Tag: ایاز صادق

اسلام آباد : اسپیکر قومی اسمبلی ایاز صادق نے اضافی تنخواہ لینے سے انکار کرتے ہوئے معاملہ وزیراعظم پر چھوڑ دیا۔

تفصیلات کے مطابق تنخواہ میں اضافے پر وزیر دفاع خواجہ آصف کی تنقید کے بعد اسپیکر قومی اسمبلی نے وزیراعظم شہباز شریف کو خط لکھ دیا۔

ذرائع نے بتایا خط میں اسپیکر قومی اسمبلی نے تنخواہ کا معاملہ وزیراعظم پرچھوڑدیا اور مؤقف اپنایا میرا تنخواہ سے کوئی تعلق نہیں، نہ دلچسپی ہے۔

ذرائع اسپیکرآفس کا کہنا تھا کہ تنخواہ بڑھانے کا فیصلہ وفاقی کابینہ اور وزیراعظم کا اختیار ہے، بے شک میری تنخواہ نہ بڑھائیں، میرا کوئی مطالبہ نہیں۔

ذرائع نے کہا کہ اسپیکر نے خواجہ آصف کے الزامات کا جواب دینے سے گریز کیا اور اضافی تنخواہ لینے سے انکار کردیا۔

ذرائع کا کہنا ہے کہ تنخواہ کے معاملے پر حتمی فیصلہ اب وزیراعظم شہباز شریف کریں گے،ذرائع

یاد رہے وزیر دفاع خواجہ آصف نے اسپیکر کی تنخواہ ساڑھے 21 لاکھ ہونے پر اسے مالی فحاشی قرار دیا تھا جب کہ وزیراعظم نے بھی اس معاملے کا نوٹس لیا تھا۔

اسلام آباد : اسپیکر قومی اسمبلی ایاز صادق نے مذاکرات سے خود کو الگ کرنے کی پیشکش کردی اور کہا ، بانی پی ٹی آئی سے ملاقات کرانا میرا مینڈیٹ ہے اور نہ ذمہ داری۔

تفصیلات کے مطابق پی ٹی آئی کی تنقید پر اسپیکرقومی اسمبلی سردار ایاز صادق نے جواب دیتے ہوئے کہا اسپیکر آفس سے رابطے پر مثبت جواب نہ دینے کے بیانات افسوسناک ہیں ، میرے دروازے سب کے لیے ہر وقت کھلے ہیں۔

ان کا کہنا تھا کہ اگر چاہتے ہیں کہ وہ مذاکراتی عمل سے نکل جائیں تو وہ تجویز پر غور کے لیے تیارہیں۔

اسپیکرقومی اسمبلی کی مذاکرات سے خود کو الگ کرنے کی پیشکش پر پی ٹی آئی چیئرمین، بیرسٹر گوہر نے ردعمل دیتے ہوئے کہا ہم چاہتےہیں کہ ایاز صادق مذاکراتی عمل کوجاری رکھیں، انھوں نے کوشش کی کہ ہرصورت مذاکرات کامیاب ہو۔

ان کا کہنا تھا کہ کبھی نہیں چاہیں گے وہ خود کو مذاکراتی عمل سےالگ کریں، مذاکرات کی کامیابی کیلئے اسپیکر قومی اسمبلی ہی اہل ہیں۔

مزید پڑھیں : بانی پی ٹی آئی نے کمیٹی کو تحریری مطالبات دینے کی اجازت دے دی

بیرسٹرگوہر نے پی ٹی آئی رہنماؤں کے الزامات پر لاعلمی کا اظہار کیا اور کہ نہیں معلوم کن رہنماؤں نے اسپیکر کیخلاف بیانات دیے۔

خیال رہے بانی پی ٹی آئی نے حکومت سے مذاکرات جاری رکھنے کی ہدایت کی ہے ، بیرسٹر گوہر نے بتایا تھا کہ بانی نےمطالبات تحریری طورپر حکومت کو دینے کی اجازت دے دی ہے، آئندہ اجلاس میں مطالبات تحریری شکل میں دیں گے

اسلام آباد : اسپیکر قومی اسمبلی کے لئے نامزد امیدوار ایازصادق کا کہنا ہے کہ سب میرےدوست اوربھائی ہیں ، کسی سے دشمنی تو ہے نہیں۔

تفصیلات کے مطابق اسپیکر قومی اسمبلی کے لئے نامزد امیدوار سردارایازصادق نے میڈیا سے گفتگو کرتے ہوئے کہا کہ سب میرے دوست اوربھائی ہیں، ایک دوسرے کیخلاف انتخاب لڑنا جمہوریت کاحسن ہے، کسی سےدشمنی توہے نہیں۔

ایاز صادق کا کہنا تھا کہ اسمبلی کا ڈیکورم برقرار رکھناہر رکن کا فرض ہے، پارلیمان حکومت اور اپوزیشن سب کا ہے، شور شرابے میں تقریر اور بات نہیں ہوسکےگی۔

ن لیگی رہنما نے کہا کہ ایوان چلانا کبھی بھی آسان نہیں رہا، ایوان چلانا ایک بھاری ذمہ داری ہے، اسپیکر کو ضبط اور صبر کیساتھ کرسی پر بیٹھنا ہوتا ہے۔

خیال رہے قومی اسمبلی میں اسپیکر اور ڈپٹی اسپیکر کا انتخاب آج ہورہا ہے، اسپیکر کیلئے پاکستان مسلم لیگ ن کے سردار ایاز صادق اور پی ٹی آئی سے تعلق رکھنے والے سُنّی اتحاد کونسل کے امیدوار عامر ڈوگر کے درمیان مقابلہ ہے۔

قومی اسمبلی کے ڈپٹی اسپیکر کے عہدے کے لیے پاکستان پیپلز پارٹی کے غلام مصطفیٰ شاہ اور پی ٹی آئی سے تعلق رکھنے والے سُنّی اتحاد کونسل کے امیدوار جنید اکبر کے درمیان مقابلہ ہے۔

لاہوتر : مسلم لیگ ن کے رہنما اور سابق وفاقی وزیر ایاز صادق کا کہنا ہے کہ ہم نوازشریف کواگلا وزیراعظم دیکھ رہے ہیں۔

تفصیلات کے مطابق سابق وفاقی وزیر ایاز صادق نے میڈیا سے گفتگو کرتے ہوئے کہا کہ نوازشریف کواگلا وزیراعظم دیکھ رہےہیں، نوازشریف نے اپنی تقریر میں کہا تھا سب کو ساتھ ملکر چلنا ہوگا۔

ایم کیو ایم کے وفد سے ملاقات کے حوالے سے ایازصادق کا کہنا تھا کہ سیاسی اتحاد تو ہوتے رہتے ہیں، آج ایم کیو ایم کا وفد ملنے آیا ہےاورلوگ بھی ملنا چاہ رہے ہیں، ہم لوگ اکھٹے ہونگے، کب اور کیسے ہونگے، یہ وقت بتائے گا۔

ن لیگی رہنما نے بتایا کہ ابھی کسی کے سامنے کوئی شرائط نہیں رکھ رہے ہیں، دیگر سیاسی جماعتوں سے اتحاد انتخابات کے بعد بنے گا۔

ایاز صادق نے کہا کہ میرا ہر ایک کے ساتھ رابطہ ہوتا رہتا ہے اور تعلقات بھی ہیں اور ہماری سوچ پاکستان کو مشکلات سے نکالنا ہے۔