ARYNews.tv | Urdu – Har Lamha Bakhabar

Tag: ایس ایس پی ایسٹ

  • کراچی:‌ داماد کے تشدد سے سسر اور معصوم بچی جاں بحق

    کراچی:‌ داماد کے تشدد سے سسر اور معصوم بچی جاں بحق

    کراچی کے علاقے بہادر آباد میں داماد نے تشدد کرکے سسر اور اپنی 8 ماہ کی معصوم بیٹی کو موت کے گھاٹ اتاردیا۔

    تفصیلات کے مطابق یہ واقعہ کراچی کے علاقے بہادر آباد چار مینار چورنگی کے قریب رہائشی سوسائٹی پیش آیا ہے جہاں ملزم کے تشدد سے نانا اور نواسی انتقال کرگئے۔

    ایس ایس پی ایسٹ کے مطابق سسر اور داماد میں گھریلو تنازع چل رہا تھا، مشتعل داماد سکندر نے سسر اور دیگر کو زدوکوب کیا۔

    پولیس نے بتایا کہ جھگڑے میں سسر زبیر اور ملزم کی آٹھ ماہ کی بیٹی جاں بحق ہوگئی، لاشوں کو اسپتال منتقل کردیا گیا ہے جبکہ واقعے کے بعد ملزم فرار ہوگیا، جس کی گرفتاری کیلئے چھاپے مارے جا رہے ہیں۔

     دوسری جانب اہلخانہ کا کہنا ہے کہ 8 ماہ کی بچی کی موت مقتول اور ملزم کی چھینا جھپٹی کے دوران ہوئی ہے۔

  • ایس ایس پی ایسٹ کا گلستان جوہر میں بھیس بدل کر سابق ایس پی کے شیشہ کیفے پر چھاپہ

    ایس ایس پی ایسٹ کا گلستان جوہر میں بھیس بدل کر سابق ایس پی کے شیشہ کیفے پر چھاپہ

    کراچی‌ : ایس ایس پی ایسٹ نے گلستان جوہر میں بھیس بدل کر سابق ایس پی کے شیشہ کیفے پر چھاپہ مار کر ایس ایچ او کو معطل کردیااور شیشہ کیفے بھی سیل کردیا۔

    تفصیلات کے مطابق ایس ایس پی ایسٹ نے گلستان جوہر میں بھیس بدل کر سابق ایس پی کے شیشہ کیفے پر چھاپہ مارا۔

    پولیس نے بتایا کہ ایس ایس پی نے ایس ایچ او سے پوچھا کوئی شیشہ کیفے تو نہیں چل رہا تو ایس ایچ او گلستان جوہر مالک ابڑو نے”سب اچھا ہے” کی رپورٹ ،پرانی ویڈیوبھیج دی۔

    ایس ایس پی فرخ رضا نے ایس ایچ او کو شیشہ کیفے میں بلاکر معطل کردیا اور سابق ایس پی رشید رند کیخلاف مقدمہ درج کرکے شیشہ کیفے سیل کردیا۔

    حکام کا کہنا تھا کہ سابق ایس پی رشیدرندساتھیوں سمیت فرارہوگئے تاہم کارروائی کےدوران شیشہ اوردیگرسامان برآمدکرلیاگیا ہے۔

  • کراچی: پولیس مقابلے میں گرفتار زخمی ڈکیت کا مجرمانہ ریکارڈ سامنے آگیا

    کراچی: پولیس مقابلے میں گرفتار زخمی ڈکیت کا مجرمانہ ریکارڈ سامنے آگیا

    کراچی: شہر قائد کے علاقے سچل پولیس کے ہاتھوں مقابلے میں گرفتار ہونے والے زخمی ملزم کا مجرمانہ ریکارڈ سامنے آگیا۔

    تفصیلات کے مطابق کراچے کے سچل پولیس نے بتایا ہے کہ مقابلے میں گرفتار ملزم کیخلاف پنجاب کے 18 تھانوں میں مقدمات درج ہیں، سچل پولیس مقابلے میں ملزم کا ساتھی ہلاک ہوگیا تھا۔

     ایس ایس پی ایسٹ عرفان بہادر نے کہا کہ ملزمان شادی والے گھروں میں واردات کرتے تھے، گرفتار ملزم سے ڈیڑھ کروڑ روپےکا سامان برآمد ہوا تھا، ملزم نے شناخت چھپانے کے لیے اپنا نام یاسر بتایا تھا۔

    ایس ایس پی ایسٹ نے مزید بتایا کہ گرفتار ملزم کا اصل نام ذیشان عرف شانی ہے، ملزم کا تعلق اوکاڑہ محلہ رسول پورہ کٹاربند روڈ سے ہے۔

  • جشن آزادی پر باجے بیچنے اور خریدنے والوں کی شامت آگئی

    جشن آزادی پر باجے بیچنے اور خریدنے والوں کی شامت آگئی

    کراچی : جشن آزادی پر باجے بیچنے اور خریدنے والوں کی شامت آگئی ، ایس ایس پی ایسٹ نے باجے کی فروخت اور استعمال کرنے والوں کے خلاف سخت کارروائی کا حکم دے دیا۔

    تفصیلات کے مطابق جشن آزادی پر باجوں کی خرید و فروخت سے متعلق عدالتی حکمنامہ ایسٹ پولیس تک پہنچ گیا ، ایس ایس پی ایسٹ نے ایس ایچ او سچل کو براہ راست حکم دے دیا ہے۔

    ایس ایس پی ایسٹ کی جانب سے خط میں کہا گیا کہ باجے کی فروخت اور استعمال کرنے والوں کے خلاف سخت کارروائی کی جائے۔

    خط کے ساتھ جوڈیشل مجسٹریٹ ملیر کا حکمنامہ بھی منسلک کیا گیا ہے، ایس ایس پی ایسٹ کا کہنا ہے کہ ہدایات کی سختی سےتعمیل کو یقینی بنایا جائے اور حکم کےتعمیل کی رپورٹ معزز عدالت میں دفترکومطلع کرکے جمع کرائیں۔

    یاد رہے دو روز قبل جوڈیشل مجسٹریٹ ملیر کی عدالت نے شہر میں جشن آزادی کے موقع پرباجے کی خریدو فروخت اور بجانے کے خلاف کارروائی کا حکم دیا تھا۔

    عدالت نے ایس ایچ او شرافی گوٹھ اور سچل کو ہدایت جاری کرتے ہوئے کہا تھا کہ باجے فروخت کرنے اور بجانے والوں کیخلاف کارروائی کرکے عدالت کو آگاہ کیا جائے۔

  • کراچی، 111 افراد کا ٹارگٹ کلر گرفتار، مصباح کا مبینہ قاتل بھی پکڑا گیا

    کراچی، 111 افراد کا ٹارگٹ کلر گرفتار، مصباح کا مبینہ قاتل بھی پکڑا گیا

    کراچی: سندھ پولیس نے بڑی کارروائیاں کرتے ہوئے گلشن اقبال موچی موڑ پر ڈکیتی مزاحمت پر قتل ہونے والی میڈیکل کی طالبہ مصباح کا قاتل پکڑ لیا، 111 افراد کی ٹارگٹ کلنگ کرنے والا ملزم بھی پکڑا گیا۔

    تفصیلات کے مطابق کراچی پولیس نے شہر قائد سے میڈیکل کی طالبہ مصباح کے مبینہ قاتل کو حراست میں لے لیا، 57 مقدمات میں پولیس کو مطلوب ایم کیو ایم لندن کا ٹارگٹ کلر بھی پکڑا گیا۔

    ایس ایس پی ایسٹ غلام اظفر مہیسر نے پریس کانفرنس کرتے ہوئے کہا کہ گرفتار ٹارگٹ کلر عبدالسلام عرفان کا تعلق ایم کیو ایم لندن سے ہے، ملزم نے سیاسی جماعتوں کے کارکنوں، پاک فوج، پاک بحریہ اور پولیس کے اہلکاروں سمیت ایک سو گیارہ افراد کے قتل کا اعتراف کرلیا۔

    ایس ایس پی ایسٹ کا کہنا ہے کہ ڈکیتی مزاحمت پر قتل ہونے والی ہمدرد یونیورسٹی کی طالبہ مصباح کا قاتل چھ دن کے اندر پکڑا گیا ہے، ملزم سے مصباح کا فون بھی برآمد ہوا ہے۔

    مزید پڑھیں: کراچی میں طالبہ مصباح کی ہلاکت کے خلاف احتجاج، سندھ حکومت اور پولیس کے خلاف نعرے

    دوسری کارروائی میں گرفتار ایک سو گیارہ افراد کا ٹارگٹ کلر عبدالسلام کا تعلق ایم کیو ایم لندن سے ہے، ملزم دو آرمی، ایک نیوی اور آٹھ پولیس اہلکاروں کو شہید کرچکا ہے۔

    واضح رہے کہ چند روز قبل گلشن اقبال موچی موڑ کے قریب میڈیکل کی طالبہ مصباح کو ڈکیتی مزاحمت پر قتل کردیا گیا تھا، یونیورسٹی کے طلبا و طالبات نے قاتل کی گرفتاری کے لیے پریس کلب پر احتجاج بھی کیا تھا۔

  • کراچی پولیس کی کارروائی، جعلی سیکیورٹی کمپنی بنا کر عوام کو لوٹنے والے ملزمان گرفتار

    کراچی پولیس کی کارروائی، جعلی سیکیورٹی کمپنی بنا کر عوام کو لوٹنے والے ملزمان گرفتار

    کراچی: شہر قائد میں پولیس نے کامیاب کارروائی کرتے ہوئے جعلی سیکیورٹی کمپنی بنا کر عوام کو لوٹنے والے ملزمان کو گرفتار کرلیا۔

    تفصیلات کے مطابق کراچی پولیس نے نیو ٹاؤن کے علاقے میں کارروائی کرتے ہوئے جعلی سیکیورٹی کمپنی بنا کر عوام کو لوٹنے والے 5 ملزمان کو گرفتار کرلیا۔

    رپورٹ کے مطابق کارروائی کے دوران پولیس نے جعلی سیکیورٹی کمپنی کے دفتر سے درجنوں موٹر سائیکلیں اور غیرقانونی اسلحہ برآمد کرلیا، کارروائی کے دوران مختلف اقسام کے ہتھیار برآمد کیے گئے۔

    ایس ایس پی ایسٹ غلام اظفر مہیسر نے پریس کانفرنس کرتے ہوئے بتایا کہ پولیس نے نیو ٹاؤن کے علاقے میں واقع خاتون پاکستان کالج کے قریب کارروائی کرتے ہوئے سیکیورٹی یونیفارم میں ملبوس ڈکیت گروہ کا سرغنہ آصف کو اس کے 4 ساتھیوں سمیت گرفتار کیا ہے۔

    مزید پڑھیں: کراچی میں رینجرزکی مختلف علاقوں میں کارروائی،7ملزمان گرفتار، اسلحہ اور منشیات برآمد

    ایس ایس پی کے مطابق ملزمان کے قبضے سے مختلف اقسام کے 16 ہتھیار، چوری اور چھینی گئی 6 موٹر سائیکل برآمد کرلی گئیں، ملزمان کی نشاندہی پر چوری شدہ درجنوں مزید موٹر سائیکلیں بھی برآمد کی گئی ہیں۔

    غلام اظہر مہیسر کے مطابق گرفتار ملزمان نے شہباز سیکیورٹی کمپنی کے نام سے جعلی سیکیورٹی کمپنی بنا رکھی تھی، ملزمان پہلے بنگلوں پر اپنے سیکیورٹی کمپنی کے گارڈ تعینات کراتے پھر اسی بنگلے کو اپنے دیگر ساتھیوں کی مدد سے لوٹ لیا کرتے تھے۔

    انہوں نے کہا کہ ملزمان نے گلستان جوہر میں اپنا ایک عارضی دفتر بنایا ہوا تھا اور ملزمان کے قبضے سے برآمد ہونے والا اسلحہ غیرقانونی ہے اس کا کوئی ریکارڈ نہیں اور نہ ہی سیکیورٹی کمپنی رجسٹرڈ ہے۔

  • کراچی، ٹارگٹ کلنگ میں ملوث کے الیکٹرک کا ایسوسی ایٹ انجینئر گرفتار

    کراچی، ٹارگٹ کلنگ میں ملوث کے الیکٹرک کا ایسوسی ایٹ انجینئر گرفتار

    کراچی: کے الیکٹرک کا ایسوسی ایٹ انجینئر فرقہ وارانہ ٹارگٹ کلنگ میں ملوث نکلا، ملزم کو لیاری ایکسپریس وے 13 ڈی کے قریب سے گرفتار کرلیا گیا۔

    تفصیلات کے مطابق شہر قائد میں فرقہ وارانہ ٹارگٹ کلنگ میں ملوث کے الیکٹرک کے ایسوسی ایٹ انجینئر جاوید عرف وصی رضا کو گلشن اقبال پولیس نے گرفتار کرلیا، ملزم کے قبضے سے پستول اور بغیر نمبر پلیٹ کی موٹر سائیکل برآمد کرلی گئی۔

    ایس ایس پی ایسٹ کا کہنا ہے کہ ملزم ایم کیو ایم لندن کے ٹارگٹ کلر علی چکنا کا قریبی ساتھی ہے، زوہیب پٹھان، علی رضا عرف رضا ٹی ٹی، شان حیدر پولیس والا، کاکا بندہ ملزم کی ٹیم میں شامل ہیں۔

    پولیس کے مطابق گرفتار ملزم نے ٹارگٹ کلر علی رضا کے کہنے پر 2 کارکنان کی مکمل ریکی کی، ملزم کی ریکی مکمل ہونے کے بعد دونوں کارکنان کی ٹارگٹ کلنگ کی گئی۔

    مزید پڑھیں: سی ٹی ڈی کی اہم کارروائی، پولیس اہلکار سمیت ایم کیو ایم لندن کے 3 ٹارگٹ کلرز گرفتار

    ملزم نے پولیس کو دئیے گئے بیان میں کہا ہے کہ لائنز ایریا کے ندیم ہارڈویئر والے کو کالا پل پر ٹارگٹ کیا جبکہ شبیر سبزی والے کو لائنزایریا میں دکان پر ہی قتل کیا گیا۔

    ملزم کے بیان کے مطابق ٹارگٹ کلنگ کی دونوں وارداتیں 2013 میں کی گئیں، مقتولین کا تعلق کالعدم تنظیم سے تھا۔

    کے الیکٹرک انتظامیہ قانون نافذ کرنے والے ادارے سے مکمل تعاون کرے گی، ترجمان

    دوسری جانب کے الیکٹرک کے ترجمان نے مؤقف پیش کیا ہے کہ ’’کے الیکٹرک قانون کی پاسداری کرنے والا ذمہ دار ادارہ ہے، ادارے میں کسی بھی سطح پر غیر قانونی سرگرمیوں کو برداشت نہیں کیا جاتا‘‘۔

    کے الیکٹرک کے ترجمان کا کہنا تھا کہ مذکورہ شخص سے متعلق جب بھی ادارے کے حکام کو طلب کیا جائے گا تو انتظامیہ قانون نافذ کرنے والے ادارے سے مکمل تعاون کرے گی۔

    واضح رہے کہ گزشتہ ماہ یکم مارچ کو سی ٹی ڈی نے اہم کارروائی کرتے ہوئے پولیس اہلکار سمیت ایم کیو ایم لندن کے تین ٹارگٹ کلرز گرفتار کیے تھے۔

    گرفتار تینوں ملزمان کا تعلق ایم کیو ایم لندن سے ہے، ملزمان ٹارچرسیل چلانے، جلاؤگھیراؤ اور بھتے کی وارداتوں میں ملوث تھے۔

  • کراچی : تعلیمی اداروں میں منشیات سپلائی کرنے والا چھ رکنی گروہ گرفتار

    کراچی : تعلیمی اداروں میں منشیات سپلائی کرنے والا چھ رکنی گروہ گرفتار

    کراچی : گلشن اقبال پولیس نے تعلیمی اداروں میں منشیات سپلائی کرنے والے چھ رکنی گروہ کو گرفتار کرلیا،ملزمان سے چار کلو سے زائد چرس،50 پیکٹ ہیروئن، اسلحہ اور15موبائل برآمد کیے گئے ہیں۔

    یہ بات ایس ایس پی ایسٹ اظفر مہیسر نے پریس کانفرنس سے خطاب کرتے ہوئے کہی۔ انہوں نے بتایا کہ ڈالمیا میں کارروائی کے دوران پکڑے گئے ملزمان میں گروہ کا سرغنہ شاکرڈاڈا، ناصر، فیضان، حسین شاہ ،نثار عرف حاجی اور حذیفہ شامل ہیں۔

    ملزمان تعلیمی اداروں کے علاوہ رہائشی علاقوں میں آئس اور کرسٹل فراہم کرتے تھے، ایس ایس پی ایسٹ نے بتایا کہ گرفتار ملزمان کے موبائل فون سے منشیات حاصل کرنے والے اسکول کالج اور یونیورسٹیوں کے طلباء کوریکارڈ بھی نکالا ہے۔

    موبائل ڈیٹا سے منشیات خریدنے والوں کی فہرست تیار کرلی گئی منشیات لینے والے طلبا کے والدین سے رابطہ کر کے ان معلومات سے ان کو بھی آگاہ کریں گے۔

    اظفر مہیسر کا مزید کہنا تھا کہ گرفتار ہونے والے چھ رکنی گروہ سے ساڑھے کلوچرس،50 پیکٹ ہیروئن اور اسلحہ برآمد کیا ہے، مذکورہ ملزمان کے خلاف مختلف تھانوں میں30مقدمات درج ہیں۔

    ملزمان کے گروہ میں خواتین بھی شامل ہیں،ٹوٹل20رکنی گروہ ہے، گرفتار گروہ بلوچستان سے آپریٹ ہوتا ہے، جن جامعات کے طلبہ آئس کرسٹل حاصل کرتے ہیں ان کے وائس چانسلر سے بھی رابطے کیے ہیں۔

    ایس ایس پی ایسٹ نے کہا کہ یہ منشیات اب منظم جرائم میں شامل ہورہا ہے، شیشہ بار جیسے مقامات سے ایسے نشوں کی لت شروع ہوتی ہے، ہیروئن کے نشے کا ٹیسٹ تین ماہ تک آجاتا ہے، والدین اپنے بچوں کا ٹیسٹ ضرور کرائیں بچوں کی نہ سنیں۔

  • ارشاد رانجھانی قتل کیس : تمام حقائق جلد عوام کے سامنے لائیں گے، پولیس

    ارشاد رانجھانی قتل کیس : تمام حقائق جلد عوام کے سامنے لائیں گے، پولیس

    کراچی : بھینس کالونی میں مبینہ ڈکیت ارشاد رانجھانی کی ہلاکت کے واقعہ پر پولیس کا کہنا ہے کہ ہر پہلو سے شفاف تحقیقات کررہے ہیں، تمام حقائق عوام کے سامنے لائیں گے۔

    تفصیلات کے مطابق یوسی چیئرمین کی فائرنگ سے مبینہ ڈکیت کی ہلاکت کا معاملہ سنگین نوعیت اختیار کرگیا، اس حوالے سے ایس ایس پی ایسٹ کا کہنا ہے کہ ارشاد رانجھانی کے قتل کی تحقیقات کررہے ہیں۔

    واقعے کی شفاف تحقیقات ہوں گی اور جو بھی حقائق ہوں گے انہیں عوام کے سامنے لائیں گے، اس سلسلے میں پولیس کے کردار کا بھی جائزہ لیں گے۔

    ان کا کہنا تھا کہ ،پولیس کو زخمی ارشاد رانجھانی کو فوری اسپتال منتقل کیا جانا چاہئے تھا، اسپتال نہ کرنے کا پہلو کا بھی جائزہ لے رہے ہیں، اس کے علاوہ فائرنگ کرنے والے یوسی ناظم رحیم شاہ کے اسلحے کا بھی فرانزک کیا جائے گا۔

    علاوہ ازیں بھینس کالونی میں مبینہ ڈکیت ارشاد کی ہلاکت کے سلسلے میں کراچی پولیس نے مزید تحقیقات کیلئے شہریوں سے مدد طلب کی ہے۔

    پولیس کا کہنا ہے کہ اگر کسی شہری کے پاس جائے وقوعہ کی کوئی وڈیو موجود ہو تو ہمیں فراہم کریں، عینی شاہد سے درخواست کی گئی ہے کہ وہ اپنا بیان ریکاڈر کرائیں، پولیس نے جائے وقوعہ کے اطراف پمفلٹ چسپاں کردیئے، تفتیشی ٹیم نے جائے وقوعہ کا دوبارہ دورہ بھی کیا۔