Tag: ایدھی فاؤنڈیشن

کراچی: ایدھی فاؤنڈیشن کے سربراہ فیصل ایدھی کے بیٹے سعد ایدھی کا کو وِڈ نائنٹین کا ٹیسٹ منفی آ گیا ہے۔

اے آر وائی نیوز کے مطابق سعد ایدھی کا ٹیسٹ اپنے والد کے ٹیسٹ سے بھی قبل مثبت آیا تھا، تاہم اب ان کا دوبارہ کیا گیا ٹیسٹ منفی آ گیا ہے۔

سعد ایدھی نے بتایا کہ جب وہ وزیر اعظم عمران خان سے ملاقات کے لیے گئے تھے تو انھیں گیسٹ روم میں بٹھایا گیا تھا، صرف والد صاحب ہی وزیر اعظم سے ان کے آفس میں ملے تھے، وہ اس وقت سیلف آئسولیشن میں ہیں۔

ان کا کہنا تھا کہ والد فیصل ایدھی کا 5 روز بعد دوبارہ ٹیسٹ کیا جائے گا، والد کے علاوہ باقی ہم سب کا ٹیسٹ نیگیٹو آیا ہے۔

وزیراعظم سےملاقات کے 30 گھنٹے بعد علامات ظاہر ہوئیں، فیصل ایدھی

گزشتہ روز اے آر وائی نیوز کے پروگرام باخبر سویرا میں گفتگو کرتے ہوئے فیصل ایدھی نے بتایا تھا کہ ان میں کرونا وائرس کی علامات وزیر اعظم سےملاقات کے 30 گھنٹے بعد ظاہر ہوئی تھیں، امکان ہے کہ وائرس کراچی ہی سے میرے ساتھ آیا۔

ان کا کہنا تھا کہ کراچی میں لیاری سے تعلق رکھنے والے ورکر میں وائرس تھا، گلوز بھی پہنے ہوئے ہوں تو بھی کرونا ہو جاتا ہے، بہت احتیاط کی، سماجی فاصلہ بھی رکھا، ہاتھ بھی نہیں ملایا لیکن وائرس لگ گیا۔ خیال رہے کہ ذرائع محکمہ صحت نے کہا تھا کہ فیصل ایدھی سے پہلے ان کے بیٹے کا بھی کرونا ٹیسٹ پازیٹو آیا تھا۔ وزیر اعظم سے ملاقات کی وجہ سے گزشتہ روز عمران خان کا بھی ٹیسٹ کیا گیا جو منفی آیا۔

کراچی: ایدھی فاؤنڈیشن نے گزشتہ 12 ماہ کے دوران اپنی کارکردگی کی رپورٹ جاری کرتے ہوئے کہا ہے کہ ایک سال میں شہرِ قائد میں 797 افراد ٹریفک حادثات میں ہلاک ہوئے۔

تفصیلات کے مطابق سال 2018 میں ایدھی فاؤنڈیشن نے اپنی کارکردگی رپورٹ جاری کر دی، رپورٹ میں کہا گیا ہے کہ ایک سال میں 797 افراد ٹریفک حادثات میں ہلاک جب کہ 16 ہزار 980 زخمی ہوئے۔

[bs-quote quote=”یکم جنوری سے 31 دسمبر تک 1 سو 11 افراد نے خود کشی کی، 37 افراد ٹرین سے کٹ کر، 93 ڈوب کر اور 51 جل کر جاں بحق ہوئے۔” style=”style-7″ align=”left” color=”#dd3333″ author_name=”ایدھی ترجمان”][/bs-quote]

ترجمان ایدھی نے بتایا کہ سال 2018 میں 1260 لاوارث میتوں کی تدفین ایدھی قبرستان میں کی گئی، 305 میتوں کو بائیو میٹرک، 170 کو شناخت کے بعد ورثا کے حوالے کیا گیا۔

8 ہزار 924 میتوں کو غسل اور کفن دفن کے لیے سہراب گوٹھ سرد خانے میں رکھوایا گیا، جب کہ مجموعی طور پر ایک سال کے دوران 3200 لاوارث میتوں کو سرد خانے میں رکھوایا گیا، ایدھی موسیٰ لین میں 910 میتوں کو امانتاً رکھوایا گیا۔

ترجمان ایدھی کے مطابق یکم جنوری سے 31 دسمبر تک 1 سو 11 افراد نے خود کشی کی، 37 افراد ٹرین سے کٹ کر، 93 ڈوب کر اور 51 جل کر جاں بحق ہوئے۔

ترجمان نے بتایا کہ سال 2018 میں 60 فی صد حادثات موٹر سائیکل سواروں کے ہوئے، کراچی میں ہونے والے دھماکوں میں 45 افراد ہلاک جب کہ 134 زخمی ہوئے۔

یہ بھی پڑھیں:  سال 2018: رینجرز آپریشنز میں 2 ہزار سے زائد دہشت گرد گرفتار

رپورٹ میں بتایا گیا ہے کہ سال 2018 میں 8 ہزار 380 مریضوں کو رعایتی چارجز پر بیرون شہری سروس فراہم کی، 2018 میں 819 لاوارث، ذہنی مریضوں اور معذوروں کو داخل کیا گیا۔

7 سو 10 مردوں کو ورثا کے حوالے کیا گیا، 610 عورتوں کو داخل، جب کہ 319 کو ورثا کے حوالے کیا گیا، 1920 گم شدہ بچوں کو بھی ورثا کے حوالے کیا گیا۔

سال 2018 میں 60 فی صد یتیم اور بے سہارا بچوں کو چائلڈ ہوم ایدھی ولیج میں داخل کیا گیا۔