Tag: ایس او پیز

اسلام آباد: وزیر مذہبی امور کی زیر صدارت علما کرام اور دیگر محکموں کے اجلاس میں فیصلہ کیا گیا ہے کہ وبا کا پھیلاؤ روکنے کے لیے محرم میں ایس او پیز پر مکمل عمل کیا جائے گا۔

تفصیلات کے مطابق آج وفاقی وزیر مذہبی امور پیر نورالحق قادری کی زیر صدارت اہم اجلاس منعقد ہوا، جس میں محرم الحرام کے اجتماعات میں احتیاطی تدابیر اور مسلکی رواداری کے فروغ پر زور دیا گیا۔

محرم الحرام کے تناظر میں ہونے والے اجلاس کا مشترکہ اعلامیہ جاری کرتے ہوئے کہا گیا کہ تمام مکاتب فکر محبت، رواداری، افہام و تفہیم قائم رکھنے کی خلوص دل سے کو شش کریں گے، اور مسلکی تنازعات باہم مشاورت اور سنجیدہ مکالمے کے ذریعے طے کیے جائیں گے۔

مشترکہ اعلامیے کے مطابق عوامی پلیٹ فارمز سے مخالفین کے خلاف طعن و تشنیع سے اجتناب کیا جائے گا، وبا کا پھیلاؤ روکنے کے لیے محرم میں ایس او پیز پر مکمل عمل کیا جائے گا۔

اجلاس میں وزیر مذہبی امور نے کہا کہ علما واقعہ کربلا کے تناظر میں کشمیریوں پر ہونے والے ظلم کو بھی دنیا تک پہنچائیں، ملک دشمن عناصر مسلکی تعصب کو ہوا دے کر انتشار پھیلاتے ہیں، اکابر اور علما ان انتشار پھیلانے والوں سے لاتعلقی کا اظہار کریں۔

پیر نورالحق قادری کا کہنا تھا کسی سوچ اور فکر کو اپنانا غلط نہیں، بلکہ دوسروں پر اسے مسلط کرنا غلط ہے۔

انھوں نے وبا کے حوالے سے کہا کہ کرونا وبا کی صورت حال بہتر ہے لیکن لاپرواہی تباہ کن ثابت ہو سکتی ہے، اس لیے مسلکی اختلافات کو پس پشت ڈال کر ہم آہنگی کو عام کیا جائے۔

لاہور: وزیر صحت پنجاب ڈاکٹر یاسمین راشد نے ڈینگی مہم ایس او پیز پر عمل نہ کرنے پر سخت کارروائی کا حکم دے دیا۔

تفصیلات کے مطابق وزیرصحت پنجاب کی زیر صدارت انسداد ڈینگی مہم سے متعلق اجلاس ہوا جس میں انسداد ڈینگی مہم کی سرگرمیوں کا جائزہ لیا گیا۔اجلاس میں سیکرٹری صحت نے صوبے میں ڈینگی مہم کی سرگرمیوں کی تفصیلات سے آگاہ کیا۔

اس موقع پر ڈاکٹر یاسمین راشد کا کہنا تھا کہ کمشنرز،ڈی سی علاقوں میں ایس او پیز پر سختی سے عملدرآمد کروائیں،متاثرہ علاقہ جات میں مانیٹرنگ کو مزید سخت کیا جائے۔

وزیر صحت پنجاب نے کہا کہ ڈینگی وبا پر قابو پانے کے لیے تمام تر وسائل بروئے کار لائے جا رہے ہیں،پنجاب ہیلتھ کیئر کمیشن ایس او پیز پر مکمل عملدرآمدکے لیے متحرک ہے۔

انہوں نے کہا کہ شہری اپنے گھروں اور بزنس پوائٹس کو صاف ستھرا رکھیں،انسداد ڈینگی مہم میں کسی قسم کی کوتاہی برداشت نہیں کی جائے گی۔

ڈاکٹر یاسمین راشد کا کہنا تھا کہ اگلے ہفتے انسداد ڈینگی مہم کی سرگرمیوں کا دوبارہ جائزہ لیا جائے گا۔ انہوں نے ڈینگی مہم ایس او پیز پر عمل نہ کرنے پر سخت کارروائی کا حکم دے دیا۔

لاہور: محکمہ تعلیم پنجاب نے اسکولز کھولنے سے متعلق ایس او پیز تیار کر لیے۔

محکمہ تعلیم پنجاب نے اسکولز کھولنے سے متعلق ایس او پیز تیار کر لیے ہیں جس کے مطابق ایک کلاس میں 20 سے زائد بچے نہیں بیٹھائے جائیں گے،جگہ کی قلت والے اسکولز میں مارننگ،ایوننگ شفٹوں میں بچوں کو پڑھایا جائے گا۔

محکمہ تعلیم پنجاب کے مطابق ایک ڈیسک پر3 کی بجائے 2 طلبا کے بیٹھنے کی گنجائش ہوگی، بچوں کوحساب،انگریزی،سائنس مضامین پڑھائیں جائیں گے اور باقی مضامین کا کام گھروں میں کرنے کے لیے دیا جائے گا۔

محکمہ تعلیم پنجاب کی جانب سے تیار کیے گئے ایس او پیز کے مطابق ہر اسکول میں بچوں کے ہاتھ سینیٹائزر سے دھونے کا انتظام لازم کیا جائے گا، سینیٹائزر اسکولز اپنے بجٹ سے خریدنے کے پابند ہوں گے۔

ایس او پیز کے مطابق تمام اسکولز میں اسمبلی،بریک نہیں ہوگی،ہرقسم کے فنکشن پر پابندی ہوگی، اسکول میں داخل ہونے سے قبل ہر بچے، اساتذہ کا بخار چیک کیا جائے گا،اسکولز میں بچے اور اساتذہ کا بخار چیک کرنے کے لیے الگ سے عملہ رکھا جائے گا۔

محکمہ تعلیم پنجاب کا کہنا ہے کہ صبح اسکول لگنےسے پہلے تمام کلاس رومز میں جراثیم کش اسپرے کرنا لازم ہوگا۔