Tag: ایران اسرائیل جنگ

ماسکو‌: روسی جوہری توانائی کے سربراہ نے عالمی برادری کو خبردار کیا ہے کہ بوشہرپلانٹ پر اسرائیلی حملہ چرنوبل جیسے سانحے کا سبب بن سکتا ہے۔

تفصیلات کے مطابق روسی جوہری توانائی کے سربراہ لیگزی لیخا نے کہا ہے کہ ایران کت بوشہرجوہری پلانٹ پر حملہ تاریخ کی سب سےبڑی ایٹمی تباہی کا سبب بنے گا۔

انھوں نے 1986 میں پیش آنے والے چرنوبل ایٹمی پلانٹ حادثے کا حوالہ دیا، جب یوکرین کے علاقے چرنوبل میں سوویت یونین کے تحت چلنےوالی ایٹمی تنصیب میں آزمائشی تجربہ ناکام ہوا۔

جس کے نتیجے میں ری ایکٹر پھٹ گیا اور بڑے پیمانےپرتابکاری پھیل گئی، جس سے برسوں تک ہزاروں لوگ سرطان اوردیگرمہلک بیماریوں میں مبتلاہوئے۔ لاکھوں افراد کو متاثرہ علاقوں سے نکالا گیا، اس کے اثرات چرنوبل کےمقام پرآج بھی برقرار ہیں۔

مزید پڑھیں : اسرائیل نے ایران میں ایٹمی پلانٹ کے روسی ماہرین کی سیکیورٹی کی یقین دہانی کروادی

بوشہرمیں ایران کا واحد فعال نیوکلیئرپاورپلانٹ ہے، جو روس نے تعمیرکیا ہے، اس میں دو سو سے زیادہ روسی ماہرین کام کررہے ہیں۔

آج اسرائیلی فوجی ترجمان نے اسی پلانٹ پرحملےکا دعویٰ کیا تھا۔ لیکن بعد میں اس بیان کوغلطی قراردیا۔

خیال رہے اسرائیل نے روس کو ایرانی ایٹمی پلانٹ کے روسی ماہرین کی سیکیورٹی یقین دہانی کروائی ، ترجمان نے کہا تھا کہ روس ایران کا شراکت دار ہے اور اسرائیل سے بھی اعتماد پر مبنی تعلقات ہیں، بوشہر نیوکلیئر پلانٹ کے 2نئے یونٹس کی تعمیر کیلئے روسی ماہرین بھی موجودہیں۔

تہران : ایران میں انٹرنیٹ کا مکمل بلیک آؤٹ  کردیا گیا،  جس سے شہریوں کے لیے نئے خطرات کا اضافہ ہوگیا ہے، لوگوں کی معلومات تک رسائی محدود ہو گئی ہے اپنوں سے رابطے متاثر ہورہے ہیں۔

تفصیلات کے مطابق ایران نے ملک بھر میں انٹرنیٹ پر عارضی پابندیاں عائد کرنے کا فیصلہ کرتے ہوئے انٹرنیٹ کا مکمل بلیک آؤٹ کردیا۔

وزارت مواصلات کے جاری کردہ بیان میں کہا گیا ہے اسرائیل کے خلاف جنگ اور ایرانی شہریوں کی حفاظت کے لئے عارضی پابندیاں لگائی جارہی ہے.

ایرانی میڈیا کا کہنا تھا کہ انٹرنیٹ رسائی میں عارضی رکاوٹیں دشمن کےخطرات کے پیش نظر لگائی گئیں۔

انٹرنیشنل ویب سائٹ نیٹ بلاکس نے تصدیق کی تھی کہ ایران میں انٹرنیٹ بلیک آؤٹ ہے، جس سے ایران میں معلومات کی رسائی محدود اور رابطے متاثر ہونے کا خدشہ ہے۔

مزید پڑھیں :ایرانی حکومت کی اپنے شہریوں کو واٹس ایپ ڈیلیٹ کرنے کی ہدایت

گزشتہ روز ایران نے میسجنگ پلیٹ فارم واٹس ایپ پر صارفین کا ڈیٹا اسرائیل کے ساتھ شیئر کرنے کا الزام لگاتے ہوئے اپنے شہریوں کو واٹس ایپ ڈیلیٹ کرنے کی ہدایت کی تھی۔

اس سے قبل ایران میں انٹرنیٹ کی اسپیڈمیں اسی فیصد فیصدتک کمی کردی گئی تھی اور غیر ملکی ایپ اور ویب سائٹس تک رسائی محدود ہوگئی تھی۔

ایران کی نیشنل سائبرسیکیورٹی کمانڈ کا کہنا تھا اسرائیل نے ڈیجیٹل انفرااسٹرکچر کیخلاف بڑے پیمانے پر سائبر جنگ کا آغاز کردیا ہے۔

اسرائیل ایران جنگ پر اقوام متحدہ کی سلامتی کونسل کا ہنگامی اجلاس جمعہ کو ہوگا۔

الجزیرہ کے مطابق ایران کی درخواست پر اقوام متحدہ کی سلامتی کونسل کا ہنگامی اجلاس طلب کر لیا گیا ہے، سلامتی کونسل کا اجلاس بلانے کی ایرانی درخواست کو پاکستان، چین اور روس کی حمایت حاصل ہے۔

ایران اسرائیل جنگ آج ساتویں دن میں داخل ہو گئی ہے، جنیوا میں ایک تقریب سے خطاب میں اقوام متحدہ کی انسانی حقوق کی نائب سربراہ ندا النشف نے تہران اور تل ابیب کے درمیان جاری میزائل حملوں کو ختم کرنے کے لیے فوری مذاکرات کا مطالبہ کیا۔

نائب سربراہ نے کہا ’’یہ ضروری ہے کہ دونوں فریق بین الاقوامی قانون کا مکمل احترام کریں، خاص طور پر گنجان آباد علاقوں میں شہریوں اور شہری املاک کے تحفظ کو یقینی بنایا جائے، ہم تمام اثر و رسوخ رکھنے والوں پر زور دیتے ہیں کہ وہ ترجیحی طور پر مذاکرات میں شامل ہوں۔‘‘

تہران اسرائیل جنگ سے متعلق تازہ ترین خبریں یہاں پڑھیں

ہیومن رائٹس کونسل سے خطاب کرتے ہوئے ایران کے مستقل نمائندے سفارتکار علی بحرینی نے اسرائیلی حملوں کی مذمت کرتے ہوئے کہا ’’ایران کے خلاف 13 جون کی جارحیت سے بدتر کوئی خلاف ورزی نہیں، رہائشی علاقوں پر مسلسل اندھے حملے، ضروری سپلائی پر بمباری، پینے کے پانی کے ریسورسز پر دھماکا اور جوہری تنصیبات پر لاپرواہ حملے ایران کے شہریوں اور عوام کو فوری طور پر متاثر کر رہے ہیں۔‘‘

ادھر اسرائیلی میڈیا نے دعویٰ کیا ہے کہ یورپی وزرائے خارجہ جمعہ کو ایران سے جوہری مذاکرات کریں گے، جن میں جرمنی، فرانس، برطانیہ شامل ہیں، ایران سے مذاکرات جنیوا میں جرمن قونصلیٹ میں ہوں گے، یورپی یونین کی اعلیٰ سفارتکار کایاکالاس بھی مذاکرات میں شریک ہوں گی، اسرائیلی میڈیا کا کہنا ہے کہ مذاکرات امریکی منظوری سے ہو رہے ہیں، مقصد کشیدگی میں کمی لانا ہے۔