Tag: ایران

سیکریٹری خارجہ کا ایران کے نائب وزیر خارجہ سے ٹیلی فونک رابطہ

اسلام آباد: سیکریٹری خارجہ تہمینہ جنجوعہ اور ایران کے نائب وزیر خارجہ سید عباس اراغچی کے درمیان ٹیلی فونک رابطے میں دونوں ممالک نے تمام شعبوں میں باہمی تعاون بڑھانے پر اتفاق کیا۔

تفصیلات کے مطابق ترجمان دفتر خارجہ ڈاکٹر محمد فیصل نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ سیکریٹری خارجہ تہمینہ جنجوعہ اور ایران کے نائب وزیر خارجہ سید عباس اراغچی کے درمیان رابطہ ہوا ہے۔

ترجمان دفتر خارجہ کے مطابق باہمی رابطے میں باہمی دلچسپی کے امور پر تبادلہ خیال ہوا۔ پاکستان اور ایران نے تمام شعبوں میں باہمی تعاون بڑھانے پر اتفاق کیا۔

ڈاکٹر فیصل کے مطابق سیکریٹری خارجہ نے خطے میں امن اور کشیدگی میں کمی پر پاکستان کی کوششوں سے آگاہ کیا۔

FS Tehmina Janjua spoke to Iran’s DFM Seyed Abbas Araghchi @araghchi
Issues of mutual interest were discussed
The two agreed to strengthen b/l cooperation in all areas
FS Janjua illustrated Pakistan’s continued desire for peace and de-escalation of tensions in the region pic.twitter.com/xccXdAaxF3

— Dr Mohammad Faisal (@ForeignOfficePk) March 15, 2019

خیال رہے کہ چند روز قبل وزیرِ اعظم عمران خان نے بھی ایران کے صدر حسن روحانی سے ٹیلی فونک رابطہ کیا تھا، ٹیلی فونک گفتگو میں خطے کی مجموعی صورتحال پر تبادلہ خیال کیا گیا۔ دونوں رہنماؤں نے باہمی تعلقات کو مزید مضبوط کرنے پر اتفاق کیا۔

وزیرِ اعظم عمران خان نے ایران میں حالیہ دہشت گردی کے واقعے پر اظہارِ افسوس کیا اور مستقبل میں ایران کے دورے کے امکان پر بھی بات چیت کی تھی۔

دونوں رہنماؤں کے درمیان دہشت گردی کے خاتمے کے لیے انٹیلی جنس ایجنسیوں میں تعاون بڑھانے پر اتفاق کیا گیا اور پاک بھارت کشیدگی پر بھی تبادلہ خیال کیا گیا۔

اس موقع پر ایرانی صدر حسن روحانی کا کہنا تھا کہ پاکستان اور ایران برادر اسلامی ممالک ہیں، دونوں ممالک تاریخی اور ثقافتی ورثے میں جڑے ہوئے ہیں۔ خطے میں اقتصادی ترقی کے لیے امن کی کوششیں جاری رکھیں گے۔

مارچ 15, 2019
ایران میں دھماکا، چھ افراد ہلاک، متعدد زخمی

تہران: ایران میں گیس پائپ لائن میں ہونے والے دھماکے کے نتیجے میں چھ افراد ہلاک جبکہ متعدد زخمی ہوگئے۔

تفصیلات کے مطابق ایرانی شہر اہواز میں گیس پائپ لائن میں زوردار دھماکا ہوا جس کے باعث چھ د افراد مارے گئے جبکہ کئی زخمی ہیں، مزید ہلاکتوں کا اندیشہ ہے۔

غیر ملکی خبر رساں ادارے کا کہنا ہے کہ دھماکا کوئی دہشت گرد کارروائی نہیں بلکہ گیس لیکیج کے باعث ہوا، ریسکیو عملے اور پولیس نے جائے وقوعہ پر امدادی سرگرمیوں میں حصہ لیا۔

دھماکے کے باعث پائپ لائن میں آگ لگ گئی جس کے نتیجے میں درجنوں گاڑیاں بھی جل کر خاک ہوگئیں، فائر فائٹرز کے عملے نے آگ پر قابو پایا۔

انتظامیہ نے ہلاکتوں کی تصدیق کرتے ہوئے کہا ہے کہ ان میں بچے اور عورتیں بھی شامل ہیں، دوسری جانب ناقص گیس پائپ لائن اور لاپرواہی کے سبب حکومت پر شدید تنقید کی جارہی ہے۔

غیر ملکی میڈیا کا کہنا ہے کہ اسی نوعیت کے دھماکے ایران میں ہوتے رہتے ہیں، گذشتہ سال اگست میں گیس لیکیج سے دھماکے میں تین افراد مارے گئے تھے۔

خیال رہے کہ رواں سال جنوری میں ایران میں پاسداران انقلاب کی بس کو خود کش دھماکے کا نشانہ بنایا گیا تھا، جس کے نتیجے میں درجنوں اہلکار مارے گئے تھے۔

ایران: کوئلے کی کان میں دھماکہ، 35 کان کن ہلاک

بعد ازاں ایران نے اس حملے کا الزام براہ راست اسرائیل اور امریکا پر عائد کیا تھا تاہم دونوں ممالک نے الزامات کی تردید کی تھی۔

مارچ 15, 2019
وزیر اعظم اور ایرانی صدر کا رابطہ، دہشت گردی کے خاتمے پراتفاق

اسلام آباد: وزیرِ اعظم عمران خان نے ایران کے صدر حسن روحانی سے ٹیلی فونک رابطہ کیا، ٹیلی فونک گفتگو میں خطے کی مجموعی صورتِ حال پر تبادلہ خیال کیا گیا۔

تفصیلات کے مطابق وزیرِ اعظم عمران خان نے ایرانی صدر کو فون کر کے خطے کی صورتِ حال پر گفتگو کی، دونوں رہنماؤں نے باہمی تعلقات کو مزید مضبوط کرنے پر بھی اتفاق کیا۔

وزیرِ اعظم عمران خان نے ایران میں حالیہ دہشت گردی کے واقعے پر اظہارِ افسوس کیا اور مستقبل میں ایران کے دورے کے امکان پر بھی بات چیت کی۔

دونوں رہنماؤں کے درمیان دہشت گردی کے خاتمے کے لیے انٹیلی جنس ایجنسیوں میں تعاون بڑھانے پر اتفاق کیا گیا، پاک بھارت کشیدگی پر بھی تبادلہ خیال کیا گیا۔

ٹیلی فونک رابطے میں وزیرِ اعظم عمران خان نے ایرانی صدر کو حالیہ پاک بھارت کشیدگی اور اس کشیدگی کو کم کرنے کے لیے پاکستان کی امن کوششوں سے آگاہ کیا۔

موجودہ صورتِ حال میں برادر ملک ایران کے کردار پر بھی بات چیت کی گئی، وزیرِ اعظم عمران خان نے کشمیر کے مسئلے پر حمایت کرنے پر ایرانی صدر کا شکریہ ادا کیا۔

یہ بھی پڑھیں: ایران: شیخ رشید کی ایرانی صدر حسن روحانی سے ملاقات

اس موقع پر ایرانی صدر حسن روحانی نے کہا کہ پاکستان اور ایران برادر اسلامی ممالک ہیں، دونوں ممالک تاریخی اور ثقافتی ورثے میں جڑے ہوئے ہیں۔

ایرانی صدر کا کہنا تھا کہ خطے میں اقتصادی ترقی کے لیے امن کی کوششیں جاری رکھیں گے۔ دریں اثنا، دونوں رہنماؤں کے درمیان عوامی رابطے مزید بڑھانے پر بھی اتفاق کیا گیا۔

مارچ 9, 2019
ایران: شیخ رشید کی ایرانی صدر حسن روحانی سے ملاقات

تہران: وفاقی وزیرِ ریلوے شیخ رشید نے کہا ہے کہ پاکستان ایران کے ساتھ تعلقات کو خصوصی اہمیت دیتا ہے، پاکستان ایرانی ریلوے نیٹ ورک سے مستفید ہونا چاہتا ہے۔

تفصیلات کے مطابق وزیر ریلوے شیخ رشید نے ایران کے سرکاری میڈیا سے گفتگو کرتے ہوئے کہا ہے کہ پاکستان ایران کے ساتھ دو طرفہ تعلقات کا فروغ چاہتا ہے۔

[bs-quote quote=”پاکستان ایرانی ریلوے نیٹ ورک سے مستفید ہونا چاہتا ہے۔” style=”style-8″ align=”left” author_name=”شیخ رشید”][/bs-quote]

قبل ازیں شیخ رشید نے ایران کے صدر حسن روحانی کے ساتھ قازوین رشت ریلوے کی افتتاحی تقریب کے دوران ملاقات کی۔

واضح رہے کہ شیخ رشید کو قازوین تارشت ریلوے روٹ کی افتتاحی تقریب میں شرکت کی ایرانی حکومت کی جانب سے دعوت دی گئی تھی۔

شیخ رشید کا کہنا تھا کہ پاکستان ایران ریلوے شعبے میں باہمی تعاون کو فروغ دیں گے، پاکستان ایرانی ریلوے نیٹ ورک سے مستفید ہونا چاہتا ہے۔

وزیرِ ریلوے نے کہا کہ 70 سال میں پاک ایران تعلقات سے فائدہ نہیں اٹھایا گیا، پاکستان ایران کے ذریعے یورپ، وسطی ایشیائی ممالک تک رسائی پا سکتا ہے۔

یہ بھی پڑھیں: شیخ رشید وزیر اعظم کا خصوصی پیغام لے کر ایران جائیں گے

شیخ رشید کا کہنا تھا کہ پاکستان ایران کے ساتھ ریل کے شعبے میں تعاون کے فروغ کا خواہش مند ہے، ایران تفتان تا کوئٹہ، چابہار تا گوادر ریلوے لائن تعمیر کے لیے تعاون کرے۔

انھوں نے کہا کہ ایران دورے کے دوران وہ ایرانی صدر اور سپریم لیڈر کو پاکستانی قیادت کا اہم پیغام پہنچائیں گے۔

مارچ 7, 2019
ایران میں ہیلی کاپٹر گرکرتباہ، 5 افراد ہلاک

تہران: ایران میں امداد کے دوران ہیلی کاپٹر گرکر تباہ ہوگیا جس کے نتیجے میں پانچ افراد ہلاک ہوگئے۔

تفصیلات کے مطابق یہ حادثہ ایران کے مغربی علاقے میں پیش آیا، ہیلی کاپٹر تباہ ہونے کے باعث پانچ افراد ہلاک ہوگئے، حکام نے تصدیق کردی۔

غیر ملکی خبر رساں ادارے کا کہنا ہے کہ ہیلی کاپٹر ایک حاملہ خاتون کو لے جانے کے لیے محو پرواز تھا، اس خاتون کو ہنگامی طبی امداد کے لیے اسپتال منتقل کرنا تھا، بدقسمتی سے ہیلی کاپٹر حادثے کا شکار ہوگیا۔

اس حادثے کی اصل وجہ اب تک سامنے نہیں آئی، کہا یہ جارہا ہے کہ ہیلی کاپٹر دوران پرواز ٹرانسمشن ٹاؤر سے جاٹکرایا جبکہ دوسری جانب یہ بھی رائے ہے کہ ہیلی کاپٹر پہاڑ سے ٹکرانے سے تباہ ہوا۔

حکام نے واقعے کی تحقیقات شروع کردی، مکمل حقائق تفتیش کے بعد ہی سامنے آئیں گے۔ قبل ازیں ایران میں گذشتہ چند عشروں کے دوران متعدد پرانے طیارے اور ہیلی کاپٹر فنی خرابی کے باعث حادثے کا شکار ہوئے۔

ایران کو امریکی اقتصادی پابندیوں کے باعث مشکلات کا سامنا ہے، یہی وجہ ہے کہ وہ دیگر ممالک سے نئے طیارے نہیں خریدسکتا اور نہ ہی پرزے منگاوا سکتا ہے۔

ایران، مسافرطیارہ گر کر تباہ، تمام افراد ہلاک

خیال رہے کہ گذشتہ سال فروری میں ایران کے صوبے اصفہان میں موسم کی خرابی کے باعث مسافر طیارہ دوران پرواز گر کر تباہ ہوگیا تھا جس کے نتیجے میں جہاز کے عملے سمیت 66 افراد ہلاک ہو گئے تھے۔

مارچ 5, 2019
شیخ رشید وزیر اعظم کا خصوصی پیغام لے کر کل ایران روانہ ہوں گے

اسلام آباد: وزیر ریلوے شیخ رشید کل تین روزہ سرکاری دورے پر ایران روانہ ہوں گے، جہاں وہ اہم شخصیات سے ملاقات کریں گے.

تفصیلات کے مطابق شیخ رشید قازوین تارشت ریلوے روٹ کی افتتاحی تقریب میں شریک ہوں گے، ایرانی حکومت نے وزیر ر یلوے کو تقریب میں شرکت کی دعوت دی ہے.

ترجمان ریلوے کے مطابق 6 مارچ کو تقریب کے مہمان خصوصی ایرانی صدرحسن روحانی ہوں گے، وزیر ریلوے دورے کے دوران ایرانی صدر حسن روحانی سے ملاقات کریں گے.

ترجمان ریلوے کے مطابق شیخ رشید ایرانی صدر کو وزیراعظم کا خصوصی پیغام پہنچائیں گے، شیخ رشید ایرانی روحانی پیشواآیت اللہ خامنائی سے بھی ملاقات کریں گے اور صدر پاکستان کا پیغام پہنچائیں گے.

مزید پڑھیں: مودی کی سیاست مسلمان دشمنی پر کھڑی ہے، شیخ رشید

اس دورے میں شیخ رشید ریل نیٹ ورک کی بہتری اور شراکت داری پرمتعلقہ اداروں سے بات چیت کریں گے.

خیال رہے کہ چند روز قبل شیخ رشید نے ایک ٹی وی پروگرام میں اس دورے کے اغراض و مقاصد پر روشنی ڈالتے ہوئے کہا تھا کہ وہ وزیر اعظم عمران خان کا اہم پیغام لے کر ایران کے دورے پر جائیں گے.

انھوں نے امید ظاہر کی تھی کہ اس دورے سے پاک ایران تعلقات مزید مضبوط ہوں گے.

مارچ 4, 2019
شام کو ایران کا فوجی اڈا نہیں بننے دیں گے، اسرائیلی وزیر اعظم

ماسکو : اسرائیلی وزیر اعظم اور پیوٹن کے درمیان ملاقات ہوئی، جس میں دونوں رہنماؤں کے مابین مشرق وسطیٰ کی صورتحال اور خطے میں ایران کی بڑھتی ہوئی مداخلت پر گفتگو ہوئی۔

تفصیلات کے مطابق فلسطین پر قابض صیہونی ریاست اسرائیل کے وزیر اعظم بنجامن نیتن یاہو نے گزشتہ روز روسی صدر ولادی میر پیوٹن سے دارالحکومت ماسکو میں ملاقات میں کی، جس میں باہمی دلچسپی کے امور پر تبادلہ خیال ہوا۔

اسرائیلی وزیر اعظم کا کہنا تھا کہ مشرق وسطیٰ کے امن و امان کو سب سے زیادہ خطرہ ایران سے ہے اور اسرائیل اس خطرے کے سامنے دیوار بن کر کھڑا رہے گا۔

غیر ملکی خبر رساں ادارے کے مطابق نیتن یاہو کا کہنا تھا کہ اسرائیلی کسی بھی صورت شام کو ایرانی فوجی چھاونی نہیں بننے دے گا۔

یاد رہے کہ گزشتہ برس ستمبر کے بعد روسی صدر پیوٹن اور اسرائیلی وزیر اعظم کے درمیان یہ پہلی ملاقات ہے۔

مزید پڑھیں : شام میں روسی طیارہ میزائل حملے میں تباہ، 15 فوجی ہلاک

گزشتہ برس ستمبر میں شام میں تعینات روسی فوجیوں کو ایئر بیس لانے والا روسی طیارہ بحیرہ روم میں پرواز کے دوران میزائل حملے میں تباہ ہوگیا تھا جس کے نتیجے میں 15 روسی فوجی ہلاک ہوئے تھے۔

روسی وزارت دفاع کا کہنا ہے کہ صیہونی ریاست اسرائیل کے جنگی طیارے اس دوران شامی شہروں کو اپنے ظلم و بربریت کا نشانہ بنارہے تھے اور روس کا فوجی طیارہ بھی اسی دوران علاقے میں پرواز کررہا تھا۔

روسی حکام کی جانب سے اسرائیل پر الزام عائد کیا گیا ہے کہ اسرائیلی جنگی طیارو نے روسی آئی ایل 20 طیارے کو شامی دفاعی سسٹم کی جانب دھکیلا تھا جس کے نتیجے میں اسرائیلی طیاروں پر فائر کیے جانے والے میزائلوں نے روسی طیارے کو ہدف بنایا اورحادثہ پیش آیا۔

فروری 28, 2019
ایران کے لیے جاسوسی، سابق امریکی فوجی افسرپرغداری کا مقدمہ درج کردیا

واشنگٹن : امریکی حکام نے اپنی ہی فضائیہ کی سابق افسر کو ملک سے غداری اور ایران کے لیے جاسوسی کرنے کے الزام میں گرفتار کرلیا۔

تفصیلات کے مطابق امریکی پراسیکیوٹر نے یو ایس ایئر فورس کی سابق افسر پر اپنے روایتی حریف ایران کو اپنے انٹیلی جنس افسران کی معلومات فراہم کرنے کا الزام عائد کیا ہے۔

امریکی محکمہ انصاف کی جانب سے 39 سالہ مونیکا ویٹ پر الزام عائد کیا گیا ہے کہ انہوں نے امریکی خفیہ اداروں کے افسران پر ہونے والے سائبر حملوں میں پاسداران انقلاب کی معاونت کی ہے۔

پراسیکیوٹر کا کہنا تھا کہ مونیکا ویٹ نے نظریات کی بنیاد پر اپنے ملک کے خلاف غداری کی تھی اور ایران کو خفیہ معلومات فراہم کیں۔

غیر ملکی خبر رساں ادارے کے مطابق فضائی کی سابق افسر کا سنہ 2013 میں ایران کے ساتھ رابطہ ہوا تھا جہاں مونیکا نے اپنے ساتھیوں کی معلومات پاسداران انقلاب کو فراہم کیں جس کے بعد امریکی خفیہ اداروں کے افسران پر سائبر حملے ہوئے۔

خبر رساں ادارے کا کہنا ہے کہ امریکی محکمہ انصاف نے مونیکا ویٹ پر خفیہ اداروں کے افسران کے نام، مختلف آپریشنز کی معلومات اور امریکی حکومت کے راز ایران کو فراہم کیے تھے۔

امریکی حکام کا کہنا ہے کہ ’ہمارے لیے بہت افسوس کی بات ہے کہ ہمارے ملک کی ایک سابق افسر اپنے ہی ملک سے غداری کررہی ہے‘۔

امریکی سیکیورٹی ادارے ایف بی آئی نے ٹویٹر پر ایرانی سپاہ پاسداران انقلاب کے لیے خفیہ اداروں کے افسران کے کمپیوٹر میں داخل ہونے اور ڈیٹا چوری کرنے کے الزام میں چار ایرانی شہریوں کے خلاف مقدمہ درج کیا ہے۔

غیر ملکی میڈیا کا کہنا ہے کہ ایف بی آئی نے ٹویٹر پر مونیکا ویٹ کےلے اشتہار شائع کیا ہے کہ ’جاسوسی اور دیگر جرائم میں ملوث مونیکا ایلفراڈو ویٹ جہاں بھی نظر آئے فوری طور پر ایف بی آئی یا قریبی امریکی سفارت خانے سے رابطہ کریں‘۔

Monica Elfriede Witt is #wanted by the #FBI for her alleged involvement in criminal activities to include espionage & conspiracy to commit espionage. If you have info concerning Witt, contact your local FBI office or the nearest U.S. Embassy or Consulate. https://t.co/f0OsA1hayy pic.twitter.com/eb4pe5UsEe

— FBI (@FBI) February 13, 2019

امریکی میڈیا کا کہنا ہے کہ 39 سالہ مونیکا ویٹ امریکی ایئر فورس میں سنہ 1997 سے 2008 تک بطور افسر خدمات انجام دیں چکی ہیں۔

مقامی خبر رساں ادارے کا کہنا ہے کہ مونیکا ویٹ نے مبینہ طور پر ایران میں ایک ٹی وی پروگرام کے دوران اسلام قبول کیا تھا اور اپنا تعارف سابق امریکی افسر کے طور پر کروایا تھا جس کے انہوں نے متعدد ٹی وی پروگرام کیے۔

غیر ملکی میڈیا کے مطابق مونیکا ویٹ کے اس عمل امریکا میں شدید تنقید کا نشانہ بنایا گیا تھا۔

فروری 14, 2019
عالمی عدالت انصاف میں امریکی دعویٰ‌ مسترد، ایران کے اثاثے بحال کرنے کا حکم

ہیگ : عالمی عدالت انصاف میں ایران نے امریکا کے خلاف مقدمہ جیت لیا، عالمی عدالت نے امریکا کی جانب سے منجمد کیے گئے ایران کے 2ارب ڈالر بحال کرنے کا حکم دے دیا۔

تفصیلات کے مطابق ہالینڈ کے شہر دی ہیگ میں واقع اقوام متحدہ کی عالمی عدالت نے انصاف نے ایران کے حق میں فیصلہ دیتے ہوئے ایران کے اربوں ڈالر بحال کرنے کا حکم دے دیا۔

غیر ملکی خبر رساں ادارے کا کہنا تھا کہ بدھ کے روز عالمی عدالت انصاف کے 15 ججز پر مشتمل بینچ نے کیس کی سماعت کی تھی، عالمی عدالت کے ججز نے ایران پر دہشت گردی میں ملوث ہونے کا امریکی الزام مسترد کردیا۔

چیف جج عبدالااقوی یوسف نے کہا کہ ایران نے 2016 میں امریکی عدالت کے متنازعے فیصلے پر عالمی عدالت میں اپیل دائر کی تھی جس پر عالمی عدالت نے فیصلہ سنا دیا۔

غیر ملکی خبر رساں ادارے کا کہنا تھا کہ امریکی حکومت کی جانب سے ایران پر دہشت گردی کا الزام عائد کیے جانے پر امریکی سپریم کورٹ کے حکم پر 2016 میں ایرانی اثاثے منجمد کر دئیے گئے تھے۔

غیر ملکی خبر رساں ادارے کا کہنا تھا کہ سنہ 1983 میں لبنان کے دارالحکومت بیروت میں واقع یو ایس مرین کے اڈے پر بم دھماکے میں 241 اہلکار ہلاک ہوئے تھے جبکہ سنہ 1996 میں سعودی عرب کے کوبر ٹاور پر حملے میں بھی متعدد افراد ہلاک ہوئے تھے جس کا الزام امریکا نے ایران پر عائد کیا تھا۔

امریکی سپریم کورٹ نے حکم دیا تھا کہ منجمد کی گئی رقم 1983 اور 1996 سمیت دیگر حملوں میں ہلاک ہونے والے افراد کے اہل خانہ کو فراہم کی جائے۔

خیال رہے کہ سنہ 1979 کے بعد سے امریکا اور ایران کے تعلقات کشیدہ ہیں، جس میں مزید کشیدگی اس وقت پیدا ہوئی جب امریکی صدر ٹرمپ نے گزشتہ برس ایران کے ساتھ طے جوہری سے معاہدے سے دستبرداری کا اعلان کرکے ایران پر دوبارہ اقتصادی پابندیاں عائد کیں۔

فروری 14, 2019
یورپ ایران کو میزائلوں سے غیر مسلح کرنے کی کوشش نہ کرے، ایران

تہران : ایران نے یورپی ممالک کو تنبیہ کی ہے کہ ’اگر ایران کو میزائل کی تیاریوں سے روکا گیا تو اسلامی جمہوریہ اپنے میزائلوں کی رینج میں اضافہ کردے گا‘۔

تفصیلات کے مطابق یورپی یونین کی جانب سے ایران کو بیلسٹک میزائل پروگرام نہ روکنے کی صورت میں ایران پر نئی پابندیاں عائد کرنے کی دھمکی دی گئی تھی، جس کے بعد ایران اور یورپی ممالک کے درمیان لفظی گولہ باری شروع ہوگئی ہے۔

[bs-quote quote=”ایران اپنی دفاعی پالیسی کے تحت میزائل پروگرام میں تبدیلی کرے گا” style=”style-20″ align=”left” author_name=”جنرل حسین سلامی” author_job=”ڈپٹی کمانڈر سپاہ پاسداران” author_avatar=”https://arynewsudweb.wpengine.com/wp-content/uploads/2019/02/51421276_801732500170297_2757348830570610688_n.jpg”][/bs-quote]

سپاہ پاسداران انقلاب کے ڈپٹہ کمانڈر بریگیڈئیر جنرل حسین سلامی کا کہنا تھا کہ یورپی یونین یا کوئی اور ملک ایران کو میزائلوں سے غیر مسلح کرنے کی کوشش کریں گے تو ہم اپنے بیلسٹک میزائلوں کی صلاحتیوں میں اضافہ کردیں گے۔

جنرل حسین سلامی کا کہنا تھا کہ ’ایران پر میزائلوں کی رینج اور صلاحیتوں میں اضافے سے متعلق کوئی پابندی نہیں ہے، ایران اپنی دفاعی ضروریات کے مطابق میزائل ٹیکنالوجی تیار کرے گا اور وقت کے ساتھ ساتھ اس میں تبدیلی بھی کرے گا‘۔

مزید پڑھیں : ایران کا طویل فاصلے پر مار کرنے والے کروز میزائل کا کامیاب تجربہ

خیال رہے کہ ایران نے 2 فروری کو انقلاب کے 40 ویں سالگرہ پر جدید ٹیکنالوجی سے لیس طویل فاصلے پر مار کرنے والے کروز میزائل کا کامیاب تجربہ کیا تھا، میزائل 1300 کلو میٹر تک اپنے ہدف کو نشانہ بناسکتا ہے۔

ایرانی وزیر دفاع عامر ہتامی کے مطابق ایران میں انقلاب کے 40 برس مکمل ہونے پر دس روزہ جشن منایا جارہا ہے، 1300 کلو میٹر تک ہدف کو نشانہ بنانے والا کروز میزائل کم اونچائی پر بھی پرواز کرسکتا ہے اور اپنے ہدف کامیابی سے نشانہ بنانے کی صلاحیت بھی رکھتا ہے۔

مزید پڑھیں : مذاکرات کی ناکامی پر ایران نئی پابندیوں کیلئے تیار رہے، فرانسیسی وزیر خارجہ

یاد رہے کہ گزشتہ ماہ فرانسیسی وزیر خارجہ جین لی ڈریان نے کہا تھا کہ ایران کو بیلسٹک میزائل پروگرام روکنا ہوگا اگر مذاکرات بے نتیجہ رہے تو ایران نئی پابندیوں کیلئے تیار رہے۔

برطانوی خبر رساں ادارے کا کہنا ہے کہ فرانس سمیت یورپی یونین کے دیگر ممالک بھی ایران کے خلاف نئی پابندیاں کرنے پر غور کررہے ہیں۔

فروری 4, 2019