ARYNews.tv | Urdu – Har Lamha Bakhabar

Tag: ایران

  • ایران نے اہم اسرائیلی تنصیبات کو نشانہ بنانے کی دھمکی دے دی

    ایران نے اہم اسرائیلی تنصیبات کو نشانہ بنانے کی دھمکی دے دی

    تہران: ایران نے واضح کیا ہے کہ اگر اسرائیل نے اس کے میزائل حملوں کے جواب میں کسی قسم کی بھی کارروائی کی تو وہ اس کی اہم تنصیبات کو نشانہ بنائے گا۔

    الجزیرہ کی رپورٹ کے مطابق ایران کی نیم سرکاری خبر رساں ایجنسی ایس این این نے ایرانی پاسداران انقلاب کے ڈپٹی کمانڈر علی فدوی کا اہم بیان جاری کیا جس میں انہوں نے سخت مؤقف اپنایا۔

    علی فدوی نے کہا کہ اگر اسرائیل نے حملہ کیا تو تہران اسرائیلی توانائی اور گیس کی تنصیبات کو نشانہ بنائے گا۔

    پاسداران انقلاب کے ڈپٹی کمانڈر نے کہا کہ ’اگر اسرائیل ایسی غلطی کرتا ہے تو ہم اس کے توانائی کے تمام ذرائع، تنصیبات اور تمام ریفائنریوں و گیس فیلڈز کو نشانہ بنائیں گے‘۔

    یاد رہے کہ اسرائیلی وزیر اعظم نیتن یاہو نے تہران کی جانب سے میزائل حملوں کے بعد کہا تھا کہ تہران نے بڑی غلطی کی ہے اور اب اس کی قیمت چکانا پڑے گی۔

    ایرانی پاسداران انقلاب نے منگل کو اپنے بیان میں کہا تھا کہ غزہ اور لبنان میں شہریوں پر وحشیانہ حملے اور حماس اور حزب اللہ کے سرکردہ رہنماؤں کے قتل کے جواب میں اسرائیل پر میزائل داغے۔

  • ایران نے معطل پروازیں بحال کر دیں

    ایران نے معطل پروازیں بحال کر دیں

    ایران نے اسرائیل پر میزائل حملے کے بعد ایک مختصر تعطل کے بعد ملکی ہوائی اڈوں سے پروازیں دوبارہ بحال کردیں۔

    خبر رساں ادارے ارنا کے مطابق ایران کے سرکاری میڈیا نے بتایا ہے کہ حماس رہنماء اسماعیل ہنیہ اور حزب اللہ سربراہ حسن نصر اللہ کی شہادت کا بدلہ لینے کے لئے ایران نے اسرائیل پر 200 میزائل داغے، جو اسرائیل پر دوسرا براہ راست حملہ تھا۔

    ایران کی سول ایوی ایشن آرگنائزیشن کے ترجمان جعفر یزرلو نے پابندیوں کے خاتمے کا حوالہ دیتے ہوئے پروازیں بحال کرنے کی تصدیق کردی ہے۔

    اُن کا کہنا تھا کہ سازگار ماحول میں محفوظ پروازیں یقینی بنانے اور پابندیوں کے خاتمے کے بعد ایئر لائنز کو فلائٹ آپریشن کرنے کی اجازت دی گئی ہے۔

    اس سے قبل بھارت کی حکومت نے اپنے شہریوں کو ایران کا غیر ضروری سفر کرنے سے گریز اور سفارتخانے سے رابطے میں رہنے کا مشورہ دیا ہے۔

    بھارتی میڈیا رپورٹس کے مطابق مشرق وسطی میں سکیورٹی کی سنگین صورتحال کے پیش نظر بھارتی حکومت کی جانب سے شہریوں کو مشورہ دیا گیا ہے کہ وہ ایران کے غیر ضروری سفر سے گریز کریں

    اس کے علاوہ تہران میں رہنے والے ہندوستانیوں کو تہران میں واقع بھارت کے سفارت خانے سے رابطے میں رہنے کا مشورہ دیا گیا ہے۔

    اسرائیل کا حزب اللہ کے متوقع نئے سربراہ ہاشم صفی الدین کو نشانہ بنانے کا دعویٰ

    وزارت خارجہ کی طرف سے جاری ایڈوائزری کے مطابق ہم خطے میں سکیورٹی کی صورتحال میں حالیہ اضافے پر گہری نظر رکھے ہوئے ہیں۔ شہریوں کو مشورہ دیا جاتا ہے کہ وہ ایران کے غیر ضروری سفر سے گریز کریں۔

    جو بھارتی شہری ایران میں موجود ہیں، ان سے درخواست کی جاتی ہے کہ وہ محتاط رہیں اور تہران میں ہندوستانی سفارت خانے کے ساتھ رابطے میں رہیں۔

  • بھارت: شہریوں کو ایران کے غیر ضروری سفر سے گریز کی ہدایت

    بھارت: شہریوں کو ایران کے غیر ضروری سفر سے گریز کی ہدایت

    نئی دہلی: بھارت کی حکومت نے اپنے شہریوں کو ایران کا غیر ضروری سفر کرنے سے گریز اور سفارتخانے سے رابطے میں رہنے کا مشورہ دیا ہے۔

    بھارتی میڈیا رپورٹس کے مطابق مشرق وسطی میں سکیورٹی کی سنگین صورتحال کے پیش نظر بھارتی حکومت کی جانب سے شہریوں کو مشورہ دیا گیا ہے کہ وہ ایران کے غیر ضروری سفر سے گریز کریں

    اس کے علاوہ تہران میں رہنے والے ہندوستانیوں کو تہران میں واقع بھارت کے سفارت خانے سے رابطے میں رہنے کا مشورہ دیا گیا ہے۔

    وزارت خارجہ کی طرف سے جاری ایڈوائزری کے مطابق ہم خطے میں سکیورٹی کی صورتحال میں حالیہ اضافے پر گہری نظر رکھے ہوئے ہیں۔ شہریوں کو مشورہ دیا جاتا ہے کہ وہ ایران کے غیر ضروری سفر سے گریز کریں۔

    جو بھارتی شہری ایران میں موجود ہیں، ان سے درخواست کی جاتی ہے کہ وہ محتاط رہیں اور تہران میں ہندوستانی سفارت خانے کے ساتھ رابطے میں رہیں۔

    دوسری جانب اسرائیلی فوج نے لبنان میں زمینی حملے کی کوشش کے دوران ہونے والی لڑائی میں اپنے 8 فوجیو ں کی ہلاکت کی تصدیق کردی ہے۔

    اسرائیلی فوج کا اپنے فوجیوں کی ہلاکت سے متعلق اعترافی بیان جنوبی لبنان میں زمینی دراندازی کے اگلے دن سامنے آیا ہے۔

    ایرانی میزائلوں نے اسرائیلی فوجی اڈوں کو کتنا نقصان پہنچایا؟

    رپورٹس کے مطابق گزشتہ روز لبنانی مزاحمتی تنظیم حزب اللّٰہ اور اسرائیل نے جنگ کی صورتحال پر الگ الگ بیانات جاری کیے۔

  • تجربے نے ثابت کیا ہے کہ اسرائیل صرف طاقت کی زبان سمجھتا ہے، ایرانی سفیر

    تجربے نے ثابت کیا ہے کہ اسرائیل صرف طاقت کی زبان سمجھتا ہے، ایرانی سفیر

    ایران کے سفیر امیر سعید ایروانی نے کہا ہے کہ تجربے نے ثابت کیا ہے کہ اسرائیل صرف طاقت کی زبان سمجھتا ہے۔

    مشرق وسطیٰ کی کشیدہ صورت حال پر اقوام متحدہ کی سلامتی کونسل کے ہنگامی اجلاس میں ایران کے سفیر امیر سعید ایروانی نے کہا کہ تجربے نے ثابت کیا ہے کہ اسرائیل صرف طاقت کی زبان سمجھتا ہے۔

    انھوں نے کہا سفارت کاری ناکام ہو چکی ہے، اسرائیل جذبہ خیر سگالی کو نہیں سمجھتا، وہ اسے کمزوری سمجھ کر استعمال کرتا ہے، اسرائیل کی قابض حکومت خطے کو ایک ایسی تباہی کے دہانے پر دھکیل رہی ہے جس کی مثال نہیں ملتی، انھوں نے مطالبہ کیا سلامتی کونسل اسرائیل کے جنگی جرائم کو رُکوانے میں کردار ادا کرے۔

    اجلاس میں اسرائیل کا کہنا تھا کہ میزائل حملوں کی ایران کو بھاری قیمت چکانی ہوگی، سیکریٹری جنرل اقوام متحدہ انتونیوگوتریس نے کہا کہ مسئلہ فلسطین کے دو ریاستی حل کا وقت آ پہنچا ہے، مشرق وسطیٰ میں بھڑکتی آگ آتش فشاں کی شکل اختیار کر رہی ہے۔

    چینی مندوب کا کہنا تھا کہ اسرائیل کا لبنان میں داخل ہونا لبنان کی خودمختاری کی خلاف ورزی ہے، مشرق وسطیٰ ایک بڑی جنگ کے دہانے پر پہنچ گیا ہے، اجلاس میں روس کا کہنا تھا کہ اسرائیل، ایران اور امریکا کے درمیان جنگ چھیڑنا چاہتا ہے۔ دوسری جانب اجلاس میں امریکا نے پاسدارانِ انقلاب پر پابندی لگانے کا مطالبہ کیا۔

  • ’امریکا اسرائیل کے ساتھ مل کر ایران پر حملہ کرے یہ مشکل لگ رہا ہے‘

    ’امریکا اسرائیل کے ساتھ مل کر ایران پر حملہ کرے یہ مشکل لگ رہا ہے‘

    اسلام آباد: اقوام متحدہ میں پاکستان کی سابق مندوب ملیحہ لودھی کا کہنا ہے کہ امریکا اسرائیل کے ساتھ مل کر ایران پر حملہ کرے یہ مشکل لگ رہا ہے۔

    اے آر وائی نیوز کے پروگرام ’خبر‘ میں اسرائیل ایران کشیدگی پر تبصرہ کرتے ہوئے ملیحہ لودھی نے کہا کہ پہلے دیکھنا ہوگا کہ مشرق وسطیٰ میں صورتحال کس طرف جاتی ہے اور پاکستان کس طرف کھڑا ہوگا۔

    ملیحہ لودھی نے کہا کہ مشرق وسطیٰ کی صورتحال کا صرف پاکستان نہیں بلکہ پورے خطے پر اثر ہوگا، دیکھنا ہوگا کہ مشرق وسطیٰ میں جنگ بندی کیلیے کون کردار ادا کرتا ہے۔

    انہوں نے کہا کہ امریکا میں انتخابات قریب ہیں اور اسرائیل کی بھرپور حمایت کر رہا ہے، ایرانی حملوں کے جواب میں امریکی حکومت بھی تقسیم کا شکار ہے، جوبائیڈن انتظامیہ کے کچھ ارکان کہتے ہیں ہمیں خاموشی اختیار کرنی چاہیے جبکہ کچھ کا ماننا ہے کہ یہ موقع ہے ایران پر حملہ کرنا چاہیے۔

    پروگرام ’خبر‘ میں ماہر بین الاقوامی امور ڈاکٹر عادل نجم نے تبصرہ کیا کہ امریکا کی کوشش ہے کہ جنگ میں زیادہ ملوث نہ ہو جبکہ اسرائیل کی کوشش ہے کہ امریکا کو جنگ میں زیادہ سے زیادہ ملوث کرے۔

    ڈاکٹر عادل نجم نے کہا کہ ایران کی جانب سے امریکی تنصیبات پر حملے ہوتے ہیں تو صورتحال تبدیل ہوگی، تاثر یہ تھا کہ امریکا کا اسرائیل پر اثرورسوخ ہے لیکن صورتحال مختلف ہے، اسرائیل کا امریکا پر اثرورسوخ ہے جو کہ حالیہ حالات میں نظر بھی آگیا ہے۔

    انہوں نے کہا کہ اسرائیلی وزیر اعظم دنیا کے ساتھ امریکی صدر کی بھی نہیں سن رہے۔

  • امریکی افواج مداخلت نہ کریں، ایران نے امریکا پیغام بھجوا دیا

    امریکی افواج مداخلت نہ کریں، ایران نے امریکا پیغام بھجوا دیا

    تہران: ایران نے امریکا کو پیغام پہنچایا ہے کہ اسرائیل پر حملے کے بعد امریکی افواج اس معاملے میں مداخلت نہ کریں۔

    الجزیرہ کے مطابق ایران نے اسرائیل پر حملے کے بعد امریکا سے کہا ہے کہ وہ اس میں ملوث نہ ہو، ایران کے وزیر خارجہ عباس عراقچی کا کہنا ہے کہ تہران نے اسرائیل پر ایران کے میزائل حملوں کے بعد امریکا کو مداخلت کے خلاف خبردار کیا ہے۔

    عراقچی نے سرکاری ٹیلی وژن سے گفتگو کرتے ہوئے کہا ’’ہم نے امریکی افواج کو خبردار کیا ہے کہ وہ اس معاملے سے پیچھے ہٹ جائے اور مداخلت نہ کرے۔‘‘ انھوں نے مزید کہا کہ یہ پیغام تہران میں سوئس سفارت خانے کے ذریعے جاری کیا گیا تھا۔

    دوسری طرف صدر جو بائیڈن نے کہا ہے کہ میزائل حملے کے بعد امریکا اسرائیل کی ’’مکمل حمایت‘‘ کرے گا، انھوں نے مزید کہا کہ وہ آج اسرائیلی وزیر اعظم بنجمن نیتن یاہو سے اس سلسلے میں بات کریں گے۔

    ایران کو اسرائیل پر حملے کے سنگین نتائج بھگتنا پڑیں گے، امریکا کی دھمکی

    اسرائیل نے بھی ایران کے میزائل حملے کا جواب دینے کا عزم کی اہے، اسرائیل کے وزیر اعظم بنجمن نیتن یاہو نے کہا کہ ایران نے ایک ’’بڑی غلطی’’ کی ہے اور وہ اسے اس کا ’’خمیازہ بھگتنا پڑے گا۔‘‘ واضح رہے کہ ایرانی جواب کے بعد دونوں علاقائی فوجی طاقتوں کے درمیان وسیع تر جنگ کا خدشہ بڑھتا جا رہا ہے۔

  • ایران نے اسرائیل کو کونسے میزائلوں سے نشانہ بنایا؟

    ایران نے اسرائیل کو کونسے میزائلوں سے نشانہ بنایا؟

    ایران نے اسرائیل کی بڑھتی ہوئی جارحیت کا جواب دیتے ہوئے گزشتہ رات اسرائیل پر 400 بیلسٹک میزائل داغ دیئے۔

    ایرانی میڈیا کا اس حوالے سے کہنا ہے کہ ایران نے اسرائیل پر 400 بیلسٹک میزائل اصفہان، تبریز، خرم آباد، کرج اور اراک سے فائر کیے جس کے بعد مقبوضہ بیت المقدس سمیت اسرائیل بھر میں سائرن بج اُٹھے۔

    ایران کی جانب سے میزائل حملوں کے بعد اسرائیلیوں نے بنکرز میں پناہ لی اور افرا تفری کی صورتحال پیدا ہوگئی۔

    تہران ٹائمز کی رپورٹس کے مطابق ایران نے میزائل حملوں میں اسرائیل کے ایف 35 جہازوں کے اڈے نیواٹم ائیر بیس کو نشانہ بنایا۔

    رپورٹس کے مطابق ایران نے نیواٹم ائیر بیس سمیت دو اہداف پر ہائپر سونک فتح بیلسٹک میزائل داغے اور اسرائیل کو بھاری نقصان پہچانے کا دعویٰ کیا۔

    ایرانی میڈیا کے مطابق اسرائیل نے ایف 35 جہازوں کے ذریعے 27 ستمبر کو لبنان میں بمباری کی تھی، جس کے نتیجے میں حزب اللہ سربراہ حسن نصراللہ شہید ہوگئے تھے۔

    واضح رہے کہ ایران نے گزشتہ رات اسرائیل پر حملہ کیا اور ہائپر سونک فتح بیلسٹک میزائل داغ دیئے، اسرائیلی فوج نے دعویٰ کیا کہ ایران سے اسرائیل کی جانب کم از کم 102 میزائل فائر کئے ہیں جس کے بعد مقبوضہ بیت المقدس میں سائرن بجنے لگے اور افراتفری مچ گئی۔

    اسرائیلی میڈیا کا اس حوالے سے کہنا ہے کہ ایران سے اسرائیل کی جانب کم از کم 400 میزائل فائر کیے گئے۔

    ایرانی پاسداران انقلاب گارڈ کے مطابق ایرانی فضائیہ نے کئی بلیسٹک میزائلوں کے ذریعے اسرائیل پر حملہ کیا جس میں کئی اہم فوجی و سکیورٹی ٹھکانوں کو نشانہ بنایا گیا۔

    آیت اللہ خامنہ ای کی ٹوئٹ وائرل ہوگئی

    ایرانی پاسداران انقلاب گارڈ کا کہنا ہے کہ اسرائیل پر حملہ حماس کے سربراہ اسماعیل ہنیہ اور حزب اللہ کے سیکرٹری جنرل حسن نصراللہ کی شہادت کا بدلہ ہے۔حملوں کی تفصیلات سے متعلق بعد میں آگاہ کیا جائے گا۔

  • ایران کے میزائل حملوں کو ناکام بنادیا گیا، امریکا کا دعویٰ

    ایران کے میزائل حملوں کو ناکام بنادیا گیا، امریکا کا دعویٰ

    واشنگٹن : امریکا نے ایران کی جانب سے اسرائیل پر کیے جانے والے میزائل حملوں کو ناکام قرار دیا ہے۔

    اس حوالے سے واشنگٹن میں وائٹ ہاؤس کی نیشنل سیکیورٹی کے ایڈوائزر جیک سلیوان نے ہنگامی پریس کانفرنس میں کہا ہے کہ امریکا نے ایران کے میزائل حملوں کو ناکام بنادیا۔

    نیشنل سیکیورٹی ایڈوائزر کا کہنا تھا کہ ایرانی حملوں کے بعد اسرائیلی حکام سے رابطے میں ہیں، اب تک کی اطلاعات کے مطابق اسرائیل میں کوئی جانی نقصان نہیں ہوا۔

    جیک سلیوان نے بتایا کہ امریکی صدر جوبائیڈن صورتحال پر گہری نظر رکھے ہوئے ہیں، امریکی نیوی کی جانب سے فوری کارروائی کرتے ہوئے ایران کے میزائل حملوں کو ناکام بنادیا گیا ۔

    غیر ملکی خبر رساں ادارے کی رپورٹ کے مطابق امریکی نیشنل سیکیورٹی ایڈوائزر کا مزید کہنا تھا کہ ایرانی حملوں کے بعد اسرائیلی حکام سے جوابی ردعمل کے لیے مشاورت کررہے ہیں۔

    مزید پڑھیں : ایران نے اسرائیل پر میزائلوں سے حملہ کر دیا

    یاد رہے کہ ایران نے اسرائیل پر سیکڑوں میزائل فائر کیے جس میں متعدد میزائل نشانے پر لگنے کا دعویٰ کیا گیا ہے۔

    بین الاقوامی میڈیا رپورٹس کے مطابق ایران سے اسرائیل پر 400 میزائل داغے گئے ہیں اور ایرانی میزائلوں نے تل ابیب میں اہداف کو نشانہ بنایا ہے۔ اسرائیلی آئرن ڈوم حملہ روکنے میں ناکام رہا ہے اور متعدد ایرانی میزائل نشانے پر جا لگے ہیں۔

  • ’ایران اسرائیل پر بیلسٹک میزائل حملے کی تیاری کر رہا ہے‘

    ’ایران اسرائیل پر بیلسٹک میزائل حملے کی تیاری کر رہا ہے‘

    واشنگٹن: وائٹ ہاؤس کے سینئر اہلکار نے دعویٰ کیا ہے کہ امریکا کو ایسے اشارے ملے ہیں کہ ایران اسرائیل پر بیلسٹک میزائل حملے کی تیاری کر رہا ہے۔

    خبر رساں ایجنسی روئٹرز کی رپورٹ کے مطابق سینئر اہلکار نے بتایا کہ امریکا اس حملے کے خلاف اسرائیل کا دفاع کرنے کی تیاریوں میں تعاون کر رہا ہے۔

    اہلکار نے خدشہ ظاہر کیا کہ ایران کی طرف سے اسرائیل کے خلاف براہ راست فوجی حملہ ایران کیلیے سنگین نتائج کا باعث بنے گا۔

    دوسری جانب، اسرائیلی فوج کے ترجمان نے بتایا کہ ہم نے ابھی تک ایران کی طرف سے کسی فضائی خطرے کی نشاندہی نہیں کی، اسرائیل کا فضائی دفاعی نظام پوری طرح تیار ہے۔

    انہوں نے خبردار کیا کہ اسرائیل پر کسی بھی ایرانی حملے کے نتائج برآمد ہوں گے۔

    گزشتہ روز ایرانی وزارت خارجہ نے دوٹوک کہا تھا کہ قومی سلامتی کو خطرہ ہوا تو ایران جواب دے گا، اسرائیل کے کسی بھی مجرمانہ اقدامات کو جواب دیے بغیر نہیں جانے دیا جائے گا جو کوئی بھی ایران کی قومی سلامتی کے خلاف کھڑا ہوگا اسے بلاشبہ ایران کی جانب سے جواب دیا جائے گا۔

    ترجمان وزارت خارجہ نے ایک نیوز بریفنگ کے دوران کہا تھا کہ ہم خالی وعدے نہیں کرتے ہم نے عملی طور پر دکھایا ہے کہ ہم ایران کی قومی سلامتی کی خلاف ورزی کرنے والے جارحین کے خلاف مضبوطی سے کھڑے ہیں اور ہمارا ردعمل ان کے لیے پشیمان ہوگا۔

    ان کا کہنا تھا کہ ایران صیہونی حکومت کے کسی بھی جارحانہ اقدام کو، جو ایران کے مفادات کو نشانہ بنائے اسے لاجواب نہیں چھوڑے گا اور ایران اس کے جواب میں مناسب اقدامات کرے گا۔

  • سخت ترین پابندیوں کے باوجود ایران میں زہریلی شراب پینے سے 11 افراد ہلاک

    سخت ترین پابندیوں کے باوجود ایران میں زہریلی شراب پینے سے 11 افراد ہلاک

    تہران: ایران میں سخت ترین پابندیوں کے باوجود زہریلی شراب پینے سے 11 افراد ہلاک ہو گئے۔

    غیر ملکی میڈیا رپورٹس کے مطابق ایران میں زہریلی شراب پینے سے دو دنوں میں مرنے والے افراد کی تعداد گیارہ تک پہنچ گئی، یہ واقعہ شمالی ایران کے علاقے مازندران میں پیش آیا۔

    سرکاری خبررساں ادارے ارنا کا کہنا ہے کہ 6 افراد کی حالت نازک ہے، ہلاک شدگان میں ایک عورت بھی شامل ہے، اس سے قبل بھی مازندران میں شراب نوشی سے دو افراد کی ہلاکت کی اطلاع ملی تھی۔

    ایران کی تسنیم خبر رساں ایجنسی نے کہا ہے کہ شمالی صوبے میں اتوار سے اب تک ’’ایتھانول یا میتھانول‘‘ کے نشے میں مبتلا 57 افراد کو اسپتال میں داخل کیا گیا ہے۔

    اتوار کے روز ارنا نے اطلاع دی کہ ہمسایہ صوبہ گیلان میں زہریلی شراب پینے سے 4 افراد کی موت ہو گئی، جب کہ 20 افراد کو شراب پینے کے بعد اسپتال میں داخل کرایا گیا۔

    واضح رہے کہ گزشتہ سال ستمبر میں 4 افراد کو زہریلی شراب پلا کر انسانی جانیں لینے کے جرم پھانسی کی سزا دی گئی تھی۔ ایران میں غیر مسلم شہریوں کو شراب پینے کی اجازت ہے، مسلمانوں پر سخت پابندی عائد ہے۔