کراچی: سی اے اے یونینز نے کہا ہے کہ کسی صورت ایئرپورٹس کی آؤٹ سورسنگ نہیں ہونے دیں گے۔
تفصیلات کے مطابق سول ایوی ایشن اتھارٹی ہیڈکوارٹرز میں ایئرپورٹس کی آؤٹ سورسنگ کے حوالے سے اجلاس ہوا۔ ذرائع نے بتایا کہ سی اے اے یونینز نے اجلاس میں ایئرپورٹس آؤٹ سورسنگ کی کھل کر مخالفت کی۔
سی اے اے یونین عہدیداروں سے انٹرنیشنل فنانس کارپوریشن آفیشلز نے مختلف سوالات کیے، سی اے اے یونینز کا جواب میں کہنا تھا کہ کسی صورت ایئرپورٹس کی آؤٹ سورسنگ نہیں ہونے دیں گے۔
آئی ایف سی نے اجلاس کے دوران سوال کیا کہ کیا آپ لوگ نے ایئرپورٹس آؤٹ سورسنگ کے حوالے سے ہڑتالیں بھی کیں؟ یونینز عہدیدارن نے کہا کہ آؤٹ سورسنگ کا آئیڈیا 2016 میں سامنے آیا تب سے احتجاج کررہے ہیں۔
سی اے اے یونین عہدیداران کا کہنا تھا کہ ایئرپورٹس کی آؤٹ سورسنگ ملک اور ادارے کے مفاد میں نہیں ہے، حکومت ایئرپورٹس کی آؤٹ سورسنگ کرنا چاہتی ہے لیکن اسکی مزاحمت کرینگے۔
اس اجلاس میں یونین عہدیداران، انٹرنیشنل فنانس کارپوریشن حکام کے علاوہ ڈاریکٹر ایچ آر سی اے اے بھی شریک تھے۔
