کراچی(17 اگست 2025): لیاقت آباد میں ویڈیو بنانے پر شاہین فورس کے اہلکار اور ہوٹل ملازمین گتھم گتھا ہوگئے۔
تفصیلات کے مطابق گزشتہ رات کراچی کے علاقے لیاقت آباد تھانے کی حدود میں واقعہ پیش آیا ہے جہاں ویڈیو بنانے پر شاہین فورس کے اہلکار اور ہوٹل ملازمین گتھم گتھا ہوگئے۔
واقعے کی سی سی ٹی وی فوٹیج منظر عام پر آگئی، تھانہ لیاقت آباد شاہین فورس کے اہلکار ہوٹل پر کھانا لینے گئے، ہوٹل انتظامیہ نے مبینہ طور کھانا دینے سے انکار کیا۔
اس دوران پولیس اہلکاروں اور ہوٹل انتظامیہ کے درمیان تلخ کلامی ہوگئی اور ہوٹل کا ایک ملازم پولیس اہلکاروں کی ویڈیو بنانے لگا، ویڈیو بنانے سے روکا تو ہوٹل ملازم نے باوردی اہلکار کو دھکا دیا۔
ملازمین اور اہلکاروں نے ایک دوسرے کو تشدد کا نشانہ بھی بنایا، پولیس حکام کا اس حوالے سے کہنا ہے کہ واقعہ کی تحقیقات کرکے ذمہ داروں کے خلاف قانونی کارروائی عمل میں لائی جائیگی۔
View this post on Instagram