لاہور : سابق وفاقی وزیر اسد عمر کی عدالت میں اچانک طبیعت خراب ہوگئی ، جس کے بعد انھیں اسپتال منتقل کردیا گیا۔
تفصیلات کے مطابق لاہور کی انسداد دہشت گردی عدالت میں پیشی کے دوران سابق وفاقی وزیر اسد عمر کی اچانک طبیعت خراب ہوگئی۔
رش کے باعث ان کی طبیعت خراب ہوئی اور وہ نیم بے ہوش ہوگئے ، جس پر وکلااورکورٹ کے عملے نے ان کو اٹھا کرگاڑی تک پہنچایا اور اسپتال منتقل کیا۔
سابق وفاقی وزیر کو عدالت سے پنجاب انسٹیٹیوٹ آف کارڈیالوجی پہنچایا گیا ، جہاں ڈاکٹرزکی ٹیم ان کا چیک اپ کیا اور ابتدائی ٹیسٹ بھی کیے گئے جبک بلڈ سیمپل بھی لئےگئےہی
اسپتال ذرائع نے بتایا کہ سابق وفاقی وزیر کا بلڈ پریشر کم ہوگیا تھا تاہم ان کی ای سی جی بالکل ٹھیک آئی ہے۔
ذرائع کا کہنا تھا کہ سابق وفاقی وزیر اس وقت ڈاکٹرز اوررہنماؤں سے بات چیت کررہے ہیں جبکہ عمرایوب،زین قریشی،محمد احمد چٹھہ اوربلال اعجاز بھی پی آئی سی میں موجود ہیں۔
