Tag: اپوزیشن لیڈر شہباز شریف

اسلام آباد: مسلم لیگ(ن) کے صدر اور قومی اسمبلی میں اپوزیشن لیڈر میاں شہبازشریف نے کہا ہے کہ آزادی مارچ میں آج لاکھوں لوگ جمع ہیں یہ سمندر حکومت کو بہالےجائے گا، تبدیلی پہلے نہیں آئی تھی بلکہ تبدیلی اب آئی ہے۔

تفصیلات کے مطابق اسلام آباد میں آزادی مارچ سے خطاب کرتے ہوئے مسلم لیگ(ن) کے صدر شہباز شریف کا کہنا تھا کہ ملک میں مدینہ کی ریاست کہیں نظرنہیں آتی، روزگار ،کاروبات ختم ، طالبعلموں سے وظیفے چھین لیے گئے۔

انہوں نے کہا کہ نواز دور میں غریبوں کو مفت دوائیاں ملتی تھیں مگر آج غریبوں سے مفت دوائیوں کی سہولت چھین لی گئی،ہمیں ڈینگی برادران کہاجاتا تھا اور آج ہزاروں ڈینگی کیسز سامنے آئے لیکن عمران خان نظرنہیں آیا۔

شہباز شریف نے کہا کہ روٹی مہنگی ہوگئی،کسان بےحال، ڈاکٹرز سراپا احتجاج ہیں، آج وہ دن آگیا ہے کہ حکمرانوں کی چیخیں نکلنی چاہئیں، پاکستان کی معیشت آج دم توڑ گئی ہے، آج مہنگائی آسمانوں سے باتیں کررہی ہے ایک کروڑ نوکریاں دور کی بات،لاکھوں لوگ بے روزگار ہوگئے، 50لاکھ گھرتو دور کی بات ،آج لوگوں کی چھت چھین لی گئی ہے۔

وزیراعظم کو تنقید کا نشانہ بناتے ہوئے اپوزیشن لیڈر کا کہنا تھا کہ عمران خان کا دل پتھر کا ہے یہ مغرور ہے، دماغ خالی ہے اور جادو ٹونے سے حکومت چلارہاہے۔

انہوں نے کہا کہ سعودی عرب اور ایران میں صلح کی کوشش اور یہاں فتنہ برپاکیا یہ شخص چند ماہ بھی قابض رہا تو پچھتاوا کیاہو، جب چڑیاچگ گئی کھیت۔

شہبازشریف کا کہنا تھا کہ تبدیلی وہ نہیں جوتم لائےبلکہ تبدیلی تب آئےگی جب جادوٹونہ ختم ہوگا،ایک دن آئےگاجب پاکستان اسلامی فلاحی مملکت بنےگا اور نوازشریف کی قیادت میں ملک پھر سےترقی کرےگا۔

لاہور: نیب نے اپوزیشن لیڈر شہباز شریف کو کل پھر طلب کرلیا، شہباز شریف کو لاہور ویسٹ مینجمنٹ کمپنی کرپشن اسکینڈل اور آمدن سے زائد اثاثہ جات کیس میں طلب کیا گیا ہے۔

تفصیلات کے مطابق نیب نے اپوزیشن لیڈر اور سابق وزیراعلیٰ پنجاب شہباز شریف کو کل پھر طلب کرلیا ہے، شہباز شریف کے لیے تیار کیے گئے سوالات کی تفصیلات بھی سامنے آگئیں۔

ذرائع کے مطابق ایل ڈبلیو ایم سی کرپشن کیس میں 7 سوالات تیار کیے گئے ہیں، زائد اثاثے بنانے سے متعلق بھی مختلف سوالات تیار کیے گئے ہیں۔

نیب سوالات میں پوچھا جائے گا کہ خلاف قانون لاہور ویسٹ مینجمنٹ کمپنی بنانے کی سمری کیوں منظور کی؟ منصوبے کا مینجمنٹ یونٹ فعال ہونے کے باوجود کمپنی کیوں بنائی۔

شہباز شریف سے پوچھا جائے گا کہ صفائی کمپنی بنانے سے پہلے منافع، استحکام، کم خرچ ہونے کی تحقیق کرائی تھیں؟ کمپنی آئی اسٹیک کو قانونی طریقہ استعمال کیے بغیر ٹھیکہ دیا گیا، غیرملکی کمپنیوں کو 320 ملین ڈالر کا ٹھیکہ آؤٹ سورس کا اختیار کس نے دیا تھا۔

مزید پڑھیں: شہباز شریف کے گرد احتساب کا شکنجہ مزید سخت

ذرائع کا کہنا ہے کہ شہباز شریف سے سوال کیا جائے گا کہ کمپنی کو بغیر کسی جامع منصوبے کے بغیر قرضہ اور امداد دینے کا فیصلہ کیوں دیا گیا، قرض واپس کرنے، سرمایہ پیدا کرنے کے منصوبے کو کیوں مسترد کیا گیا۔

نیب سوالات میں پوچھا جائے گا کہ مشتبہ ٹرانزیکشن کی رقوم کے ذرائع کیا ہیں، بیرون ملک سے شہباز شریف اکاؤنٹ میں مشتبہ ٹرانزیکشن کے شواہد بھی ملے ہیں۔

ذرائع کا کہنا ہے کہ چوہدری شوگر ملز میں کی جانے والی سرمایہ کاری، شیئرز سے متعلق بھی سوالات شامل ہیں۔

اسلام آباد: وزیر مملکت برائے ریونیو حماد اظہر نے قومی اسمبلی میں شہباز شریف پر تنقید کرتے ہوئے کہا کہ ایوان میں بیٹھے ہٹ مین نے ملک کو لوٹا ہے۔

تفصیلات کے مطابق وزیر مملکت برائے ریونیو حماد اظہر نے شہباز کی تقریر پر ردعمل دیتے ہوئے کہا کہ اب ملک ٹی ٹی اور بے نامی اکاؤنٹس پر نہیں چل سکتا۔

حماد اظہر اپوزیشن لیڈر شہباز شریف کے سوال پر برہم ہوگئے، سوال اٹھاتے ہوئے کہا کہ کیا سابق دورمیں لیا گیا قرض بے نامی اکاؤنٹس میں چلا گیا، بتایا جائے گزشتہ حکومت دس ارب ڈالر کے زرمبادلہ کے ذخائر کہاں گئے۔

[bs-quote quote=” مسلم لیگ ن کی حکومت نے گردشی قرض  بڑھا دیا” style=”style-8″ align=”left” author_name=”حماد اظہر” author_job=”وزیر مملکت برائے ریونیو”][/bs-quote]

وزیر مملکت برائے ریونیو کا کہنا تھا کہ مسلم لیگ ن کی حکومت نے گردشی قرض بڑھا دیا، اب یہ ملک بے نامی اکاؤںٹ اور ٹی ٹیز پر نہیں چلے گا۔

حماد اظہر کے خطاب پر اپوزیشن کی طرف سے بھی شدید نعرے بازی کی گئی اور ایوان مچھلی بازار کا منظر پیش کرنے لگا۔

اسپیکر قومی اسمبلی اسد قیصر اراکین کو خاموش کراتے رہے اور کٹوتی کی تحاریک پر ووٹنگ چلتی رہی، ووٹنگ کے دوران گنتی کرائی گئی جس میں اپوزیشن کی طرف سے پیش کی گئیں تحاریک کثرت رائے سے مسترد کردی گئیں۔

پاور ڈویژن کے لیے 26 کروڑ 60 لاکھ روپے کے مطالبہ زر پر کٹوتی کی تحریک پر ایوان میں ووٹنگ کے دوران اپوزیشن کو ایک بار پھر شکست کا سامنا کرنا پڑا حکومت کٹوتی کی تحریک کے خلاف اپوزیشن حق میں ہے۔

ووٹنگ کے بعد گنتی کرائی گئی تو حکومت کو 169 اور اپوزیشن کو 143 ووٹ ملے۔