بھارتی اداکارہ اور انفلوئنسر اپوروا مکھیجا نے کامیڈیی شو انڈیاز گاٹ لیٹنٹ میں کی جانے والی اپنی متنازع گفتگو پر معافی مانگ لی۔
اپوروا مکھیجا ان انفلوئنسرز میں ایک تھیں جو ‘انڈیاز گاٹ لیٹنٹ’ کی اس متنازع قسط کا حصے تھے جس کے آن ایئر ہونے کے بعد بھارت میں طوفان برپا ہوگیا تھا، اپوروا، رنویر اور سمے رائنا کو متنازع ترین گفتگو کرنے پر کافی دھمکیاں بھی ملی تھیں۔
3 ملین سے زیادہ فالوورز رکھنے والی ‘دی ریبل کڈ’ کے نام سے مشہور مکھیجا نے گزشتہ ہفتے آن لائن دھمکیوں کا سامنا کرنے کے بعد اپنی تمام پوسٹس ڈیلیٹ کر دی تھیں۔
بھارتی اداکارہ کو دھمکیاں ملنے پر ہانیہ عامر نے کیا پیغام دیا
اپوروا مکھیجا نے اپنی غلطی کا اعتراف کرتے ہوئے کہا کہ میں نے کچھ غلط باتیں کیں لیکن اب احساس ہوا کہ وہ باتیں غلط تھیں اور مضحکہ خیز بھی نہیں تھیں، میں اس کےلیے معافی چاہتی ہوں۔
بھارتی اداکارہ نے کہا کہ "میں نہیں جانتی کہ میں یہ بے ترتیب باتیں صرف کول لگنے کے لیے کیوں کہہ رہی تھی لیکن مجھے بہت افسوس ہے، وہ سب بالک بھی ٹھیک نہیں تھا اور مجھے شو میں ایسی احمقانہ باتیں نہیں کرنی چاہیے تھیں۔”
خیال رہے کہ اس سے قبل گزشتہ مہینے بھارتی یوٹیوبر و پوڈکاسٹر رنویر الہٰ آبادیہ نے بھی اپنی حرکت پر تحریری معافی مانگی تھی اور یقین دہانی کرائی تھی کہ آئندہ وہ خواتین سے متعلق گفتگو میں احترام ملحوظ خاطر رکھیں گے۔
رنویر الہٰ آبادیہ کے ساتھ اپوروا مکھیجا بھی نیشنل کمیشن فار ویمن (این سی ڈبلیو) کے سامنے پیش ہوئی تھیں جہاں انھوں نے گھنٹوں پوچھ گچھ کے بعد تحریری معافی نامہ جمع کرایا تھا۔
رنویر نے این سی ڈبلیو کو یقین دہانی کرائی تھی کہ وہ مستقبل میں اپنے الفاظ کے استعمال میں زیادہ محتاط رہیں گے اور کہا تھا کہ یہ پہلی اور آخری بار ہے جب ایسی غلطی ہوئی ہے اب سے میں سوچ سمجھ کر عورتوں کے حوالے سے بات کروں گا۔
https://urdu.arynews.tv/ranveer-allahbadia-gives-written-apology/
