحمایت کی۔

    آئی ایس پی آر کے مطابق آرمی چیف جنرل قمرجاوید باجوہ نے اپنے بیان میں کہا کہ دہشت گردی کےخلاف جنگ کےنتائج خطےمیں امن کی صورت ظاہرہوں گے ، ملکی سلامتی کےخلاف کسی بھی خطرے سے نمٹنے کی صلاحیت رکھتے ہیں، انسداد دہشت گردی جنگ کی2دہائیوں کی کامیابیاں مزید مستحکم ہوئیں۔

  • آپریشن ردالفساد : دو دہشت گرد اور تین سہولت کار گرفتار، ملزمان سے اسلحہ برآمد

    آپریشن ردالفساد : دو دہشت گرد اور تین سہولت کار گرفتار، ملزمان سے اسلحہ برآمد

    مانسہرہ : سیکیورٹی فورسز نے آپریشن ردالفساد کے تحت مانسہرہ میں کارروائی کے دوران دو دہشت گرد اور ان کے 3سہولت کاروں کو گرفتار کرکے ملزمان سے اسلحہ برآمد کرلیا گیا۔

    تفصیلات کے مطابق دہشت گردوں اور فسادیوں کے خلاف آپریشن ردالفساد ملک بھر میں کامیابی سے جاری ہے، اس سلسلے میں پاک فوج کے شعبہ تعلقات عامہ آئی ایس پی آر کا کہنا ہے کہ سیکیورٹی فورسز کو مانسہرہ میں کیے جانے والے آپریشن ردالفساد میں ایک بہت بڑی کامیابی ملی ہے۔

    سیکیورٹی فورسز نے پولیس کے ہمراہ مانسہرہ میں خفیہ اطلاع پر کامیاب کارروائی کی، اس دوراندو دہشت گرد اور ان کے 3سہولت کاروں کو گرفتار کرلیا گیا۔

    آئی ایس پی آر کے مطابق گرفتار ملزمان ضلع ہزارہ میں دہشت گردی کی متعدد کارروائیوں میں ملوث ہیں اس کے علاوہ گرفتار دہشت گرد پولیس اہلکاروں کی ٹارگٹ کلنگ اور ملٹری قافلوں پر حملوں میں بھی ملوث ہیں اور دہشت گردوں نے سیکیورٹی اہلکاروں کے علاوہ امام بارگاہوں پر بھی حملے کیے۔

    قبل ازیں رواں سال جنوری میں آپریشن ردالفساد کے تحت ایف سی نے قلات، خاران میواند میں مشتبہ ٹھکانوں پر اہم کارروائیاں کی تھیں، مذکورہ کارروائیوں کے دوارن دو دہشت گرد ہلاک جبکہ بھاری تعداد میں اسلحہ اور بارود مواد برآمد کیا گیا تھا۔

    مزید پڑھیں: آپریشن ردالفساد، فورسز کی اہم کارروائی، بھاری مقدار میں دھماکہ خیزمواد برآمد

    خیال رہے کہ گزشتہ سال ستمبر میں سیکیورٹی فورسز نے بلوچستان میں انٹیلی جنس بیسڈ آپریشن کیا تھا، جس کے نتیجے میں لشکر جھنگوی اور داعش کے 3 انتہائی مطلوب دہشت گرد مارے گئے تھے ۔

    علاوہ ازیں ماضی میں بلوچستان میں کارروائیوں کے دوران بڑی مقدار میں دھماکہ خیز مواد اور اسلحہ برآمد کیا جاچکا ہے جب کہ ایف سی متعدد دہشت گردوں کو گرفتار بھی کرچکی ہے۔

  • آپریشن ردالفساد ، بلوچستان میں ایف سی کی کارروائی ، 2 دہشت گرد ہلاک

    آپریشن ردالفساد ، بلوچستان میں ایف سی کی کارروائی ، 2 دہشت گرد ہلاک

    قلات : آپریشن ردالفساد کے تحت ایف سی نے قلات،خاران میواند میں مشتبہ ٹھکانوں پرکارروائی کرتے ہوئے دو دہشت گردوں کو ہلاک کردیا جبکہ بھاری تعداد میں اسلحہ بارود برآمد ہوا۔

    پاک فوج کے شعبہ تعلقات عامہ آئی ایس پی آر کے مطابق دہشت گردوں کے خلاف سیکیورٹی فورسز کی کامیابیاں جاری ہے، آپریشن رد الفساد کےتحت ایف سی بلوچستان نے قلات،خاران اورمائی وند میں مشتبہ ٹھکانوں پر کارروائی کی، آپریشن کے دوران دو دہشت گرد مارے گئے۔

    آئی ایس پی آر کا کہنا ہے کہ تلاشی کے دوران دہشت گردوں سے بھاری تعداد میں اسلحہ گولہ بارود برآمدہوا، ہتھیاروں میں سب مشین گنیں،گرنیڈ،مائنز،آر پی جی سیون راکٹ شامل ہیں جبکہ مواصلاتی آلات بھی برآمد کئے گئے۔

    یاد رہے چند روز قبل سیکورٹی فورسز نے لورالائی میں ایف سی کے تربیتی مرکز کے رہائشی علاقے پر حملے کی کوشش نا کام بنا دی تھی، جس میں 4 دہشت گرد ہلاک جب کہ 4 اہل کار شہید ہو گئے تھے۔

    مزید پڑھیں : لورالائی: ایف سی ٹریننگ سینٹر پر حملہ ناکام، 4 دہشت گرد ہلاک

    شہید ہونے والے جوانوں میں صوبیدار میجر منور، حولدار اقبال، حولدار بلال اور سپاہی نقشب شامل ہیں۔

    اس سے قبل ستمبر میں سیکیورٹی فورسز نے بلوچستان میں انٹیلی جنس بیسڈ آپریشن کیا  تھا، جس کے نتیجے میں لشکر جھنگوی اور  داعش کے 3 انتہائی مطلوب دہشت گرد مارے گئے تھے ۔

    واضح رہے کہ ماضی میں بلوچستان  میں کارروائیوں کے دوران بڑی مقدار میں دھماکہ خیز مواد اور اسلحہ برآمد کیا جا چکا ہے جب کہ ایف سی متعدد دہشت گردوں کو گرفتار بھی کرچکی ہے۔

  • آپریشن ردالفساد: تین افغان باشندوں سمیت 8 دہشت گرد گرفتار، اسلحہ برآمد

    آپریشن ردالفساد: تین افغان باشندوں سمیت 8 دہشت گرد گرفتار، اسلحہ برآمد

    راولپنڈی: سیکیورٹی فورسز نے لاہور اور ڈی جی خان سے تین افغان باشندوں سمیت 8 دہشت گرد گرفتار کرلیے، دہشت گردوں سے اسلحہ اور دھماکا خیزمواد برآمد کرلیا گیا۔

    تفصیلات کے مطابق ملک بھر میں آپریشن ردالفساد کامیابی سے جاری ہے، پنجاب رینجرز، پولیس اورانٹیلی جنس اداروں نے مختلف علاقوں میں کارروائیاں کرکے لاہور اور ڈی جی خان سے تین افغان باشندوں سمیت8دہشت گرد گرفتار کر کے ان کے قبضے سے اسلحہ اور دھماکا خیز مواد برآمد کرلیا۔

    پاک فوج کے شعبہ تعلقات عامہ آئی ایس پی آر کے مطابق دہشت گردوں سے ڈیٹو نیٹرز اور دیسی ساختہ بارودی سرنگیں بھی برآمد کی گئیں ہیں۔

    گرفتار ملزمان سے مزید تفتیش کے لیے انہیں متعلقہ تھانے منتقل کردیا گیا ہے۔ واضح رہے کہ پاک فوج کی جانب سے ملک بھر میں جاری آپریشن ردالفساد کا مقصد ملک سے دہشت گردوں اُن کے سہولت کاروں اور غیر قانونی اسلحے کا خاتمہ کرنا ہے۔

    مزید پڑھیں: بلوچستان، سیکیورٹی فورسزکے قافلے پرحملہ، کرنل سمیت تین اہلکارشہید

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • آپریشن ردالفساد : انیس افراد گرفتار، اسلحہ غیرملکی پاسپورٹ برآمد

    آپریشن ردالفساد : انیس افراد گرفتار، اسلحہ غیرملکی پاسپورٹ برآمد

    راولپنڈی / اسلام آباد/ اٹک/ سیالکوٹ/ لاہور/ قصور : سیکیورٹی فورسز نے اسلام آباد سمیت ملک کے مختلف شہروں میں کامیاب کارروائیوں کے دوران انیس مشتبہ افراد گرفتار کر لیے گئے۔ سرچ اور انٹیلی جنس بیسڈ آپریشن میں اسلحہ اور غیر ملکی پاسپورٹ بھی برآمد ہوئے۔

    تفصیلات کے مطابق ملک بھر میں آپریشن ردالفساد پوری قوت سے جاری ہے، ملک سے فسادیوں کا صفایا کیا جارہا ہے، پاک فوج کے شعبہ تعلقات عامہ آئی ایس پی آر کے مطابق راولپنڈی،اسلام آباد، اٹک، سیالکوٹ، لاہور اور ،قصورمیں آپریشنز کئےگئے۔

    سرچ اور انٹیلی جنس بیسڈ آپریشن میں انیس مشتبہ افراد حراست میں لیے گئے ہیں، آئی ایس پی آر کے مطابق کارروائیوں میں اسلحہ،گولیاں اور لیپ ٹاپ اور دیگرسامان برآمد ہوا۔

    گرفتار ملزمان سےغیر ملکی پاسپورٹ، نفرت انگیز مواد اور کرنسی بھی برآمد ہوئی ہے۔ اس کے علاوہ خیبرایجنسی میں سرحد پار سے پاکستانی چیک پوسٹوں پر دہشت گردوں کا حملہ ناکام بنایا گیا۔

    سیکیورٹی ذرائع کے مطابق فورسز کی جوابی کارروائی میں تین دہشت گرد مارے گئے، سیکورٹی ذرائع کے مطابق چاغی میں افغانستان کے ساتھ سرحدی راستوں پرگشت بڑھا دیا گیا ہے اور چیکنگ پوائنٹس بھی قائم کردیئےگئے ہیں۔