Tag: ایئرچیف مارشل

  • پاک فضائیہ کے سربراہ کی اسکواڈرن لیڈرعثمان یوسف شہید کے گھر آمد، اہلخانہ سے اظہار تعزیت

    پاک فضائیہ کے سربراہ کی اسکواڈرن لیڈرعثمان یوسف شہید کے گھر آمد، اہلخانہ سے اظہار تعزیت

    پاک فضائیہ کے سربراہ ائیر چیف مارشل ظہیر احمد بابر سدھو راولپنڈی میں اسکواڈرن لیڈر عثمان یوسف شہید کی رہائش گاہ پر پہنچے، جہاں انہوں نے سوگوار خاندان سے تعزیت کی اور فاتحہ خوانی کی۔

    پاک فوج کے شعبہ تعلقات عامہ ( آئی ایس پی آر) کیجانب سے جاری کردہ بیان کے مطابق ائیر چیف نے اسکواڈرن لیڈر عثمان یوسف شہید کو زبردست خراج تحسین پیش کیا۔

    آئی ایس پی آر کے مطابق پاک فضائیہ کے سربراہ نے بھارت کے خلاف معرکہ حق میں شہید ہونے والے افسر کے اہل خانہ کو یقین دلایا کہ ہمارے شہداء کی خدمات اور قربانیاں ہمیشہ قوم کی یادوں میں نقش رہیں گی۔

    انہوں نے شہدا کے درجات کی بلندی کے لیے فاتحہ خوانی بھی کی اور دعا کی کہ اللہ تعالیٰ سوگوار خاندان کو صبر جمیل عطا فرمائے، بعد ازاں ایئر چیف مارشل ظہیر احمد بابر سدھو نے کمبائنڈ ملٹری اسپتال راولپنڈی کا دورہ کیا، جہاں انہوں نے پاک فضائیہ اور پاک فوج کے زخمی اہلکاروں سمیت زخمی ہونے والے شہریوں سے بھی ملاقات کی۔

    مارشل چیف ظہیر احمد بابر سدھو نے زخمی اہلکاروں کے غیر متزلزل عزم اور حوصلے کو سراہا، پاک فضائیہ کے سربراہ نے کہا کہ پاک فضائیہ ہر قیمت پر فضائی سرحدوں کا دفاع کیلئے تیار ہے۔

    یاد رہے کہ بھارت کے بزدلانہ حملوں کے دوران اسکواڈرن لیڈر عثمان یوسف اور 11جوانوں سمیت 51 شہری شہید ہوئے تھے۔

  • ایئرچیف مارشل سے چیئرمین جوائنٹ چیفس آف اسٹاف کمیٹی کی ملاقات

    ایئرچیف مارشل سے چیئرمین جوائنٹ چیفس آف اسٹاف کمیٹی کی ملاقات

    کراچی : ایئرچیف مارشل مجاہد انور خان سے چیئرمین جوائنٹ چیفس آف اسٹاف کمیٹی نے ملاقات کی ہے، ملاقات میں جنرل زبیر محمود حیات نے پاک فضائیہ کی پیشہ وارانہ مہارت کی تعریف کی۔

    اس حوالے سے ترجمان پاک فضائیہ کا کہنا ہے کہ چیئرمین جوائنٹ چیفس آف اسٹاف کمیٹی نے ایئرچیف مارشل مجاہد انور سے خصوصی ملاقات کی اور سرحدوں کی حالیہ صورتحال اور باہمی دلچسپی کے امور پر تبادلہ خیال کیا۔

    جنرل زبیر محمود حیات کا کہنا تھا کہ پاک فضائیہ ملکی دفاع میں ہراول دستے کی حیثیت رکھتی ہے اور حالیہ کشیدگی میں قوم کی توقعات پرپورا اتری ہے۔

    اس موقع پر ایئرچیف مارشل مجاہد انور خان کا کہنا تھا کہ دشمن کو اس کی کسی بھی جارحیت کا منہ توڑ جواب دیتے ہوئے پاک فضائیہ ملکی دفاع کو یقینی بنائے گی۔

    مزید پڑھیں: وطن کی فضائی حدود کے دفاع کے لئے ہمہ وقت تیار ہیں، ایئرچیف مارشل مجاہد انور خان

    انہوں نے کہا کہ ہمارے دشمنوں کو یہ بات ذہن نشین کر لینی چاہیے کہ پاک فضائیہ وطن کی فضائی حدود کے دفاع کے لئے اپنی بھرپور قوت کے ساتھ ہمہ وقت تیار ہے۔

  • ایئرچیف مارشل مجاہد انورخان سے ترکی کے چیف آف جنرل اسٹاف کی ملاقات

    ایئرچیف مارشل مجاہد انورخان سے ترکی کے چیف آف جنرل اسٹاف کی ملاقات

    اسلام آباد : پاک فضائیہ کے سربراہ ائیرچیف مارشل مجاہد انور خان سے ترکی کے چیف آف جنرل اسٹاف جنرل ہولوسی آکار نے ملاقات کی، ملاقات میں پیشہ ورارنہ امور اور مختلف شعبوں میں دو طرفہ بحری اشتراک پر تبادلہ خیال کیا گیا۔

    تفصیلات کے مطابق ترکی کے چیف آف دی جنرل اسٹاف جنرل ہولوسی آکار نے ائیر ہیڈ کوارٹرز اسلام آباد کا دورہ کیا، ایئر ہیڈ کوارٹرز اسلام آباد آمد پر پاک فضائیہ کے سربراہ ائیرچیف مارشل مجاہد انور خان نے معزز مہمان کا استقبال کیا۔

    پاک فضائیہ کے چاق و چوبند دستے نے انہیں سلامی پیش کی، بعد ازاں جنرل ہولوسی آکار نے ائیرچیف مارشل مجاہد انور خان سے ان کے دفتر میں ملاقات کی اوردونوں سربراہان نے پیشہ ورانہ دلچسپی کے امور پر تبادلہ خیال کیا۔

    ترجمان پاک بحریہ کے مطابق جنرل ہولوسی آکار نے پاک فضائیہ کے افراد کی پیشہ وارانہ مہارت کی تعریف کی، انہوں نے دہشت گردی کے خلاف جنگ میں پاک فضائیہ کے کلیدی کردار کو سراہا اور پاک فضائیہ کے تجربات سے سیکھنے کی خواہش کا اظہار کیا۔

    پاک فضائیہ کے سربراہ نے کہا کہ پاکستان اور ترکی کے درمیان دوستانہ اور برادرانہ تعلقات ہیں اور انہوں نے اس عزم کا اعادہ کیا کہ دونوں برادر ممالک کے مابین موجودہ تعاون کو مزید وسعت دی جائے گی، ائیر چیف نے ترک فضائیہ کو ایوی ایشن کے شعبے اور فوجی تربیت میں بھر پور مدد اور تعاون کی پیشکش کی۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔  

  • پاک فضائیہ کے سربراہ کی یومِ پاکستان پریڈ کے موقع پر فلائی پاسٹ کی قیادت

    پاک فضائیہ کے سربراہ کی یومِ پاکستان پریڈ کے موقع پر فلائی پاسٹ کی قیادت

    اسلام آباد: پاک فضائیہ کے سربراہ ائیر چیف مارشل مجاہد انور خان نے یومِ پاکستان پریڈ کے موقع پر فلائی پاسٹ کی قیادت کی اور پرجوش حاضرین کے دلوں کو گرمایا۔

    تفصیلات کے مطابق ائیر چیف جنہوں نے 19 مارچ 2018 کو پاک فضائیہ کی کمان سنبھالی جو اپنی پیشہ وارانہ فراست اور شوقِ پرواز کی وجہ سے مشہور ہیں، اپنے پیشروؤں کی روایت کو مدِنظر رکھتے ہوئے انہوں نے F-16 بلاک 52 طیارے میں محو پرواز ہوکر پریڈ اسکوائر کے اوپر ایک شاندار ورٹیکل رول کا مظاہرہ کیا۔

    یوم پاکستان:‌ واہگہ بارڈر پرپرچم اتارنے کی پروقار تقریب

    جہاز سے ریڈیو کمیونیکیشن کے ذریعے پا کستانی قوم کے عزم کو خراج تحسین پیش کرتے ہوئے ان کا کہنا تھا کہ ” میں پاکستان کی عظیم قوم کو سلام پیش کرتا ہوں، پاکستان زندہ باد”۔

    محو حیرت اور پر جوش حاضرین ائیر چیف مارشل مجاہد انور خان کے جہاز کو آسمان کی بلندیوں میں غائب ہوتا دیکھتے رہ گئے اور انہوں نے بھر پور تالیاں بجا کر اپنی خوشی کا اظہار کیا۔

    یوم پاکستان پرپریڈ گراؤنڈ میں مسلح افواج کی مشترکہ پریڈ

    قبل ازیں پاک فضائیہ کے سربراہ یوم پاکستان پریڈ میں شریک پاک فضائیہ کی فارمیشن کی قیادت کے لیے پی اے ایف بیس مصحف پہنچے، انہوں نے بیس پر موجود فضائی اور  زمینی عملے سے ملاقات کی اور ان کے غیر معمولی عزم اورجذبے کو سراہا۔

    ائیر چیف کے بعد، ائیر وائس مارشل عامر مسعود، ائیر آفیسر کمانڈنگ، سنٹرل ائیر کمانڈ کی زیرِکمان، F-16 طیاروں کی فور شپ باکس فارمیشن سلامی کے چبوترے کے پاس سے گزری، F-1st کے فوراٗ بعد، F-17 ٹھنڈر طیاروں کی فارمیشن گزری جس کی کمان ونگ کمانڈر اسد کے پاس تھی جو قومی پرچم کے رنگوں میں رنگے ہوئے JF-17 ٹھنڈر طیارے میں محوِ پرواز تھے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایئر چیف سے سعودی نائب وزیردفاع کی ملاقات

    ایئر چیف سے سعودی نائب وزیردفاع کی ملاقات

    اسلام آباد : سعودی عرب کے نائب وزیر دفاع محمد بن عبداللہ نے ایئرہیڈ کوارٹرز اسلام آباد کا دورہ کیا، پاک فضائیہ کے سربراہ ایئرچیف مارشل سہیل امان نے استقبال کیا۔

    ترجمان پاک فضائیہ کے مطابق سعودی نائب وزیر دفاع محمد بن عبداللہ جب ایئرہیڈ کوارٹرز اسلام آباد پہنچے تو ان کا شاندار استقبال کیا گیا، پاک فضائیہ کےچاق وچوبند دستے نے انہیں سلامی پیش کی۔

    اس موقع پر سعودی نائب وزیردفاع نے ایئرچیف مارشل سہیل امان سے خصوصی ملاقات کی، ملاقات میں پیشہ ورانہ دلچسپی کے امورپر تبادلہ خیال کیا گیا۔

    ترجمان پاک فضائیہ کے مطابق سعودی نائب وزیردفاع نے دہشتگردی کے خلاف جنگ میں پاک فضائیہ کے کردارکو سراہا، انہوں نے مشکل کی گھڑی میں پاکستان کے شانہ بشانہ کھڑے ہونےکے عزم کا اعادہ بھی کیا۔

    ایئرچیف مارشل نے اس موقع پر کہا کہ پاکستان اورسعودی عرب کے درمیان پرانے، دوستانہ اور برادرانہ تعلقات ہیں ،ایوی ایشن کے شعبے اور فوجی تربیت میں تعاون جاری رکھیں گے۔

    سعودی وفد کو پاک فضائیہ کے تنظیمی ڈھانچے، پیشہ ورانہ کردارپر بریفنگ بھی دی گئی۔