Tag: ایریزونا

  • لڑکی کو کار سمیت جلا کر مار دیا گیا

    لڑکی کو کار سمیت جلا کر مار دیا گیا

    نوجوان لڑکی کو کار کے اندر جلا کر مار دیا گیا، فنگر پرنٹس کی مدد سے قانون نافذ کرنے والے اداروں نے اسکی شناخت کی۔

    امریکی ریاست ایریزونا کے شہر ٹیمپے میں آخر بار مرسڈیز ویگا نامی 22 سالہ لڑکی کو رات 9:15 دیکھا گیا تھا جب وہ اپنے اپارٹمنٹ کمپلیکس سے نکل کر کہیں جارہی تھی۔ سی سی ٹی وی ویڈیو میں ویگا اپنے چہرے کو نیچے کیے ہوئے چلتی دکھائی دے رہی ہے۔

    مرسڈیز ویگا نے 16 اپریل کی رات کو اپنی فون لسٹ میں موجود کئی لوگوں کو ٹیکسٹ بھی کیا۔ اس میں سے ایک پیغام میں اس نے لکھا کہ ’میں بہت عجیب محسوس کر رہی ہوں، جیسے کہ شاید مجھے کہیں نہیں جانا چاہیے۔‘

    17 اپریل کی صبح ہرکوہالا فائر ڈپارٹمنٹ ایریزونا کے مغرب میں آئی ٹین ہائی وے کے ’شمالی علاقے‘ میں پولیس کو جلتی ہوئی کار کی اطلاع ملی۔

    فائر فائٹرز نے 2018 ماڈل کی شیورلیٹ مالیبو کو جلتا ہوا پایا جبکہ آگ بجھانے کے بعد اہلکاروں کو پچھلی سیٹ پر ایک مردہ انسانی جسم کو دیکھا۔

    تفتیش کاروں نے فنگر پرنٹس کا استعمال کرتے ہوئے کار کے اندر پائی جانے والی خاتون کی شناخت 22 سالہ مرسڈیز ویگا کے طور پر کی ہے۔

    ماریکوپا کاؤنٹی میڈیکل ایگزامینر کی رپورٹ میں بتایا گیا ہے کہ لڑکی کی موت کی وجہ مختلف زخم اور جلنا ہے۔

    موت کی رپورٹ میں یہ بھی کہا گیا ہے کہ لڑکی کو بندوق کی گولی بھی لگی جس نے اس کی موت میں اہم کردار ادا کیا جبکہ گاڑی کے اندر بلیچ کی بدبو بھی آرہی تھی۔

    رپورٹ میں یہ بھی بتایا گیا ہے کہ کار کے سامنے والے حصے میں دستانے، بلیچ اور پچھلی سیٹ میں ہلکے سیال مادے کی موجودگی بھی پائی گئی ہے۔

  • 183 جانوروں کو زندہ حالت میں فریز کرنے والا گرفتار

    183 جانوروں کو زندہ حالت میں فریز کرنے والا گرفتار

    ایریزونا: امریکا میں 183 جانوروں کو زندہ حالت میں فریز کرنے والے ظالم شخص کو گرفتار کر لیا گیا۔

    تفصیلات کے مطابق امریکی ریاست ایریزونا میں حکام نے ایک شخص کو جانوروں پر ظلم کرنے کے الزام میں گرفتار کیا ہے، مائیکل پیٹرک ٹرلینڈ کے گیراج میں موجود فریزر سے 183 مردہ جانور برآمد ہوئے۔

    حکام کا کہنا ہے کہ ان میں سے کچھ جانوروں کو زندہ حالت میں ہی منجمد کر دیا گیا تھا۔

    جمعرات کو مقامی پولیس نے بتایا کہ پولیس حکام اور محکمہ اینیمل کنٹرول کے افسروں نے یہ جانور ایک خاتون کی شکایت کے بعد تین اپریل کو گیراج کے فریزر میں دریافت کیے۔

    خاتون نے شکایت کی تھی کہ مائیکل پیٹرک ٹرلینڈ نے ان سے افزائش نسل کے لیے سانپ لیے تھے، جو واپس نہیں کیے گئے۔ پولیس کے مطابق منجمد جانوروں میں کتے، چوہے، خرگوش، چھپکلیاں، کچھوے، پرندے اور سانپ شامل تھے۔

    اہل کاروں نے کہا کہ کئی جانوروں کے جسم کی حالت دیکھ کر ایسا لگتا ہے کہ وہ زندہ ہی جم گئے تھے، ملزم کو بدھ کے روز ان کے گھر سے گرفتار کیا گیا۔

    انھوں نے دوران تفتیش اس بات کا اعتراف کیا کہ کچھ جانوروں کو اس وقت فریزر میں رکھا گیا جب وہ زندہ تھے۔

  • امریکا: ماں اپنے بچے کو ریت، کنکر، لکڑی کے ٹکڑے کھلانے لگی (ویڈیو)

    امریکا: ماں اپنے بچے کو ریت، کنکر، لکڑی کے ٹکڑے کھلانے لگی (ویڈیو)

    ایریزونا: امریکا میں ایک ماں نے اپنے 8 ماہ کے بچے کو ریت، کنکر، خاک اور لکڑی کے ٹکڑے کھانے کی کھلی آزادی دے رکھی ہے، اپنے اس طرز عمل کے دفاع میں ان کا کہنا ہے کہ اس سے بچے کی قوت مدافعت مضبوط ہوگی۔

    22 سالہ ماں ایلس بینڈر کا تعلق امریکی ریاست ایریزونا کے علاقے فینکس سے ہے، انھوں نے اپنے آٹھ ماہ کے بیٹے فرن کو ریت اور کنکر کھانے کی کھلی آزادی دے رکھی ہے، ان کا کہنا ہے کہ جب تک بچے ماں کا دودھ پیتے ہوں، انھیں جراثیم سے کوئی خطرہ لاحق نہیں ہوتا، اور اس طرح بچے کا امیون سسٹم مستحکم ہو جاتا ہے۔

    ایلس بینڈر کو اس بات پر مضبوط یقین ہے کہ جب تک بچوں کو ماں کا دودھ پلایا جاتا ہے، تب تک انھیں بیکٹیریا کا سامنا کرنا چاہیے، کیوں کہ ماں کا دودھ ان کی حفاظت کرتا ہے۔

    عام طور سے نوزائیدہ بچوں کے حوالے سے ماؤں سے یہ توقع کی جاتی ہے کہ وہ بہت زیادہ محتاط رہیں اور صفائی کا بہت خیال رکھیں، اور اپنے بچوں کو نقصان دہ بیماریوں اور الرجیز سے بچائیں۔

    تاہم بائیس سالہ ایلس بینڈر کا نقطہ نظر عام طبی مشوروں سے بالکل مختلف ہے، ہائجین کی ہدایات کے برعکس وہ اپنے 8 ماہ کے بچے کو کنکر چبانے دیتی ہیں، وہ ریت بھی کھاتا ہے اور لکڑی کے چھوٹے ٹکڑے بھی چوستا رہتا ہے۔

    خاتون نے اپنے بچے کی ویڈیوز بھی بنا رکھی ہیں جن میں وہ مزے اور پوری آزادی سے ریت کھاتا اور پتھر چوستا ہوا نظر آتا ہے، ایک ٹک ٹاک ویڈیو میں خاتون کہتی ہیں کہ وہ بچے کو اپنا دودھ پلا رہی ہیں لیکن اس کو وہ سب کچھ کھانے کے لیے بھی چھوڑتی ہوں جو وہ کھانا چاہتا ہے۔

    بچے کو پالنے کے اس انداز کا دفاع کرتے ہوئے ان کا کہنا ہے کہ ہمیں جراثیموں سے نہیں ڈرنا چاہیے، انھوں نے کہا کہ ہمیں بیکٹیریا سے ڈارانے کے لیے مغربی ادویات کے سلسلے میں اربوں ڈالر کی اشتہار سازی کا بڑا ہاتھ ہے، میں نہیں ڈرتی بلکہ میں انھیں دعوت دیتی ہوں کیوں کہ مجھے فطرت اور اپنے بچے پر اعتماد ہے۔

    انھوں نے کہا یہ کوئی اتفاق نہیں ہے کہ بچے دودھ پینے کے عرصے کے دوران اپنی جبلت کے مطابق ہر چیز کھاتے ہیں، اس لیے جب تک وہ ماں کا دودھ پیتے رہیں، انھیں بیکٹیریا کا سامنا کرتے رہنا چاہیے۔

    انٹرنیٹ پر صارفین نے ایلس بینڈر کے بچے پالنے کے طریقے پر ملے جلے رد عمل کا اظہار کیا ہے، کسی کا کہنا ہے کہ وہ اپنے بچے کی زندگی خطرے سے دوچار کر رہی ہے، اور کوئی ان کی حوصلہ افزائی کرتا دکھائی دیتا ہے۔

  • غباروں کے ذریعے ہزاروں فٹ کی بلندی پر پرواز

    غباروں کے ذریعے ہزاروں فٹ کی بلندی پر پرواز

    معروف امریکی شعبدہ باز اور اسٹنٹ مین ڈیوڈ بلین نے حیرت انگیز اسٹنٹ کر کے ایک بار پھر سب کو ورطہ حیرت میں ڈال دیا، ڈیوڈ نے صرف غباروں کی مدد سے 24 ہزار فٹ کی بلندی پر ایک گھنٹے تک پرواز کی۔

    امریکی شعبدہ باز ڈیوڈ بلین نے امریکی ریاست ایریزونا کے جنگلات کے اوپر ایک گھنٹے تک پرواز کی اور اس کے لیے اس نے 52 ہیلیئم بھرے غباروں کی مدد لی۔

    47 سالہ اسٹنٹ مین کا یہ اسٹنٹ یوٹیوب پر براہ راست اسٹریم کیا گیا۔ ویڈیو میں دیکھا جاسکتا ہے کہ ڈیوڈ 52 ہیلیئم بھرے غباروں کی مدد سے 24 ہزار فٹ کی بلندی پر اڑ رہا ہے۔

    ڈیوڈ کا خیال تھا کہ وہ صرف 18 ہزار فٹ کی بلندی تک پہنچ سکے گا تاہم وہ 24 ہزار فٹ کی بلندی تک جا پہنچا جس کے بعد اس نے واپس نیچے کی طرف اسکائی ڈائیو کی۔

    ڈیوڈ کا یہ اسٹنٹ ایک گھنٹے تک جاری رہا، اس دوران اس کی 9 سالہ بیٹی زمین پر موجود رہی اور اس نے کئی بار اپنے والد سے بات بھی کی۔

    ڈیوڈ کا کہنا تھا کہ اس کا یہ اسٹنٹ نہایت سنسنی خیز اور پرجوش کردینے والا تھا، مذکورہ اسٹنٹ نیویارک میں کیا جانا تھا لیکن وہاں کا موسم ناموافق ہونے کے باعث اسے ریاست ایریزونا میں کیا گیا۔

    وہ بتاتا ہے کہ اس اسٹنٹ کی تیاری کے لیے اسے 2 سال لگے اور اس کے لیے اس نے باقاعدہ اسکائی ڈائیونگ سیکھی جبکہ پائلٹ کا لائسنس بھی حاصل کیا۔

    ڈیوڈ اس سے پہلے بھی کئی اسٹنٹس کر چکا ہے جن میں پانی میں کئی گھنٹے تک رہنے، پلاسٹک باکس میں کئی دن کے لیے خود کو بند کردینے اور برف کے بلاکس کے درمیان رہنے کے اسٹنٹس بھی شامل ہیں۔

  • معروف یوٹیوبر چوری کرتے پکڑے گئے

    معروف یوٹیوبر چوری کرتے پکڑے گئے

    ایریزونا: امریکی ریاست ایریزونا کے ایک علاقے میں معروف یوٹیوبر اور سوشل میڈیا پرسن پر پولیس نے لوٹ مار کرنے کا مقدمہ کر دیا۔

    غیر ملکی میڈیا کے مطابق ایریزونا کے صحرائی شہر اسکاٹسڈیل میں ایک یوٹیوبر جیک پال کے خلاف پولیس نے مبینہ لوٹ مار اور فسادات میں ملوث ہونے پر مقدمہ درج کر دیا ہے۔

    پولیس کا کہنا تھا کہ انھیں ایسی سیکڑوں ویڈیوز موصول ہوئی ہیں جن میں 23 سالہ جیک جوزف پال موجود ہے، وہ فیشن اسکوائر مال میں داخل ہوا اور مال بند ہونے کے باوجود وہاں غیر قانونی طور پر موجود رہا، پولیس نے وہاں مجمع لگانا بھی غیر قانونی قرار دیا تھا۔

    پولیس کے مطابق جوزف پال کو سمن بھیجا گیا ہے کہ وہ ایک ماہ کے اندر عدالت میں پیش ہوں، تاہم انھیں گرفتار نہیں کیا گیا۔

    جوزف پال نے جزوی طور پر الزامات قبول کرتے ہوئے کہا کہ ٹھیک ہے، مجھے میری سزا دو لیکن اس کے بعد جارج فلائیڈ کے معاملے پر توجہ مرکوز کریں، کیوں کہ سیاہ فاموں کی زندگی بھی اہم ہے۔

    پال نے ایک ٹویٹ کے ذریعے لوٹ مار کے حوالے سے کہا کہ یہ بات بالکل واضح ہے کہ میں یا میرا کوئی ساتھی کسی بھی لوٹ مار یا توڑ پھوڑ میں ملوث نہیں ہے۔ انھوں نے مزید کہا کہ وہ مذکورہ مقام پر اپنے تجربات دوسروں سے شیئر کرنے اور جارج فلائیڈ کی موت پر اس غم و غصے کے اظہار کی فلم بندی کر رہا تھا جو ہر جگہ دیکھنے میں آ رہا ہے۔

    پولیس کا کہنا تھا کہ 30 مئی کو مال ایریا کے ارد گرد لوگوں کا مجمع اکھٹا ہو گیا تھا اور انھوں نے دکانوں میں توڑ پھوڑ اور لوٹ مار کی تھی۔ پولیس نے متعدد لوگوں کو گرفتار بھی کیا جن سے ہزاروں ڈالرز لوٹی رقم برآمد کی گئی۔

    واضح رہے کہ جوزف پال کے یو ٹیوب چینل پر 2 کروڑ سے زائد سبسکرائبرز ہیں۔

  • والدین کی غفلت گھریلو پارٹی میں قیامت ڈھا گئی

    والدین کی غفلت گھریلو پارٹی میں قیامت ڈھا گئی

    ایریزونا: امریکی ریاست ایریزونا کے ایک شہر گلینڈل میں والدین کی غفلت نے 3 سالہ معصوم بچے کی جان لے لی۔

    غیر ملکی میڈیا کے مطابق ایریزونا امریکا کے علاقے گلینڈل میں ایک تین سالہ بچی سوئمنگ پول میں ڈوب کر مر گئی، جب کہ اس کے والدین ایک دوسرے بچے کے ساتھ مصروف رہے۔

    یہ افسوس ناک واقعہ اتوار کو پیش آیا، گلینڈل فائر ڈیپارٹمنٹ کے مطابق انھیں ایک بچی کے ڈوبنے کی اطلاع ملی، جب وہ جائے وقوع پر پہنچے تو بچی بے ہوش اور اس کے دل کی دھڑکن خاموش تھی، گھر میں ایک پارٹی چل رہی تھی جس میں بارہ افراد شریک ہوئے تھے، لیکن لڑکی جب پول میں گری تو بدقسمتی سے کسی کو بھی اس کی خبر نہ ہو سکی۔

    بتایا گیا کہ جس وقت تین سالہ بچی پھسل کر سوئمنگ پول میں گری تھی اس وقت اس کی فیملی کی توجہ ایک اور بچے نے اپنی طرف مبذول کرا رکھی تھی، جس کی وجہ سے بچی کے پانی میں گرنے کا کوئی نوٹس نہ لے سکا۔

    ماں کی غفلت، ہولناک حادثے میں جڑواں بچیاں زندگی کی بازی ہار گئیں

    حکام کے مطابق گھر کے پائیں باغ میں سوئمنگ پول کے گرد کوئی حفاظتی جنگلہ نہیں تھا، جب کافی دیر بعد بچی کو پانی سے نکالا گیا تو ایک پڑوسی نرس نے موقع پر آ کر طبی عملہ پہنچنے تک بچی کا سی پی آر (سانس بحال کرنے کا طریقہ کار) کیا، تاہم جب طبی عملہ پہنچا تو بچی بے حس و حرکت تھی۔ جس پر اسے فوراً اسپتال پہنچایا گیا تاہم وہ چند گھنٹے بعد مر گئی۔

    حکام نے واقعے کے بعد میڈیا سے گفتگو کرتے ہوئے کہا کہ لوگوں کو یہ یاد دلانے کا مناسب موقع ہے کہ ایسی پارٹیوں میں پانی پر کسی ایک شخص کی ذمہ داری لگانی چاہیے، تاکہ وہ مسلسل اس پر نگاہ رکھ سکے، کیوں کہ کسی بچے کو پانی میں گر کر غائب ہونے میں محض چند سیکنڈز ہی لگتے ہیں۔

    حکام نے تحقیقات کے بعد کہا کہ والدین کے خلاف کوئی کریمنل چارجز نہیں لگائے جا رہے ہیں۔

  • خاتون سے پیزا چھیننے کی دل دہلا دینے والی واردات، ویڈیو دیکھیں

    خاتون سے پیزا چھیننے کی دل دہلا دینے والی واردات، ویڈیو دیکھیں

    ایریزونا: ایک امریکی ریاست میں خاتون سے پیزا چھیننے کی ایک ایسی ویڈیو سامنے آئی ہے جسے دیکھ کر دل دہل جاتا ہے۔

    غیر ملکی میڈیا کے مطابق امریکی ریاست ایریزونا کے علاقے ٹسکان میں ایک چور 77 سالہ خاتون کے سر پر لوہے کا پائپ مار کر ان سے پیزا چھین کر بھاگ گیا۔

    واردات کی دل دہلا دینے والی ویڈیو فوٹیج سامنے آنے پر معلوم ہوا کہ خاتون پیزا خرید کر ریسٹورنٹ سے نکل رہی تھیں، جیسے ہی وہ شیشے کا دروازہ کھول کر باہر نکلیں، لوہے کا پائپ لیے چور نے حملہ کر دیا۔

    یہ واقعہ 21 اپریل کو پیش آیا تھا، ٹسکان پولیس ڈیپارٹمنٹ نے واقعے کی سی سی ٹی وی فوٹیج اب ٹویٹر پر ریلیز کرتے ہوئے عوام سے درخواست کی ہے کہ مشتبہ شخص کی نشان دہی میں مدد کی جائے۔

    ویڈیو میں دیکھا جا سکتا ہے کہ خاتون پیزا لے کر ریسٹورنٹ سے باہر نکلنے لگیں تو چور اچانک اس طرح آگے بڑھا جیسے خاتون کے لیے دروازہ کھول رہا ہو، اور پھر جیسے ہی وہ باہر نکلیں، چور نے اس کے سر پر لوہے کا پائپ دے مارا، اور پیزا چھین کر بھاگ گیا۔

    اس واقعے کے بعد مذکورہ پیزا چَین کی دس لوکیشنز پر سیکورٹی بڑھا دی گئی، پولیس نے حملہ آور کے حلیے کے بارے میں بتایا کہ وہ سیاہ فام ہے اور ریسٹورنٹ پر باقاعدہ سے آتا رہا ہے، اس پر ہسپانوی ہونے کا شبہ ہے، قد اندازاً 5 فٹ اور 6 انچ ہے۔

    خاتون کے بارے میں پولیس اور ریسٹورنٹ نمایندے کا کہنا تھا کہ وہ ٹھیک ہے۔

  • کیکٹس کے کانٹے شرارتی کتوں کے جسم میں پیوست ہوگئے

    کیکٹس کے کانٹے شرارتی کتوں کے جسم میں پیوست ہوگئے

    امریکی ریاست ایریزونا میں پالتو کتوں کو کیکر کے پودوں کے ساتھ چھیڑ خانی کرنا مہنگا پڑگیا، کیکر کے کانٹے کتوں کے جسم میں پیوست ہوگئے۔

    ریاست ایریزونا میں رہائش پذیر خاندان اس وقت سخت مشکل میں آگیا جب ان کے پالتو کتے موج مستی میں کانٹوں بھرے کیکٹس کے پودوں سے چھیڑ خانی کر بیٹھے۔

    نتیجہ یہ نکلا کہ درجنوں کانٹے کتوں کے جسم میں پیوست ہو گئے۔ اہلخانہ نے پہلے خود ہی فرسٹ ایڈ دینے کی کوشش کی لیکن جب مشکل حل نہ ہوئی تو میڈیکل ریسکیو ٹیم کو طلب کر لیا۔

    ریسکیو ٹیم نے صورتحال کا ادراک کرتے ہوئے دونوں کتوں کو قریبی ویٹنری اسپتال منتقل کیا جہاں بے ہوش کرنے کے بعد کتوں کو ان کانٹوں سے آزاد کیا گیا۔

    دونوں کتے اب روبصحت ہیں اور یقیناً اب وہ کیکٹس کے پودوں کے قریب بھی نہیں جائیں گے۔

  • ہوائی جہازوں کے قبرستان کی سیر کرنا چاہیں گے؟

    ہوائی جہازوں کے قبرستان کی سیر کرنا چاہیں گے؟

    کیا آپ نے جہازوں کے قبرستان کے بارے میں سنا ہے؟ یہ وہ جگہ ہوتی ہے جہاں اپنی مدت پوری کرنے والے یا ناکارہ ہوجانے والے ہوائی جہاز پارک کردیے جاتے ہیں۔

    ہوائی جہاز کی جسامت ایسی نہیں ہوتی کہ ناکارہ ہونے پر اسے ایئرپورٹ کے کسی عقبی کونے میں کھڑا کردیا جائے، اس کے لیے اسے باقاعدہ ایک وسیع جگہ کی ضرورت ہوتی ہے۔ ایسی جگہوں کو، جہاں ناکارہ جہاز کھڑے کردیے جائیں بون یارڈ یا جہازوں کا قبرستان کہا جاتا ہے۔

    بون یارڈ میں رکھے جانے والے جہاز عسکری اور تجارتی بنیادوں پر استعمال شدہ جہاز ہوتے ہیں۔

    امریکی ریاست ایریزونا میں واقع ڈیوس مونتھن فورس بیس سب سے بڑا بون یارڈ ہے۔ جنگ عظیم دوئم کے بعد قائم کیے جانے والے اس قبرستان میں 4 ہزار 400 ناکارہ جہاز کھڑے ہیں۔

    ان میں امریکی خلائی ادارے ناسا کے استعمال شدہ جہاز بھی شامل ہیں۔

    زیادہ تر بون یارڈز عوام کے لیے بند ہوتے ہیں تاہم ایریزونا کا یہ بون یارڈ عام لوگوں کے لیے کھلا ہے اور جہازوں میں دلچسپی رکھنے والے افراد اور سیاح بس میں بیٹھ کر اس پورے میدان کا چکر لگا سکتے ہیں۔

    کیا آپ اس قبرستان کی سیر کرنا چاہیں گے؟

  • امریکا : دیکھیے وہ حیرت انگیز گڑھا جہاں لاکھوں سال قبل ’’شہاب ثاقب‘‘ گرا

    امریکا : دیکھیے وہ حیرت انگیز گڑھا جہاں لاکھوں سال قبل ’’شہاب ثاقب‘‘ گرا

    ایریزونا : امریکا کی ریاست ایریزونا میں آج سے لاکھوں سال قبل ایک بہت بڑا شہاب ثاقب زمین  سے ٹکرایا تھا اس مقام پر وہ گڑھا آج بھی موجود ہے۔

    مقامی حکومت نے اس صحرائی علاقے میں گڑھے کے ساتھ سیاحوں کی دلچسپی کیلئے ایک عجائب گھر بھی تعمیر کیا ہے، جس میں ایک دکان بھی موجود ہے جہاں سے سیاح مختلف تحائف اور شہاب ثاقب کے ٹکڑے خرید سکتے ہیں۔

    اس کے علاوہ میوزیم میں شہاب ثاقب کے گرنے سے متعلق ڈاکیومینٹری فلم بھی دکھائی جاتی ہے، فلم میں دکھایا گیا ہے کہ وہ شہابیہ زمین سے کیسے ٹکرایا اور اس کے بعد یہاں کتنی تباہی ہوئی۔ اس شہاب ثاقب کے بہت سے ٹکڑے آج بھی عجائب گھر میں موجود ہیں۔

    اس شہاب ثاقب کا بچا ہوا سب سے بڑا ٹکڑا

    یا شہاب ثاقب کسے کہتے ہیں؟ (meteor) 

    شہاب ثاقب در اصل عربی زبان کا لفظ ہے، شہاب کا معنیٰ ہے دہکتا ہوا شعلہ اور ثاقب کا معنیٰ سوراخ کرنے والا ہے، دہکتا ہوا انگارہ شہاب ثاقب جب زمین کی فضا سے ٹکراتا ہے تو انگارہ بن کر روشن ہوتا ہے اور جل کر راکھ ہوجاتا ہے، شہاب ثاقب زمین سے زور ٹکرا کر روشن ہوتے ہیں گویا تاریکی میں سوراخ کردیا گیا ہو۔

    اس شہاب ثاقب کا بچا ہوا ایک اور ٹکڑا

    ایک رپورٹ کے مطابق سائنسدانوں کا کہنا ہے کہ ایک شہاب ثاقب زمین کے قریب سے گزرنے کی تیاری کر رہا ہے جس کی وجہ سے سیارہ زمین پر بڑے پیمانے پر تباہی ہو گی اور زندگی کا وجود خطرے میں پڑ جائے گا۔

    گڑھے کے پاس قائم کیا جانے والا عجائب گھر 

    سائنسدانوں کا مزید کہنا ہے کہ ہمارے سیارے کے قریب سے گزرتے ہوئے اگر اس نے اپنا مدار تبدیل کر لیا تو کئی صدیوں بعد سیارہ زمین ایک بار پھر عظیم تباہی کا سامنا کرے گا۔

    خلا میں تیرتا شہاب ثاقب (ایک بڑی خلائی چٹان) جسے بینو کا نام دیا گیا ہے زمین کے مدار کے قریب سے ہر چھ سال بعد گزرتا ہے۔ سائنسدانوں ک ادعویٰ ہے کہ یہ خلائی چٹان اب2135ءمیں زمین اور چاند کے درمیان سے گزرے گی۔

    مزید پڑھیں : اگر کوئی سیارچہ زمین سے ٹکرا جائے تو کیا ہوگا؟

    1908ء میں سائبیریا میں شہاب ثاقب کے گرنے کا واقعہ پیش آیا تھا جس سے تقریباً دوہزار مربعہ کلومیٹر کا علاقہ تباہ ہو گیا تھا۔ بیسیویں صدی کے دوران زمین پر دو بڑے شہاب گرے تھے۔

    ان میں سے ایک کا وزن 60 ٹن تھا۔ 27 ستمبر 1969 ء کو مرچی سن، آسٹریلیا میں ایک شہاب گرا تھا۔ اس کے وزن کے بارے میں کہا جاتا ہے کہ یہ چھوٹے سیارچوں کی پٹی سے وجود میں آیا تھا۔