Tag: ایئر سیال

کراچی : پاکستان سے یو اے ای جانے والوں کے لئے اہم خبر آگئی ، جون سے دبئی کیلئے پروازیں شروع ہوں گی۔

تفصیلات کے مطابق ایئر سیال کو متحدہ عرب امارات کے فلائٹ آپریشن کی اجازت مل گئی ، چیف آپریٹنگ افسر طارق امین نے بتایا کہ نجی ایئرلائن جون سے دبئی کیلئے پروازیں شروع کرے گی۔

سی ای او نجی ایئرلائن نے کہا کہ یو اے ای کےروٹس پراجازت سے ایئرلائن کی آمدنی میں اضافہ ہوگا۔

گذشتہ روز سول ایوی ایشن اتھارٹی (سی اے اے) نے متحدہ عرب امارات کی ایئرلائن کو کراچی کیلئے پروازوں میں اضافےکی اجازت دی تھی۔

مزید پڑھیں : یو اے ای جانے والوں کی بڑی مشکل آسان ہوگئی

ذرائع نے بتایا تھا کہ غیرملکی ایئرلائن کو کراچی کیلئے ہفتہ وار 3اضافی پروازوں کی اجازت دی گئی۔

ذرائع کا کہنا تھا کہ ایئرلائن کراچی ابوظہبی کیلئے ہفتہ وار 17 پروازیں چلائے گی، اضافی پروازوں کا آغاز اکتوبر سے ہوگا۔

اسلام آباد : نجی ایئرلائن نے پاکستان سے سعودی عرب جانے والے مسافروں کے لئے بڑا اعلان کردیا۔

تفصیلات کے مطابق ایئر سیال نے سعودی عرب کے لیے پروازوں میں مزید اضافے کا اعلان کردیا ،  چیف آپریٹنگ آفیسر ایئر لائن طارق امین نے بتایا کہ 30 اکتوبر سے سعودی عرب کے دارالحکومت ریاض کیلئے 2طرفہ پروازیں آپریٹ کرے گا۔

طارق امین کا کہنا تھا کہ ہفتہ وار 2 پروازیں سعودی عرب کیلئے آپریٹ ہوں گی۔

خیال رہے دسمبر 2020 کے آغاز میں وفاقی کابینہ نے نجی ائیر لائن ایئر سیال کے لائسنس کی منظوری دی تھی اور 9 دسمبر کو وزیراعظم عمران خان نے سیالکوٹ کے صنعت کاروں کا دیرینہ خواب پورا کرتے ہوئے ایئر سیال کا افتتاح کیا تھا۔

لائسنس یافتہ  نجی ایئر لائن سیالکوٹ چیمبر آف کامرس اینڈ انڈسٹری کے اراکین کی سوچ کا نتیجہ ہے، جنہوں نے اپنے پہلے اقدام سیالکوٹ انٹرنیشنل ایئرپورٹ لمیٹڈ کی کامیابی کے بعد اس منصوبے کا آغاز کیا ہے۔

نجی ایئر لائن کے فلیٹ میں تین آئیر بس اے 320-200 شامل ہیں، جس میں 180 مسافروں کے بیٹھنے کی گنجائش ہے۔

بعد ازاں مارچ میں پاکستان کی نجی ائیر لائن نے بین الاقوامی پروازوں کا آغاز کیا تھا، پہلے مرحلے میں لاہور،اسلام آباد سے جدہ کے لیے ہفتہ وار 8 پروازیں چلائی گئیں تھیں ۔

اسلام آباد : حکومت ایئر سیال کونامزدکرنے کیلئے متحدہ عرب امارات کوقائل کرنے میں تاحال ناکام ہے، ایک ماہ گزرنے کے باوجود پاکستانی درخواست منظورنہیں کی گئی۔

تفصیلات کے مطابق متحدہ عرب امارات کامطالبہ ماننے کے باوجودپاکستانی مطالبہ تسلیم نہ ہوسکا ، حکومت ایئر سیال کونامزدکرنے کیلئے یواے ای کوقائل کرنے میں تاحال ناکام ہے۔

ذرائع نے بتایا کہ ایک ماہ سے زیادہ گزرنے کے باوجود ایئر سیال کونامزد کرنے کی پاکستانی درخواست کوتاحال منظور نہیں کیا گیا۔

ذرائع کا کہنا تھا کہ پاکستان کی جانب سے اماراتی "ویز”ایئر لائن کو پہلےہی نامزد کیا جاچکا ہے، وفاقی کابینہ نے”ویز” ایئرکو پاکستان ،ابوظبی روٹ پرنامزد کرنےکی منظوری دی تھی، کابینہ نے فیصلہ یو اے ای کی درخواست اور معاشی صورتحال کے پیش نظر کیا۔

یو اے ای کیلئے پی آئی اے، سرین،ایئر بلو پاکستانی نامزد کردہ ایئر لائنز ہیں جبکہ اتحاد،ایمریٹس،ایئر عریبیہ،ایئرعریبیہ ،ابوظبی،یو اے ای کی نامزد کردہ ایئر لائنزہیں۔

یاد رہے گذشتہ ماہ متحدہ عرب امارات نے پاکستانی نجی ائیرلائن کو آپریٹ کرنے کی اجازت دینے سے انکار کردیا تھا، ذرائع نے بتایا تھا کہ وفاقی حکومت نے ائیر سیال کو یو اے ای کے لئے آپریٹ کرنے کا مطالبہ کیا تھا۔

حکومتی مطالبے پر یو اے ای نے ایئر سیال کو نامزد کرنے کی پاکستانی تجویز کو تسلیم نہیں کیا تاہم حکومت ائیر سیال کو نامزد کرنے کیلئے دوبارہ درخواست کرے گی۔