ARYNews.tv | Urdu – Har Lamha Bakhabar

Tag: ایاسا

  • یورپ اور برطانیہ میں پی آئی اے طیاروں پر پابندی ہٹنے کے امکانات روشن

    یورپ اور برطانیہ میں پی آئی اے طیاروں پر پابندی ہٹنے کے امکانات روشن

    اسلام آباد: یورپی سیفٹی ایجنسی ایاسا نے سیفٹی رویوبورڈ کا اجلاس مئی کے وسط میں طلب کرلیا، جس کے بعد یورپ اور برطانیہ میں پی آئی اے طیاروں پر پابندی ہٹنے کے امکانات روشن ہیں۔

    تفصیلات کے مطابق یورپ اور برطانیہ میں پی آئی اے طیاروں پر پابندی ہٹنے کے امکانات روشن ہوگئے، یورپی سیفٹی ایجنسی ایاسا کا سیفٹی رویوبورڈ کا اجلاس مئی کے وسط میں طلب کرلیا گیا۔

    جس میں یورپی سیفٹی ایجنسی کی سی اےاے اور پی آئی اے سےمتعلق آڈٹ رپورٹ پیش ہوگی

    ایاسا کی ٹیم نے نومبر 2023 میں سول ایوی ایشن اتھارٹی کے اہم شعبوں کی جانچ پڑتال کی تھی جبکہ پی آئی اے کے اہم شعبوں کی بھی جانچ پڑتال کیا تھا۔

    پی آئی اے نے یورپی سیفٹی ایجنسی ایاسا کےدیئے گئے اہداف کافی عرصہ قبل مکمل کرلئے تھے۔

    ترجمان پی ٹی آئی کا کہنا تھا کہ یورپ ،برطانیہ کا روٹ پی آئی اے کیلئے انتہائی اہم ہے ، پی آئی اے اپنے بزنس کے تحت اہم زر مبادلہ حاصل کرتا ہے۔

  • یورپی ایئر لائنز کو کراچی اور لاہور کی فضائی حدود سے گزرتے ہوئے احتیاط کی نئی ہدایت

    یورپی ایئر لائنز کو کراچی اور لاہور کی فضائی حدود سے گزرتے ہوئے احتیاط کی نئی ہدایت

    کراچی: یورپی ایئر لائنز کو کراچی اور لاہور کی فضائی حدود سے گزرتے ہوئے احتیاط کی نئی ہدایت جاری کی گئی ہے۔

    تفصیلات کے مطابق یورپی یونین سیفٹی ایجنسی ایاسا کی جانب سے پاکستان کی فضائی حدود سے متعلق نئی ہدایت جاری کی گئی ہے، ایاسا نے یورپین ایئر لائنز کو پاکستانی فضائی حدود سے متعلق ہدایت کی ہے کہ کراچی اور لاہور کے اوپر سے پرواز کرتے ہوئے احتیاط کریں۔

    ایاسا نے ہدایت کی ہے کہ یورپین ایئر لائنزکے طیارے 26 ہزار فٹ بلندی سے پرواز کریں، کشمیر تنازعہ کے سبب لاہور کی فضائی حدود میں بھی احتیاط کی جائے۔

    ترجمان سی اے اے نے مؤقف دیا ہے کہ ایاسا کی یہ ہدایت معمول کے مطابق ہے، ایاسا نے یورپین ایئر لائنز کو لاحق کسی خطرے سے آگاہ نہیں کیا، پاکستان کی فضائی حدود پروازوں کے لیے مکمل محفوظ ہے۔

     

  • یورپی ایوی ایشن ایجنسی ستمبر میں پی آئی اے اور سی اے اے کا فزیکل آڈٹ کرے گی

    یورپی ایوی ایشن ایجنسی ستمبر میں پی آئی اے اور سی اے اے کا فزیکل آڈٹ کرے گی

    کراچی: یورپی ایوی ایشن ایجنسی ستمبر میں پی آئی اے اور سی اے اے کا فزیکل آڈٹ کرے گی۔

    ذرائع کے مطابق یورپ میں پی آئی اے کی پروازوں کی بحالی کے لیے اہم پیش رفت ہوئی ہے، یورپی ایوی ایشن ایجنسی ستمبر میں پی آئی اے اور سی اے اے کا فزیکل آڈٹ کرنے پاکستان آئے گی۔

    فائنل آڈٹ میں کامیابی کے بعد پی آئی اے کی یورپ کے لیے پروازیں بحال ہو جائیں گی، ذرائع کا کہنا ہے کہ یورپی ایوی ایشن سیفٹی ایجنسی نے پی آئی اے کو ریموٹ آڈٹ میں کلیئر کر دیا ہے۔

    یاد رہے کہ پی آئی اے پر جون 2020 سے یورپی ممالک میں پروازوں پر پابندی عائد ہے، پروازوں کی بحالی سے قومی ایئرلائن کو اربوں روپے کی آمدنی ہوگی۔

  • روس یوکرین جنگ: یورپی یونین نے پروازوں پر بڑی پابندی لگا دی

    روس یوکرین جنگ: یورپی یونین نے پروازوں پر بڑی پابندی لگا دی

    برسلز: روس اور یوکرین کے مابین جنگ کی وجہ سے یورپین یونین ایوی ایشن سیفٹی ایجنسی نے نیا سیفٹی بلیٹن جاری کر دیا ہے۔

    تفصیلات کے مطابق یورپی یونین نے روس اور یوکرین سمیت اطراف میں سویلین پروازوں پر 90 روز کے لیے پابندی عائد کر دی ہے، یورپی یونین کے ممالک سمیت تھرڈ کنٹری کی ایئر لائنز پروازوں پر بھی پابندی عائد ہوگی۔

    سیفٹی بلیٹن میں کہا گیا ہے کہ متعلقہ ایئر اسپیس میں جاری جنگ میں راکٹ اور میزائل سے طیاروں کو خطرہ ہے، ایاسا کی پابندی کا اطلاق 24 فروری تا 24 مئی کے لیے ہوگا۔

    ایجنسی نے مزید کہا کہ آپریٹرز کو انتہائی احتیاط برتنی چاہیے، اور روس یوکرین سرحد کے 100 ناٹیکل میل کے اندر فضائی حدود استعمال کرنے سے گریز کریں۔

    واضح رہے کہ یوکرین نے بھی جمعرات کو اپنی فضائی حدود کو شہری پروازوں کے لیے بند کر دیا ہے، روس نے اپنے پڑوسی پر زمینی، سمندری اور فضائی حملے شروع کر دیے ہیں، جس کی وجہ سے یورپ کے ایوی ایشن ریگولیٹر نے بھی سرحدی علاقوں میں پروازوں کے خطرات سے خبردار کر دیا ہے۔