ٹینٹ میں بیل باندھنے پر ملزم آپے سے باہر ہوگیا، چھرے کے وار سے قربانی کےلیے لائے گائے جانور کو شدید زخمی کردیا۔

تفصیلات کے مطابق اٹک میں افسوسناک واقعہ پیش آیا ہے جہاں ٹینٹ میں جانور باندھنے پر فیصل نامی شخص نے بیل پر چھرے سے حملہ کردیا، ملزم نے اپنے ٹینٹ میں جانور باندھنے پر لیہ سے لائے گئے قیمتی بیل پر چھری کے وار کیے۔

بیوپاری نے تھانہ اٹک میں فیصل نامی شخص کیخلاف مقدمہ درج کرادیا ہے، جمع کرائی گئی درخواست میں بیوپاری کے مطابق بیل کی قیمت تقریباً 7لاکھ روپے ہے۔

قربانی کے اونٹ سے چھیڑ چھاڑ شہری کو مہنگی پڑ گئی! (وائرل ویڈیو)

درخواست کے متن میں بتایا گیا کہ فیصل نے اپنے ٹینٹ میں جانور باندھنے پر بیل پر حملہ کیا، فیصل نامی شخص کے حملے میں بیل زخمی ہوگیا۔

حاجی شاہ روڈ مویشی منڈی میں ملزم فیصل نے بیل کو زخمی کیا، بیوپاری کی درخواست پر اٹک خورد میں مقدمہ درج کیا گیا ہے تاہم اب تک ملزم کی گرفتاری کے حوالے سے کوئی اطلاع نہیں آئی۔

https://urdu.arynews.tv/actor-muneeb-butts-camel-brought-for-sacrifice-runs-away/

اٹک : سنگدل بیٹے نے چھریوں کے وار سے عمر رسیدہ باپ کو قتل کرڈالا اور موقع سے فرار ہوگیا۔

تفصیلات کے مطابق پنجاب کے ضلع اٹک کی تحصیل فتح جنگ میں قتل کی لرزہ خیز واردات پیش آئی ، سنگدل بیٹے نے عمر رسیدہ باپ کو موت کے گھاٹ اتار دیا

پولیس نے بتایا کہ واقعہ تھانہ فتح جنگ کی حدود ڈھوکڑی روڈ پر پیش آیا، مقتول کی شناخت 73 سالہ جاوید اختر کے نام سے ہوئی، پولیس موقع پر پہنچ کر لاش کو اپنی تحویل لے کر نعش کو منتقل کردیا ہے۔

پولیس کا کہنا تھا کہ ملزم موقع سے فرار ہے ، جس کی تلاش کے لئے چھاپے مارے جارہے ہیں۔

مزید پڑھیں : تلخ کلامی پر بیٹے نے باپ کو قتل کردیا

یاد رہے رواں ماہ کے آغاز میں کبیروالا میں ایک افسوناک واقعہ پیش آیا تھا ، جہاں چاہ مڈھ والے میں تلخ کلامی پر بیٹے نے باپ کو قتل کردیا تھا۔

پولیس کے مطابق ملزم بیٹا والد کو قتل کرنے کے بعد فرار ہوگیا جس کی تلاشی جاری ہے جبکہ لاش کو پوسٹمارٹم کیلئے اسپتال منتقل کردیا گیا ہے۔

اٹک : پنڈی گھیب میں واپڈا ملازم کو گاڑی کی لفٹ لینی مہنگی پڑ گئی ، ڈرائیور نے زیریلا جوس پلادیا ، جس سے ملازم جاں بحق ہوگیا۔

تفصیلات کے مطابق اٹک کے علاقہ پنڈی گھیب میں سی پیک پر واپڈا ملازم کو لفٹ لینا مہنگا پڑگیا ہے، سرکاری ملازم نے ڈمپر ڈرائیور سے لفٹ لی تو دوران سفر ڈرائیور نے ملازم کو زیریلا جوس پلادیا۔

جس سے سرکاری ملازم حالت غیر ہونے پر بے ہوش ہوگیا تو اس دوران ڈمپر ڈرائیور نے بے ہوش ملازم کی جیب سے 32 ہزار روپےنکال لئے۔

ڈمپر ڈرائیور ملازم کو اسی حالت میں چھوڑ کر فرارہوگیا تاہم اطلاع ملنے پر ریسکیو عملہ نے واپڈاملازم ساجد کو تحصیل ہسپتال پنڈی گھیب منتقل کیا تو اس دوران وہ جان کی بازی ہارگیا۔

پولیس تھانہ پنڈی گھیب پولیس نے نامعلوم ملزمان کےخلاف مقدمہ درج کرکے تفتیش شروع کردی ہے۔

اٹک : رکشہ ڈرائیور نے300 روپے کم کرایہ دینے پر چھریوں کے وار سے نوجوان کو قتل کرڈالا جبکہ واقعے میں باپ شدید زخمی ہوا۔

تفصیلات کے مطابق معاشرے میں عدم برداشت کی تمام حدود پار پوگئی ، اٹک میں تھانہ سٹی کی حدود اعوان شریف میں کاشف نامی نواجون نے اسپتال جانے پر رکشہ ڈرائیور کو دو سو روپے کرایہ دیا، جس پر رکشہ ڈرائیور نے پانچ سو روپے کا تقاضا کیا تو نوجوان نے انکار کردیا۔

نوجوان کے انکار کرنے پر رکشہ ڈرائیور نے جھگڑا شروع کردیا تاہم مقتول اور کشہ ڈرائیور کے جھگڑے کے معاملہ کو مقامی لوگوں نے معاملہ رفع دفع کروا دیا تھا۔

لیکن رکشہ ڈرائیور عمر نے اپنے دوست شانو سے مل کر گھر کے پاس نوجوان پر چھریوں کے وارکردیے، جس کو بچانے کے لئے اس کا والد آیا تو دونوں باپ بیٹے پر ملزمان نے چھریوں کے وار کئے۔

جس کے نتیجے میں بیٹا 37 سالہ کاشف موقع پر جاں بحق جبکہ اس کا والد منیر شدید زخمی ہوگیا، جاں بحق بدقسمت نوجوان کاشف جو کہ پرائیویٹ ہسپتال میں ڈسپنسر تھا اور اس کی 9دن قبل ہی شادی ہوئی تھی۔

واقعہ کی اطلاع پر ریسکیو عملہ نے لاش اور زخمی کو ڈسٹرکٹ ہیڈکوارٹر منتقل کردیا جبکہ تھانہ سٹی پولیس کا علاقہ کی ناکہ بندی کرتے ہوئے ملزمان کی گرفتاری کے لئے سرچ آپریشن شروع جاری ہے۔

اٹک: خیبرپختونخوا کے شہر اٹک میں نامعلوم افراد کی اسکول وین پر فائرنگ سے 2 بچے جاں بحق اور 5 زخمی ہوگئے۔

تفصیلات کے مطابق اٹک کے علاقے ڈھیری کوٹ نامعلوم افراد نے اسکول وین پر فائرنگ کردی، فائرنگ کی زد میں آکر 2 بچے جاں بحق اور 5 زخمی ہوگئے۔

ریسکیو ذرائع کا کہنا ہے کہ فائرنگ سے اسکول وین کا ڈرائیور بھی زخمی ہوا ہے، زخمی بچوں اور لاشوں کو اسپتال منتقل کردیا گیا ہے، تمام بچوں کی عمریں 10 سے 12 سال کے درمیان ہیں۔