Tag: اکیس ملزمان گرفتار

کراچی : چودہ پولیس اہلکاروں کے قتل میں ملوث لیاری گینگ کےکارندوں،بھتہ خوروں،اورٹارگٹ کلر سمیت اکیس ملزمان کو گرفتار کر کے اسلحہ اور مواصلاتی نظام برآمد کر لیاگیا۔

تفصیلات کے مطابق کر اچی میں رینجرز نے مختلف علاقوں سے اکیس ملزمان کو گرفتار کر کے اسلحہ برآمد کرلیا ۔گرفتار ملزمان میں لیاری گینگ وار کےکارندے،بھتہ خور،ٹارگٹ کلرشامل ہیں،گلشن معمار،داؤدچالی،شاہ لطیف ٹاؤن،یوسف گوٹھ اوردیگرعلاقوں میں کی گئی۔

سی آئی ڈی پولیس نے لیاری گینگ وار سہیل ڈاڈا گروپ کے تین ملزمان گرفتار کر لئے ۔ملزمان چودہ پولیس اہلکاروں کے قتل سمیت سنگین جرائم میں ملوث ہیں۔

ایس پی عثمان باجوہ کے مطابق ملزمان سے اسلحہ،مواصلاتی نظام برآمد کیاگیا، کلفٹن میں پولیس نے مقابلہ میں زخمی ملزم گرفتار کر کے اسلحہ موبائل فون بر آمد کیا۔

کشمیر روڈ پر نامعلوم افراد کی گاڑی پر فائرنگ سے ایک ،شخص جاں بحق جبکہ پاپوش میں دوران ڈکیتی مزاحمت پر ایک شخص فائرنگ سے زخمی ہو گیا۔