Tag: ایجنٹ گرفتار

کراچی : عمرہ کے 36 خواہشمند زائرین سے ویزہ فراڈ کرکے روپوش ہونے والے ایجنٹ کو گرفتار کرلیا گیا۔

تفصیلات کے مطابق ایف آئی اے کی انسانی اسمگلنگ کیخلاف کارووائیاں جاری ہے، ایف آئی اے کمپوزٹ سرکل میرپور خاص نے کارروائی کرتے ہوئے عمرہ کے 36 خواہشمند زائرین سے ویزہ فراڈ کرنے والے ایجنٹ کو گرفتار کرلیا۔

ترجمان کا کہنا تھا کہ ملزم اقتدار علی عرف سونو نے سعودی عرب بھجوانے کےنام پر 40 لاکھ کا فراڈ کیا۔

ترجمان نے بتایا کہ ملزم بھاری رقوم وصول کر کے روپوش ہو گیا تھا اور ساتھ ہی غیرقانونی طور پر ٹریول ایجنسی چلارہاتھا۔

یاد رہے وفاقی تحقیقاتی ایجنسی (ایف آئی اے) نے گوجرانوالہ اور گجرات سے 5 افراد کو گرفتار کیا تھا ، جو انسانی اسمگلنگ اور ویزا فراڈ میں ملوث تھے۔

ترجمان کا کہنا تھا کہ ملزمان سادہ لوح شہریوں کو غیر قانونی طریقے سے بیرون ملک بھجواتے تھے۔

ایف آئی اے نے بھیک منگوانے کیلئے شہریوں کو سعودی عرب بھجوانے والے 4 ایجنٹ کو گرفتار کرلیا۔

تفصیلات کے مطابق ایف آئی اے نے ملتان کے مختلف علاقوں میں کارروائی کرتے ہوئے بھیک منگوانے کیلئے شہریوں کو سعودی عرب بھجوانے والے 4 ایجنٹ کو گرفتار کرلیا۔

ایف آئی اے ترجمان کے مطابق ملزمان کو ملتان کے مختلف علاقوں سے گرفتار کیا گیا، گرفتار ملزمان میں صادق حسین، محمد اعجاز، غلام نازک اور غلام یاسین شامل ہیں۔

ترجمان نے بتایا کہ ملزمان کو پہلے سے گرفتار ملزمان کی نشاندہی پر گرفتار کیا گیا، ملزمان بھیک مانگنے کیلئے شہریوں کو سعودی عرب بھجواتے تھے۔

ایف آئی اے ترجمان کا کہنا ہے کہ بھیک سے حاصل رقم میں ملزمان اپنا حصہ وصول کرتے تھے، سعودی عرب بھیک مانگنے کیلئے جانے والے 9 مسافروں کو گزشتہ روز گرفتار کیا گیا تھا۔