ARYNews.tv | Urdu – Har Lamha Bakhabar

Tag: ایران حملہ

  • ریپبلکن اراکین ایران کے حملے پر سیخ پا، بائیڈن حکومت سے ایران پر حملہ کرنے کا مطالبہ

    ریپبلکن اراکین ایران کے حملے پر سیخ پا، بائیڈن حکومت سے ایران پر حملہ کرنے کا مطالبہ

    واشنگٹن: اسرائیل پر ایران کے حملے پر ریپبلکن قانون ساز سیخ پا ہو گئے ہیں، اور وہ بائیڈن حکومت سے ایران پر حملہ کرنے کا مطالبہ کرنے لگے ہیں۔

    الجزیرہ کے مطابق ریپبلکن قانون سازوں نے ایران پر امریکی حملے کا مطالبہ کر دیا ہے، اسرائیل کے خلاف میزائل حملوں کے بعد کئی ریپبلکن عہدیداروں نے امریکی حکومت سے کہا ہے کہ وہ ایران پر بھرپور حملہ کرے۔

    سینیٹر لینڈسے گراہم کا کہنا تھا کہ اس حملے کے بعد امریکا کو اسرائیل کے ساتھ ایک زبردست طریقے سے مربوط ہو کر ایران کی آئل ریفائنریوں کو بڑا حملہ کر کے تباہ کر دینا چاہیے۔

    سینیٹر مارکو روبیو نے برافروختہ ہو کر مطالبہ کیا کہ ایران کے خلاف امریکا کو ایسے براہ راست اور زبردست اقدامات کرنے چاہیے جس سے ایرانی حکومت کی بقا خطرے میں پڑ جائے۔

    ایران کے میزائل حملوں کو ناکام بنادیا گیا، امریکا کا دعویٰ

    اسی طرح کانگریس کے رکن مائیک لالر نے بھی کہا کہ امریکا اور اسرائیل کو اب ’’ایران کی سرحدوں کے اندر‘‘ حملہ کرنا چاہیے۔ سینیٹر ٹام کاٹن کا کہنا تھا کہ امریکا کو ’’اسرائیل کے لیے دعا کرنی چاہیے اور پھر اپنے مشترکہ دشمنوں کو تباہ کرنے کے لیے اسرائیل کی پشت پناہی کرنی چاہیے۔‘‘

    واضح رہے کہ گزشتہ روز ایران نے اسرائیل پر ایک بڑے حملے میں 400 میزائل داغے تھے، ایرانی میزائلوں نے تل ابیب میں اہداف کو نشانہ بنایا، اسرائیلی آئرن ڈوم حملہ روکنے میں ناکام رہا اور متعدد ایرانی میزائل نشانے پر جا لگے، اسرائیل نے کئی ہلاکتوں کی تصدیق کی ہے۔

  • اسرائیل نے ایرانی میزائل کے دیو قامت فیول ٹینک کی ویڈیو جاری کر دی

    اسرائیل نے ایرانی میزائل کے دیو قامت فیول ٹینک کی ویڈیو جاری کر دی

    اسرائیل نے ایرانی میزائل کے دیو قامت فیول ٹینک کی ویڈیو جاری کی ہے۔

    اسرائیل نے ایران کے مبینہ فائر کردہ بیلسٹک میزائل کا حصہ میڈیا کے سامنے پیش کیا ہے، اسرائیلی فوج کا دعویٰ ہے کہ ایران کے کروز میزائلوں، راکٹوں اور ڈرونز کے ساتھ ساتھ 110 بیلسٹیک میزائل بھی اسرائیل پر فائر کیے گئے تھے۔

    میڈیا کے سامنے پیش کردہ بیلسٹک میزائل کا فیول ٹینک 11 میٹر لمبا ہے، یہ فیول ٹینک اسرائیلی ملٹری کے دعوے کے مطابق بحیرہ مردار سے نکالا گیا ہے۔ اسکائی نیوز نے رپورٹ کیا کہ اتوار کی صبح جب گرائے گئے ایرانی راکٹوں کی پہلی تصاویر سامنے آئیں تو انھیں حقیقی نہیں سمجھا گیا، یہاں تک کہ تجربہ کار فوجی ترجمان پیٹر لرنر بھی بے وقوف بن گئے اور انھوں نے کہا ’میں نے سوچا کہ یہ جعلی خبر ہے۔‘

    بیلسٹک میزائلوں کے ٹکڑے بحیرہ مردار اور اسرائیل میں کئی جگہ بکھرے دکھائی دیے، اسرائیلی فوج نے ساحل کے قریب ایک فوجی اڈے میں ایرانی میزائل ’عماد‘ کے فیول ٹینک کی نمائش کرائی جو گیارہ میٹر لمبا ہے، تاہم چوں کہ لانچ کے وقت اس کے ساتھ ایک چھوٹی کار کے سائز کا وار ہیڈ بھی ہوتا ہے، اس لیے یہ اور بھی بڑا ہوتا ہے۔

    دورہ امریکا ، ایرانی وزیر خارجہ کی نیو یارک میں نقل و حرکت محدود کرنے کا فیصلہ

    اس میزائل کی رینج 1,000 میل ہے، اور یہ آدھے ٹن دھماکا خیز مواد کے پے لوڈ کے ساتھ ہوتا ہے، اسرائیلی فوج کا کہنا ہے کہ اگر کوئی سمجھتا ہے کہ ایرانی حملہ علامتی تھا تو یہ مضحکہ خیز ہے، کیوں کہ ان میں سے ایک بیلسٹک میزائل بھی اگر اسرائیلی آبادی کے مرکز تک پہنچ جاتا تو تباہی مچ جاتی، اور خطے میں خطرناک نتائج برآمد ہوتے۔

    اسرائیلی فوج نے کہا ہے کہ ایران کو ایسا واضح پیغام دینے کی ضرورت کہ ایران دورباہ ایسا کرنے کے بارے میں سوچے بھی نہیں، اسرائیل ایرانی حملے کا جواب اپنے منتخب کردہ طریقہ کار اور وقت کے مطابق دے گا۔


  • ایرانی میزائل روکنے پر اسرائیل کے کتنے ارب ڈالر خرچ ہوئے؟

    ایرانی میزائل روکنے پر اسرائیل کے کتنے ارب ڈالر خرچ ہوئے؟

    اسرائیل نے ایرانی حملہ روک تو لیا لیکن راتوں رات ہونے والا یہ ہولناک حملہ اسرائیل کو کتنا مہنگا پڑا ہے، یہ جان کر آپ حیران رہ جائیں گے۔

    اسرائیلی میڈیا نے اتوار کے روز رپورٹس میں کہا ہے کہ اسرائیل کو دو روز قبل ایران کی جانب سے داغے گئے میزائل اور ڈرونز مار گرانا بہت مہنگا پڑا ہے، ایران کا حملہ روکنے کی کوشش میں اسرائیل کے 5 بلین شیکل (ایک ارب 35 کروڑ ڈالر) خرچ ہو گئے۔

    وال اسٹریٹ جنرل کے مطابق ڈرون حملہ ناکام بنانے والے ایک ایرومیز میزائل کی قیمت 35 لاکھ ڈالر اور فضائی حملہ ناکام بنانے والے میجک وانڈ میزائل کی قیمت 10 لاکھ ڈالر ہے۔

    حملے کو ناکام بنانے والے طیاروں کا خرچ بھی اس رقم میں شامل ہے، پاکستانی کرنسی میں اسرائیل کو ایرانی حملہ ناکام بنانے میں 378 ارب روپے خرچ ہوئے۔

    ایرانی حملوں کے بعد جی سیون ممالک کو ہوش آگیا

    واضح رہے کہ ایران نے دو روز قبل 300 سے زائد ڈرونز اور میزائلوں کے ساتھ اسرائیل پر حملہ کیا تھا۔ اتوار کو اسرائیلی اخبار ہاریٹز نے اسرائیلی فوج کے ترجمان ڈینیئل ہاگری کے حوالے سے بتایا تھا کہ ایران کی جانب سے اسرائیل پر 350 کے قریب میزائل اور ڈرون داغے گئے جن میں سے بیش تر کو روک دیا گیا۔

    ترجمان نے مزید کہا کہ 30 میں سے 25 کروز میزائلوں کو روکا گیا اور 120 سے زیادہ بیلسٹک میزائلوں میں سے صرف چند ہی اسرائیلی حدود میں داخل ہوئے اور نیواتیم ایئر بیس پر گرے، جس سے معمولی نقصان ہوا۔

  • ایران کا حملہ، اسرائیل نے بڑے نقصان کا اعتراف کرلیا

    ایران کا حملہ، اسرائیل نے بڑے نقصان کا اعتراف کرلیا

    ایرانی حملے اسرائیلی ائیر بیس کو نقصان پہنچانے میں کامیاب ہوگئے، اسرائیل نے ائیربیس کو نقصان پہنچنے کا اعتراف کر لیا۔ تصاویر اور وڈیوز جاری کر دیں۔

    غیر ملکی ذرائع ابلاغ کے مطابق پانچ ایرانی میزائلوں سے نیوایتم ائیر بیس کے تین رن ویز کو نقصان ہوا، نیوایتم ائیر بیس اسرائیل کا سب سے بڑا جنگی بیس ائیر بیس ہے۔

    ایرانی حکام کا کہنا ہے کہ اسرائیلی کے اُس فوجی اڈے کو نشانہ بنایا جہاں سے دمشق کے ایرانی سفارتخانے پر حملہ کیا گیا تھا، امریکی سینٹرل کمانڈ نے کہا امریکی فوج نے اسرائیل پر حملے کے لیے بھیجے گئے اسی سے زائد ڈرونز اور چھ بیلسٹک میزائلوں کو تباہ کیا۔

    میزائلز اور ڈرونز ایران اور یمن سے بھیجے گئے تھے، اسرائیل پر تین سو سے زائد ڈرونز اور میزائل حملے کیے گئے، ایران نے پچاس فیصد اہداف کو کامیابی سے نشانہ بنانے کا دعوی کیا ہے۔

    امریکہ کے علاوہ برطانیہ اور فرانس نے بھی ایرانی ڈرونز اور میزائلوں کو نشانہ بنایا۔

    ایران کا اسرائیل پر حملہ، سلامتی کونسل کا ہنگامی اجلاس رسمی کارروائی کے بعد ملتوی

    واضح رہے کہ اردن کے لڑاکا طیاروں نے بھی شمالی اور وسطی اردن سے اسرائیل کی طرف جاتے درجنوں ایرانی ڈرونز مار گرائے۔ ایرانی میزائلوں کے کچھ ٹکڑے عراق کے کرد ریجن سے بھی ملے ہیں۔

  • ایران میں 2 پولیس ملٹری پوسٹوں پر حملہ، 5 اہلکار جاں بحق، 16 دہشتگرد ہلاک

    ایران میں 2 پولیس ملٹری پوسٹوں پر حملہ، 5 اہلکار جاں بحق، 16 دہشتگرد ہلاک

    ایران کے شہر راسک اور چاہ بہار میں بیک وقت 2 پولیس ملٹری پوسٹوں کو دہشتگردوں نے حملے کا نشانہ بنایا، اس دوران شدید فائرنگ کا تبادلہ ہوا۔

    ایرانی میڈیا کا اس حوالے سے کہنا ہے کہ پولیس ملٹری پوسٹس پر حملے میں ملوث 16 دہشت گردوں کو ہلاک کردیا گیا ہے، جبکہ اس دوران 5 سیکیورٹی اہلکار جاں بحق ہو گئے۔

    ایران کے نائب وزیرِ داخلہ برائے سیکیورٹی و پولیس امور ماجد میر احمدی کا کہنا ہے کہ چابہار اور راسک میں بیک وقت ہوئے جیش العدل کے حملے کو مکمل ناکام بنا دیا گیا ہے۔

    حملے میں ملوث تمام دہشت گرد وں کو آپریشن کے دوران ہلاک کردیا گیا ہے، جیش العدل کا حملہ ناکام بنانے کے آپریشن میں 5 سیکیورٹی اہلکار بھی جاں بحق ہوئے ہیں۔

    دوسری جانب ایرانی سپریم لیڈر آیت اللہ خامنہ ای نے کہا ہے کہ شام میں ایرانی سفارتخانے پر اسرائیلی فضائی حملے کا منہ توڑ جواب دیا جائے گا۔

    غیر ملکی ذرائع ابلاغ کے مطابق انہوں نے اسرائیلی حملے میں دو جنرل سمیت سات فوجی افسران کے لقمہ اجل بننے پر اسرائیل سے بدلہ لینے کا وعدہ کیا۔ ایرانی سپریم لیڈر نے اپنے بیان میں کہا کہ اب اسرائیل کو سزا دینے کا وقت آگیا ہے۔

    شمالی کوریا کا نئے سولڈ فیول ہائپر سونک میزائل کا کامیاب تجربہ

    گزشتہ روز سپریم لیڈر خامنہ ای کا کہنا تھا کہ حملے کا ایسا بدلہ ہوگا کہ اسرائیل کو شرمندہ کرائیں گے، اسرائیل کو اس کارروائی پر سزا دی جائے گی اور اسے نتائج بھگتنا ہوں گے۔