Tag: اٹھارویں ترمیم

اسلام آباد: وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ وہ اصولی طور پر اٹھارویں ترمیم سے متفق ہیں۔

اس بات کا اظہار پی ٹی آئی کے وفاقی وزیر نے سماجی رابطے کی ویب سائٹ ٹویٹر پر اپنے تازہ پیغام میں کیا، فواد چوہدری کا کہنا تھا کہ جب تک آرٹیکل 140 اے کا نفاذ نہیں ہوتا، 18 ویں ترمیم بھی آدھی ہی نافذ رہے گی۔

ان کا مؤقف تھا کہ وہ اٹھارویں ترمیم سے اصولی طور پر متفق ہیں تاہم آرٹیکل 140 اے کا نفاذ بھی ضروری ہے، جس کی عدم موجودگی میں اٹھارویں ترمیم ادھوری ہے، گورننس اصلاحات تک بھی 18 ویں ترمیم پوری طرح لاگو نہیں ہوگی۔

While in principle I agree with 18th Amendment it remains half implemented unless we see enforcement of Art 140-A and Provicial Governance reforms, likewise some areas were left open Education, Health, Tourism.. capacity of provinces, CM office n CS office https://t.co/nQfN5bnWPi

— Ch Fawad Hussain (@fawadchaudhry) March 31, 2020

فواد چوہدری نے ٹویٹ میں لکھا کہ کچھ شعبے جیسا کہ تعلیم، صحت، سیاحت، صوبوں کی استعداد، وزیر اعلیٰ آفس وغیرہ بھی کھلے چھوڑ دیے گئے ہیں۔

ایک ماہ میں پاکستان کی تیار کردہ کورونا تشخیصی کٹس دستیاب ہوں گی، فواد چوہدری

وفاقی وزیر نے یہ بات ایک معروف صحافی کے جواب میں کہی تھی، جن کا کہنا تھا کہ کرونا وائرس کی موجودہ کرائسز میں اٹھارویں ترمیم کی اہمیت اور واضح ہو گئی ہے۔

خیال رہے کہ گزشتہ روز فواد چوہدری نے خوش خبری دی تھی کہ ایک ماہ میں پاکستان کی تیار کردہ کرونا ٹیسٹنگ کٹس استعمال کے لیے دستیاب ہوں گی، مقامی طور پر تیار کردہ وینٹی لیٹرز بھی ایک ماہ میں استعمال کے لیے دستیاب ہوں گے، وینٹی لیٹرز اور کرونا ٹیسٹنگ کٹس طے شدہ معیار کے عین مطابق ہوں گے۔

اسلام آباد: سپریم کورٹ میں 18 ویں آئینی ترمیم کے بعد صوبوں کو اختیارات کی منتقلی پرسماعت ہوئی، چیف جسٹس نے ترمیم کے لیے ہونے والی بحث پر حیرت کا اظہار کر دیا۔

تفصیلات کے مطابق اٹھارویں ترمیم کے بعد صوبوں کو اختیارات کی منتقلی کیس کی سماعت کے دوران چیف جسٹس نے کہا کہ یہ معاملہ دیکھتے ہوئے بڑی مشکل ہوئی۔

[bs-quote quote=”نائیک صاحب آپ تو اس سارے عمل کا حصہ رہے ہیں، ترمیم کی بحث کہاں ہوئی۔” style=”style-7″ align=”left” color=”#dd3333″ author_job=”چیف جسٹس کا فاروق ایچ نائیک سے استفسار”][/bs-quote]

چیف جسٹس ثاقب نثار نے کہا کہ کہیں پتا نہیں چلا کہ اٹھارویں ترمیم کے لیے بحث کہاں ہوئی۔

چیف جسٹس نے ممتاز قانون دان اور پی پی رہنما فاروق ایچ نائیک کو مخاطب کرتے ہوئے کہا کہ نائیک صاحب آپ تو اس سارے عمل کا حصہ رہے ہیں، ترمیم کی بحث کہاں ہوئی۔

میاں ثاقب نثار کا کہنا تھا کہ سوئٹزرلینڈ میں ترمیم سے قبل ایک سال اشتہار دیا جاتا ہے، مکمل بحث کے بعد ترمیم کی جاتی ہے۔

وکیل سندھ حکومت نے عدالت کو بتایا کہ اٹھارویں ترمیم کے بعد محکموں کی فہرست بنائی گئی تھی، یہ فہرست کابینہ کی منظوری کے لیے پیش کر دی گئی تھی۔

18 ویں ترمیم کی وجہ سے تعلیم اور صحت کا معیار گرا ہے: وفاقی وزیرِ اطلاعات

عدالت نے ترمیمی عمل پر تنقید کرتے ہوئے کہا کہ یہ کیوں فرض کرلیا گیا کہ شعبۂ صحت صوبوں کو منتقل کر دیا گیا تو ادارے بھی منتقل ہو گئے۔

اس موقع پر فاروق ایچ نائیک نے عدالت کو بتایا کہ اٹھارویں ترمیم کے ذریعے وزارت ختم ہو گئی تھی۔

[bs-quote quote=”سوئٹزرلینڈ میں ترمیم سے قبل ایک سال اشتہار دیا جاتا ہے، مکمل بحث کے بعد ترمیم کی جاتی ہے۔” style=”style-7″ align=”right” color=”#dd3333″ author_name=”چیف جسٹس”][/bs-quote]

خیال رہے کہ آئین میں اٹھارویں ترمیم 8 اپریل 2010 کو قومی اسمبلی پاکستان نے پاس کی تھی، اس وقت صدرِ مملکت کے عہدے پر آصف علی زرداری متمکن تھے۔ اس ترمیم کے بعد صدر کے پاس موجود تمام ایگزیکٹو اختیارات پارلیمنٹ کو منتقل ہو گئے تھے، اور وفاق سے زیادہ تر اختیارات لے کر صوبوں کو دیے گئے۔

تحریکِ انصاف کی حکومت اٹھارویں ترمیم پر جزوی تنقید کر رہی ہے، ایک ماہ قبل وفاقی وزیرِ اطلاعات فواد چوہدری نے کہا تھا کہ 18 ویں ترمیم کی وجہ سے تعلیم اور صحت کا معیار گرا ہے، اس میں بہت سی چیزیں ایسی ہیں جنھیں بہتر بنایا جا رہا ہے۔