سکھر: اپوزیشن لیڈر خورشید شاہ اپنے پوتوں کے ساتھ تانگہ پر شہر کی سواری کرنے کے لیے نکل گئے۔
اتنہائی مصروف شیڈول اور بے تحاشہ سیاسی مصروفیات بھی اپوزیشن لیڈر کو ان کے پوتوں سے دور نہ کرسکی۔ اپنے آبائی شہر سکھر میں خورشید شاہ نے اپنے پوتوں کی محبت میں تانگے کا سفر کیا۔
اس دوران ان کے پروٹوکول میں شامل گاڑیاں ہلکی رفتار سے ٹانگے کے پیچھے چلتی رہیں۔
سکھر : پیپلز پارٹی کے رہنما اور قومی اسمبلی میں اپوزیشن لیڈر سید خورشید شاہ نے کہا ہے کہ ہم گالم گلوچ کی سیاست نہیں کرتے، تین مہینے میں لوڈشیڈنگ ختم کرنے کا دعویٰ کرنے والے چار سال بعد کہتے ہیں کہ 2018 میں لوڈشیڈنگ ختم ہوگی، حکمرانوں نے کسانوں کہ بعد تاجروں سے بھی دھوکہ کیا
ان خیالات کا اظہارانہوں نے روہڑی نیشنل ہائی وے کے قریب جلسہ عام سے خطاب کرتے ہوئے کیا، خورشید شاہ نے عمران خان کا نام لیے بغیر ان پر تنقید کرتے ہوئے کہا کہ ایک لیڈرکبھی کرکٹرزکو تو کبھی مہمانوں کو گالیاں دیتا ہے۔ لاٹھی اور جیل سے ڈرنے والا کبھی لیڈر نہیں بن سکتا۔
جلسہ عام سے خطاب میں خورشید شاہ نے کہا کہ بھٹو نے اندرا گاندھی سے کہا تھا کہ ملک کے ایک انچ کی حفاظت کیلئے ایک ہزار سال تک جنگ کروں گا لیکن اب بھارتی وزیر اعظم سے رشتے قائم کیے جارہے ہیں۔ شادی بیاہ اور منگنی کی دعوتیں دی جاتی ہیں، شادی کی دعوت میں وزیروں اور دیگر رہنماؤں کو نہیں بلایا جاتا مگر گجرات میں ہزاروں مسلمانوں کے قاتل کا بانہیں کھول کر استقبال کیاجاتا ہے اگر یہ کام پیپلزپارٹی کرتی تو اسے میڈیا غدار قرار دے دیتا۔
انہوں نے کہا کہ موجود حکمرانوں نے کسانوں کہ بعد تاجروں سے بھی دھوکہ کیاہے، ان کے 230 ارب روپے واپس کرنے کی تقریب میں میڈیا کے سامنے انہیں خالی لفافے تھمادیئے گئے۔
پھروہ اگلے سال الیکشن ہیں دوبارہ عوام کے سامنے آکر کہیں گے کہ میرے غریب مزدور اور کسان بھائیو میں آپ کیلئے سستی روٹی لینے کیلئے کبھی امریکا تو کبھی لندن تو کبھی کسی دوسرے ملک گیا اب الیکشن میں مجھے ووٹ دیکر کامیاب کرو میں دوبارہ آپ کیلئے سستی روٹی کا بندوبست کروں گا۔
خورشید شاہ نے کہا کہ پنجاب کے لوگوں کو کیا ہوگیا ہے؟ شعور رکھنے والے لوگ کیوں سیاست میں الجھ پڑے ہیں ایک لیڈرکبھی کرکٹرزکو تو کبھی مہمانوں کوگالیاں دیتاہے۔
اس کے ورکرزباہرلاٹھیاں کھاتے ہیں اور وہ جھروکوں سے دیکھتا ہے جو پولیس کی لاٹھیوں اور جیل سے ڈر جائے وہ لیڈر نہیں بن سکتا، اقتدارعوام کی خدمت کیلئے ہوتا ہے چوری اور کرپشن کیلئے نہیں ہوتا۔
حکومت کے وزیر درست کہتے ہیں کہ لوڈشیڈنگ ختم ہوگئی ہے کیونکہ ان کے گھروں کی بجلی نہیں جاتی انہیں کیا پتا کہ باہر کیا ہورہا ہے؟
خورشید شاہ کا کہنا تھا کہ سندھ میں پانی کی قلت ہے اور وفاق پانی جمع کررہا ہے، میاں صاحب ایسا نہ ہو کہ سندھ ،خیبر پختونخوا بلوچستان اور پنجاب ایک ہوجائیں اور آپ کو باہر کردی۔
اسلام آباد : پیپلز پارٹی کے مرکزی رہنما اور قومی اسمبلی میں اپوزیشن لیڈر سید خورشید شاہ نے کہا ہے کہ حکومتی وزراء اپنے بیانات سے عدلیہ پر دباؤ ڈالنے کی کوشش کر رہے ہیں، عدالت عظمیٰ اورپارلیمنٹ میں بہت فرق ہے، اعلیٰ عدلیہ جارحانہ بیانات کاسختی سے نوٹس لے، لیگی رہنما پی پی قیادت کیخلاف سوچ سمجھ کر بیان دے۔
ان خیالات کا اظہار انہوں نے اسلام آباد میں صحافیوں سے گفتگو کرتے ہوئے کیا، اپوزیشن لیڈر کا کہنا تھا کہ عدالت پراندر سے حملے کے بعد اب باہر سے بھی حملے کی کوشش کی جارہی ہے، حکومتی وزراء کے بیانات توہین عدالت کے زمرے میں آتے ہیں اس لیے اعلیٰ عدلیہ کو ان کے جارحانہ بیانات کاسختی سے نوٹس لیناچاہئے۔
سید خورشید شاہ نے کہا کہ ہم نےملک کو آئین اورقانون کےتحت چلاناہے، شخصیات اورخواہشات کےمطابق کے مطابق ملک کونہیں چلایا جاتا، انصاف کا حصول امیر اورغریب عوام اورحکمران کیلئے برابر ہونا چاہئے، کمزورکیلئےایک قانون اورطاقت ور کیلئے دوسرا قانون نہیں ہوناچاہیے۔
انہوں نے کہا کہ عدالت کی دہلیز کے باہرانصاف کے برعکس دعوے کئے جارہے ہیں، عدالت عظمیٰ اورپارلیمنٹ میں بہت فرق ہے، پارلیمنٹ سیاست کا گھر ہے اوراس کے اندراور باہر سختی نرمی ہوسکتی ہے، لیکن عدالت عظمیٰ کے تقدس میں اس کے سامنے سیاسی بیان بازی پرپابندی ہونی چاہئے۔
سید خورشید شاہ کا کہنا تھا کہ تاریخ شاہد ہے کہ انصاف اورجمہوریت کی راہ میں بڑی قربانیاں دیں، ہم نے کبھی عدالتوں کو نشانہ بنایا اورنہ ہی پارلیمنٹ کی تذلیل کی، مسلم لیگ ن کے رہنما پیپلزپارٹی کی قیادت سے متعلق سوچ سمجھ کربیان بازی کریں۔
اسلام آباد: اپوزیشن لیڈر خوردشید شاہ کا کہناہے کہ بلاول بھٹو اسی سال سےقومی اسمبلی میں قائد حزب اختلاف کے طور پر پارلیمانی سیاست کا آغاز کریں گے۔
تفصیلات کےمطابق قومی اسمبلی میں قائد حزب اختلاف خورشید شاہ نے اے آروائی نیوز سے خصوصی گفتگو میں کہا کہ بلاول بھٹو اپنی والدہ کی نشست پرمنتخب ہونے کے بعدقومی اسمبلی میں اپوزیشن لیڈرکاکرداراداکریں گے۔
اپوزیشن لیڈر کا کہناتھاکہ جب بلاول بھٹوبطور اپوزیشن لیڈر اسمبلی میں کردار اداکریں گے تو وہ ان کے دست و بازو ہوں گے۔
پیپلزپارٹی کے سینئر رہنما خورشید شاہ نے دعوی کیا کہ بلاول بھٹو2018 میں وزیراعظم بنیں گے۔انہوں نے کہا کہ فخر ہے بی بی کا بیٹا اپنی والدہ کی جگہ لینے آرہاہے۔
مزید پڑھیں:جیالے اب گھروں میں نہیں بیٹھیں گے ،بلاول بھٹو
یاد رہے کہ اس سے قبل پاکستان پیپلز پارٹی کے چیئرمین بلاول بھٹو زرداری کا کہناتھاکہ جیالے اب گھروں میں نہیں بیٹھیں گے بلکہ میدان میں نظر آئیں گے۔
واضح رہے کہ پیپلز پارٹی کے چئیرمین بلاول بھٹو زرداری کا کہنا تھا کارکن ثابت کریں گے کہ بھٹو ازم ہی ملک کی تمام سیاسی،معاشرتی اور معاشی بیماریوں کا واحد حل ہے۔
سکھر: اپوزیشن لیڈر خورشید شاہ نے کہا ہے کہ پارلیمنٹ نے جمہوریت اور نوازشریف کی گورنمنٹ کو بچایا ورنہ اسلام آباد دھرنوں کے دوران حکومت کے جانے کا وقت آگیا تھا۔
ان خیالات کا اظہار انہوں نے نمازِ عید کی ادائیگی کے بعد میڈیا سے گفتگو کرتے ہوئے کیا۔ خورشید شاہ کا مزید کہنا تھاکہ ’’وزیر اعظم میاں محمد نوازشریف پارلیمنٹ کی طاقت کو نہیں جانتے ورنہ وہ ایوان اور قوم کے ساتھ ایسا رویہ نہ رکھتے‘‘۔
انہوں نے کہا کہ اگر پاکستان پیپلزپارٹی کسی ریلی یا دھرنے کا حصہ بنتی ہے تو اس کا مقصد جمہوریت کا فروغ ہے کیونکہ ہم ملک میں جمہوریت کے حامی ہیں اور اس کے فروغ کے لیے اپنی خدمات پیش کرنا چاہتے ہیں‘‘َ
اسلام آباد: قائد حزب اختلاف خورشید شاہ نے حکومت پر کڑی تنقید کرتے ہو ئے کہا کہ سیاسی حا لات اچھے نظر نہیں آرہے۔
قائد حزب اختلاف خورشید شاہ نےحکومت پر کڑی تنقید کرتے ہو ئے کہا کہ قومی اسمبلی میں باربارکورم ٹوٹنے کاذمہ داروزیراعظم ہیں نواز شریف اگر مسلسل ایوان میں آتے تو یہ صورتحال پیدا ہی نہ ہوتی حکومت کے اندرخود سنجیدگی مو جود نہیں ہے ۔
خورشید شاہ نے اسپیکر کیجانب سے عمران خان کا ریفرنس الیکشن کمیشن کو بھیجنے پر کہا کہ اسپیکرکاکردارغیر جانبدار ہوناچاہیئے، اگر ریفرنس بھیجنا ہی تھا تو سب ریفرنسزالیکشن کمیشن کوبھجوادیتے، خورشید شاہ کا کہنا تھا کہ سیاسی حالات اچھے نظر نہیں آرہے۔
انہوں نے یہ تجویز دی کہ اسمبلی کی مدت چار سال ہونی چاہئیے، پیپلز پارٹی کی رابطہ مہم کے حوالے سے ان کا کہنا تھا کہ عید کے بعد عوامی رابطہ مہم شروع ہو گی، انہوں نے کہا کہ حکومت نے تمام جھوٹے وعدے کیے ۔
خیر پور : قومی اسمبلی میں اپوزیشن لیڈرسید خورشید شاہ نے کہا ہے کہ دھرنوں سے حکومت کوخطرہ ہوسکتا ہے، جمہوریت کونہیں، انہوں نے دعویٰ کیا کہ عید کے بعد دکھا دیں گے کہ پنجاب کی عوام پیپلزپارٹی کے ساتھ ہیں۔
ان خیالات کا اظہار انہوں نے خیر پورمیں میڈیا سےبات کرتےہوئے کیا، اپوزیشن لیڈر خورشید شاہ کا کہنا تھا کہ وہ وعدہ کرتے ہیں کہ عید کے بعد دکھا دیں گے کہ پنجاب کے لوگ پیپلز پارٹی کے ساتھ ہیں۔
انہوں نے کہا کہ ملک میں اربوں، کھربوں روپے کی کرپشن ہے جس سے ملکی معیشت کو نقصان ہورہا ہے۔طاہرالقادری کے دستاویزات بالکل درست ہیں، ہم نے بھی پاناما لیکس پردستاویزات دیے ہیں اور اگران دستاویزات کو کوئی غلط کہتا ہے تو سپریم کورٹ میں پٹیشن داخل کرے۔
انہوں نے کہا کہ عمران خان جوان تھے تو نوجوان ان کے ساتھ تھے اب پیپلز پارٹی کی لیڈر شپ جوان ہے اس لیے نوجوان ہمارے ساتھ ہیں اور بہت جلد پنجاب میں اپنی جگہ واپس حاصل کرلیں گے۔
انہوں نے کہا کہ عمران خان نئے نئے آئے تھے تو ان کے ساتھ نوجوان تھے۔ خورشید شاہ کا کہنا تھا کہ ان کی لیڈرشپ ستائیس سالہ جوان ہے جبکہ عمران خان پینسٹھ سال کےہیں۔
خورشید شاہ نے کہا کہ ہمارے دور میں کسان خوشحال تھا ہم نے زراعت پر سیل ٹیکس زیرو کردیا تھااپنی 5سال کی حکومت میں تنخواہیں بڑھائیں۔
موجودہ دور میں ہمارے دور سے زیادہ بجلی مہنگی کی گئی غریب طبقہ مزید غریب ہورہا ہے جس کی وجہ سے کسان سڑکوں پر آگئے ہیں۔
کراچی: سندھ اسمبلی میں اپوزیشن لیڈر خواجہ اظہار الحسن نے کہا ہے کہ امید ہے نئے وزیر اعلی مراد علی شاہ کراچی آپریشن کے برائے نام کپتان نہیں بنیں گے۔
اپوزیشن لیڈر خواجہ اظہار الحسن نے متحدہ رہنمائوں کے ہمراہ اسپتال میں لٹل ماسٹر حنیف محمد کی عیادت کی اور انکی جلد صحت یابی کے لیے دعا کی ۔
اس موقع پر میڈیا سے گفتگو کرتے ہوئے اپوزیشن لیڈر خواجہ اظہار الحسن کا کہنا تھا کہ وزیراعلیٰ سندھ کو کراچی آپریشن کو اون کرنا چاہئے، وزیراعلیٰ سندھ کراچی آپریشن کا عملی کپتان بنیں،اُمید ہے نئے وزیر اعلی مراد علی شاہ کراچی آپریشن کے برائے نام کپتان نہیں بنیں گے۔
انہوں نے کہا کہ کراچی آپریشن صرف ایم کیو ایم کے خلاف جاری ہے ، رینجرز پر حملے کراچی میں نہیں بلکہ اندرون سندھ میں ہوئے، اس لیے رینجرز کے اختیارات اور آپریشن کا دائرہ کار اندرون سندھ تک پھیلایا جائے ۔
ان کا کہنا تھا کہ کراچی آپریشن کی تشکیل ایم کیو ایم کے مطالبے پر ہوئی، ایم کیوایم کے نامزد میئرکراچی سمیت ہزاروں کارکنان پابند سلاسل ہیں، انھوں نے مطالبہ کیا کہ متحدہ کے تحفظات کو بھی دور کیا جائے۔
کراچی : ایم کیو ایم نے سندھ اسمبلی میں خواجہ اظہار الحسن کو اپوزیشن لیڈر مقرر کردیا۔سندھ اسمبلی کےاپوزیشن لیڈرشہریار مہرکو ہٹا نے کانوٹی فکیشن جاری کردیا گیا۔
تفصیلات کے مطابق سندھ اسمبلی کے اپوزیشن لیڈرشہریار مہر کو ہٹانے کا نوٹیفیکشن جاری کردیا گیا۔ ایم کیو ایم کےخواجہ اظہار الحسن کو قائدحزب اختلاف مقررکردیا گیا۔
خواجہ اظہارکواپوزیشن لیڈر بنانےکی درخواست ایم کیوایم کی جانب سے کی گئی تھی، پارلیمانی لیڈرسردار احمد نے میڈیا سے گفتگو کرتے ہوئے کہا کہ ایم کیو ایم اپوزیشن بینچوں پر بیٹھے گی اورایک اچھی اپوزیشن کا کردار ادا کرے گی۔
خواجہ اظہارالحسن نے کہا کہ ایم کیو ایم کا مقصد ہمیشہ سے مخالفت برائے مخالفت نہیں بلکہ مخالفت برائے اصلاح ہے۔
انہوں نے کہا کہ اسمبلی کے فلور پر عوام کے حقوق کیلئے آواز اٹھائیں گے اورحکومت کے غلط اقدام کی مخالفت اور بہتر فیصلوں کی حمایت کریں گے۔
اسلام آباد : اپوزیشن لیڈرخورشید شاہ کہتے ہیں کہ حکومت گلگت بلتستان میں الیکشن سےپہلے دھاندلی کا منصوبہ بنارہی ہے۔ نوازشریف غلطیوں پر غلطیاں نہ کریں۔
تفصیلات کے مطابق گلگت بلتستان کے اعلیٰ سرکاری عہدوں پر ن لیگ کے من پسند افراد کی تقرری پر پیپلزپارٹی کی تشویش میں اضافہ ہورہا ہے۔
اس سلسلے میں قومی اسمبلی میں قائدحزب اختلاف سید خورشید شاہ نےگلگت بلتستان میں وزیراعلیٰ کی تقرری پرتنقید کرتےہوئےکہا کہ ن لیگ نےگلگت بلتستان میں پری پلان دھاندلی کا منصوبہ بنالیاہے۔
گورنر اورچیف الیکشن کمشنراپنا لگانے کےبعد حکومت نےوزیراعلیٰ کا منصب بھی من پسند شخص سونپ دیا۔ خورشید شاہ نے کہا کہ نوازشریف سے درخواست ہے کہ غلطیوں پرغلطی نہ کریں۔
انہوں نے کہا کہ گلگت بلتستان میں دھاندلی سے ثابت ہورہا ہے کہ عام انتخابات میں بھی دھاندلی ہوئی۔ اپوزیشن لیڈرنےکہا کہ تحریک انصاف کا پارلیمنٹ میں نہ آناملک ،جمہوریت اور آئین کیلئے نقصان دہ ہوگا۔