اسلام آباد: الیکشن کمیشن نے پنجاب اور سندھ میں بلدیاتی انتخابات میں بدانتظامی میں ملوث اہلکاروں کے خلاف کارروائی کا فیصلہ کرلیا۔
سیکریٹری الیکشن کمیشن کی صدارت میں ہونے والے اجلاس میں سندھ اور پنجاب کے تمام ریٹرننگ افسران سے رپورٹ طلب کرلی گئی۔
سیکریٹری الیکشن کمیشن بابر یعقوب کا کہنا ہے بدانتظامی چھوٹی ہو یا بڑی ، کوئی رعایت نہیں برتی جائے گی۔بد انتظامی میں ملوث تمام پولنگ عملے کے خلاف کارروائی کی جائے گی۔