Tag: ایس او پیز

لاہور: محکمہ صحت پنجاب نے کتوں کے کاٹنے کے واقعات پر قابو پانے کے لیے ایس اوپیز تیار کرلی۔

تفصیلات کے مطابق محکمہ صحت پنجاب نے مراسلہ جاری کر دیا، ایس او پیز کے تحت تدریسی اسپتالوں میں کتوں کے کاٹنے کی ویکسین رکھنے کی سخت ہدایت کی ہے۔

محکمہ صحت پنجاب کی جانب سے جاری کردہ مراسلے میں کہا گیا ہے کہ جو اسپتال مریض کو پہلی ڈوز دے گا مریض اسی اسپتال میں علاج کرائے گا، پہلے کتوں کے کاٹنے والے مریض ڈوگ فائٹ سینٹر جاتے تھے۔

کتے کے کاٹنے سے بچی جاں بحق، وزیراعلیٰ سندھ نے نوٹس لے لیا

مراسلہ کے مطابق کروناوائرس کی صورتحال کے پیش نظر ڈوگ بائٹ سینٹر بند ہے، اسپتال میں رجسٹرڈ مریض کے لیے فرسٹ ایڈ کا باقاعدہ انتظام کیا جائے، فرسٹ ایڈ ڈوز کے بعد مریضوں کیلئے مفت مرحلہ وارمیڈیکیشن جاری رہے گی۔

کتوں کے کاٹے گئے مریضوں کو اےآروی ویکسین دی جاتی ہے، محکمہ صحت پنجاب نے اسپتالوں کے وائس چانسلرز اور ایم ایس کو مراسلہ بھجوا دیا ہے۔

خیال رہے کہ رواں سال پنجاب سمیت ملک بھر میں کتوں کے کاٹنے کے واقعات میں اضافہ ریکارڈ کیا گیا ہے۔

اسلام آباد: حکومتِ پاکستان نے بین الاقوامی پروازوں کے لیے قوائد وضوابط (ایس او پیز) جاری کردیے جس کا اطلاق جہاز کے عملے اور گراؤنڈ اسٹاف پر ہوگا۔

تفصیلات کے مطابق سول ایوی ایشن اتھارٹی کی جانب سے ایس او پیز 14اپریل سے 19اپریل تک کے لیے جاری کیے گئے ہیں۔ ایس او پیز میں کرونا کے تدارک اور حفاظت کے ضوابط طے کیے گئے۔

ایوی ایشن ڈویژن کا کہنا ہے کہ ایس او پیز جہاز کے عملے اور گراؤنڈ اسٹاف کے لیے ہیں۔ دریں اثنا چارٹر اور پرائیویٹ طیاروں کے حوالے سے بھی ایس او پیز جاری ہوئے ہیں جو پرائیویٹ طیاروں کی بین الاقوامی پروازوں پر لاگوہوں گے۔

متحدہ امارات کا بھی پاکستان کیلئے خصوصی پرواز چلانے کا اعلان

پرواز کی پاکستان آمد یا روانگی سی اے اے کی اجازت سے مشروط ہوگی۔ نجی وپرائیویٹ طیارہ کمپنی کو پاکستان آمد پر سرٹیفکیٹ جمع کرانا ہوگا۔ جہاز میں پرسنل پروٹیکشن ایکیوپمنٹ کا ضروری ذخیرہ ہونا لازم قرار دیا گیا ہے۔

مسافروں کے ہیلتھ ڈیکلریشن فارم بھی فضائی کمپنی کی ذمہ داری ہوگی۔