کولکتہ: ایڈن گارڈنز میں پاکستان ٹیم کا آپشنل ٹریننگ سیشن جاری ہے جس میں آل راؤنڈر شاداب خان نے بھی حصہ لیا۔
پریکٹس سیشن میں ایم آر آئی رپورٹ نیگیٹو آنے کے بعد فاسٹ بولر حارث رؤف نے بھی ٹریننگ میں بولنگ کی جبکہ قومی ٹیم کے دیگر کھلاڑیوں نے فیلڈنگ میں بھرپور حصہ لیا۔
انگلیند کے میچ سے قبل ٹریننگ سیشن میں ابرار احمد، امام الحق اور محمد نواز نے حصہ نہیں لیا جبکہ شاداب خان نے انجری سے ریکوری کے بعد پہلی باربولنگ کی۔
فخر زمان کے علاوہ تمام بیٹرز نے بیٹنگ کی، پاکستانی کرکٹ ٹیم لیگ مرحلے کا اہم میچ 11 نومبر کو انگلینڈ کے خلاف ایڈن گارڈنز کولکتہ میں کھیلے گی۔
واضح رہے کہ بھارت میں جاری آئی سی سی ون ڈے ورلڈ کپ اختتام کی جانب گامزن ہے۔ پاکستان تاحال گیم میں اِن اور اس کے سیمی فائنل کھیلنے کے امکانات برقرار ہیں۔