Tag: ایس ایس پی ایسٹ عرفان بہادر

کراچی: شرقی پولیس نے سی پی ایل سی ملیر کی ٹیم کے ہمراہ سچل گوٹھ میں کارروائی کرتے ہوئے نوجوان مجتبیٰ کے اغواء میں ملوث 2 ملزمان کو گرفتار کر لیا۔

  تفصیلات کے مطابق ایس ایس پی ایسٹ عرفان بہادر نے بتایا کہ گرفتار ملزمان میں عبدالرحمن اور عارف ملک شامل ہیں، گرفتار ملزمان نے 12 دسمبر کو سائٹ سپرہائی وے تھانے کی حدود سے 19 سالہ مجبتی کو گاڑی سمیت اغوا کرلیا تھا۔

حکام کا بتانا ہے کہ ملزمان نے نوجوان کے اہلخانہ رہائی کے عوض 30 لاکھ روپے تاوان طلب کیا تھا ملزمان نے پولیس کو بتانے اور رقم نہ دینے پر نوجوان کے قتل کی دھمکیاں دی تھیں اسی دوران ملزمان نے مغوی کے اہلخانہ سے 13 اور  14 دسمبر کی رات رابطہ کیا اور مغوی کی والدہ سے 12 لاکھ روپے تاوان سچل کے علاقے میں وصول کیے۔

کراچی : گاڑی سمیت اغوا ہونے والا 19 سالہ نوجوان گھر پہنچ گیا

ایس ایس ایسٹ عرفان بہادر نے کہا کہ ملزمان نے رقم کی وصولی اور مغوی مجبتبی کو والدہ کے حوالے کردیا تاہم مغوی کی گاڑی، اسکے موبائل فون اور اس کی والدہ کا موبائل فون بھی اپنے پاس رکھ لیا اور مزید پانچ لاکھ روپے طلب کیے۔

حکام کا کہنا ہے کہ ملزمان مغوی کے اہلخانہ کو مختلف جگہوں پر بلاتے رہے لیکن پولیس کے ڈر سے تاوان کی رقم وصول نہ کرسکے گرفتار ملزمان سے دوپستول، پانچ لاکھ روپے نقد، مغوی اور اسکی والدہ کے موبائل فون برآمد کرلیے گئے۔

کراچی میں 19 سالہ نوجوان کو گاڑی سمیت اغوا کرلیا گیا

پولیس کا کہنا ہے کہ ملزمان سے اغوا کی واردات میں استعمال گاڑی بھی برآمد ہوئی ملزمان کے خلاف غیر قانونی اسلحہ کا مقدمہ درج کر کے مزید قانونی کارروائی کیلئے اے وی سی سی کے حوالے کیا جارہا ہے۔

ایڈیشنل آئی جی کراچی، ڈی آئی جی اور ایس ایس پی ایسٹ نے پولیس پارٹی کیلئے انعام اور تعریفی سنددینے کا اعلان کیا ہے۔

کراچی: سہراب گوٹھ میں غیر قانونی طور پر مقیم غیر ملکیوں کے خلاف آپریشن کے دوران دو درجن سے زائد افراد کو حراست میں لیا گیا ہے۔

تفصیلات کے مطابق کراچی کے علاقے سہراب گوٹھ میں غیر قانونی طور پر مقیم غیر ملکیوں کے خلاف آپریشن جاری ہے ، ایس ایس پی ایسٹ عرفان بہادر نے بتایا کہ سرچ آپریشن کے دوران دو درجن سے زائد افراد کو حراست میں لیا گیا ہے۔

عرفان بہادر کا کہنا تھا کہ آپریشن اس وقت تک جاری رہے گا، جب تک غیر قانونی طور پر مقیم تمام افراد گرفتار نہیں کر لیے جاتے۔

انھوں نے بتایا کہ آپریشن کی میں خود نگرانی کر رہا ہوں ، ایس پی سہراب گوٹھ سمیت پولیس کی بھاری نفری آپریشن میں حصہ لے رہی ہے ، آپریشن میں لیڈی سرچر بھی موجود ہیں، جو گھروں کی خواتین کے کوائف چیک کر رہی ہیں۔

ایس ایس پی ایسٹ نے کہا کہ غیر قانونی طور پر مقیم غیر ملکیوں کے خلاف آپریشن میں چادر اور چار دیواری کا خاص خیال رکھا جا رہا ہے اور آپریشن کسی ایک ملک کے خلاف نہیں بلکہ بلا تفریق کیا جا رہا ہے۔

دوسری جانب کراچی سےغیرقانونی مقیم تارکین وطن کاپہلا قافلہ سخت سیکیورٹی میں چمن روانہ کردیا گیا، چار بسوں پرمشتمل قافلےپر ضلعی انتظامیہ کی جانب سےگُل پاشی بھی کی گئی، کیماڑی کے ڈپٹی کمشنر کیماڑی جنید اقبال نے میڈیا کو بتایا کہ ایک سو بیس افغان باشندوں کو بلوچستان حکومت کےحوالےکیا جائے گا، جنہیں مکمل سیکیورٹی میں چمن بارڈرتک پہنچایا جائے گا۔

خیال رہے پاکستان سے افغان شہریوں کے وطن واپسی کا سلسلہ جاری ہے، غیر قانونی غیرملکیوں کو ڈیڈلائن دینے کے بعد اب ان کا محفوظ انخلا حکومت پاکستان کی اولین ترجیح ہے۔

چمن اور طورخم بارڈر سے روزانہ ہزاروں غیرقانونی افغان باشندوں کی وطن واپس جا رہے ہیں، ایف سی نے افغان حکام سے باہمی اتفاق سے طورخم بارڈر رات گیارہ بجے تک کھلا رکھنے کا فیصلہ کیا۔۔ دو نومبر کو انیس ہزار تین سو چوالیس افغان باشندے اپنے ملک چلے گئے ہیں۔