گورنر سندھ کامران تیسوری نے کہا ہے کہ اسٹریٹ کرائم کے حوالے سے ایس ایچ اوز اپنا قبلہ درست کرلیں۔
گورنر سندھ کامران تیسوری نے چینی قونصل جنرل کے ہمراہ پاک چائنا فرینڈ شپ پارک کا افتتاح کیا۔
اس حوالے سے گورنر سندھ کامران ٹیسوری نے میڈیا سے گفتگو میں کہا ہے کہ آلہ دین پارک میں انکروچمنٹ کو ختم کرکے وہاں بھی پارک بنایا جارہا ہے، مافیا شہر قائد سے اپنا بستر باندھ کر کوچ کریں کیونکہ کراچی میں جہاں جہاں زمینوں پر قبضے ہیں سب ختم کرائے جا رہے ہیں، کراچی کو کلین و گرین بنائنگے۔
گورنر سندھ کامران ٹیسوری نے کہا کہ آج پاک چائنا فرینڈ شپ پارک کا افتتاح کر دیا گیا ہے، چائنا کے نئے سال کے موقع پر کراچی کے شہریوں کی جانب سے چین کے شہریوں کے لئے یہ محبت کا اظہار ہے۔
گورنر سندھ کامران نے کہا کہ چائنا گراؤنڈ سے سینکڑوں ٹن کچرا اور ملبہ اٹھا گیا ہے، اس مقام پر خوب صورت پارک تعمیر کیا جائے گا، جہاں تمام سہولیات مہیا کی جائیں گی، چار ایکڑ پر مشتمل اس پارک کو چین کے ساتھ دوستی کے اظہار کے طور پر ہمیشہ یاد رکھا جائے گا۔
کامران ٹیسوری نے کہا کہ بلڈر مافیا کی نظریں ہے کہ کسی طرح سے پارکوں پر قبضہ کیا جائےکراچی کے لوگ تفریح سے محروم ہوچکے ہیں۔
اسٹریٹ کرائم کے حوالے سے کراچی میں ایس ایچ اوز اور کے الیکٹر اپنا قبلہ درست کرلے۔
گورنر سندھ نے بلدیاتی انتخابات کے ٹرن آئوٹ پر مایوس کا اظہار کرتے ہوئے کہا کہ بلدیاتی انتخابات میں ٹرن آوٹ انتہائی کم رہا، بطور گورنر میرا سیاست میں کام نہیں ہے، لیکن جس طرح شہریوں کو پولنگ کےلئے نکلنا تھا وہ نہیں نکلے۔
