Tag: ایران

امریکی صدر ٹرمپ اور وزیر دفاع کے برعکس امریکی نائب صدر نے ایران کی جوہری تنصیبات مکمل تباہ ہونے کی تصدیق سے گریز کیا ہے۔

امریکی نائب صدر جے ڈی وینس نے این بی سی کے میٹ دی پریس سے گفتگو کرتے ہوئے کہا کہ امریکا کی جنگ ایران سے نہیں بلکہ اس کے جوہری پروگرام سے ہے۔ ایران میں زمینی افواج اتارنے میں دلچسپی نہیں رکھتے، تاہم ایران جوابی حملہ کرتا ہے تو امریکا اس کیلیے تیار ہے۔

اس موقع پر ان سے سوال کیا گیا کہ کیا ایران کی جوہری تنصیبات کو مکمل تباہ کر دیا گیا ہے، تو امریکی نائب صدر نے اس کی واضح تصدیق نہیں کی اور کہا کہ ایران کی جوہری ہتھیار تیار کرنے کی صلاحیت کو کافی حد تک روک کر جوہری پروگرام کو بہت لمبے عرصہ کے لیے پیچھے کر دیا ہے۔ اب ایران کو جوہری ہتھیار تیار کرنے میں تاخیر ہوگی۔

جے ڈی وینس نے کہا کہ ہم اس معاملے کو لمبا نہیں کرنا چاہتے اور نہ ہی اس کو اس سے زیادہ بنانا چاہتے ہیں جتنا یہ پہلے سے بنایا گیا ہے۔ ہم ان کے جوہری پروگرام کو ختم کرنا چاہتے ہیں۔ ہم ایرانیوں سے یہاں ایک طویل المدتی تصفیے کے بارے میں بات کرنا چاہتے ہیں۔

ان کا یہ بھی کہنا تھا کہ ٹرمپ کا اقدام ان کے صدارتی اختیارات سے بالاتر نہیں اور انہوں نے اس مشن کو ہلکا نہیں لیا اور ایران کو بات چیت اور تعلقات بحال کرنے کا موقع دیا۔ ایرانی میزائل پروگرام ناکام ثابت ہو گیا۔ آنے والے سالوں میں ایران کے جوہری پروگرام کے مکمل خاتمے کے لیے کام کریں گے۔

امریکی نائب صدر کا یہ بھی کہنا تھا کہ امریکا کو ایران کی طرف سے بالواسطہ پیغامات ملے تھے۔ امریکی انٹیلی جنس نے امریکا کو ایران کے خلاف کارروائی کی ترغیب دی اور حتمی فیصلہ اسی وقت ہوا، جب ایران پر حملہ کیا گیا۔

ایران، اسرائیل اور امریکی تنازع سے متعلق تمام خبریں جاننے کے لیے کلک کریں

واضح رہے کہ امریکا نے ہفتہ اور اتوار کی درمیان شب ایران کی تین ایٹمی تنصیبات پر حملہ کیا تھا۔

اس حملے کے بعد امریکی صدر ٹرمپ نے تینوں تنصیبات مکمل تباہ اور دنیا کے لیے ایران کے جوہری خطرہ ختم کرنے کا دعویٰ کیا۔ امریکی وزیر دفاع پیٹ ہیگسیتھ نے بھی پینٹاگان میں پریس کانفرنس میں ایران کا ایٹمی پروگرام تباہ کرنے کا دعویٰ کیا تھا۔

https://urdu.arynews.tv/iran-israel-us-air-force-chief-of-staff-general-dan-keene/

امریکی فضائیہ کے سربراہ جنرل ڈین کین کا کہنا ہے کہ ایران کی ایٹمی تنصیبات پر حملہ امریکی تاریخ کی سب سے بڑی بی ٹو اسٹرائیک تھی۔

امریکا نے ہفتہ اور اتوار کی درمیانی شب ایران کی تین ایٹمی تنصیبات پر حملہ کیا۔ اس حملے سے متعلق واشنگٹن پینٹاگون میں امریکی وزیر دفاع پیٹ ہیگسیتھ نے چیئرمین جوائنٹ چیفس آف اسٹاف ایئر فورس جنرل ڈین کین کے ہمراہ مشترکہ پریس کانفرنس کرتے ہوئے اس آپریشن کی تفصیلات سے آگاہ کیا۔

سربراہ امریکی فضائیہ جنرل ڈین کین نے کہا ہے کہ کل رات ایران کی ایٹمی تنصیبات پر کیا جانے والا حملہ امریکی تاریخ کی سب سے بڑی بی ٹو اسٹرائیک تھی۔ ایران کیخلاف آپریشن انتہائی خفیہ اور اعلیٰ سطح کا تھا جس کا علم واشنگٹن میں صرف مخصوص شخصیات کو ہی تھا۔

جنرل ڈین کین نے کہا کہ امریکا کا آپریشن ایران میں رجیم چینج کے لیے نہیں بلکہ دنیا کے لیے خطرات کو کم کرنے کے لیے کیا گیا۔ ’’آپریشن مڈ نائٹ ہیمر‘‘ جنرل کوریلا کی سربراہی میں کیا گیا، جس میں صرف ایران کی جوہری تنصیبات کو ہی نشانہ بنایا گیا اور صدر ٹرمپ کے حکم پر تین جوہری تنصیبات پر حملہ کیا گیا۔

انہوں نے آپریشن کی مزید تفصیلات بتاتے ہوئے کہا کہ ایرانی وقت کے مطابق رات 2 بجے کے بعد ٹوماہاک میزائلوں سے ایرانی اہداف کو نشانہ بنایا گیا۔ اس حملے میں 7 بی ٹو بمبار طیارے شامل تھے۔ اس کے علاوہ آبدوزوں سے دو درجن سے زائد ٹاما ہاک میزائل فائر کیے گئے

ایران، اسرائیل اور امریکی تنازع سے متعلق تمام خبریں جاننے کے لیے کلک کریں

سربراہ امریکی فضائیہ کا کہنا تھا کہ اس آپریشن میں تمام تکنیکی اداروں کی مدد حاصل تھی اور آپریشن میں شریک ہر اہلکار نے بہترین کام کیا۔

جنرل ڈین کین نے یہ بھی بتایا کہ اس آپریشن کے دوران ایرانی فضائی حدود میں امریکی جنگی طیاروں پر ایران کی طرف سے کوئی حملہ نہیں ہوا۔

واضح رہے کہ امریکا نے ایران کی زیر زمین جوہری تنصیبات کو تباہ کرنے کیلیے بنکر بسٹر بم اور اسے لے جانے والے بی ٹو طیارے کا استعمال کیا جو دنیا میں کسی دوسرے ملک کے پاس نہیں ہے۔

امریکا کا بنکر بسٹر بم اور بی ٹو طیارہ کیا ہے؟

بنکر بسٹر بم بی 52 بمبار طیاروں کے ذریعے گرائے گئے۔ فردو ایٹمی تنصیب پر چھ بڑے بنکر شکن بم مارے گئے، جب کہ نطنز اور اصفہان میں واقع تنصیبات پر 30 ٹام ہاک میزائل داغے گئے۔

https://urdu.arynews.tv/iran-israel-us-secretary-of-defense-claim-destroyed-iran-atomic-programme/

امریکی وزیر دفاع پیٹ ہیگیستھ نے دعویٰ کیا ہےکہ ہم نے ایران کا ایٹمی پروگرام تباہ کر دیا دنیا کا امریکی صدر ٹرمپ کی بات سننا ہوگی۔

واشنگٹن پینٹاگون میں امریکی وزیر دفاع پیٹ ہیگسیتھ نے چیئرمین جوائنٹ چیفس آف اسٹاف ایئرفورس جنرل ڈین کین کے ہمراہ مشترکہ پریس کانفرنس کرتے ہوئے کہا ہے کہ ہم نے ایران کا ایٹمی پروگرام تباہ کر دیا۔ دنیا کو امریکی صدر کی بات سننا ہوگی۔ اگر ایران نے امریکا پر حملہ کیا تو اس کی کسی بھی مزاحمت کا پہلے سے بھرپور جواب دیں گے۔

امریکی وزیر دفاع نے کہا کہ صدر ٹرمپ متعدد بار کہہ چکے کہ ایران جوہری ہتھیار حاصل نہیں کر سکتا۔ ایران کے جوہری عزائم کو خاک میں ملا دیا ہے۔ اسرائیل کو تمام اتحادیوں کی حمایت حاصل ہے۔

ان کا کہنا تھا کہ امریکا نے صرف ایران کی جوہری تنصیبات پر حملے کیے۔ آپریشن میں کسی ایرانی فوجی یا شہری کو نقصان نہیں پہنچا۔ صدر ٹرمپ امن چاہتے ہیں اور ایران کو اس راستے پر چلنا ہوگا۔

واضح رہے کہ امریکا نے گزشتہ شب ایرانی کی 3 جوہری تنصیبات پر حملہ کیا تھا۔ اس حملے کے بعد امریکی صدر ڈونلڈ ٹرمپ نے ایران کی جوہری تنصیبات تباہ کرنے کا دعویٰ کرتے ہوئے کہا تھا کہ دنیا کے لیے ایران کا جوہری خطرہ ختم کر دیا۔ اسرائیل اب زیادہ محفوظ ہے۔

دوسری جانب امریکی حملے کے بعد ایران کی جانب سے سخت ردعمل کا اظہار کیا گیا ہے اور ایرانی وزیر خارجہ عباس عراقچی نے پریس کانفرنس کرتے ہوئے کہا کہ ٹرمپ نے ہم سے دھوکا کیا اور شب امریکا نے ایران کی جوہری تنصیبات پر حملہ کر کے ریڈ لائن کراس کی۔

انہوں نے متنبہ کیا کہ امریکی حملے کے بعد ایران کو اپنے دفاع کا حق حاصل ہے اور ہم اپنے عوام کے دفاع پر کوئی سمجھوتہ نہیں کریں گے۔ امریکی حملے کے سنگین نتائج برآمد ہوں گے۔

ایران، اسرائیل اور امریکی تنازع سے متعلق تمام خبریں جاننے کے لیے کلک کریں

دوسری جانب پاکستان، روس، ترکیہ سمیت دنیا بھر کے ممالک کی جانب سے امریکا کے ایران پر حملوں کی شدید مذمت کی جا رہی ہے اور اس کو عالمی امن کے لیے خطرہ قرار دیا جا رہا ہے۔