ملیبورن: سال کے پہلے گرینڈ سلم آسٹریلین اوپن ٹینس ٹورنامنٹ کا آغاز ہوگیا، امریکہ کی وینس ولیمز پہلے راؤنڈ میں اپ سیٹ شکست کے بعد ایونٹ سے باہر ہوگئیں، سوئٹزرلینڈ کے راجر فیڈرر ٹائٹل کا دفاع کریں گے۔
تفصیلات کے مطابق میلبورن میں ہونے والے گرینڈ سلم آسٹریلین اوپن ٹینس ٹورنامنٹ میں امریکہ کی وینس ولیمز کا سال کا پہلا سفر شروع ہونے کے ساتھ ہی ختم ہوگیا۔
دوہزار سترہ کی رنراپ وینس ولیمز کو سوئس کھلاڑی بیلنڈا بینکک نے اسٹریٹ سیٹس میں شکست دے کر ایونٹ سے باہر کردیا، سوئٹزرلینڈ کی نوجوان کھلاڑی نے عالمی نمبر پانچ کو چھ تین اور سات پانچ سے شکست دی۔
دوسری جانب مردوں کے مقابلوں میں اسپین کے ٹاپ سیڈ رافیل نڈال نے فاتحانہ آغاز کیا، رافیل نڈال نے پہلے راؤنڈ میں حریف کھلاڑی کو باآسانی اسٹریٹ سیٹس میں شکست دیتے ہوئے دوسرے راؤنڈ میں جگہ بنالی، یاد رہے کہ سوئٹزرلینڈ کے راجر فیڈرر ٹائٹل کا دفاع کریں گے۔
مزید پڑھیں : آکلینڈ، اعصام الحق کی جوڑی نے ٹینس ٹورنامنٹ جیت لیا
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
