لاہور: سابق اسپیکر قومی اسمبلی سردارا ایاز صادق نے کہا ہے کہ وہ این اے ایک سو بائیس سے دوبارہ منتخب ہوکر اسمبلی میں واپس آئیں گے۔
لاہور میں غریب لڑکیوں میں جہیز تقسیم کرنے کی تقریب کا اہتمام کیا گیا اس موقع پر میڈیا سے گفتگو کرتےایاز صادق نے کہا کہ نیب ملک میں کس کے خلاف کیا کارروائی کررہا ہے نہیں جانتا کیوں کہ ضمنی انتخابات کی تیاریوں میں دن رات مصروف ہوں۔
انھوں نے اس امید کا اظہار کیا کہ اس بار بھی وہ الیکشن جیتیں گے،تقریب میں سو سے زائد غریب لڑکیوں میں جہیز کا سامان تقسیم کیا گیا۔
لاہور : الیکشن ٹریبونل نے این اے 122 کے انتخابات کو کالعدم قرار دے کرحلقے میں ری الیکشن کا حکم دے دیا جس کے نتیجے میں سردار ایازصادق ممبر اوراسپیکر قومی اسمبلی نہیں رہے ۔
تفصیلات کے مطابق تحریک انصاف کو بہت بڑی کامیابی مل گئی ہے۔ عمران خان نے این اے 122 میں مسلم لیگ ن کے امیدوار سردار ایاز صادق کے خلاف دھاندلی کی درخواست کمیشن میں جمع کرائی تھی جس پر 2 سال بعد الیکشن کمیشن نے سردار ایاز صادق کی اسمبلی رکنیت ختم کرکے این اے 122 میں دوبارہ انتخابات کے انعقاد کا حکم جاری کردیا ہے۔
الیکشن ٹریبونل نے 9 گھنٹے تاخیر کے بعد شام 7 بجے اپنا فیصلہ سنایا، ٹربیونل نے پنجاب اسمبلی کے حلقہ پی پی 147کے نتائج بھی منسوخ کردیئے۔
لاہورمیں میاں محسن لطیف کے حلقے پی پی 147 میں بھی دوبارہ انتکابات کا حکم دیا گیا ہے جبکہ اسپیکرقومی اسمبلی ایاز صادق نے الیکشن ٹریبونل کے فیصلے کو سپریم کورٹ میں چیلنج کرنے کااعلان کردیا ہے۔
PTI has all the reasons to dance out loud today (until the decision is challenged and reversed as usual) #NA122
— Syed Ali Raza Abidi (@abidifactor) August 22, 2015
قومی اسمبلی کے اسپیکر سردارایاز صادق کا کہنا تھا کہ فیصلے میں دھاندلی کا کہیں ذکر نہیں ہے اور بے ضابطگی کا میں کسی طرح بھی ذمہ دار نہیں ہوں۔
Congratulations PTI on #NA122 – Déjà Vu Saad Rafiq. — Syed Ali Raza Abidi (@abidifactor) August 22, 2015
الیکشن ٹربیونل کے باہرمیڈیا سے گفتگو کرتے ہوئے ایاز صادق کے بیٹے علی ایاز صادق نے کہاکہ 80 صفحات کے فیصلے میں کہیں بھی نہیں لکھا کہ دھاندلی ثابت ہوئی، ابھی بھی ہمارا یہی موقف ہے کہ دھاندلی نہیں کی۔
Imran Khan was born to win. He has won the hearts of millions of people already & continues to strive for a just Pakistan.
— Reham Khan (@RehamKhan1) August 22, 2015
الیکشن ٹربیونل نے نادرا کی جانب سے پیش کی گئی سپلیمنٹری رپورٹ بھی مسترد کر دی۔ فیصلہ آنے کے بعد الیکشن ٹربیونل کے باہر موجود تحریک انصاف کے کارکنوں میں خوشی کی لہر دوڑ گئی۔
کارکنوں نے ڈھول کی تھاپ پر بھنگڑے ڈالے اور ایک دوسرے کو مٹھائیاں کھلائیں۔ واضح رہے گیارہ مئی دو ہزار تیرہ کو ملک بھر میں ہونیوالے عام انتخابات میں لاہور کے حلقہ این اے ایک سو بائیس سے مسلم لیگ سردار ایاز صادق 93 ہزار 389 ووٹ لیکر کامیاب ہوئے۔
عمران خان 84517 ووٹ حاصل کر سکے یعنی عمران خان کو 8 ہزار 872 ووٹوں سے شکست کا سامنا کرنا پڑا تھا۔
پتوکی : پاکستان تحریک انصاف کے چیئر مین عمران خان نے کہا ہے کہ اسپیکر قومی اسمبلی سردار ایاز صادق الطاف حسین جیسے دہشت گرد سے بات کریں گے تو ہم پارلیمنٹ میں ہی نہیں بیٹھیں گے۔
ان کا کہنا تھا کہ جوڈیشل کمیشن کی رپورٹ نے الیکشن کمیشن کو نااہل ثابت کردیا ہے، ان خیالات کا اظہار انہوں نے پتوکی میں ایک بڑے جلسہ عام سے خطاب کرتے ہوئے کیا۔
عمران خان کا جلسہ گاہ پہنچنے پر شاندار استقبال کیا گیا، عمران خان نے اپنے خطاب میں اسپیکر ایاز صادق کو آڑے ہاتھوں لیا۔
عمران خان نے سیاسی مخالفیں کو شدید تنقید کا نشانہ بناتے ہوئے کہا الطاف حسین سے پوچھنے سے بہتر ہے ہم اسمبلیوں سے باہر رہیں۔
الطاف حسین ملک کا سب سے بڑا غدار اور دہشت گرد ہے۔ کپتان نے وزیراعظم کو بھی نہیں بخشا۔ عمران خان نے کہا کہ میاں نواز شریف فیصلے خود کیا کریں۔
وزیراعظم فضل الرحمان کے کندھے پر رکھ کر بندوق نہ چلائیں۔ ان کا مزید کہنا تھا پہلے شفاف انتخابات کیلئے جنگ تھی اور یہ جنگ چلتی رہی گی اب کسانوں کے حقوق کیلئے تحریک انصاف تحریک چلائے گی۔
انہوں نے کہا کہ تحریک انصاف آئندہ الیکشن میں الیکشن دوہزار تیرہ سے زیادہ ووٹ لے کر اسمبلی میں آئے گی ، کپتان نے جوڈیشل کمیشن کی رپورٹ پر ایک بار پھر الیکشن کمیشن کیخلاف جوش خطابت دکھایا۔
کپتان نے ایک بار پھرعزم دُہراتے ہوئے کہا کہ تحریک انصاف کو تبدیلی لانے سے کوئی نہیں روک سکتا۔
اسلام آباد : قومی اسمبلی کا اجلاس آج شام چار بجےپارلیمنٹ ہاؤس میں ہورہا ہے۔ قومی اسمبلی کے اجلاس کی صدارت اسپیکر سردار ایاز صادق کریں گے۔ قومی اسمبلی کااجلاس دو ہفتے جاری رہے گا۔
اجلاس میں اسلام آباد میں بلدیاتی انتخابات سے متعلق اہم قانون سازی کی جائے۔ دھاندلی سے متعلق جوڈیشل کمیشن کی رپورٹ بھی قومی اسمبلی میں پیش کی جائے گی۔
اجلاس میں مون سون بارشوں کے باعث خیبر پختونخواہ، آزاد کشمیر، پنجاب اور سندھ سمیت ملک بھر میں سیلاب کی تباہ کاریوں سے ہونے والے نقصانات اور حکومت اقدامات بھی زیر بحث آئیں گے۔
لاہور : اسپیکرقومی اسمبلی سردار ایاز صادق نے کہا ہے کہ چیئرمین نیب کے خلاف ریفرنس لاسکتے ہیں ۔
تفصیلات کے مطابق لاہور میں افطار ڈنر سے خطاب کرتے ہوئے اسپیکر قومی اسمبلی سردار ایاز صادق نے نیب کی کارکردگی پر عدم اعتماد کا اظہار کردیا ۔
ان کا کہنا تھا کہ کوئی قومی اسمبلی کے اختیارات کو چیلنج کرنے کا نہ سوچے ۔ انہوں نے کہا کہ میرے حلقے کے متعلق الیکشن ٹربیونل کا کیا فیصلہ آنا ہے، مجھے سب معلوم ہے۔ میرے ماتھے پر کوئی شکن نہیں میں چاہوں تو اپنے حلقے کا ابھی فیصلہ سنا دوں مگر نہیں سناؤں گا،۔
ایک سوال کے جواب میں ان کا کہنا تھا کہ چیئرمین نیب کے خلاف ریفرنس لا سکتے ہیں، نیب کے خلاف قومی اسمبلی میں بحث اور پوری اسمبلی کو کمیٹی بنا سکتے ہیں۔
سردار ایاز صادق کا کہنا تھاکہ نیب کا خود احتساب ہونے والا ہے ، نیب کے اوپر بھی ایک نیب ہونی چاہئیے، نیب میں کرپٹ افسران کی بھرمار ہے۔
اسلام آباد : اسپیکر قومی اسمبلی ایاز صادق نے کہا ہے کہ پاکستان تحریک انصاف کے اراکین کا استعفی منظور نہ کرنے پر انہیں ن لیگ سمیت ایم کیو ایم اور جے یو آئی ف نے تنقید کا نشانہ بنایا۔
اسلام آباد میں ایک تقریب سے خطاب کرتے ہوئے انہوں نے کہا کہ پارلیمنٹ سے ا ستعفی کا مطلب استعفی ہوتا ہے لیکن انہوں نے بحیثیت اسپیکر قومی اسمبلی سپریم کورٹ کے فیصلے کے مطابق کام کیا ۔
انہوں نے کہا کہ میں نے تحریک انصاف کے اراکین سے رضاکارانہ طور پر استعفوں کے حوالے سے ان کا موقف دریافت کیا۔
ایاز صادق کا کہنا تھا کہ قومی اسمبلی میں بنائے جانے والے قوانین اور کام کرنے کے طریقہ کار کو نصاب کا حصہ بنایا جائے گا۔ حکومت ہر تنقید برداشت کرے گی تاہم حکومت کو مثبت تجاویز بھی دی جائے۔
اسلام آباد : پارلیمنٹ کا مشترکہ اجلاس اسپیکرقومی اسمبلی سردار ایاز صادق کی صدارت میں کل گیارہ بجے اسلام آباد میں ہوگا۔مشترکہ اجلاس میں یمن کی صورتحال پر پارلیمنٹ کو اعتماد میں لیا جائے گا
وزیر دفاع خواجہ آصف اپنے دورہ سعودی عرب کے متعلق پارلیمنٹ کو بریفنگ دیں گے ۔اجلاس میں مشرق وسطیٰ کی صورت حال کے متعلق پالیسی واضح کرنے کے لئے پارلیمنٹ سے رہنمائی لی جائے گی ۔
ایوان میں یمن کی صورت حال پر قرارداد منظوری کے لئے پیش کی جائے گی۔حکومتی ذرائع کے مطابق پارلیمنٹ کو اعتماد میں لینے کے بعد مشرق وسطیٰ کی صورت حال پر حکومت آئندہ کا لائحہ عمل ترتیب دے گی ۔
کل کے روز ہی شام کے وقت سینٹ کا اجلاس بھی طلب کیا گیا ہے ۔سینٹ کے کل کے اجلاس کی صدارت رضا ربانی کریں گے اور معمول کی کارروائی ہوگی۔
واضح رہے کہ کل پارلیمنٹ کا مشترکہ اجلاس میں چیئر مین پی ٹی آئی عمران خان بھی شرکت کریں گے۔
لاہور: این اےایک سو بائیس لاہورمیں مبینہ دھاندلی کے معاملے پرایاز صادق نےبیان ریکارڈکرادیا۔ اسپیکرنے ٹریبونل کو بتایاکہ حلقےمیں دھاندلی کا الزام درست نہیں۔ جوکہوں گا، سچ کہوں گا، سچ کےسواکچھ کہوں تو مجھ سے خدا ناراض ہو۔ این اےایک سو بائیس میں مبینہ دھاندلی کے معاملےپر بیان ریکارڈ کرانےسےقبل الیکشن ٹریبونل کے جج کاظم علی ملک نےاسپیکرقومی اسمبلی ایاز صادق سےحلف لیا۔
ایاز صادق نےٹریبونل کوبتایاکہ کوئی ایساکام نہیں کیاجس سےانتخابی عمل کی شفافیت پرانگلی اٹھے، الیکشن شفاف طریقےسےمکمل ہوا۔دھاندلی کےالزامات بےبینادہیں۔
ایاز صادق نے کہاعوام نےبھاری اکثریت سےمینڈیٹ دیا دوبارہ گنتی میں ساڑھے آٹھ ہزار ووٹوں سےکامیابی ملی۔این اےایک سوبائیس کی انتخابی عذر داری پر اسپیکر ایاز صادق نے موقف اختیار کیا ہے کہ عمران خان نے جو الزامات ان پر لگائے ہیںوہ بے بنیاد ہیں۔ بعد ازاں میڈیا سے گفتگگو کرتے ہوئے سردار ایاز صادق نے کہا کہمیرے خلاف ایک سو چھبیس دن ٹرائل کیا گیا ۔اور میں ایسی کوئی بات نہیں کروں گا کہ جس مجھے عمران خان کے سامنےنظریں چرانا پڑیں
ان کا کہنا تھا کہ اللہ کے حکم سے انشاءاللہ دوہزار اٹھارہ تک ٍاسپیکرکے منصب پر فائز رہوں گا۔ اور اپنی ذمہ داری احسن ظریقے نبھاؤں گا۔انہوں نے کہا کہ این اے ایک سو بائیس سے تین مرتبہ منتخب ہوکر آیا ہوں اور میں اپنے ووٹرز کا شکر گزار ہوں انہیں کبھی مایوس نہیں کروں گا ۔
انہوں نے ایک واقعے کا حوالہ دیتے ہوئے کہا کہ اسکول لائف میں ایک مر تبہ کھیل کے دوران عمران خان نیازی کو میری ہاکی لگ گئی تھی اور معافی تلافی کے بعد آئی گئی ہوگئی لیکن آج پتہ چلا کہ عمران خان نے پچاس سال بعد اس بات کا بدلہ لیا ہے
اسلام آباد: اسپیکر قومی اسمبلی ایاز صادق نے تحریکِ انصاف کے چیئرمین عمران کان پر تنقید کرتے ہوئے کہا کہ جسٹس عمران کان نے این اے122 پر اپنا فیصلہ سنا دیا لیکن وہ جسٹس کاظم کے فیصلے کا انتظار کریں گے۔
اسپیکر قومی اسمبلی نے میڈیا نمائندوں سے گفتگو میں کہا کہ این اے122 سے متعلق جسٹس کاظم ملک کے فیصلے کا انتظار کروں گا، جسٹس کاظم ملک کے تمام فیصلے اور تحقیقاتی کمیشن کی رپورٹ پڑھی ہے۔
ایاز صادق نے کہا کہ عمران خان کی پریس کانفرنس کے بعد لگتا ہے میں نے انہیں دن میں تارے دکھا دیئے ہیں، اُن کا کہنا تھا کہ پی ٹی آئی اراکین کی نشتیں خالی کرا دینے کے حق میں نہیں ہوں یہ اچھی روایت نہیں ہے۔
واضح رہے کہ این اے122کی تحقیقات کے لیے تشکیل دیئے گئے کمیشن نے ووٹوں کے ریکارڈ اور جانچ پڑتال کی رپورٹ الیکشن ٹریبونل میں جمع کرا دی۔
رپورٹ کے مطابق مسلم لیگ نون کے سردار ایاز صادق نے بانوے ہزار تین سو ترانوے ووٹ حاصل کئے جبکہ تحریکِ انصاف کے سربراہ عمران خان نے تراسی ہزار پانچ سو بیالیس ووٹ حاصل کئے اور دیگر امیدواروں نے چار ہزار ایک سو اسی ووٹ حاصل کئے۔
اس سے قبل الیکشن ٹربیونل کے جج کاظم علی ملک نے این اے 122 دھاندلی کیس کی سماعت کی تھی، ٹریبونل نے قرار دیا تھا کہ الیکشن ٹربیونل ایک خودمختار ادارہ ہے، اس کا الیکشن کمشن سے کوئی تعلق نہیں، دونوں جماعتوں کے رہنماؤں کے بیانات سے کنفیوژن پیدا ہو رہا ہے، لگتا ہے دونوں فریقین ایک دوسرے کا میڈیا ٹرائل کر رہے ہیں۔
لاہور: تحریک انصاف کے سربراہ عمران خان کی جانب سے الیکشن ٹریبونل میں اسپیکر قومی اسمبلی سردار ایاز صادق کی نااہلی کے لیے انتخابی عذرداری پر فیصلہ آج سنائے گا۔
اس سے پہلے عمران خان ہفتہ کو الیکشن ٹریبونل کے سامنے پیش ہوئے اور اپنا بیان ریکارڈ کرایا، کارروائی کے اختتام پر الیکشن ٹریبونل نے عمران خان کی اُس درخواست پر فیصلہ محفوظ کرلیا تھا کہ قومی اسمبلی کے حلقہ ایک سو بائیس میں ووٹوں کے تھیلوں کا معائنہ کیا جائے۔
الیکشن ٹریبونل کے جج کاظم علی ملک نے انتخابی عذرداری کو خارج کرنے کی درخواست پر کہا کہ ابھی یہ درخواست قابل پیش رفت نہیں ہے جس پر اسپیکر قومی اسمبلی سردار ایاز صادق کے وکلا نے یہ درخواست واپس لے لی تھی۔