اسلام آباد: حکومت اور اپوزیشن نے چاروں صوبوں الیکشن کمیشن ممبران کی تقرری کے لیے اپنی اپنی جانب سے تین تین نام دے دیے ہیں کل یہ نام اسپیکر آفس کو دیے جائیں گے الیکشن کمیشن سے متعلق پارلیمانی کمیٹی کا اجلاس پیرکوساڑھے10بجے طے ہوا ہے،

تفصیلات کے مطابق الیکشن کمیشن تمام اراکین 13 جون 2016 کو ریٹائرڈ ہوگئے تھے جس کے بعد سے الیکشن کمیشن ٍغیرفعال ہے،آئینی طور پر اراکین کی تقرری 45 دن کے اندر اندر حکوت اور اپوزیشن کی مشاورت کے بعد کر لینا ضروری ہے تا ہم 39 دن ہونے کو آئے ہیں اب تک الیکشن کمیشن کے اراکین کی تقرری نہیں کی جا سکی ہے تا ہم اب حکومت اور اپوزیشن نے چاروں صوبوں کے اراکین کے لیے تین تین ناموں کو فائنل کرکے کل اسپیکر آفس میں جمع کرانے کا عندیہ دے دیا ہے

مزید جانیے : الیکشن کمیشن کے چاروں ممبران ریٹائرڈ ،الیکشن کمیشن عملی طور پر غیر فعال

اس حوالے سے وفاقی وزیر خزانہ اسحاق ڈار اور قومی اسمبلی میں قائد حزب اختلاف خورشید شاہ نے اسلام آناد میں مشرکہ طور پر میڈیا سے بات کرتے ہوئے تفصیلات بتائیں اس موقع پر خورشید شاہ کا کہنا تھا کہ الیکشن کمیشن کے اراکین کی تقرری ایک بڑی ذمہ داری ہے اور ہم نے کوشش کی ہے کہ امانت میں خیانت نہ ہو ہم نے چاروں صوبوں کے لیے تین تین نام دیے ہیں جن میں ٹیکنو کریٹس اور بیروکریٹس بھی شامل ہیں یہ تمام لوگ اپنے اپنے شعبے کے ماہر اور ایماندار شخصیت ہیں کوشش کی ہے کہ منتخب ہونے والے اراکین غیر سیاسی ہوں۔

وفاقی وزیر خزانہ اسحاق ڈار نے کہا کہ اراکین الیکشن کمیشن کی تقرری آئین کی 22 ویں ترمیم کے مطابق 45 دن میں ہونا ضروری ہے بحکومت اور اپوزیشن کے نام کل اسپیکر تک پہنچ جائینگے حکومت اور اپوزیشن مل کر الیکشن کمیشن کے ممبران کے نام پر متفق ہوں گے ہر پارلیمانی جماعت کی جانب سے نام آگئے ہیں،حتمی منظوری پارلیمانی کمیٹی دے گی، پیر کے روز اُن کا اجلاس 10:30 بجے ہوگی اور اسی دن یعنی 25 جولائی کو نوٹیفیکشن کے طریقہ کار کو پورا کرنے کی کوشش کریں گے۔

تجویز کردہ اراکین کے ناموں سے متعلق پوچھے گئے سوال پر وفاقی وزیر کا کہنا تھا کہ چار اراکین کے لیے تجویز کردہ 24 نام سربمہر لفافوں میں موجود ہیں جو 24 جولائی کو کمیٹی کے اجلاس میں کھلے جائیں گے اور تب ہی ان ناموں کا پتہ چل سکے گا۔

سکھر: قومی اسمبلی میں اپوزیشن لیڈر خورشیدشاہ نے کہا ہے کہ پاناما لیکس کا معاملہ وزیراعظم کے ہاتھ میں ہے وہ خود کو احتساب کیلئے پیش کردیں۔

تفصیلات کے مطابق سکھر میں مدرسہ غوثیہ کی جانب سے منعقد کی گئی عید ملن پارٹی سے خطاب کرتے ہوئے قائد حزب اختلاف خورشید شاہ نے کہا وزیر اعظم پاکستان کی آمد آمد ہے انہیں چاہیے کہ پاکستان آنے کے بعد خود کو احتساب کے لیے پیش کر دیں تا کہ پانامہ لیکس کا معاملہ اپنے منطقی انجام تک پہنچے۔

پیپلز پارٹی کے چیئر مین بلاول بھٹو زردای کے اثاثہ جات کے حوالے سے پوچھے گئے سوال کے جواب میں خورشید شاہ کا کہنا تھا کہ بلاول بھٹوزرداری ممبر اسمبلی بنیں گے تو پہلے اپنے اثاثے ڈیکلیئر کریں گے۔

سعودی عرب میں ہونے والے خود کش حملوں کے حوالے سے اپوزیشن لیڈر خورشید شاہ کا کہنا تھا کہ خود کش حملوں کے خلاف عالم اسلام کو ایک پلیٹ فارم پر جمع ہونا چاہئے۔

انہوں نے مزید کہا کہ میاں صاحب نے خود کو پاناما لیکس پر احتساب کیلئے پیش کیا تھا اگر اپوزیشن یہی مطالبے کرے تو حکومتی وزراء برہم کیوں ہیں؟ انہوں نے سوال کیا کہ میاں صاحب بتائیں جائیدا کیسے بنائیں؟

اس موقع پرایک صحافی کی جانب سے جان مکین کے آرمی چیف کی مدت ملازمت میں توسیع کے بیان پرپوچھے گئے سوال کے جواب میں خورشسید شاہ نے کہا کہ جان مکین ہوں یا کوئی اور جنرل راحیل شریف کی مدت ملازمت کا معاملہ اندرونی ہے۔

سینیٹر محمود خان اچکزئی کے بیان سے متعلق خورشید شاہ کا کہنا تھا کہ جن لوگوں نے غداریاں کیں ان پر آرٹیکل 6 نہیں لگا تو محمود خان اچکزئی پر کیا لگے گا؟

خورشید شاہ نے اپنی تقریر کے دوران صوبائی وزیر پنجاب رانا ثناء اللہ خان پر سخت تنقید کرتے ہوئے کہا کہ پیپلز پارٹی کا ہر دور میں احتساب ہوا ہم کسی احتساب سے نہیں ڈرتے جس کو شوق ہے وہ اپنا شوق پورا کر لے،ماضی میں بھی پی پی پی پر کرپشن کے الزامات لگے مگر ہم عدالتوں سے بری ہوئے۔