اپنی دوست کو ایئرپورٹ چھوڑنے آنیوالی لڑکی ٹریفک میں پھنسی رہا جبکہ اس کی دوست ہوائی جہاز کا سفرکرکے دبئی پہنچ گئی۔
بھارتی شہر بنگلورو میں ٹریفک کی صورتحال کس قدر سنگین ہے اس کا اندازہ سوشل میڈیا پر وائرل ہونے والی 3 سیکنڈ کی ویڈیو سے لگایا جاسکتا ہے جو انسٹاگرام تیزی سے وائرل ہوئی ہے،اس وائرل ویڈیو کلپ کو اب تک تقریباً 18 ملین مرتبہ دیکھا جا چکا ہے۔
ٹریفک جام کی بدترین کہانی سناتی اس ویڈیو کوایک ملین لائکس مل چکے ہیں۔ وائرلیت بنیادی طور پر ویڈیو پر کیپشن کی وجہ سے ہے۔
فوڈ اینڈ ٹریول بلاگرز پریانکا اور اندریانی کی طرف سے شیئر کی گئی ویڈیو کے کیپشن میں لکھا گیا ہے کہ "میں نے اپنی دوست کو بنگلورو ایئرپورٹ پر چھوڑ دیا جو کہ دبئی جارہی تھی وہ دبئی پہنچ گئی اور میں ابھی تک بنگلور کے ٹریفک میں پھنسی ہوئی ہوں۔”
کیپشن میں مزید لکھا گیا کہ "یہ سب حقیقی واقعات پر مبنی ہے، بنگلورو میں رہنے والے لوگوں کو ٹیگ کریں”۔
سوشل میڈیا صارفین نے اس پر زبردست ردعمل کا اظہار کیا، ایک صارف نے لکھا، ’’دراصل یہ میرے ساتھ ہوا ہے، ایک اور شخص نے لکھا کہ "بنگلور میں 1 کلومیٹر کار سے = 3 گھنٹے اور 1 کلومیٹر پیدل = 10 منٹ”۔
