Tag: ایران

اسٹارک ہوم :سوئیڈش حکومت نے ایران کے دورے پر اپنی خواتین اہلکاروں کے حجاب پہننے کے فیصلے کا دفاع کیا ہے۔

تفصیلات کےمطابق گذشتہ ہفتے سوئیڈن کی وزیرِ تجارت این لِند کی قیادت میں ایک تجارتی وفد نے ایران کا دورہ کیا تھا،جہاں ان کے حجاب پہننے پر انہیں شدید تنقید کا نشانہ بنایاگیا تھا۔

سوئیڈش حکومت کا کہنا ہے کہ ان کے ملک میں دنیا کی پہلی حقوقِ نسواں کے لیے مخصوص طور پر کام کرنے والی حکومت ہے۔

سوئیڈن کا ایران کے دورے پر خواتین اہلکاروں کے حجاب پہننے پر موقف ہےکہ ایسا نہ کرنا مقامی قوانین کی خلاف ورزی ہوتی۔وزیرِ تجارت این لِند نےمقامی خبر رساں ادارے سے بات کرتے ہوئے کہا کہ وہ ایرانی قوانین کی خلاف ورزی کرنے کو تیار نہیں تھیں۔

سوئیڈن کی لبرل پارٹی کے چیف یان جورکلند کا کہنا ہے کہ یہ اقدام فیمنسٹ یعنیٰ حقوقِ نسواں کی خارجہ پالیسی کے لیے انتہائی نقصان دے ہے۔ ان کا کہنا ہے کہ ایران قانون سازی کے ذریعے خواتین کےساتھ ناانصافی کرتا ہے۔

یاد رہے کہ 2015 میں سابق امریکی صدر براک اوباما کی اہلیہ نے سعودی عرب کے بادشاہ عبداللہ کی وفات کےموقعے پرملک کے دورے کے دوران حجاب نہیں پہننا تھا۔

واضح رہےکہ سوئیڈن کے وزیراعظم سیفن لوفن بھی ایران میں موجود تھے اور ان کا کہنا ہے کہ انہوں نے انسانی حقوق کے معاملے کو ایرانی صدر حسن روحانی سے سامنے اٹھایا تھا۔

ٹوکیو: امریکی وزیر دفاع جیمز میٹس نے ایران کو دہشت گردی میں معاونت کرنے والا دنیا کا سب سے بڑا ملک قرار دے دیا۔

تفصیلات کےمطابق ٹوکیو میں صحافیوں سے بات کرتے ہوئے امریکی وزیر دفاع جیمز میٹس کا کہنا تھا کہ ایران دہشت گردوں کی سرپرستی کرنے والا دنیا کابڑاملک ہے،ایران کے خطرے کونظرانداز یامسترد کرنا اچھا ثابت نہیں ہوگا۔

امریکی وزیر دفاع نے کہا کہ ایران پر حالیہ پابندی بیلسٹک میزائل تجربے اور دیگر سرگرمیوں کے باعث لگائی گئی ہے۔انہوں نےکہاکہ عالمی برادری ایران کی سرگرمیوں کو نظر انداز نہیں کرے گی۔

جیمز میٹس نےکہاکہ مشرقی وسطیٰ میں مزید فوج بھیجنے کی تاحال کوئی ضرورت نہیں ہے،ہمارے پاس ہمیشہ سے فوج بھیجنے کی طاقت رہی ہے لیکن میں سمجھتا ہوں کہ ایسا کرنے کی ابھی کوئی ضرورت نہیں ہے۔

دوسری جانب ایرانی پاسدارن انقلاب کا کہنا ہے کہ ایران مزید میزائل اور ریڈار سسٹم کے تجربے کرے گا،صوبہ سمنان میں منعقد کی جانے والی ان مشقوں کا مقصد اپنی عسکری طاقت کی نمائش اور حالیہ امریکی پابندیوں کو مسترد کرنا ہے۔

ایرانی وزیرخارجہ نے سماجی رابطے کی ویب سائٹ ٹویٹر پر اپنے پیغام میں کہاکہ ایران اپنے دفاع کے علاوہ کبھی بھی اپنے ہتھیارکسی کے خلاف استعمال استعمال نہیں کرےگا۔

We will never use our weapons against anyone, except in self-defense. Let us see if any of those who complain can make the same statement. pic.twitter.com/xwGquvqLvb

— Javad Zarif (@JZarif) February 3, 2017

واضح رہے کہ حال میں ہی امریکہ نے بلیسٹک میزائل کا تجربہ کرنے پر ایران پر معاشی پابندیاں عائد کر دی تھیں جس کی تہران نے شدید الفاظ میں مذمت کی تھی۔

تہران : ایرانی عدالت نے ایرانی نژاد برطانوی خاتون کی پانچ برس قید کی سزا کے خلاف اپیل مستردکردی ہے۔

تفصیلات کےمطابق برطانوی شہری نازنین زغاری ریٹ کلف کو گزشتہ سال اپریل میں تہران ایئرپورٹ سے حراست میں لیاگیاتھا،جب وہ ایران اپنے والدین سے ملنے کےلیے گئی تھی۔

نازنین زغاری پر قومی سلامتی سے متعلق قوانین کی خلاف ورزی کا الزام تھا جس کے تحت انہیں گرفتار کیاگیاتھا اور ان کی دو سالہ بیٹی کا پاسپورٹ ضبط کرکے اسے نازنین کے والدین کو دے دیاگیاتھا۔

نازنین کے شوہر رچرڈ ریٹکلف کاکہناہےکہ ان کی اہلیہ کی اپیل عدالت نے چار جنوری کو ایک خفیہ سماعت میں مسترد کر دی تھی اور اس کے بارے میں 22 جنوری کو آگاہ کیاگیا۔

رچرڈ ریٹکلف کی جانب سے جاری ہونے والے ایک بیان کے مطابق ان کی اہلیہ کے خلاف الزامات کو خفیہ رکھا گیا ہےتاہم اپیل کے دوران ان پر مزید دو الزامات عائد کیے گئے۔

مزید پڑھیں:ایران میں برطانوی خاتون کو 5سال قید

برطانوی شہری نازنین پر الزام ہےکہ 2009 میں جب بی بی سی فارسی سروس شروع کی گئی تھی تو اس وقت وہ سروس کے لیے ملازمین کو بھرتی کرنے کے شعبے کی سربراہ تھیں۔تاہم ان کی جانب سے اس کی تردید کی گئی ہے۔

نازنین زغاری پر دوسرا الزام یہ ہےکہ انہوں نے ایک برطانوی جاسوس سے شادی کی لیکن حقیقت میں ان کے شوہر اکاؤنٹنٹ ہیں۔

واضح رہےکہ نازنین زغاری کے خاندان کا کہناہےکہ انھوں نے کسی بھی قانون کی خلاف ورزی نہیں کی اور انہیں پورا یقین ہے کہ نازنین بے گناہ ہے۔