اسلام آباد:سپریم کورٹ نے پاکستان تحریک انصاف کے رہنما فواد چوہدری کی نااہلی کی درخواست مسترد کرتے ہوئے الیکشن لڑنے کے لئے اہل قرار دے دیا۔
تفصیلات کے مطابق سپریم کورٹ میں جسٹس عظمت سعید کی سربراہی میں دو رکنی بینچ نے پی ٹی آئی کے رہنما فواد چوہدری کی نااہلی سے متعلق درخواست پر سماعت کی،
عدالت نے سماعت مکمل ہونے کے بعد درخواست مسترد کرتے ہوئے فواد چوہدری کو الیکشن لڑنے کے لیے اہل قرار دیا۔
جسٹس عظمت سعید نے درخواست گزار سے استفسار کیا کہ کاغذات نامزدگی کے وقت اعتراض دائر نہیں کیا گیا، کاغذات نامزدگی منظور ہونے کے بعد اعتراض کیا گیا، نئی درخواست کی بجائے اپیل مسترد ہونے کو چیلنج کرنا چاہیے۔
خیال رہے کہ چوہدری کی نااہلی سے متعلق درخواست ان کے مقابل امیدوار سید گوہر حیدر نے دائر کی تھی۔
مزید پڑھیں : فواد چوہدری کی نااہلی کا فیصلہ کالعدم قرار
یاد رہے کہ تحریک انصاف کے رہنما فواد چوہدری این اے 67 جہلم سے الیکشن لڑ رہے ہیں اور ان کی نااہلی سے متعلق درخواستیں الیکشن ٹریبونل اور لاہور ہائیکورٹ کی جانب سے بھی مسترد کی جاچکی ہیں۔
درخواست گزار نے فواد چوہدری پر کاغذات نامزدگی میں ٹیمپرنگ کاالزام لگایا تھا۔
