Tag: ایئرپورٹس

اسلام آباد: بجلی بلوں میں اضافے کے باعث سول ایوی ایشن انتظامیہ نے ملک بھر کے ائیرپورٹس پر نائٹ آپریشن بند کرنے پر غور شروع کردیا ہے۔

تفصیلات کے مطابق بجلی بلوں میں مسلسل اضافے سے ملک بھر میں موجود ائیرپورٹس بھی متاثر ہوئے ہیں، اس ضمن میں ڈائریکٹر ائیر ٹرانسپورٹ ایوی ایشن کی جانب سے تمام ملکی وغیرملکی ائیر لائینز انتظامیہ کو مراسلہ جاری گیا ہے۔

مراسلہ کے مطابق 145ویں ایاٹا کانفرنس میں ائیرلائینز کی جانب سے نائٹ آپریشن میں دشواری کا مسئلہ بیان کیا گیا تھا جبکہ زیادہ تر غیرملکی ائیر لائنز رات اور صبح سویرے فلائیٹ آپریشن جاری رکھے ہوئے ہیں۔

گزشتہ چند سالوں میں ملک میں بجلی کے بلوں میں اضافہ ہوا ہے اور سول ایوی ایشن کو بجلی کے بلوں کی مد میں اضافی بوجھ اٹھانا پڑ رہا ہے۔

مراسلہ میں کہا گیا ہے کہ رن وے ٹیکسی لائٹس، سکیورٹی پیرامیٹرز لائٹس، ٹرمینل بلڈنگ لائٹس، اور ائیر کنڈیشنر کے بلوں میں بھی اضافہ ہوا ہے ان مسائل کے حل کےلیے پاکستان سول ایوی ایشن کی جانب سے تمام ائیرلائنز کو 2 آپشن جاری کیے گئے ہیں۔

بجلی کے بلوں میں اضافے سے بچنے کے لیے رات 12بجے سے صبح 6بجے تک فلائیٹ آپریشن بند کر دیا جائے اور ائیرلائینز کو صبح کے وقت فلائیٹ آپریشن شروع کرنے کی اجازت دے دی جائے۔

دوسرے آپشن میں آنے اور جانے والی تمام ائیرلائنز پر ائیروناٹیکل چارجز میں 20سے 25فیصد اضافہ کر دیا جائے۔

پاکستان سول ایوی ایشن انتظامیہ نے تمام ائیرلائینز سے تجاویز طلب کر لیں، ائیرلائینز دونوں آپشن میں سے ایک آپشن سے متعلق ہیڈکوارٹر کو آگاہ کریں جس کے بعد حتمی فیصلہ 28فروری کو منعقدہ اجلاس میں کیا جائے گا۔

اسلام آباد: ملک کے تین بین الاقوامی ایئرپورٹس پرجاپان کی عطیہ کردہ جدید اسکریننگ مشینوں کاآزمائشی آغاز کردیا گیا۔

تفصیلات کے مطابق بین الاقوامی معیارکی ان مشینوں سے سامان کی اسکریننگ میں تاخیر کے باعث مختلف ایئرلائنز کے اعتراضات اور سامان کی اسکریننگ میں زائد وقت صرف ہونے کے باعث پروازوں کی روانگی میں تاخیرکی شکایات سامنے آئی۔

یورپی ممالک کی پروازوں کے ہر مسافرکے سامان کی اسکریننگ میں ایک منٹ کے قریب وقت صرف ہورہا ہے ، زائد وقت صرف ہونے کی بناء پریورپی ممالک میں پروازوں کی تاخیرسے آمد پرجرمانہ عائد کئیے جانے کا امکان ہے ۔

فکس سائز سے بڑے سائز کے لگیج کی اسکریینگ بدستورپرانی طریقے سے جاری ہے ، اے ایس ایف اور سول ایوی ایشن نئی نصب ہونے والی مشینوں پرسامان چیک کرنا چاہتی ہیں،جبکہ ائیرلائنز پرانی مشینوں پر سامان چیک کرنے پر اصرارکررہی ہیں۔

ائیرپورٹ ذرائع کے مطابق نئی مشین پر مسافروں کے فی بیگ چیکنگ کو ایک منٹ کا وقت درکار ہوتا ہے جبکہ پرانی مشینون پر فی بیگ صرف 20سیکنڈ میں چیکنگ مکمل ہوتی ہے، نئی مشینیں مسافروں کے سامان میں دھماکہ خیز مواد کی تفصیلی چیکنگ کرتی ہے، ۔

پی آئی اے اور دیگر ائیر لائنز پروازوں کی تاخیر سے بچنے کے لیے پرانی مشینوں پر سامان چیک کروانے کے لیے اصرار کر رہی ہیں۔

اسلام آباد: وزیر اعظم کی ہدایت پر ملک بھر کے تمام ایئرپورٹس کو دنیا کے بین الاقوامی ہوائی اڈوں کی طرز پر معیاری اور جدید بنانے کیلئے اقدامات شروع کردیئے گئے ہیں ۔

ایوی ایشن ڈویژن کے مطابق کراچی،اسلام آباد اور لاہور ایئرپورٹ پر جائیکا کے تعاون سے مسافروں کے سامان کی اسکیننگ کیلئے جدید مشینیں نصب کردی گئی ہیں ۔

سابق ہوا بازی کے مشیر شجاعت عظیم نے دو ہزارچودہ میں جاپان کے تعاون سے جدید مشینوں کیلئے رابطہ کیا تھا جس پر جائیکا نے اسلام آباد لاہور اور کراچی ایئرپورٹ کیلئے تحفے کے طور پرجدید مشینیں نصب کی گئی ہیں ۔

ایوی ایشن ڈویژن کے مطابق جائیکا کے تعاون سے جدید مشینیں پشاور،کوئٹہ،ملتان ایئرپورٹ پر بھی نصب کی جائیں گی ان جدید مشینوں سے کم وقت میں مسافروں کا سامان کی سرچنگ کے ساتھ ساتھ اسمگلنگ کی کوشش کو ناکام بنانے میں مدد فراہم کرے گی۔