Tag: اہلیہ بشریٰ بی بی

جیل ذرائع کا کہنا ہے کہ پاکستان تحریک انصاف کے بانی اور انکی اہلیہ کی معمول کے مطابق ملاقاتیں کرائی جارہی ہیں۔

تفصیلات کے مطابق جیل ذرائع نے بتایا کہ چند عناصر کا ملاقات نہ کرانے کا پروپیگنڈا محض سیاسی پوائنٹ اسکورنگ ہے، بانی پی ٹی آئی، اہلیہ کی ملاقاتیں باقاعدگی سے حسب ضابطہ کرائی جاتی ہیں، بانی، اہلیہ سے ملاقات نہ کرانے کے پروپیگنڈے کا حقیقت سے کوئی تعلق نہیں۔

اڈیالہ جیل میں 6 وکلا رہنماؤں کو بانی پی ٹی آئی سے ملاقات کی اجازت مل گئی

بانی پی ٹی آئی، اہلیہ کی انکی مرضی کے مطابق فیملی ممبرز، وکلا سے ملاقات کرائی گئی، بانی پی ٹی آئی کی آج بیرون ملک مقیم انکے بیٹوں سے واٹس اپ کال پر بات کرائی گئی۔

جیل ذرائع کا مزید کہنا تھا کہ پاکستان تحریک انصاف کے بانی اور بشریٰ بی بی سے فیملی ممبرز مہر انسا، مبشرہ کی ملاقات کرائی گی۔

ذرائع نے بتایا کہ بانی پی ٹی آئی سے بیرسٹر گوہر علی اور بیرسٹر علی ظفر کی ملاقات کرائی گئی، وکلا ظہیر عباس، مبشر مقصود، رضیہ سلطان اور علی عمران نے بھی ملاقات کی۔

https://urdu.arynews.tv/founder-pti-sister-aleema-khanum-adiala-jail/

اسلام آباد : چیئرمین پی ٹی آئی اور ان کی اہلیہ کیخلاف نوسر بازی کا مقدمہ درج کرلیا گیا، مقدمے میں شہزاد اکبر،زلفی بخاری اور فرحت شہزادی بھی نامزد ہے۔

تفصیلات کے مطابق توشہ خانہ کیس میں چیئرمین پی ٹی آئی اور ان کی اہلیہ بشریٰ بی بی کے خلاف اسلام آباد میں فراڈ اور دھوکہ دہی کا مقدمہ درج کرلیا گیا۔

تھانہ کوہسار میں درج مقدمے میں شہزاد اکبر، زلفی بخاری اور فرحت شہزادی بھی نامزد ہے، مقدمہ تاجر نسیم الحق کی جانب سے درج کرایا گیا ہے، مقدمے کا مدعی جناح سپر گول مارکیٹ میں گھڑیوں کی خرید و فرخت کا کاروبار کرتا ہے۔

شہری نسیم الحق کی جانب سے تھانہ کوہسار میں درج کرائی ایف آئی آر کے متن میں کہا گیا ہے کہ چیئرمین پی ٹی آئی اور دیگر نے توشہ خانے کے تحائف بیچنے کیلئے ہماری دکان کا جعلی لیٹر ہیڈ اور دستخط استعمال کیا، گھڑی ، کف لنکس اور دیگر تحائف کی جعلی رسیدیں بنا کر ساکھ کو نقصان پہنچایا۔

مقدمے کے متن میں کہا گیا کہ میں نے نہ اس نے کبھی ایسی کوئی چیزیں خریدیں اور نہ کبھی بیچیں، چیئرمین پی ٹی آئی ، ان کی اہلیہ بشری بی بی ،شہزاد اکبر،زلفی بخاری، فرح اور دیگر افراد نے توشہ خانے کے تحائف بیچنے کیلئے ہماری دکان کا جعلی لیٹر ہیڈ اور دستخط استعمال کیا۔

مدعی مقدمے نے بتایا کہ انہوں نے نہ صرف جعلی رسیدیں بنائی بلکہ انہیں اصلی رسیدیں بنا کر پیش کیا جو آزادانہ تحقیقات سے معلوم ہوا کہ رسیدیں جعلی ہیں ، ہم متعلقہ حکام کو بار بار بتاتے رہے کہ یہ رسیدیں ہماری دکان سے جاری نہیں کی گئیں، ہماری دکان پر کام کرنے والے کسی بندے نے کوئی رسید نہیں دی۔

متن میں کہا گیا کہ حقائق واضح کرتے ہیں کہ ملزمان نے فراڈ اور دھوکہ دہی کا ارتکاب کیا ہے ، جس پر ان کیخلاف قانونی کاروائی ہونی چاہئیے۔