پاکستان میں انتخابات کے انعقاد پر ایران کے وزیرِ خارجہ حسین امیر نے مبارکباد دی ہے۔
غیر ملکی ذرائع ابلاغ کے مطابق ایرانی میڈیا کا کہنا ہے کہ پاکستان اور ایران کے وزرائے خارجہ کے درمیان ٹیلی فونک رابطہ ہوا ہے، اس موقع پر ایران کے وزیرِ خارجہ کا کہنا تھا کہ امید ہے پاکستان کی نئی پارلیمنٹ جلد اپنے کام کا آغاز کرے گی۔
ایرانی میڈیا کا کہنا ہے کہ دونوں وزرائے خارجہ نے غزہ کی صورتحال پر بھی تبادلہ خیال کیا جبکہ ایرانی وزیرِ خارجہ نے معاہدوں اور سمجھوتوں پر عملدرآمد کی ضرورت پر زور دیا۔
دوسری جانب سندھ اسمبلی کے 148 نو منتخب ارکان نے حلف اٹھالیا، اسپیکر آغا سراج درانی نے ارکان سے سندھی، اردو اور انگریزی میں حلف لیا۔
تفصیلات کے مطابق نومنتخب ارکان سندھ اسمبلی کی حلف برداری کے لئے اجلاس ہوا، اجلاس کی صدارت اسپیکر آغا سراج درانی نے کی، اجلاس کا آغاز قرآن پاک کی تلاوت سے کیا گیا، آغا سراج درانی نے پہلے خود حلف اٹھایا۔
احتجاج کرنے والوں کو الیکشن میں عوام نے مسترد کردیا: آغا سراج درانی
جس کے بعد آغا سراج درانی نومنتخب ارکان اسمبلی سے سندھ،اردو اور انگرزی میں حلف لیا، سندھ اسمبلی کے 148 ارکان نے حلف اٹھایا، ریکارڈ 60 ارکان پہلی دفعہ سندھ اسمبلی کے رکن بنے جبکہ سابق وزیراعلیٰ قائم علی شاہ نے 8ویں بارسندھ اسمبلی کی رکنیت کا حلف لیا۔
